Home » Ayuntamiento » Recent Articles:

O BNG insta a Marea Atlántica que medie nunha mesa cuatripartita entre NH Atlántico, o Grupo Galena, e o propio goberno e as traballadoras e os taballadores do hotel para procurar a continuidade destes

julio 19, 2018 Ayuntamiento Comentarios desactivados en O BNG insta a Marea Atlántica que medie nunha mesa cuatripartita entre NH Atlántico, o Grupo Galena, e o propio goberno e as traballadoras e os taballadores do hotel para procurar a continuidade destes

Logo da xuntanza mantida cunha representación dos traballadores e das traballadoras do NH Atlántico da Coruña, o Grupo Municipal do BNG proponlle á Marea Atlántica que medie nunha mesa cuatripartita entre NH Atlántico, o Grupo Galena, e o propio goberno e as traballadoras e os taballadores do hotel para procurar a continuidade destes.

O BNG denuncia os traballadores e as traballadoras deste hotel foron absolutamente ninguneadosdesde 2015 xa que, segundo lles transmitiron desde os seus representantes, non se puxeron en contacto desde o Goberno Local en ningún momento para informalos das decisións que se ían tomando e das súas implicacións. … Leer más

Acto de concesión das 217 parcelas e 24 mesas de cultivo

junio 25, 2018 Ayuntamiento Comentarios desactivados en Acto de concesión das 217 parcelas e 24 mesas de cultivo

Fotografías do acto de concesión das 217 parcelas e 24 mesas de cultivo nas ecohortas urbanas de Novo Mesoiro, Eirís e Agra do Orzán no que participaron o alcalde, Xulio Ferreiro, e a concelleira de Medio Ambiente, María García.

O rexedor quixo poñer en valor o potencial da Coruña “como entorno privilexiado para a agricultura ecolóxica”, no que as ecohortas son “unha oportunidade para apostar pola soberanía alimentaria”  e “espazos didácticos para os e as máis pequenas, as que se lles ofrece un contacto coa agricultura”. Ferreiro, que lembrou que os espazos de hortas urbanas foron decididos nun proceso participativo coa veciñanza, salientou que o Goberno local ten proxectadas novas parcelas en Oza e que traballa tamén en distintas iniciativas de agricultura ecolóxica no marco de proxectos europeos, como é o caso de Connecting Natura, que se desenvolve xunto a UDC, ou o programa de cooperación Urbact, no que A Coruña explora iniciativas de alimentación sustentable da man de Roma e Vilnius.

Por outro lado, a Concellería de Medio Ambiente puxo en marcha un proceso gratuíto de asesoramento para os e as usuarias das ecohortas. Unha das formacións específicas estará baseada na agricultura ecolóxica (con charlas en centros cívicos e actividades in situ nas propias hortas ao logo de todo o ano) e outra de acompañamento, para dotar a cada horta dunhas normas de funcionamento axeitadas de cara á creación de Consellos de Xestión destes espazos urbanos por parte das súas propias usuarias.

 

O alcalde salienta “o cambio de prioridades do Concello, de cara a situar as persoas no centro das súas políticas”, así como o alto cumprimento do programa, no balance dos tres anos de mandato do goberno local

junio 19, 2018 Ayuntamiento Comentarios desactivados en O alcalde salienta “o cambio de prioridades do Concello, de cara a situar as persoas no centro das súas políticas”, así como o alto cumprimento do programa, no balance dos tres anos de mandato do goberno local

​O alcalde da Coruña, Xulio Ferreiro, destacou a priorización das políticas sociais como un dos piares da acción do goberno municipal. Fíxoo durante un almorzo informativo que mantivo coa prensa local no Pazo de María Pita, e no que o rexedor coruñés cualificou como “altísimo” o grado da execución do programa que o goberno coruñés se comprometeu a levar a cabo no ano 2015. “En xustiza social fixemos avances importantes, como a posta en marcha da Renda Social Municipal ou a sinatura de convenios para a loita contra pobreza enerxética, para que ningunha veciña ou veciño quede sen luz ou sen auga, á vez que tamén abrimos un centro de baixa esixencia ou incrementamos o servizo de atención ao domicilio”, sinalou o alcalde, quen tamén lembrou a aposta polo investimento na mellora dos centros escolares, así como a implementación de programas de reforzo educativo ou o cambio de tarifas nas matrículas das escolas infantís municipais, que inclúen unha tarifa gratuíta. “Na Coruña, con este goberno, cambiaron as prioridades, comezando polo coidado de quen máis o precisa. Nestes tres anos quixemos traer as políticas sociais e educativas a un primeiro plano e fixemos un esforzo economicamente importante neste aspecto”, aseverou Ferreiro.

