Coruña Infantil – CLICK AQUI

Para acceder a la mejor web que te puede informar de los eventos y noticias para los mas peques solo tienes que hacer CLICK AQUI

Coruña Atrapa – CLICK AQUI

Para acceder a la mejor web que te puede informar de los mejores locales y sitios que visitar en Coruña haz CLICK AQUI

O Concello levará a 50 estudantes de ciclos medios a facer prácticas laborais en empresas de varios países de Europa durante tres meses

O Concello da Coruña convocará no mes de novembro as primeiras 30 prazas do programa Bolsas Europa FP­Proxecto Acoreuropa IV, que permitirá que 50 titulados de ciclos medios de FP poidan facer prácticas de tres meses de duración en empresas de Reino Unido, Irlanda, Italia, Austria, Portugal e Polonia. A …

OFERTA TODOCONSOLAS: 3×2 en Manga y Cómic.

Esta semana en TodoConsolas 3×2 en Manga y Cómic. Combínalos como quieras y llévate gratis el de menor valor. Oferta válida hasta el 28/08/2016 o fin de existencias.

Recent Articles:

O alcalde salienta, na recepción aos e ás rapazas saharauís que participan no programa ‘Vacacións en Paz’, o carácter acolledor da Coruña, “unha cidade que se abre para conformar unha sociedade máis xusta”

agosto 30, 2016 coruna No Comments

O alcalde da Coruña, Xulio Ferreiro, e a concelleira de Igualdade e Diversidade, Rocío Fraga, recibiron no salón de sesións do Pazo de María Pita as e os 11 nenos saharauís que este verán participan en Vacacións en Paz, a iniciativa de acollida temporal a través da cal as e os menores que residen en campos para persoas refuxiadas gozan durante un mes e medio no período estival dunha estancia en casas de familias coruñesas. O rexedor salientou na súa intervención o carácter “aberto, inclusivo e acolledor” da cidade, e lembrou que o Goberno local “comezou hai meses a dar os pasos necesarios” para que a cidade poida acoller, de forma completamente legal, “a todas aquelas persoas que, pola situación de conflicto que viven nos seus lugares de orixe, están sendo obrigadas a marchar dos seus fogares”. “Entre todas e todos estamos a facer unha cidade formada por miles de pequenos fogares abertos, que decidiron non pechar nin as súas portas nin as súas mentes, e están dispostos a conformar unha sociedade máis xusta, tratando de equilibrar a balanza, de arrimar o ombro para axudar a todas aquelas persoas que o están a pasar mal”. “Cremos que é a nosa obriga, e tamén a nosa débeda”, afirmou Ferreiro.

unnamed

“Esta cidade leva tatuadas as migracións. Milleiros dos nosos veciños e veciñas saíron na procura da súa subsistencia ou dos seus soños. Saíron tamén escapando da represión e buscando a liberdade. Hoxe, en todo o mundo, son moitas outras as persoas que, fuxindo do terror, veñen chamar ás nosas portas. Nin a economía nin o desemprego poden valer como escusa para mantelas pechadas”, sinalou o alcalde, quen afirmou que “con vontade todo é posible”. … Leer más

O concelleiro de Culturas salienta a “magnífica resposta da cidadanía a unhas festas que expanden a súa concepción e distribución para chegar e implicar a todo tipo de públicos”

agosto 30, 2016 coruna No Comments

O concelleiro de Culturas, Deporte e Coñecemento, José Manuel Sande, avaliou o luns de xeito “máis que positivo” o resultado das festas de María Pita, que concluíron a súa programación na noite de onte co remate da Romaría de Santa Margarita, unha cita que lle serve para exemplificar a nova proposta do Goberno local do programa festivo, “que se expande na súa concepción para implicar ao conxunto da cidadanía, ao buscarse a pluralidade e a transversalidade, multiplicando a actividade, tentando chegar a públicos diversos desde perspectivas amplas e apostando por equilibrar o legado da cidade con propostas máis innovadoras”. Nese sentido, o responsable municipal saudou hoxe a “magnífica acollida” da nova programación da romaría, que este ano incrementou tanto a súa actividade como o seu radio de acción, ao estenderse na xornada do sábado polas prazas de Lugo, Galicia, Vigo e os xardíns Méndez Núñez, ademais do propio parque, cun amplo número de propostas que tiñan na promoción da cultura tradicional o seu eixe vertebrador. “A oferta cultural da romaría, con actividades para todas as idades, en diferentes ubicacións e cun protagonismo das entidades implicadas na visibilización do folclore, pode servir para dar conta da nosa proposta, que plantexa as festas como unha oportunidade de dar cabida a posibilidade de moi diversa índole, apostando pola creación local e vinculando o lúdico co cultural, o pedagóxico, sen esquencer a atracción que ten para o turismo un programa tan amplo e extenso como o que deseñamos para este ano”, sinala Sande, que menciona tamén a “necesaria racionalización orzamentaria” adoptada polo Concello á hora de elaborar o programa.

