Coruña Infantil – CLICK AQUI

Para acceder a la mejor web que te puede informar de los eventos y noticias para los mas peques solo tienes que hacer CLICK AQUI

Coruña Atrapa – CLICK AQUI

Para acceder a la mejor web que te puede informar de los mejores locales y sitios que visitar en Coruña haz CLICK AQUI

O Concello levará a 50 estudantes de ciclos medios a facer prácticas laborais en empresas de varios países de Europa durante tres meses

O Concello da Coruña convocará no mes de novembro as primeiras 30 prazas do programa Bolsas Europa FP­Proxecto Acoreuropa IV, que permitirá que 50 titulados de ciclos medios de FP poidan facer prácticas de tres meses de duración en empresas de Reino Unido, Irlanda, Italia, Austria, Portugal e Polonia. A …

OFERTA TODOCONSOLAS: POWER BANK XIAOMI POR SOLO 9€

OFERTA TODOCONSOLAS: POWER BANK XIAOMI POR SOLO 9€

Recent Articles:

O BNG advírtelle á Marea Atlántica que a baixada de prezos do bus non é a solución aos problemas transporte público

septiembre 25, 2018 coruna Comentarios desactivados en O BNG advírtelle á Marea Atlántica que a baixada de prezos do bus non é a solución aos problemas transporte público

O BNG sinala que a baixada de prezos do bus non é máis que unha medida efectista da Marea Atlántica para neutralizar as críticas pola súa inacción en materia de mobilidade.

Desde o Bloque entenden que non se trata só de baixar o prezo e de aumentar tres liñas: hai que reordenar as liñas para os barrios, a universidade e outros centros de estudos, os polígonos industriais, os grandes centros de traballo e os diferentes centros sanitarios; cómpre tamén que o bus teña espazos prioritarios para circular, nun carril bus; e é preciso que tanto as frecuencias como os horarios se adapten á realidade das maiorías sociais da cidade comezando antes o servizo e rematando máis tarde do que o fai actualmente.

“Hoxe en día os grandes centros de traballo e os polígonos industriais da nosa cidade non teñen conexión escasa desde os barrios, como tampouco os centros de estudos -como os institutos de FP, Conservatorio, Escola de Idiomas e UNED- e a universidade, os centros sanitarios igualmente -pensemos non só no CHUAC senón tamén no Ventorrillo, o Abente e Lago, o Materno, o Oncolóxico ou no Hospital de Oza-, e segue habendo barrios aos que só chega un bus”, salienta a voceira nacionalista Avia Veira. … Leer más

O alcalde salienta que a baixada do billete do bus urbano “é posible, legal e de xustiza”, logo que de os prezos se incrementasen máis dun 30% en plena crise

septiembre 25, 2018 Trafico Comentarios desactivados en O alcalde salienta que a baixada do billete do bus urbano “é posible, legal e de xustiza”, logo que de os prezos se incrementasen máis dun 30% en plena crise

O alcalde da Coruña, Xulio Ferreiro, amosou este luns a súa confianza en que a Comisión de Prezos da Xunta de Galicia dea luz verde á rebaixa das tarifas do autobús urbano que a Xunta de goberno local aprobará esta semana. O rexedor recordou que o traballo de fiscalización da concesión da Compañía de Tranvías realizado polo actual executivo levou a determinar ao Concello, co respaldo da propia Comisión Nacional da Competencia, que se estaba a producir un beneficio excesivo que podía traducirse en melloras na prestación do servizo así como, do mesmo xeito que propón o executivo municipal, un abaratamento do billete. “Cremos que, dentro do actual contrato, e pola adaptación do mesmo á normativa europea, é necesario axustar a tarifa ao beneficio razoable. Temos informes económicos e xurídicos que avalan esta baixada, que se propón dentro da absoluta legalidade”, dixo, á vez que engadiu que “por todo isto, non vemos nada que impida á Comisión de Prezos dar o visto bo a esta rebaixa”. “Até o de agora nunca houbo ningún informe negativo deste órgano, o normal sería que se lle dera a luz verde”, indicou.

O alcalde fixo fincapé en que será a primeira vez que A Coruña rexistre unha baixada nas tarifas do bus urbano. “Por poñer un exemplo, entre 2007 e 2015, os prezos do billete medraron un 33%. Un 33% nos peores anos da crise, onde creo que os soldos dos e das veciñas non medraron nesa porcentaxe. Creo que é de xustiza facer esta rebaixa, creo que hai marxe para facelo, que é legal e que damos un paso máis na adaptación deste servizo ao dereito comunitario”, manifestou.