O alcalde ​salientou o “nivel altísimo de cumprimento” do programa electoral e avaliou como realizadas o 70% das iniciativas do documento mentres que “practicamente todas as demais está en proceso”. Neste sentido, mencionou algúns dos proxectos nos que está a traballar o Goberno municipal como a revisión do contrato de mobilidade urbana, “que vén precedido dun traballo xurídico e económico rigoroso e serio e que vai permitir melloras no servizo e tarifas máis adecuadas á realidade”. “Non hai nada ou case nada ao que dixeramos que renunciamos. En todas as áreas se van cumprindo obxectivos e hai cousas das que presumir e sentirse orgullosos e orgullosas”, apuntou. O rexedor incidiu que, do resultado da aplicación destas políticas, conseguiuse o ​reequilibrio do investimento municipal nos barrios, que cualificou como “unha cuestión de xustiza”, así como o acompañamento ao tecido social, económico e creativo da cidade, que se converteu “nun piar máis da acción de goberno ao longo destes tres anos”. “A Coruña é unha cidade dinámica, moderna, de vangarda. O noso labor, como goberno municipal, debe ser acompañar e impulsar as súas potencialidades”, afirmou.

No repaso aos tres anos de mandato, Ferreiro destacou algunhas das actuacións postas en marcha polo Goberno local nos diferentes ámbitos de goberno, como a protección dos espazos naturais levado a cabo por Medio Ambiente, a recuperación do patrimonio da que destacou a rehabilitación do castro de Elviña ou a acción en materia de memoria histórica. O rexedor considerou que están a traballar de “maneira serie e dialogada” á hora de abordar algúns dos retos do mandato, como a peonalización da Cidade Vella, “​da que ninguén está en contra porque se fixo un esforzo para atopar solucións para veciños e veciñas”, apuntou. Sobre a xestión resaltou a “redución da débeda nun 25%, a saída do plan de axuste, a mellora dos sistemas de recadación e xestión e a recuperación paulatina dos dereitos dos traballadores e das traballadoras públicas”. Ferreiro destacou tamén como un logro a introdución dun modelo de participación cidadá para a veciñanza, “que agora considera normal cousas que hai tres anos eran unha novidade”, como os encontros do Goberno municipal nos barrios nos Dillo ti ou os orzamentos participativos. Ao fío da celebración esta fin de semana da primeira edición do Festival SAL posto en marcha “con medios públicos, dende o Consorcio de Turismo”, o alcalde considerou que o “éxito rotundo” do encontro confirma o “bo camiño marcado polo Plan Estratéxico de Turismo”. “Mantemos unha aposta clara pola creación e abrimos tamén a cidade ao mellor que se está a afacer fóra. As cifras do Coliseum son moi boas e o Festival Noroeste é exemplo dun traballo feito con coherencia, que da bos resultados e nos sitúa no mapa”, afirmou.

… Leer más

O Concello dá luz verde á construción de dous edificios cun orzamento previsto de case 10 millóns, tras resolver outras 49 licenzas urbanísticas nos últimos quince días

junio 16, 2018 Ayuntamiento Comentarios desactivados en O Concello dá luz verde á construción de dous edificios cun orzamento previsto de case 10 millóns, tras resolver outras 49 licenzas urbanísticas nos últimos quince días