Neste sentido, o concelleiro confirma a satisfactoria resposta da veciñanza ao Festival Noroeste Estrella Galicia, que nesta edición consolidou o novo concepto desenvolvido polo Goberno municipal, ao ampliar a seis as súas xornadas, e medrar tamén, tanto en número de escenarios –ao incorporar ata nove emprazamentos para os concertos, distribuídos por espazos singulares da cidade, e sen renunciar á praia de Riazor para as xornadas centrais– e tamén en número de bandas, 60 este ano, con propostas nacionais e internacionais e unha aposta forte pola creación local. “Podemos dicir que o Noroeste consolidou esa idea de cidade viva, efervescente e plural, na que en cada recuncho pasan cousas, que é a que queremos transmitir a toda a programación das festas”, observa Sande. Na mesma liña valora a resposta á liña musical dos festexos, como os concertos agrupados nas Noites de María Pita, que congregaron a máis de 20.000 persoas xa desde a súa primeira cita, o 1 de agosto, con Carlinhos Brown –24.000 persoas–, unha afluencia que se repetiu e mesmo se rebasou noutras citas como a de Loquillo –25.000– ou Carlos Baute, quen, con 27.000 espectadores, colleitou un cheo absoluto. Boa acollida tivo tamén a actividade musical vencellada ao Consorcio da Música, coas actuacións da Sinfónica –nunha proposta innovadora como foi a colaboración coa artista nórdica Ane Brun–, así como a orquestra Nova, a orquestra de Nenos e Nenas e o Coro Novo da OSG e a Banda Municipal na praza de María Pita, destaca o concelleiro, quen fai mención ao resto de citas musicais, desde o Festival de Arraigo ás festas dos barrios, que na segunda metade do mes espallaron a música pola cidade, con propostas que incluíron rock, músicas alternativas ou verbenas e orquestras máis tradicionais. “Se a nosa ambición era poder a chegar a públicos diversos, tanto por idade como por estilos e preferencias, cremos que nestas festas avanzamos nese obxectivo de achegar unha oferta plural, dando espazo a propostas maioritarias, pero tamén a outras que, sen selo, resultan igualmente interesantes”, sinala o responsable de Culturas, quen tamén subliña a “aposta decidida do Concello pola programación nos barrios máis alá do musical”, con obradoiros, propostas escénicas e espazo para a educación ambiental e as actividades infantís, lúdicas e pedagóxicas, entre outras. … Leer más

O CMIX mantén aberto ata o 2 de setembro o prazo para presentarse ao concurso fotográfico Viaxarte

agosto 29, 2016 coruna No Comments

A Concellaría de Participación e Innovación Democrática, a través do Centro Municipal de Información Xuvenil, CMIX, mantén aberto ata o vindeiro venres, día 2 de setembro, ás 13.00 horas, o prazo de admisión de fotografías dentro da XIII edición do concurso Viaxarte, destinado a mozas e mozos de entre 15 e 30 anos. As propostas teñen que estar relacionadas coa temática viaxeira. A mellor fotografía e a mellor serie fotográfica serán premiadas con viaxes ás principais capitais europeas, e o conxunto de traballos presentados ao concurso serán expostos a partir de outubro no Fórum Metropolitano.

Tal e como indican desde o CMIX, o xurado valorará a proposta expresiva, a corrección técnica e a capacidade evocadora da viaxe. As fotografías deberán presentarse nos rexistros municipais (María Pita, Fórum Metropolitano ou Ágora) e as bases pódense consultar na páxina web www.coruna.es/viaxarte , ou no teléfono 981 184 294.

