Home » Ayuntamiento » Recent Articles:

O Concello investiga os danos provocados en árbores na zona do Hospital de Oza, “que impiden a súa supervivencia”

octubre 13, 2016 Ayuntamiento No Comments

A Concellería de Medio Ambiente vén de iniciar unha investigación, liderada polo departamento municipal de Inspección Ambiental, para esclarecer a autoría dos actos vandálicos provocados en dous exemplares de plátanos situados na zona das Xubias. Os danos nas árbores, segundo a edil María García, “fan imposible a súa supervivencia”. Na agresión, as ou os autores “arrincaron a corteza das árbores arredor do seu diámetro, ademais de provocar cortes cunha serra, o que impide que estes exemplares, de varias décadas, sobrevivan a este ataque”, explica a concelleira. “Esta é unha nova agresión inxustificada ao patrimonio común”, afirmou García, quen avanzou que a Patrulla Verde xa está a investigar a orixe dos actos.

unnamed

A edil solicitou a colaboración cidadá “á hora de alertar as autoridades competentes para evitar novos casos coma este”, e preservar os espazos verdes da cidade. “O Goberno local fará todo o posible para investigar e sancionar unha conducta vandálica que afecta ao valioso patrimonio natural de toda a cidadanía”, sentenciou.

O Concello elaborará un Plan de Emprego Xuvenil para “abordar con solucións específicas o paro e a precariedade laboral que sofren os mozos e mozas da cidade”

septiembre 29, 2016 Ayuntamiento No Comments

A Concellería de Emprego e Economía Social vén de iniciar os trámites para a elaboración dun Plan de Emprego Xuvenil que aborde “de xeito específico” a taxa de desemprego e a precariedade laboral que afecta á mocidade no municipio e ofrecer solucións especializadas para o colectivo, mozas e mozos menores de 30 anos. Como primeiro paso, a concellería saca a contratación o servizo de consultoría para elaborar este traballo, un proxecto ao que o Concello destina 18.000 euros e que terá un prazo de elaboración máximo de dous meses. Como salienta o concelleiro responsable desta área, Alberto Lema, este Plan de Emprego Xuvenil dirixirase a “mellorar as posibilidades laborais da xente moza, un colectivo especialmente castigado”. “Cómpre poñer ao servizo da mocidade as ferramentas que contribúan a facilitar aos e ás mozas o acceso ao mercado laboral nas mellores condicións para que poidan optar a traballos dignos que acaben coa precariedade que afecta de xeito especial a estas franxas de idade, e así o está a facer este Goberno local; non podemos esquecer que estamos sentando as bases da cidade do futuro e que non podemos deixar que ese futuro marche por falta de oportunidades”, salientou o edil, quen recordou a importancia de traballar de forma coordinada e leal entre administracións con competencias nun tema como o emprego, “onde todos os recursos son necesarios”.

O contrato inclúe o deseño da estratexia para o desenvolvemento do plan de Emprego Xuvenil e unha fase previa de diagnose, na que se estudará a relación entre o nivel de formación e a taxa de desemprego, a prospección de sectores potencialmente xeradores de emprego xuvenil, as necesidades empresariais para a promoción de emprego, a taxa de temporalidade na contratación ou as condicións de traballos deste colectivo nos seus empregos máis habituais, ademais dun exame dos sectores máis propicios para emprender unha iniciativa empresarial. En canto ao propio Plan, deberán deseñarse os obxectivos e liñas estratéxicas e unha proposta de cronograma das actuacións previstas, que estarán debidamente orzamentadas e contemplarán os recursos de persoal necesarios. O servizo de consultoría que se saca a licitación deberá incluír tamén unha proposta de metodoloxía participativa, tanto da investigación previa, como de dinamización e mediación nas sesións de traballo que se establezan coa sociedade civil e as entidades relacionadas cos ámbitos da xuventude e o emprego, e demais axentes que poidan realizar achegas en materia de empregabilidade xuvenil e innovación vinculada á formación.

