Coruña Infantil – CLICK AQUI

Para acceder a la mejor web que te puede informar de los eventos y noticias para los mas peques solo tienes que hacer CLICK AQUI

Coruña Atrapa – CLICK AQUI

Para acceder a la mejor web que te puede informar de los mejores locales y sitios que visitar en Coruña haz CLICK AQUI

O Concello levará a 50 estudantes de ciclos medios a facer prácticas laborais en empresas de varios países de Europa durante tres meses

O Concello da Coruña convocará no mes de novembro as primeiras 30 prazas do programa Bolsas Europa FP­Proxecto Acoreuropa IV, que permitirá que 50 titulados de ciclos medios de FP poidan facer prácticas de tres meses de duración en empresas de Reino Unido, Irlanda, Italia, Austria, Portugal e Polonia. A …

OFERTA DE LA SEMANA: Llévate un iPhone 6/6S/6 Plus/6S Plus de Segunda Mano con un descuento de 50€ sobre el precio marcado

Esta semana en TodoConsolas, llévate un iPhone 6/6S/6 Plus/6S Plus de Segunda Mano con un descuento de 50€ sobre el precio marcado. Oferta válida hasta el 2/10/2016 o fin de existencias.

Recent Articles:

José Manuel Sande salienta o “carácter integrador” da décima edición da Coruña10, na que destaca o aumento da participación de mulleres en todas as categorías

octubre 1, 2016 coruna No Comments

O concelleiro de Culturas, Deporte e Coñecemento, José Manuel Sande, presentou no Pazo de María Pita a décima edición da carreira popular Coruña10. A proba, que se disputará o próximo domingo 9 de outubro, contará por primeira vez con atletas en cadeira de rodas. “É unha aposta ambiciosa e necesaria”, sinalou Sande, quen destacou que o executivo local “dá continuidade” así a liña de traballo “de promover o deporte adaptado e dotar dun carácter integrador á actividade deportiva”, posta en marcha pola súa área nas últimas edicións do medio maratón C21 e o Maratón Coruña42. “Para este Goberno é fundamental visualizar a compatibilidade das dimensións saudable e lúdica do deporte coa competitiva, como vén facendo ao longo de todo o ano no Circuíto Coruña Corre, así como fomentar a integración das múltiples diversidades a través da súa práctica”, dixo.

unnamed

Neste sentido, o edil fixo especial fincapé tamén no aumento da participación feminina na proba, que nesta edición, na categoría absoluta, supón o 25% das inscricións, fronte ao 20% do ano pasado ou 18% do ano 2014. “O deporte feminino, así como o de base, é unha aposta fundamental deste executivo”, sinalou o responsable municipal, quen saudou o fito que, no décimo aniversario de Coruña10, o número de mulleres inscritas nas categorías inferiores supere ao de homes. “Obsérvase unha clara tendencia positiva nos últimos tempos, o número de participantes femininas vai i n crescendo”, afirmou Sande, quen avanzou que o traballo da área de Deportes en canto ao fomento do deporte feminino desde idades tempranas continuará nesta liña. … Leer más

O Goberno local reafirma a súa vontade coa promoción e mellora na transmisión da lingua galega coa aplicación do programa Apego

octubre 1, 2016 coruna No Comments

O Goberno local reafirmou esta semana o seu compromiso co fomento e mellora da transmisión da lingua galega coa posta en marcha do programa Apego, unha iniciativa intermunicipal dirixida a familias con menores de 6 anos, que procura aumentar a porcentaxe de nenos e nenas que adquiren o galego como lingua inicial, así como arroupar o seu uso, de maneira naturalizada, no proceso de socialización na infancia. Desde que o executivo coruñés anunciou a súa adhesión o pasado mes de abril, trinta familias coruñesas mostraron o seu interese en incorporar o galego na crianza das súas fillas e fillos. A partir da súa adhesión ao programa, estas reciben periódicamente propostas para que as e os menores se acheguen á lingua e á cultura galegas con naturalidade desde as primeiras idades.

