Coruña Infantil – CLICK AQUI

Para acceder a la mejor web que te puede informar de los eventos y noticias para los mas peques solo tienes que hacer CLICK AQUI

Coruña Atrapa – CLICK AQUI

Para acceder a la mejor web que te puede informar de los mejores locales y sitios que visitar en Coruña haz CLICK AQUI

O Concello levará a 50 estudantes de ciclos medios a facer prácticas laborais en empresas de varios países de Europa durante tres meses

O Concello da Coruña convocará no mes de novembro as primeiras 30 prazas do programa Bolsas Europa FP­Proxecto Acoreuropa IV, que permitirá que 50 titulados de ciclos medios de FP poidan facer prácticas de tres meses de duración en empresas de Reino Unido, Irlanda, Italia, Austria, Portugal e Polonia. A …

OFERTA TODOCONSOLAS: 3X2 EN JUEGOS WII Y WII U

OFERTA TODOCONSOLAS: 3X2 EN JUEGOS WII Y WII U

Recent Articles:

A Deputación da Coruña colaborará na difusión da obra teatral de Manuel María

agosto 15, 2018 coruna Comentarios desactivados en A Deputación da Coruña colaborará na difusión da obra teatral de Manuel María

A Deputación da Coruña e a Fundación Manuel María de Estudos Galegos formalizaron un protocolo de programación polo que ambas institucións acordaron colaborar conxuntamente na difusión e posta en valor do legado teatral do escritor chairego. O acordo establece a futura convocatoria do Certame Manuel María de Proxectos Teatrais.

A vicepresidenta e responsable da área de Cultura da Deputación da Coruña, Goretti Sanmartín, e a presidenta da Fundación Manuel María, Saleta Goi, rubricaron esta mañá un protocolo de colaboración que ten por obxecto afondar e divulgar a grande cantidade de obras teatrais que deixou escritas Manuel María

O documento asinado está maña na sede da institución provincial, establece a  creación do Certame Manuel María de Proxectos Teatrais.

Un concurso que, dirixido ás compañías profesionais do mundo do Teatro e dotado cun premio de 2.000 euros, premiará a mellor proposta escénica dalgunha das 36 pezas dramáticas que deixou escritas o autor homenaxeado co Día das Letras Galegas 2016

A vicepresidenta e responsable da área de Cultura da Deputación da Coruña, Goretti Sanmartín, destacou que este acordo “permitirá á sociedade coñecer a grande capacidade que atesouraba Manuel María como dramaturgo” pois, engadiu, a “súa xenialidade como poeta deixou nun segundo plano a súa extraordinaria capacidade como escritor de teatro”.

Mediante este protocolo, a institución provincial comprométese a promover unha programación teatral na que se incluirán até tres representacións da obra que resulte gañadora no Certame Manuel María de Proxectos Teatrais, contribuíndo deste xeito á difusión da obra.

O goberno local dá luz verde ao proxecto do Deportivo para a instalación de novo alumeado nas bancadas e no campo de Riazor, que complementa a renovación e mellora das cubertas que acomete o Concello

agosto 15, 2018 coruna Comentarios desactivados en O goberno local dá luz verde ao proxecto do Deportivo para a instalación de novo alumeado nas bancadas e no campo de Riazor, que complementa a renovación e mellora das cubertas que acomete o Concello

​A Xunta de goberno local de carácter extraordinario que se celebrará aprobará o proxecto do Deportivo da Coruña polo que a entidade deportiva abordará a instalación dun novo alumeado no campo e nas bancadas do estadio municipal de Riazor, espazo que o equipo usa de xeito gratuíto en base a un convenio coa administración local que se reforzou o ano pasado. Esta obra vén a complementar a intervención que neste momento está a desenvolver o Concello no estadio e que consiste na renovación e mellora das cubertas do recinto. “Coa aprobación deste proxecto, que chega aos 1,6 millóns de euros (IVE incluído), a cidadanía poderá gozar nuns meses dun estadio de Riazor moi renovado e no que se abordaron moitas das necesidades estruturais do recinto, que cada dúas semanas acolle a miles de veciños e veciñas desta cidade”, comentou o concelleiro de Culturas e Deporte, José Manuel Sande.

