Home » Ayuntamiento » Recent Articles:

O Concello pon os recursos de Emalcsa a disposición dos concellos da comarca de Ferrol afectados polo problema da depuradora

julio 17, 2015 Ayuntamiento No Comments

O Concello da Coruña puxo a disposición do de Ferrol e os súa comarca os recursos de Emalcsa (empresa municipal de augas da Coruña) co obxectivo de paliar os problemas que sofren polas deficiencias detectadas na depuradora de Catabois.

O alcalde coruñés, Xulio Ferreiro, telefoneou ao de Ferrol, Jorge Suárez, para ofrecerlle axuda por medio de Emalcsa, ofrecemento que lle pediu transmitise tamén ao resto de concellos afectados.

O Concello da Coruña pon a disposición dos da comarca de Ferrol os seus técnicos de augas, o laboratorio de Emalcsa e tamén está disposto a axudar co subministro se é necesario e se dispoñen dos recursos axeitados para facelo.

Desde o Goberno local da Coruña e Emalcsa comunicaron tamén que esta axuda será completamente gratuíta, aplicando o principio de solidariedade e cooperación entre concellos.

O alcalde da Coruña pide respecto polo funcionariado municipal

julio 15, 2015 Ayuntamiento No Comments

​alcalde da Coruña, Xulio Ferreiro, pediu hoxe á oposición, e concretamente ao grupo municipal do PP, que non xere “alarmismos innecesarios” nin dea información “falta de rigor”, como no caso do desenvolvemento do programa da Smart City. “Din que facemos una lectura nesgada, pero precisamente lectura nesgada das cousas é dicir que se van perder fondos europeos cando todos os informes feitos polo persoal do Concello entenden que o proxecto vai adecuadamente”, indicou. Así, no que respecta ao estado económico do Concello, onde se detectaron problemas de liquidez derivados da xestión do Goberno anterior, o rexedor recordou: “Non somos nós os que dicimos que esta é a situación na que nos atopamos, son informes realizados por funcionarios de prestixio”.

unnamed

Por outro lado, Ferreiro explicou este martes, a preguntas dos medios, que o grupo municipal que sustenta o Goberno local reenviou esta xornada unha carta ao resto de forzas con presenza na corporación obxectivo de acadar un acordo definitivo de cara ao Pleno de Organización. “No obstante, todo acordo ten que pasar porque as peticións de PSOE e PP volvan á lóxica”, indicou. “Os concelleiros do Goberno teñen que ter capacidade e persoal para facer o seu traballo”, engadiu.

“O PSOE debe entender que non todo o seu grupo poder ter dedicacións, nin percibir o 80% do que recibirá un edil con responsabilidades de Goberno, por estar tres ou catro horas no Concello”, opinou o alcalde coruñés, quen tamén incidiu en que a oferta feita aos grupos municipais pola parte do grupo de Goberno é “histórica”. … Leer más

O alcalde da Coruña fai unha chamada ao consenso e pide “posicións razoables” aos grupos da oposición

julio 13, 2015 Ayuntamiento No Comments

Cúmprese un mes dende a investidura de Xulio Ferreiro como alcalde da Coruña. O rexedor fai un balance moi positivo destas primeiras semanas nas que “moitas cousas empezaron a cambiar, non só simbolicamente, senón tamén a nivel político”. “Este foi un mes marcado pola situación económica na que se atopa o Concello, pero tamén un mes marcado polos pasos que estamos a dar para solucionar, precisamente, esa situación que nos deixou o PP”, indicou ante os medios. “Estamos moi contentos polo apoio que reciben as primeiras actuacións deste Goberno, cremos que hai respaldo, tanto dende a cidadanía, como tamén dende dentro da casa, onde penso que o persoal ten a sensación de que se conta con el. Hai satisfacción tanto dentro como fóra de María Pita”, salientou.

unnamed

Por outro lado, o alcalde coruñés chamou ao consenso a todos os grupos municipais co obxectivo de chegar a un entendemento que permita sacar adiante o Pleno de Organización. Ferreiro destacou, non obstante, que para acadar un acordo é necesario asumir “posicións razoables”.

“Neste momento, desde o Grupo de Goberno cremos que nin o PP nin o PSOE asumen posicións razoables. O PP non o fai cando lle pide ao Goberno municipal que goberne nos seus ratos libres. Creo que iso non é asumible, non xa polo Executivo local, senón pola propia cidade”, dixo Ferreiro, nun encontro coa prensa. “Cremos que o PSOE tamén está nunha postura non razoable cando

1

… Leer más

O PP e o PSOE votan xuntos contra a proposta de organización municipal do grupo de Goberno, que apoiou o BNG

julio 11, 2015 Ayuntamiento No Comments

Os grupos municipais do PP e o PSOE votaron esta mañá xuntos contra todas as propostas levadas polo grupo de Goberno ao Pleno para a organización, e que si apoiou o BNG. As dúas formacións vetaron o punto relativo ao horario das sesións plenarias, que segundo a proposta do Grupo da Marea Atlántica quedarían fixados para o primeiro luns de cada mes ás cinco da tarde, dentro da aposta por “abrir o pleno a xente” que é, tal e como recalcou o alcalde da Coruña, Xulio Ferreiro, “unha débeda pendente deste Concello”.

unnamed 2

O mesmo ocorreu co punto sobre a creación e composición das comisións informativas do pleno da corporación, que segundo a proposta levada á sesión extraordinaria polo Grupo de Goberno abriría a Xunta de Goberno Local e a mesa de contratación á presenza dos grupos da oposición e concedería ao PP cinco presidencias nas comisións do pleno ­as mesmas que a Marea­, tres ao PSOE e unha ao BNG, dentro do “compromiso de proporcionalidade” do Goberno municipal, unha oferta que, segundo lembrou o alcalde, vai “moito máis alá do que está obrigado”. A este punto, o PSOE chegou presentar unha enmenda, que retirou antes da votación. … Leer más

Xulio Ferreiro: “Reconduciremos a situación para que non se repitan os feitos do túnel de María Pita”

julio 10, 2015 Ayuntamiento No Comments

O a​lcalde da Coruña, Xulio Ferreiro, referiuse este venres aos problemas que presenta o aparcadoiro subterráneo de María Pita, que o anterior Executivo presidido por Carlos Negreira reabriu o pasado 12 de maio, antes das eleccións municipais. O rexedor explicou que o Concello “estuda” polo miúdo o asunto. “É curioso que despois de dous meses, o túnel xa empece así, pero imos ver como podemos reconducir a cousa para que non se repita unha situación coma esta”, dixo.

unnamed 2

O alcalde indicou aos medios que agarda que o resultado dos estudos que se están a levar a cabo arroxen un resultado positivo. “Os técnicos están estudando o tema, e esperemos que estes problemas sexan puntuais e, e en ningún caso estruturais, tendo en conta que a obra ten tan só dous meses”, dixo o alcalde. … Leer más

ENCUESTA SEMANAL

¿Te gusta la nueva web?

Cargando ... Cargando ...