Así, entre as primeiras accións programadas polo Concello para que as nenas e nenos de ata 6 anos poidan aprender e relacionarse en galego, atópanse iniciativas gratuítas como os obradoiros de nanas tradicionais Arrolos de Salitre, con Xabier Díaz e Guillerme Fernández, ou os Canta contos para bebés con Pablo Díaz. Nos próximos días abrirase o prazo de inscrición para outras actividades que terán lugar nos meses de outubro e novembro. … Leer más

O Concello organiza este domingo a primeira edición dun novo mercado quincenal de produtos ecolóxicos e de proximidade no Campo da Leña

septiembre 30, 2016 Conciertos No Comments

A Concellería de Emprego e Economía Social, que dirixe o edil Alberto Lema, organiza este domingo, entre as 11.00 e as 20.00 horas, a primeira edición do novo mercado de produtos ecolóxicos e de proximidade que se desenvolverá no Campo da Leña en domingos alternos (primeiro e terceiro do mes). O obxectivo, adianta o concelleiro, pasa por “dinamizar o sector e potenciar na cidade a agricultura ecolóxica e o comercio que ofrece este tipo de produtos, fomentando nas persoas consumidoras dinámicas de compra máis responsable, sostible e de proximidade”. A feira estará composta, nesta primeira xornada por unha vintena de postos, dos que a metade contan coa certificación do Consello Regulador de Agricultura Ecolóxica, ademais dun 25% de vendedores e vendedoras de produtos ecolóxicos procedentes da cidade e outro 25% de produtos de proximidade. O número de expositores poderá medrar nas sucesivas edicións.

O Concello inviste nesta iniciativa un orzamento de 18.000 euros, dentro das accións que desenvolve para a dinamización comercial, como os mercadillos urbanos de promoción do comercio de barrio, o último dos cales terá lugar esta fin de semana –o sábado, día 1, entre as 12.00 e as 20.00 horas– na explanada de Riazor, despois de celebrarse en Eirís, nos Rosales e Elviña nas últimas semanas. Como en edicións anteriores, esta iniciativa contará con distintos actos de animación para completar a actividade comercial.

Tamén esta fin de semana terá lugar no mercado das Conchiñas o segundo dos obradoiros gastronómicos infantís que o Concello desenvolve nas distintas prazas de abastos municipais, no obxectivo de dinamizar estes espazos e potenciar os bos hábitos alimentarios entre os e ás pequenas participantes, ademais de achegalos aos produtos de proximidade e de calidade que ofrece un mercado. Os talleres están divididos en dúas quendas en función da idade, e o deste sábado irá dirixido a participantes de entre sete e doce anos. A semana vindeira, a acción trasladarase ao mercado de San Agustín: o sábado 8 de outubro haberá taller para o grupo 1 (nenos e nenas de catro a seis anos), e o día 15, para o grupo de mais idade. O seguinte mercado en acoller esta iniciativa será o de Elviña, cun taller o sábado 22 para o grupo de menores e ao seguinte, día 29, para os nenos e nenas de entre 7 e 12 anos. Xa en novembro, os obradoiros chegarán ao mercado Eusebio da Guarda (praza de Lugo), os días 5 e 11, mentres que o mercado de Monte Alto celebrará os seus obradoiros infantís os días 19 e 26. A actividade celébrase en horario de 11.00 a 13.30 horas. Para participar, as persoas interesadas deberán cubrir unhas fichas de inscrición que están dispoñibles nas conserxerías dos mercados. As prazas adxudicaranse por orde de inscrición.

A concelleira de Xustiza Social anuncia que a Renda Social Municipal poderá empezar a solicitarse a partir de mañá venres, “no camiño a unha cidade onde todas as persoas teñan as súas necesidades máis básicas cubertas”

septiembre 30, 2016 coruna No Comments

A concelleira de Xustiza Social e Coidados, Silvia Cameán, confirmou este xoves que a partir de mañá, venres, as veciñas e veciños da Coruña poderán solicitar a Renda Social Municipal, a prestación económica impulsada polo Goberno local que permitirá ás persoas en situación de vulnerabilidade dispoñer dunha cobertura para as súas necesidades máis básicas, ao tempo que acceden a itinerarios de inclusión activa. “A Renda Social é hoxe unha realidade. Chegar até aquí non foi fácil, xa que tivemos moitas dificultades para conseguir ter esta ordenanza no seu estado actual, pero fixémolo posible”, salientou Cameán, reafirmando o compromiso do Goberno local por conseguir “unha cidade onde todas as persoas teñan as súas necesidades máis básicas cubertas e onde todas poidan vivir cun mínimo dedignidade”. “NonesquecemosnenesqueceremosparaqueestamosenmaríaPitaeesteéun dos exemplos”, incidiu.