O acordo acadado en xuño do pasado ano entre Concello e Deportivo da Coruña, e que se plasmou nunha addenda no convenio existente (que databa do ano 2000), establecía unha serie de obrigas que reforzaría a colaboración entre ambas entidades en temas como o fomento do deporte base, a promoción da imaxe da cidade e a renovación de infraestruturas en Riazor. A administración local comprometeuse a, con cargo ao orzamento municipal, acometer as obras de renovación da cuberta do estadio, a fin de dotar a infraestrutura da calidade e a seguridade requiridas. Pola súa banda, o club acordou realizar no estadio obras complementarias ás abordadas polo goberno local para a mellora da imaxe do recinto. “Así, e logo de que o proxecto do Deportivo recibise o informe favorable do servizo de edificación, a Xunta de goberno local deste xoves autorizará ao club a execución das obras, que contarán coa supervisión municipal”, indicou Sande. “O proxecto autorizado será executado polo Deportivo, e o Concello non asumirá, neste caso, ningunha responsabilidade subsidiaria ante terceiros. Non obstante, a sociedade deportiva terá que acatar, en todo momento, as instrucións que deriven do traballo de inspección municipal que se levará a cabo”, indicou o titular de Deportes.

“É unha moi boa noticia para a cidadanía o feito de que, ademais das importantes obras de renovación das cubertas, vaiamos a ampliar e complementar a actuación cun proxecto de entidade, que contribuirá á mellora da promoción da cidade”, resumiu o responsable municipal.

O dispositivo de seguridade do disparo pirotécnico da Batalla Naval limitará o tránsito en distintos treitos das rúas Matadoiro, Santa Teresa, Cantábrico e Adelaida Muro

agosto 14, 2018 Fiestas Comentarios desactivados en O dispositivo de seguridade do disparo pirotécnico da Batalla Naval limitará o tránsito en distintos treitos das rúas Matadoiro, Santa Teresa, Cantábrico e Adelaida Muro

A enseada do Orzán acollerá hoxe, a partires das 23.00 horas, o disparo pirotécnico da Batalla Naval, o espectáculo de fogos de artificio que lembra a vitoria da cidadanía coruñesa, liderada por María Pita, fronte á armada inglesa baixo os mandos do pirata Drake. Con motivo desta celebración, cuxo acto terá unha duración estimada de 25 minutos, e nos que se empregarán 840,86 kgs de elementos pirotécnicos, o Concello da Coruña despregará un dispositivo especial de cara a garantir a seguridade tanto do público asistente como da veciñanza que se poida ver afectada polo lanzamento dos fogos de artificio, que se fará, como é habitual, tanto desde as Esclavas como o mirador situado na Finca dos Mariño.

Así, desde o pasado venres, o goberno local está a trasladar á veciñanza ás restricións ao tránsito tanto peonil como rodado que se producirán durante a celebración do espectáculo na noite de mañá, e que afectará principalmente a un espazo delimitado entre as rúas Matadoiro (en particular entre os números 68-78), Cantábrico e Santa Teresa (ambas as dúas, dende Matadoiro até Adelaida Muro), así como Adelaida Muro (desde Cantábrico até Santa Teresa). O perímetro no que restrinxirá o uso do espazo público vén delimitado pola instrución da Subdelegación do Goberno, polo que non se poderá transitar nas inmediacións destas vivendas durante os 25 minutos de duración do espectáculo. Ademais, as restricións tamén afectarán aos locais de hostalería situados nesta zona, que non poderán ter obxectos no exterior durante, como mínimo, dúas horas antes do inicio do disparo (21.00) até unha hora despois de rematar o mesmo (00.30).

Xunto á comunicación das instrucións da Subdelegación do Goberno, o Concello está a remitir á veciñanza da zona afectada polas restricións unha carta con indicacións preventivas vinculadas á celebración de espectáculos pirotécnicos, coa finalidade que a cidadanía poida gozar, da maneira segura, da Batalla Naval. Deste xeito, os servizos de seguridade municipais recomendan evitar deixar roupa colgada ou obxectivos cara ao exterior, para evitar posibles combustións de restos do material pirotécnico, así como non achegarse ás xanelas para ver o espectáculo, posto que as ondas sonoras poden provocar a rotura de cristais.

