Home » Ayuntamiento » Recent Articles:

O Concello presenta Expontáneas, un programa “pioneiro” de intervencións artísticas no espazo público para apoiar á creación emerxente e promover “a conquista cultural da cidade”

marzo 6, 2016 Ayuntamiento No Comments

A Concellería de Culturas, Deporte e Coñecemento vén de presentar un novo proxecto promovido desde a súa área dirixido a impulsar a intervención artística en espazos urbanos da cidade. Expontáneas ­­que así se denomina o a iniciativa­­ quere fomentar accións que respondan á filosofía integradora e participativa da arte pública, e busquen a recuperación do valor do espazo cotián a través do feito artístico. O responsable de Culturas, José Manuel Sande, cualificou este programa como “pioneiro” e “máis que pertinente”, acorde ao “paradigma de cultura” do goberno local, ao enlazar “iniciativas históricas coa vangarda como experimento, como conquista cultural da cidade a través da arte na rúa” e “reforzar a idea do apoio á creación local”. “O poso artístico está presente na cidade. A Coruña ten unha enorme potencialidade creativa e arroupa todas as mostras contemporáneas artísticas”, afirmou o edil.

Expontáneas consistirá en 24 intervencións artísticas inéditas na que teñen cabida múltiples disciplinas, como as artes visuais (como a escultura, graffiti, instalación, pintura ou videoarte), artes escénicas (entre as que se atopan a danza, música ou teatro) e o deseño (arquitectura, paisaxismo e urbanismo). Os proxectos terán unha duración comprendida entre os 3 e 7 días e desenvolveranse ao longo de dúas convocatorias este ano 2016. “Serán procesos efémeros, pero sen menoscabo da súa calidade”, puntualizou o edil de Culturas. Cada artista, dunha idade comprendida entre os 18 e 35 anos, poderá valorar libremente o caché da súa acción, até un máximo de 1.500 euros con impostos incluídos. Tamén poderán participar entidades xurídicas sen ánimo de lucro cuxo proxecto sexa levado a cabo por persoas que cumpran co requisito de idade. “O apoio a creación local tamén pasa pola idea da construción e da creación dunha cidadanía creativa, activa e colectiva”, sinalou Sande, quen destacou que Expontáneas “permitirá crear un diálogo claro coa cidade en todas as súas dimensións”, ao entrar en contacto con entidades “que traballan acotío cos creadores locais novos”, como son o Centro Municipal de Información Xuvenil (CMIX), Plataforma14 e a Escola de Arte e Superior de Deseño Pablo Picasso. … Leer más

O punto limpo móbil do Concello pasará por 11 ubicacións distintas este febreiro

febrero 1, 2016 Ayuntamiento No Comments

Concellería de Medio Ambiente informa de que o punto limpo móbil desprazarase esta semana á rúa Claudio San Martín, na zona dos Castros, onde quedará instalado o martes 2 e o mércores 3. En horario de 09.00 a 14.15 horas, as persoas que o desexen poderán empregar este servizo para depositar pequenas cantidades de certos residuos do fogar que non teñen cabida nos contedores das rúas, tales como aerosois, aceite doméstico, baterías e acumuladores, pilas, CD, cristal, lámpadas e fluorescentes, pinturas e vernices, radiografías ou tóner, así como roupa, zapatos, xoguetes e pequenos electrodomésticos (como televisores, microondas e computadoras). O vehículo conta cun operario para axudar á cidadanía a depositar cada residuo no contedor correspondente. A Concellería destaca que este servizo facilita a xestión de residuos e promove a reciclaxe a través da recollida selectiva. O xoves, día 4, pasará pola zona dos Rosales, en concreto, a Praza Elíptica e o venres e o sábado estará na zona dos Novos Ministerios (Praza Luís Seoane).

Ao longo deste mes de febreiro, o punto móbil pasará por até 11 ubicacións distintas. Ademais das citadas anteriormente, os días 10 e 11 estará en Vioño. As xornadas do 12 e 13 ubicarase en Mesoiro, o primeiro día en Fragas do Eume, 12, e o segundo en Illas Sisargas. Durante o 16 e o 17 de febreiro instalarase na praza da Audiencia Provincial (r/Capitán Juan Varela), mentres que o 18 irá a Matogrande (Enrique Mariñas, 32). Os días 19 e 20 de febreiro instalarase no Campo de Marte, mentres que o 23, 24 e 25 irá a Praza Pablo Iglesias para rematar en Adormideras o 26 e 27 de febreiro, na rúa Regata Cutty Sark.

O Consorcio de Turismo e Congresos da Coruña reactiva o proceso selectivo para cubrir a praza de xerente

enero 30, 2016 Ayuntamiento No Comments

O Consorcio de Turismo e Congresos de A Coruña publicou na mañá deste venres na súa páxina web as bases do proceso de selección para a contratación dunha ou dun xerente. O prazo para a presentación de solicitudes será de dez días hábiles contados a partir do seguinte á publicación no Boletín Oficial da Provincia de A Coruña, que terá lugar a próxima semana.

As persoas aspirantes deberán estar en posesión da diplomatura en Turismo, ou de calquera licenciatura ou grao universitario, e acreditar coñecemento da lingua galega (nivel Celga 4) e da lingua inglesa (mínimo, nivel B2). Requírese un mínimo de cinco anos de experiencia no sector turístico dos cales, cando menos, dous deles foran desenvolvidos en tarefas directivas. O contrato terá unha duración inicial de dous anos que poderán ser prorrogados de xeito bienal.

O procedemento de selección efectuarase en dúas fases. A primeira consistirá na valoración por parte do tribunal do curriculum da persoa aspirante en canto a formación, experiencia profesional e idiomas, cunha valoración máxima de 60 puntos. Os e as aspirantes que acaden un mínimo de 20 puntos pasarán á segunda fase, que consistirá nunha entrevista na que defenderán durante vinte minutos ante o tribunal a memoria presentada. Nela deben plasmar a súa visión xeral da Coruña como destino turístico facendo referencia aos seguintes factores: análise DAFO da marca Coruña, análise do histórico de actuacións no sector turístico na Coruña, A Coruña no Camiño de Santiago e propostas para o desenvolvemento sostible do sector. … Leer más

A Coruña acollerá en 2017 o XXXVIII Congreso da Asociación Española de Endodoncia, que reunirá a 800 profesionais do sector

octubre 9, 2015 Ayuntamiento No Comments

A cidade será sede, en novembro de 2017, do XXXVIII Congreso da Asociación Española de Endodoncia (AEDE), un encontro que reunirá a 800 profesionais da área sanitaria e cuxa confirmación, tal e como salientou na mañá deste xoves o concelleiro de Emprego e Economía Social, Alberto Lema, “é froito da colaboración do Concello co sector turístico privado da Coruña”. Neste sentido, o responsable municipal amosou hoxe a súa satisfacción pola consecución deste evento, e subliñou que “A Coruña é unha das cidades de referencia dentro do mapa dos destinos do turismo congresual no Estado español”, e agradeceu ao doutor Juan Manuel Liñares Sixto o seu traballo para que este se leve a cabo.

O concelleiro de Emprego e Economía Social tamén informou hoxe dalgunhas das campañas de dinamización do comercio local e a hostalería que está a desenvolver o seu departamento, como é a que o Concello ten previsto levar a cabo con motivo da festa do Samaín ­entre os días 19 e 30 destes mes de outubro­ en comercios e centros de ensino da cidade, que onte abriu o prazo para inscribirse nas actividades desta primeira edición. … Leer más