Home » Ayuntamiento » Recent Articles:

O concelleiro de Rexeneración Urbana aposta pola “boa execución da obra” no túnel do Parrote

julio 7, 2015 Ayuntamiento No Comments

O concelleiro de Rexeneración Urbana do Concello da Coruña, Xiao Varela, e o director da Autoridade Portuaria, Juan Diego, mantiveron este luns pola mañá unha xuntanza para falar sobre as filtracións de auga mariña que se detectaron nas obras do subterráneo do Parrote, polas que o membro do Goberno local amosou a súa “preocupación” logo de revisar o terreo en primeira persoa ­acompañado de técnicos municipais­ a pasada semana.

Durante a reunión, o Concello defendeu con claridade e de xeito construtivo ­dentro dun clima de diálogo­ a súa prioridade: “Agora o máis importante é unha boa execución da obra, non as présas en rematar”, afirmou Varela.

Así mesmo, na xuntanza falouse sobre as obras na superficie da Mariña, que en parte semella que poderán estar listas entre finais deste mes e comezos do agosto. Desde o Concello se segue a traballar nun plan para “humanizar” o resultado desta actuación a baixo custe. Deste xeito, quedaría só por abrir un espazo en obras xusto entre A Mariña e O Parrote, que podería estar finalizado en setembro.

O alcalde chama a facer do aeroporto de Alvedro “un lugar de benvida, non de fuxida”

julio 3, 2015 Ayuntamiento No Comments

​alcalde da Coruña, Xulio Ferreiro, chamou este venres, durante a inauguración da ampliación da pista do aeroporto de Alvedro, a traballar para facer desta infraestrutura “un lugar de benvida, non de fuxida”, en alusión “ao éxodo de mozos e mozas moi ben preparados obrigados a buscarse o pan noutras latitudes”.

unnamed

Na súa intervención, Ferreiro salientou tamén que o aeroporto coruñés, situado no termo municipal de Culleredo, “representa á perfección esa idea da Coruña como espazo aberto, que vai máis alá da Ponte da Pasaxe ou do Monte da Zapateira para constituírse como comarca, como actor central metropolitano e, por suposto, galego”. Nesa liña, avogou pola cooperación dos aeródromos, na vez de facer destas infraestruturas “mercancía partidista e munición localista”. “Seremos máis fortes colaborando; os nosos aeroportos ofrecerán un rendemento maior á nosa economía social se apostan pola axuda mutua, lonxe da competitividade mal entendida”, considerou o alcalde, quen valorou os avances, presentes e futuros, nas instalacións aeroportuarias de Alvedro, “sempre que estes repercutan no ben común e non obriguen a deixar de lado as prioridades sociais que estes tempos marcan”. … Leer más

Abanca comprométese ante o alcalde da Coruña a estudar a cesión de vivendas do seu parque para axudar a persoas en risco de exclusión social

julio 1, 2015 Ayuntamiento No Comments

​alcalde da Coruña, Xulio Ferreiro, reuniuse este mércores no seu despacho de María Pita co propietario do grupo Banesco e vicepresidente de Abanca, Juan Carlos Escotet, así como co presidente da entidade, Javier Etcheverría, e o seu conselleiro delegado, Francisco Botas. A xuntanza, que se desenvolveu nun clima cordial, serviu para que o rexedor conseguise o compromiso por parte da financeira de estudar a cesión ao Concello de vivendas baleiras do seu parque na cidade para “cubrir as necesidades habitacionais de xente que quedou sen fogar ou de persoas en risco de exclusión social”.

unnamed

Segundo Ferreiro explicou ante os medios unha vez finalizada a reunión, a dirección de Abanca comprometeuse a colaborar neste sentido “e seguir falando nas próximas datas”. A entidade asegurou que en breve remitirá un censo co número de vivendas que serán susceptibles de ser empregadas nesta colaboración,que podería servir para axudar aos colectivos que afrontan maiores dificultades, na liña de darlle prioridade á axenda social que se marcou o novo goberno municipal. … Leer más

O alcalde visita xunto a parte do Goberno local os asentamentos precarios da Pasaxe, As Rañas e O Portiño

junio 30, 2015 Ayuntamiento No Comments

O alcalde da Coruña, Xulio Ferreiro, acompañado dos concelleiros e concelleiras Rocío Fraga, Igualdade e Diversidade, Silvia Cameán, Xustiza Social e Coidados, e Xiao Varela, Rexeneración Urbana e Dereito á Vivenda, visitaron na tarde deste martes os asentamentos precarios da cidade da Pasaxe, As Rañas e O Portiño.

unnamed 2

“Calquera habitante da Coruña, e xa non digamos un alcalde ou o Goberno local, debería ser consciente das duras condicións nas que viven moitos dos nosos veciños e veciñas en asentamentos precarios como os da Pasaxe, As Rañas ou o Campanario, que hoxe visitamos para ter unha impresión de primeira man que non fai máis que confirmar a nosa intención, xa plasmada no programa electoral, de poñer en marcha un Plan de Erradicación dos Asentamentos Precarios que propoña unha solución integral que poña fin a un problema enquistado que durante anos non foi atendido por gobernos locais que preferiron a táctica da patada a seguir, que só trasladaba problemas en vez de presentar solucións”, valorou o alcalde, que tamén estivo acompañado no percorrido pola ONG Arquitectura Sen Fronteiras. … Leer más

Xulio Ferreiro: “O Concello paraliza calquera desaloxo da súa competencia en San Vicente de Elviña”

junio 23, 2015 Ayuntamiento No Comments

O alcalde da Coruña, Xulio Ferreiro, reafirmou este martes o compromiso do Goberno local coa pervivencia do núcleo de San Vicente de Elviña na reunión que mantivo esta mañá coa plataforma Elviña Non Se Vende para analizar a situación na contorna do Ofimático e das familias que alí residen. “Non imos desaloxar a ninguén en San Vicente de Elviña, calquera iniciativa neste sentido, e as que hai son municipais, quedan paralizadas”, declarou Ferreiro, quen salientou a apertura de novas vías de diálogo coas afectadas e os afectados desde o Concello.

unnamed

Como afirmou o alcalde, o Goberno local traballará agora para levar ese compromiso político ao plano técnico, no que xa traballa o persoal municipal. “Estamos vendo a situación dos diversos afectados, porque non é igual a xente da marxe dereita que a do outro lado. Imos buscar unha solución ás diferentes casuísticas”, adiantou, antes de facer alusión á problemática dalgunhas das persoas residentes. “Son situacións duras e o goberno municipal vai saber estar a altura da situación”, indicou, lembrando que os desaloxos que se produciron en Elviña son de responsabilidade municipal, o que os diferencia doutros moitos, como o que tivo lugar onte en Cádiz. … Leer más

ENCUESTA SEMANAL

¿Te gusta la nueva web?

Cargando ... Cargando ...