O Concello recomenda, ademais de seguir en todo momento as instrucións do persoal de seguridade e emerxencias, respectar as barreiras de seguridade establecidas pola organización do evento así como evitar achegarse aos puntos nos que se produce o disparo. A este respecto, os corpos de emerxencias salientan que a mellor vista dos fogos é, como mínimo, a 100 metros de distancia en adiante. Os servizos de seguridade tamén recomendan asistir ao lugar desde o que se presenciará o espectáculo con antelación, polo menos 30 minutos antes do comezo e, no caso de asistir con nenas ou nenos –cómpre evitar carriños ou similares, pola súa propia seguridade–, convén chegar cedo para poder situalas e situalos xunto á barreira de seguridade. Destacan tamén a importancia de deixar as mascotas na casa, debido ao seu ouvido sensible ás explosións, que adoitan ser desagradables para elas.

A carta do Concello tamén sinala que os fogos artificiais poden ocasionar queimaduras ou lesións, e que, por mor do vento, poden caer restos de cinzas. No caso de que algunha destas se introduza nos ollos, cómpre enxaugalos con auga abundante. No caso de sufrir algunha ferida durante o espectáculo, ou de sufrir lipotimias ou mareos, cómpre falar co persoal de asistencia sanitaria, que se situará ao longo da barreira de seguridade. Finalmente, os servizos de emerxencias lembran que, aínda que é pouco habitual que ocorra, pode caer algún compoñente do fogo artificial preto das espectadoras ou espectadores. Neste caso, é fundamental non manipulalo nin empurralo co pé, xa que se pode reactivar e estourar, polo que é necesario avisar,

inmediatamente, ao persoal de seguridade.

Transporte nocturno

O goberno local da Coruña estableceu, co gallo da celebración das Festas de María Pita 2018, un dispositivo especial do servizo de transporte público, co obxectivo de favorecer o seu uso por parte da veciñanza durante os principais eventos, como é o caso da Batalla Naval. Así, despois do disparo pirotécnico, a partires das 00.30 horas, comezará o servizo nocturno desde o Obelisco, que durante a primeira hora de servizo reducirá a súa frecuencia a tan só 15 minutos. Xa desde as 01.30 horas, quedarán dous buses en servizo, cunha frecuencia de 30 minutos. A última saída do autobús nocturno, como é habitual en festivos e fins de semana, terá lugar ás 05.00 horas.

O Concello destina 39.000 euros a apoiar as accións de tres entidades sociais na integración do colectivo migrante e a denuncia dos delitos de odio LGTBI na cidade

agosto 14, 2018 coruna Comentarios desactivados en O Concello destina 39.000 euros a apoiar as accións de tres entidades sociais na integración do colectivo migrante e a denuncia dos delitos de odio LGTBI na cidade

​O alcalde, Xulio Ferreiro, e a concelleira de Igualdade e Diversidade, Rocío Fraga, asinaron tres convenios con entidades sociais da cidade para o financiamento de proxectos dirixidos a favorecer a integración do colectivo migrante e das persoas refuxiadas, así como para apoiar a continuidade do observatorio dos delitos de odio LGTBI na cidade. “Esta colaboración afonda na nosa concepción da cidade como un espazo próximo, acolledor e diverso e reforza os lazos de cooperación entre a Administración local e o tecido social para seguir avanzando nun ámbito no que a visibilización e a coordinación de esforzos é fundamental para crear unha estrutura de integración sólida e efectiva”, explicou Fraga.

O Concello colabora coa Asociación pola Liberdade Afectiva e Sexual da Coruña (ALAS), a través dun convenio de 19.000 euros, no Observatorio contra delitos de odio LGBTI na Coruña, un proxecto que “rexistra e visibiliza este tipo de agresións no municipio e ofrece tanto información como atención ás persoas que as sofren”. “O seu traballo transcende tamén o ámbito da atención, xa que fai un labor de sensibilización sobre o baixo número de denuncias que se presentan por este tipo de delitos de odio ao tempo que inciden na importancia de denunciar estas violencias”, salientou a edil, quen incidiu na necesidade de concienciar á veciñanza sobre esta problemática, así como na necesidade de denunciar as agresións no caso de presencialas.