unnamed

Tal e como expuxo, as persoas que estean interesadas en percibir esta prestación poderán informarse a partir de mañá en cada un dos centros cívicos da cidade, e igualmente nas Unidades de Atención Social, no servizo de información telefónica 010 e a través da nova web habilitada, www.rendasocialcoruna.es , onde se recollen todas as características desta axuda, así como os requisitos necesarios para ter acceso a ela e toda a información sobre os pasos a seguir, os formularios e a propia ordenanza que regula a prestación. “Entendemos que é de vital importancia que os veciños e veciñas coñezan moi ben cal é o funcionamento e coñeza o resto da información”, salientou a responsable municipal, indicando que todos os espazos municipais, así como a UAMI (a Unidade de Atenciónas ás Migracións), as Unidades de Atención Social e incluso os centros de saúde da cidade contarán con folletos informativos. Igualmente, o Concello ten preparada unha guía de cara a trasladar toda a información á veciñanza de forma “breve, clara e directa”, na que se detallan os aspectos máis relevantes da Renda Social Municipal, como o perfil das persoas. … Leer más

O Centro Cívico de Novo Mesoiro acolle este sábado, 1 de outubro, un novo encontro participativo ‘Dillo ti’

septiembre 30, 2016 coruna No Comments

O Concello da Coruña celebrará este sábado, 1 de outubro, o sexto encontro Dillo ti. Conversas co alcalde e o goberno municipal, o programa de xuntanzas abertas entre a veciñanza e o executivo local que se celebran en distintos barrios da Coruña. Esta canle de participación directa, posta en marcha o pasado 30 de xuño no Centro Cívico de San Diego, ten como obxectivo crear espazos nos que a cidadanía poida conversar, sen intermediación, co seu Goberno, así como trasladar as súas demandas e inquedanzas, de xeito que sexan respondidas no mesmo encontro polos responsables municipais.

Tras visitar os barrios dos Castros, Palavea, Monte Alto, Os Mallos e Agra do Orzán, a nova xuntanza do Dillo ti, terá lugar este sábado, ás 12.00 horas, no Centro Cívico de Novo Mesoiro. Como vén sendo habitual, o encontro, dunha duración aproximada de 90 minutos, contará cun servizo de conciliación, que permite ás persoas con nenas ou nenos ao cargo asistir á cita, e outro de tradución á linguaxe de signos.

Os vindeiros Dillo ti terán lugar noutros barrios da cidade. Así, o 5 de novembro os membros do Goberno municipal atoparanse coa veciñanza en Elviña, mentres que o 3 de decembro farán o propio na Cidade Vella. Toda a información destas xuntanzas está dispoñible na web municipal, no enlace www.coruna.es/conversascoalcalde,así como os vídeo resumos de cada unha delas, que se poden ver na canle oficial do Concello na plataforma Vimeo www.vimeo.com/concellocoruna.

Por outra banda, mañá xoves 29, terá lugar o encontro presencial aberto á cidadanía en relación ao proceso participativo posto en marcha polo Concello para definir os usos do parque de Bens. Nesta xuntanza, que terá lugar ás 18.00 horas no Centro de Emprego dos Rosais, porase en común toda a información recollida nas últimas semanas a través dos encontros con entidades e persoas usuarias do parque, entre os que se atopa o colectivo infantil, coa finalidade de promover o intercambio de reflexións e traballar en común nas alternativas e propostas de uso que pode albergar este espazo verde, como o deportivo, educativo ou área de esparcemento canino.

As persoas que acudan a este evento poderán facer as súas propostas sobre os usos do parque de Bens. Para participar neste acto só é necesario inscribirse no teléfono municipal 010 ou na dirección web www.coruna.es/aportaaberta

ENCUESTA SEMANAL

¿Te gusta la nueva web?

Loading ... Loading ...