O Punto Limpo Móbil pasará no mes de agosto por once localizacións distintas da cidade

agosto 3, 2016 Ayuntamiento No Comments

A Concellería de Medio Ambiente vén de informar da situación do servizo do Punto Limpo Móbil para o mes de agosto, no que se achegará ata 11 ubicacións distintas da cidade. Desde hoxe e até o xoves 4 instalarase o barrio dos Castros, en concreto no número 5 da rúa Claudio San Martín, mentres que o venres 5 e sábado 6 atoparase na Praza Pablo Iglesias. En horario de 09.00 a 14.15 horas, as persoas que o desexen poderán empregar este servizo para depositar pequenas cantidades de certos residuos do fogar que non teñen cabida nos contedores das rúas, tales como aerosois, aceite doméstico, baterías e acumuladores, pilas, CD, cristal, lámpadas e fluorescentes, pinturas e vernices, radiografías ou tóner, así como roupa, zapatos, xoguetes e pequenos electrodomésticos (como televisores, microondas e computadoras). O vehículo conta cun operario para axudar á cidadanía a depositar cada residuo no contedor correspondente. A Concellería destaca que este servizo facilita a xestión de residuos e promove a reciclaxe a través da recollida selectiva.

Nos seguintes días, o servizo estará dispoñible para a veciñanza o 9 e 10 en Lonzas, no parque infantil da avenida de Cádiz, e do 11 ao 13 na praza da Audiencia Provincial (r/ Capitán Juan Varela). Os días 16 e 17 o punto de reciclaxe instalarase na rúa Regata Cutty Sark, o 18 e 19 na rúa Gaiteira, á altura do número 31, e o 20 de agosto no Campo de Marte. Na seguinte semana, os días 23 e 24 o Punto Limpo Móbil situarase na praza Luís Seoane, en Novos Ministerios, mentres que nas xornadas do xoves 25 e venres 26 situarase na praza das Conchiñas, e o día 27 en Mesoiro (Illas Sisargas). Finalmente, o servizo estará dispoñible os días 30 e 31 de agosto na praza Elíptica dos Rosales.

Para máis información, pode consultarse a páxina web municipal www.coruna.es/puntolimpomobil

A piscina da Fábrica de Armas abre mañá para dar servizo á veciñanza

junio 30, 2016 Ayuntamiento No Comments

A piscina situada nas instalacións deportivas da Fábrica de Armas, xestionadas pola empresa municipal EMVSA, abrirá as súas portas a partir de mañá. Tamén pasan a ser accesibles a zona de ocio, as pistas deportivas, a área de xogos infantís e o resto dos equipamentos do recinto. Coma é habitual en tempo de verán, os veciños e veciñas poden acceder ao recinto entre as 12.00 e as 20.00 horas, de xeito totalmente gratuíto. O servizo préstase todos os días da semana e rematará o día 15 de setembro.

Antes da súa apertura ao público, foi necesario levar a cabo a reparación dunha avería na acometida de auga da piscina, que xa se atopa solucionada. O Concello, a través de EMVSA, asume integramente o curso de manter este servizo que beneficia aos barrios de Palavea, Pedralonga, Santa Xema e Eirís.

O Concello da Coruña asina un protocolo de colaboración co de Madrid para “establecer e compartir ferramentas para o fomento da Participación Cidadá”

mayo 31, 2016 Ayuntamiento No Comments

O Concello da Coruña vén de asinar un protocolo de colaboración co Ayuntamiento de Madrid que ten como finalidade fixar obxectivos comúns no ámbito da participación directa e individual da cidadanía nas decisións dos gobernos locais, así como “articular a colaboración de ambas as dúas partes no estabelecemento dun marco de entendemento que permita esa participación cidadá” e “colaborar para articular as ferramentas necesarias para o desenvolvemento do modelo de participación cidadá”. O acordo foi firmado pola concelleira de Participación Cidadá e Innovación Democrática, Claudia Delso, e o seu homólogo no concello madrileño, Pablo Soto.

unnamed

A responsable municipal explicou que o Concello da Coruña leva xa meses traballando a favor deste obxectivo, para implementar novos mecanismos que favorezan a participación cidadá.“Non obstante, no día de hoxe concretamos un documento marco referido ao protocolo de colaboración que estamos establecemento en relación á plataforma que presentamos a semana pasada pola que a veciñanza poderá decidir de xeito directo en que quere empregar unha parte do presuposto municipal para o vindeiro ano”, comentou Delso, en relación ao proceso de creación de Ornamentos. … Leer más

ENCUESTA SEMANAL

¿Te gusta la nueva web?

Cargando ... Cargando ...