A Xunta de goberno local deu luz verde á construción de dous edificios, un no sector 10 do Parque Ofimático, de 40 vivendas destinadas a uso social, e outro situado na Fábrica de Tabacos que, pola súa banda, albergará 64 vivendas. O orzamento de ambas actuacións é de case 10 millóns de euros. Segundo destacou o concelleiro de Rexeneración Urbana e Dereito á Vivenda, Xiao Varela, a aprobación destas dúas licenzas, sumadas ao resto de títulos habilitantes que se aprobaron nos últimos 15 días, referendan que “o goberno local está a tramitar un elevado número de licenzas de obras e actuacións que non son menores, a pesar do que intentan trasladar determinadas voces interesadas”. “Estamos a axilizar a entrega de licenzas á vez que mantemos un control escrupuloso, de forma que no futuro, nin Concello nin cidadanía teñan que facer fronte a consecuencias derivadas dunha xestión urbanística que se levou a cabo sen as garantías adecuadas, como ocorreu en épocas pasadas”, indicou, para destacar que “na actualidade, e logo dun importante proceso de renovación do servizo, a tramitación de licenzas é absolutamente electrónica, dixitalizándose en todas as fases da súa tramitación, o que introduce maior seguridade, axilidade e eficacia no proceso”.

Así, ademais da concesión destas dúas licenzas de construción, o titular de Rexeneración Urbana tamén dou conta, como é habitual, do informe relativo a licenzas e demais títulos habilitantes tramitados dende a súa área e con importes menores a 1,2 millóns de euros. Dentro destes parámetros, entre o 30 de maio e o 12 de xuño, o Concello resolveu un total de 235 expedientes, dos que 49 se corresponden con licenzas urbanísticas, 96 con comunicacións previas ao inicio de obras e 75 con comunicacións de inicio de actividade ou apertura de establecemento. “Ao contrario do que intentan trasladar dende o grupo municipal do PP, estes trámites supoñen actuacións de entidade, xa que, por exemplo, tan só no que atinxe a licenzas, hai numerosas obras de rehabilitación completa de edificios, para reparación de galerías, fachadas ou cambios de cubertas”, indicou.

… Leer más

O alcalde destaca que o volume de licenzas que outorga o goberno local “é unha mostra de que se pode ser rigoroso e, á vez, permitir que a actividade económica medre na cidade”

junio 13, 2018 Ayuntamiento Comentarios desactivados en O alcalde destaca que o volume de licenzas que outorga o goberno local “é unha mostra de que se pode ser rigoroso e, á vez, permitir que a actividade económica medre na cidade”

O alcalde, Xulio Ferreiro, avanzou que a próxima Xunta do Goberno local aprobará as licenzas de obra para a construción dun edificio de vivendas sociais no Ofimático á empresa pública de xestión do solo da Xunta de Galicia, Xestur, ademais da autorización para a construción dun inmoble na Fábrica de Tabacos. “Son actuacións que se adaptan ao planeamento e que son máis respectuosas cun urbanismo sostible, o que demostra que podemos ser rigorosos e, ao mesmo tempo, permitir que a actividade económica medre na cidade, algo que deriva de máis cousas, por certo, que a construción”, indicou Ferreiro nunha entrevista radiofónica. O rexedor defendeu a aposta do Goberno local por unha diversificación da economía, que está apoiada en actividades innovadoras, entre as que destacou as que se realizan no viveiro de empresas do Papagaio.

O edificio de vivendas de protección oficial (VPO) de Xestur, para o cal foi solicitada a licenza o 22 de febreiro, requiriu da autorización da Axencia Estatal de Seguridade Aeronáutica (AESA), dependente do Ministerio de Fomento, que foi concedida o 4 de xuño. Esta actuación prevé a construción de 40 domicilios. A estes se lles suman as 64 vivendas proxectadas no edificio autorizado na Fábrica de Tabacos, un proxecto que ten un orzamento de máis de 5 millóns de euros. Ao fío destas licenzas, que recibirán luz verde na próxima reunión do goberno local, o rexedor censurou as voces que “para atacar ao executivo municipal, denigran á cidade, a máis dinámica de Galicia en cultura, en creación de emprego ou a nivel social”. Así, mencionou algúns dos investimentos que se están a executar no municipio, como o carril bici, as obras na rúa da Torre ou intervencións en Feáns ou Palavea. “Repítese moito que non se dan licenzas e é falso. Danse máis agora que en 2014 e ingrésase máis agora que en 2014”, apuntou.

… Leer más

ENCUESTA SEMANAL

¿Te gusta la nueva web?

Cargando ... Cargando ...