O centro Ágora e o Fórum ofrecerán a partir de setembro 90 obradoiros, dentro do programa de lecer deste outono

agosto 29, 2016 coruna No Comments

Os centros Ágora e Fórum Metropolitano ofrecerán, a partir do 26 de setembro, as novas actividades vinculadas ao programa de lecer deste outono, un total de 90 obradoiros dirixidos a un público de mais de 16 anos, con actividades de temáticas tan variadas coma a historia e a arte, a arquitectura, o teatro ou a literatura, o cine ou novas disciplinas como o mindfulness. No apartado práctico ofreceranse obradoiros de escritura en blog, webseries ou clown, ademais de música, astronomía, meteoroloxía ou fotografía, e haberá tamén talleres de cociña personalizados no centro Ágora. Manterse ademais a aposta pola creatividade manual e as propostas dirixidas especificamente para maiores de 65 anos, con obradoiros de actividade motriz, corpo, danza. Tamén haberá monográficos, que este ano dedicaranse á figura de Miguel de Cervantes. A oferta complétase con actividades infantís e para adolescentes, os sábados.

En palabras do concelleiro de Culturas, Deporte e Coñecemento, o programa compón “unha proposta innovadora, con actividades que impulsan a formación con accións culturalmente enriquecedoras, e dando utilidade aos recursos dos que dispón a cidade, na busca, ademais, dun incremento da demanda cultural, e promovendo a convivencia e a sociabilidade das persoas participantes”. Cada obradoiro ten un custe de 30 euros, agás para as persoas maiores de 65 anos, que aboarán 21 euros. O inicio das actividades terá lugar o luns 26 de setembro e os obradoiros comezarán cun mínimo de 12 participantes. A preinscrición realizarase os días 5, 6 e 7 en cada un dos centro (tanto Ágora como Fórum), en horario de 09.00 a 14.00 horas e de 16.00 a 20.00 horas, e tamén será posible realizar a inscrición telemática. O sorteo terá lugar o venres, 9 de setembro, ás 12.00 horas, e as listas de obradoiros adxudicados publicaranse o luns, 12. O prazo para formalizar

a inscrición estará aberto ata o día 14 e esa semana, entre os días, 16 e 17, comunicaráselle ás persoas da lista de espera correspondente formalicen a súa inscrición (entre os días 19 e 20). A partir do 21 de setembro poranse a disposición as prazas vacantes.

A Concellería de Igualdade subscribe convenios con 36 entidades sen ánimo de lucro por 650.000 euros, “centrados en visibilizar as diversidades e os colectivos minorizados”

agosto 28, 2016 coruna No Comments

A Concellería de Igualdade e Diversidade, dirixida por Rocío Fraga, está a subscribir convenios con entidades sen ánimo de lucro ­­centradas especialmente no ámbito das diversidades funcionais e a integración, así como no traballo con colectivos minorizados­­ por valor de 650.000 euros. Estas axudas están contempladas no anexo de subvencións nominativas do Orzamento Municipal para este 2016. Segundo explicou este venres a responsable municipal en rolda de prensa, en total asinaránse 36 convenios, existindo dúas novas entidades beneficiarias, como son Centro de Estudos de Xénero e Feministas (CEFEX) da Universidade da Coruña, e a Fundación Emalcsa.

unnamed

“O 55,56% destes convenios, máis da metade, correspóndense coa aplicación do denominado Plan Municipal para Persoas con Discapacidade, que representan casi o 63% do orzamento total destinado a subvencións nominativas desta concellería”, comentou Fraga, quen incidiu no compromiso do Concello en que A Coruña sexa unha cidade sen barreiras, adaptada ás distintas diversidades da poboación. “Preto da metade de convenios xa veñen de ser asinados, mentres que os que restan están en fase de fiscalización, e serán proximamente subscritos. Servirán para financiar actividades que se desenvolverán ao longo do ano ou se vaian a levar a cabo ata decembro, dentro da aplicación do Plan municipal para Persoas con Discapacidade e dentro do ámbito da sociedade diversa”, expuxo. “Case todos os convenios que estamos a asinar son de continuidade. Isto é debido a que é necesario colaborar con moitas entidades especializadas que están a traballar, alí onde a administración non chega”, indicou a concelleira. … Leer más

ENCUESTA SEMANAL

¿Te gusta la nueva web?

Loading ... Loading ...