… Leer más

O Concello celebra o 35o aniversario do COF cunha programación de actividades que afonda no labor educativo e informativo “dun espazo de referencia para a saúde afectivo-sexual”

septiembre 25, 2018 coruna Comentarios desactivados en O Concello celebra o 35o aniversario do COF cunha programación de actividades que afonda no labor educativo e informativo “dun espazo de referencia para a saúde afectivo-sexual”

O Centro de Planeamento Familiar da Coruña (COF) celebrará, no último cuadrimestre deste ano, o 35o aniversario da súa posta en marcha como servizo de referencia na atención á saúde sexual e reprodutiva na cidade. O espazo, creado polo Concello da Coruña no ano 1983 e que a administración local xestiona a través dun convenio que mantén co Servizo Galego de Saúde (Sergas), ofrecerá un extenso programa de actividades aberto a todos os públicos “co obxectivo de visibilizar e reivindicar o labor do centro, especialmente o seu traballo tanto no eido educativo como informativo”, segundo explicou este luns a concelleira de Igualdade e Diversidade, Rocío Fraga. “O COF é un dos espazos de referencia na cidade en relación á educación e divulgación informativa de saúde afectiva sexual e debemos coidalo, a pesares dos múltiples recortes que veñen sufrindo todos os servizos vinculados á sanidade pública, en especial na saúde afectivo-sexual e reprodutiva e, en concreto, a das mulleres”, sinalou Fraga, quen lembrou que o centro da rúa Tui vén denunciando desde 2012 “unha importante sobrecarga nas atencións xinecolóxicas ante o peche deste servizo no centro de planeamento do Ventorrillo”.

5

Dentro da programación que terá lugar no marco do 35o aniversario da posta en marcha do centro, e que inclúe faladoiros, contacontos, concertos ou obradoiros, a concelleira destacou a recuperación do programa Tarde Xove,​ “programa que foi retirado no ano 2009 polo Sergas e que tiña un papel moi importante á hora da prestación de servizos de atención á poboación xuvenil da Coruña, nun momento, ademais, no que o 25% de todas as consultas contabilizadas no COF eran de menores de 20 anos”. “Aínda que non teñamos competencia para recuperar o servizo de atención xinecolóxica, a partires de outubro poñeremos en marcha este programa a través de obradoiros para dar cobertura á unha franxa de idade, como é a mocidade, que demanda especialmente información sanitaria e afectiva”, expuxo a edil, quen avanzou que os talleres se ofrecerán nas tardes dos mércores e xoves no propio centro no último trimestre deste ano. “Abordaranse temáticas como a relación entre sexo e sexualidade, a diversidade sexual e as identidades de xénero, o pracer e o desexo, entre outras”, explicou Fraga, quen avanzou que darase a posibilidade de asistir ao obradoiro completo ou ben específicos sobre cuestións particulares.

… Leer más

O PSOE critica “o retraso na xestión por parte do Concello da Coruña” das becas comedor deste curso para as familias con ingresos reducidos

septiembre 25, 2018 Ayuntamiento Comentarios desactivados en O PSOE critica “o retraso na xestión por parte do Concello da Coruña” das becas comedor deste curso para as familias con ingresos reducidos

Os socialistas criticaron “o retraso na xestión por parte do Concello da Coruña” das becas comedor deste curso académico 2018/2019 para as familias con ingresos reducidos.

“O curso comezou o día 12 e ata este venres pasado non saíron as primeiras listas de adxudicación, que non son definitivas, polo que ata ben entrado outubro non estará listo o proceso”, asegurou en rolda de prensa Antonio Álvarez, secretario provincial de Educación do PSdeG. … Leer más

O Plan Único da Deputación inviste este ano 6,1 millóns de euros na mellora de servizos básicos da comarca coruñesa

septiembre 25, 2018 coruna Comentarios desactivados en O Plan Único da Deputación inviste este ano 6,1 millóns de euros na mellora de servizos básicos da comarca coruñesa

O Plan Único (POS+2018) da Deputación da Coruña destina este ano un total de 6.144.026,39 euros para realizar 59 obras de mellora de camiños municipais e das redes de saneamento e abastecemento de auga nos concellos das Coruña e As Mariñas.

Este tipo de investimentos foron os máis solicitados polos concellos desta zona, dentro do novo plan provincial. Dos 19,2 millóns de euros que destina o Plan Único á comarca en 2018, as obras de pavimentación, acondicionamento de camiños e saneamento supoñen unha porcentaxe de preto do 32%.

En canto a número de obras, a porcentaxe é aínda máis elevada, xa que das 79 obras que se executan na comarca con cargo ao POS+2018, 59 (o 75%) pertencen a estas categorías. … Leer más