Home » Ayuntamiento » Recent Articles:

O Goberno local lamenta que os Orzamentos Xerais do Estado volvan relegar proxectos “chave” como a intermodal ou o saneamento da ría do Burgo

agosto 6, 2015 Ayuntamiento No Comments

A primeira tenente de Alcalde e concelleira de Medio Ambiente, María García, lamentou na mañá deste mércores que os Orzamentos Xerais do Estado para 2016 “seguen sen satisfacer investimentos chave para A Coruña, como a estación intermodal ou o saneamento da ría do Burgo, que non ten as partidas necesarias para acometer o proxecto”. Ademais, o Goberno local considera que desde o Executivo central “proseguen coa asfixia orzamentaria para os concellos”, criticou a responsable municipal, que vinculou as “pinceladas sociais” dos presupostos coa proximidade das eleccións xerais.

García indicou así mesmo que aqueles proxectos que si se ven dotados de orzamento, caso da ampliación da avenida da Pasaxe ou as actuacións na avenida da Vedra, fan necesarias reunións urxentes entre o Concello e os ministerios competentes, como o de Fomento. “Entendemos que hai que chegar a un consenso entre os requirimentos do Goberno da Coruña ­en relación á adaptación dos proxectos ao plan xeral urbano da Coruña­, e os requirimentos doutras institucións, para humanizar no posible as vías de entrada á cidade”, indicou a responsable municipal antes de puntualizar: “Non esquezamos que unha vez que os coches entran na cidade, hai que buscarles un sitio”. Neste sentido, a tamén concelleira de Medio Ambiente subliñou que a ampliación da Vedra deberá necesariamente facilitar o acceso ao transporte público.

Os catro grupos municipais aproban, por unanimidade, en Pleno o acordo de organización do Concello

julio 24, 2015 Ayuntamiento No Comments

Na tarde deste xoves os catro grupos con representación no Concello da Coruña (Marea Atlántica, PPdeG, PSdeG e BNG) aprobaron por unanimidade a nova organización municipal. O respaldo á proposta negociada polo equipo de Goberno produciuse despois de que o pasado luns todas as formacións acadasen un consenso en torno a cuestións tales como a periodicidade das sesión plenarias, as comisións que se levarán a cabo no Consistorio, ou as retribucións dos edís.

unnamed

O alcalde, Xulio Ferreiro, quixo felicitar a todos os grupos municipais por ter chegado ao acordo co que se logrou sacar adiante o Pleno de Organización. Ademais, insistiu en que, este consenso histórico, “que permite á oposición ter máis medios que nunca na historia do Concello marca un precedente”. “Non debería ter sido necesario chegar a hoxe para conseguir un acordo unánime, xa que entendo que a proposta que se presentou o pasado día 11 en Pleno non contiña grandes diferenzas con respecto a esta”, apuntou Ferreiro, quen, non obstante, quixo destacar que as bases do consenso acadado “marcan un punto de inflexión e de non retorno”. “Non creo que nos sucesivos gobernos caiba outra forma de entender o reparto de roles”, dixo. “Estamos a facer unha dotación de medios que nunca houbo para os grupos que non están no Goberno”, engadiu o alcalde. … Leer más

O alcalde da Coruña recibe aos estudantes con bolsas de estudo en Estados Unidos e reivindica a Educación como unha prioridade do Concello

julio 20, 2015 Ayuntamiento No Comments

​alcalde da Coruña, Xulio Ferreiro, e a concelleira de Xustiza Social e Coidados, Silvia Caméan, recibiron este luns no Salón de Plenos do Concello a un grupo de mozas e mozas da cidade que partirán a Estados Unidos para realizar un programa de inmersión de preto de nove meses de duración. Ademais, na comitiva que visitou María Pita tamén se atopaban os bolseiros que participaron na última edición do programa, destinado a estudantes empadroados no municipio

unnamed1

Ferreiro manifestou que a educación é unha das principais prioridades deste Concello. “A nosa prioridade é a educación, poder dar oportunidades ao maior número de rapaces e rapazas da Coruña”, explicou o rexedor. “Só investindo na mocidade se pode conseguir unha sociedade mellor, a educación fai mellores ás persoas”, indicou. … Leer más

O Concello pide á cidadanía precaución ante o aumento de rescates nos areais

julio 19, 2015 Ayuntamiento No Comments

As boas temperaturas do verán na Coruña traducíronse nun aumento de afluencia de usuarios ás praias da cidade e tamén nun maior número de incidencias rexistradas polos efectivos de seguridade no seu primeiro mes de servizo con respecto ao mesmo período do 2014. O Concello prega á cidadanía maior precaución, xa que só en 30 días contabilizáronse 24 rescates, 22 máis que no ano pasado nas mesmas datas.

Segundo os datos que manexa o Concello, desde o 15 de xuño rexistráronse 397 incidencias nas praias de Riazor, Orzán, As Lapas, San Amaro e Oza. No primeiro mes de servizo do pasado ano, a suma foi máis reducida: 265. Case unha cuarta parte das incidencias son cortes (97), porén, as incidencias que máis aumentaron foron as referidas abrasións non solares (91 este ano, 38 no 2014), danos oculares (15 este ano, 4 no 2014), así como picadas con obxectos punzantes (29), picaduras de insectos (20) e mareos (10). Tamén aumentou o número de rescates, sendo 24 este ano, cando no mesmo período de 2014 sumaron 2 en total. Oza foi o areal que rexistrou maior número de incidencias (125), seguido de Riazor (93), Orzán (91), San Amaro (56) e Lapas (32).

Non obstante, e a pesar da petición á veciñanza para que aumente a precaución durante este verán, o Concello recorda que, na actualidade, hai cerca de sesenta profesionais do servizo de salvamento e socorrismo que velan pola seguridade das persoas que se achegan até as praias.

No dispositivo empregado polo Concello atópanse socorristas, diplomados en enfermería, médicos, coordinadores de todo o operativo e responsables de loxística.

Xulio Ferreiro: “Estamos a piques de alcanzar un acordo unánime histórico para a organización do Concello”

julio 18, 2015 Ayuntamiento No Comments

O alcalde da Coruña, Xulio Ferreiro, cualificou este venres de “histórico” o acordo que está a piques de asinarse con todos os grupos municipais para sacar adiante a organización do Concello. “É un acordo histórico porque nunca no Concello os grupos tiveron tantos medios como van ter, e tamén é histórico porque marca un punto de inflexión”, salientou o rexedor. “Xa non pode haber no futuro outra forma de entender a vida política; estase propoñendo un acordo importante por todos os lados, tamén por parte dos cidadáns, polo que esperamos que isto se traduza nun mellor xeito de gobernar”, explicou Ferreiro, quen sinalou non obstante que “este acordo global segue a supoñer un aforro con respecto ao pasado mandato”.

Durante as negociacións alcanzouse un acordo entre os grupos que permitirá sacar adiante o Pleno de Organización, aínda que se esperará ata o luns para ter a unanimidade. “Nunha negociación é necesario buscar puntos de consenso”, indicou o rexedor. A previsión é que o próximo luns, día 20, poida asinarse o acordo e convocar o Pleno de Organización para o xoves.

ENCUESTA SEMANAL

¿Te gusta la nueva web?

Cargando ... Cargando ...