Os outros dous acordos asinados dentro do ámbito de actuación da Concellería de Igualdade e Diversidade están dirixidos á integración de persoas refuxiadas e do colectivo migrante. O proxecto P.A.I.S. posto en marcha pola Asociación AIRE conta con 10.000 euros do Concello para o financiamento de actividades de sensibilización e axuda “no proceso de integración de persoas que chegan á cidade como refuxiados e refuxiadas e precisan dun acompañamento ata que conseguen regularizar a súa situación e acadar a súa autonomía”. “A colaboración con este programa supón ampliar unha rede de atención das persoas que solicitan protección internacional e fortalecer a situación da Coruña como cidade refuxio, un compromiso no que o Concello leva tempo poñendo recursos propios sen apoio do Estado, que é a Administración que ten a competencia nesta materia”, lembrou Fraga. Neste sentido, a edil reafirmou a liña de traballo do Concello a prol da integración, “na que é fundamental a colaboración de todos os axentes sociais da cidade”, e tamén, dixo, da sensibilización.

A inclusión das mulleres migrantes é o obxectivo das actividades que apoia a Concellería de Igualdade e Diversidade a través do documento asinado con Ecodesarrollo Gaia, que ascende a 10.000 euros para o mantemento do seu servizo para acadar a autonomía persoal e a integración deste colectivo. A organización realiza un labor integral de acompañamento dende a acollida e información inicial co obxectivo de evitar a exclusión social das mulleres migrantes, “con especial atención á súa alfabetización, a atención das familias monomarentais ou a sensibilización e prevención das violencias machistas”.

Club del mar

O Concello pechou tamén co Club del Mar de San Amaro un acordo para que o Servizo de Extinción de Incendios e Salvamento (SEIS), que depende da área municipal de Seguridade Cidadá, poida empregar as instalacións da asociación para realizar actividades de prevención, formación e tamén de intervención de emerxencias no mar. Pola súa banda, o Concello colaborará coa realización dos labores de prevención nos eventos que o Club del Mar realice na costa. O convenio, asinado hoxe polo rexedor, ten unha vixencia anual e renovarase cada ano por un máximo de catro.

A Coruña encara a segunda metade das Festas de María Pita, marcadas por unha oferta escénica e familiar no espazo público, descentralizada coas celebracións nos barrios

agosto 13, 2018 Fiestas Comentarios desactivados en A Coruña encara a segunda metade das Festas de María Pita, marcadas por unha oferta escénica e familiar no espazo público, descentralizada coas celebracións nos barrios

O concelleiro de Culturas, Deporte e Coñecemento, José Manuel Sande, fixo balance da primeira metade das Festas de María Pita 2018, que estiveron marcadas pola “grande afluencia de público a eventos tradicionais, como a Feira do Libro, así como ás distintas actuacións musicais que tiveron lugar tanto na praza de María Pita, como en espazos emblemáticos da cidade e a praia co Festival Noroeste Estrella Galicia (que remata hoxe no Paseo das Pontes) ou co Festival de Folclore Internacional, que pasou polas prazas da Tolerancia e de Pablo Iglesias”. “A primeira parte destas festas estivo marcada por unha gran acollida tanto entre a cidadanía da Coruña, como polos e polas visitantes e as xentes da área metropolitana”, comentou o concelleiro, quen tamén quixo destacar “o civismo amosado pola veciñanza”. Con todo, o edil salientou que as Festas de María Pita continúan até final de mes “cunha segunda parte na que terán especial pulo tanto as festas nos barrios como os espectáculos en espazo público destinados a todos os públicos especialmente, os relacionados coas artes escénicas, o teatro e a danza e as actuacións musicais de gran prestixio, como as da Orquestra Sinfónica de Galicia”. O titular de Culturas destacou que “como outros anos, decidimos centrar a terceira semana das festas nas actuacións musicais de alto nivel e virtuosismo, relacionadas coa Orquestra Sinfónica de Galicia e a Banda Municipal”.

Así, rematada xa a Feira do Libro, este luns, 13 de agosto, como vén sendo tradicional, comezará a Feira do Libro Antigo, que abrirá ao público en horario de 11.00 a 14.00 horas e de 17.30 a 22.00 horas e compartirá espazo coa Feira de Artesanía Mostrart até o mércores 15. Pola súa banda, aínda que Viñetas desde o Atlántico tamén deu por rematada esta fin de semana, a rúa da Banda Deseñada estará aberta ao público todo este domingo e as exposicións se manterán accesibles até o 9 de setembro.

… Leer más

ENCUESTA SEMANAL

¿Te gusta la nueva web?

Cargando ... Cargando ...