Home » coruna » Recent Articles:

O goberno local habilitará desde o martes un servizo de préstamo de libros en Novo Mesoiro, “que dotará de actividade eminentemente cultural ao barrio ”

octubre 23, 2017 coruna No Comments

O barrio de Novo Mesoiro contará, a partir do vindeiro martes, cun novo servizo de préstamo de libros. A iniciativa impulsada polo goberno local nace como resultado do proceso participativo levado a cabo pola Concellería de Participación e Innovación Democrática, en colaboración coa Concellería de Culturas, Deporte e Coñecemento, “para recabar as necesidades culturais da veciñanza”, segundo destaca a edil Claudia Delso. O obxectivo desta iniciativa, que se puxo en marcha no pasado mes de marzo, “foi dar resposta no curto prazo”, explica a titular da área de Participación, “ás necesidades dos barrios de Novo Mesoiro, Mesoiro Vello, Feáns e Someso, así como os núcleos de Vío e a Urbanización Breogán coa creación dun servizo municipal cultural polivalente e flexible, que se adapte ás demandas veciñais cunha oferta adaptada e acorde aos cambios socio-demográficos experimentados por estes barrios nos últimos anos”. “Novo Mesoiro construíuse, no seu momento, sen ter presente as futuras necesidades e servizos básicos dunha veciñanza que se atopaba, xeograficamente, afastada do centro da cidade. Con este proceso, así como con outros postos en marcha no marco de ‘A Porta Aberta’, como os Orzamentos Participativos, o goberno local pretende redistribuír os recursos municipais e promover a igualdade de oportunidades de acceso aos mesmos entre a veciñanza”,afirmaDelso.

Pola súa banda, José Manuel Sande, concelleiro da área de Culturas, Deporte e Coñecemento, destaca que esta proposta “responde a unha demanda veciñal existente en relación a un punto de lectura”, e que “dará cobertura a Novo Mesoiro, pero tamén a barrios como Feáns, Someso, Birloque ou Martinete”. Deste xeito, o novo servizo permitirá que o Centro Cívico do barrio acolla actividades “que xa se están a desenvolver na rede de Bibliotecas Municipais, como é o préstamo de libros ou os contacontos infantís, entre outras múltiples iniciativas”.

Día das Bibliotecas

A inauguración desde Punto de Préstamo será o centro das celebracións do Día das Bibliotecas , cuxas actividades comezarán este luns 23, pola tarde, cunha performance na rúa do Batallón Literario, grupo que que percorrerá o barrio de Mesoiro a través dun pasacalles interactuando coa veciñanza e convidándoa á participar na festa das bibliotecas, ao día seguinte, no Centro Cívico. O propio martes 24, o Batallón percorrerá de novo ás rúas até ás 18.30 horas, momento no que comezará no salón de actos do equipamento municipal unha sesión de contacontos destinada a público de 3 a 7 anos e as súas familias. Esta actividade será, á vez, a presentación do Programa Merendas con Contos , iniciativa que se desenvolve en diversos centros da Rede de Bibliotecas Municipais e que terá lugar no Centro Cívico, ao longo de todo o ano, os sábados pola mañá cada quince días. Nesta sesión inaugural, e por ser o Día das Bibliotecas , o rato Fuco –personaxe que conduce a actividade– entregará ás e aos asistentes galletas da sorte con mensaxes sorpresa.

Unha vez finalice o contacontos infantil, o alcalde da Coruña, Xulio Ferreiro, presentará o novo punto de préstamo e o seu funcionamento acompañado polo concelleiro de Culturas así como da edil de Participación. A continuación haberá unha actuación musical que porá o broche á celebración.

O alcalde reafirma que o Concello cumprirá a sentenza de San Roque “procurando, desde a legalidade e sen atallos, o menor prexuízo para as persoas afectadas e para o interese xeral”

octubre 22, 2017 coruna No Comments

O alcalde da Coruña, Xulio Ferreiro, compareceu para dar conta dos principais asuntos da Xunta de Goberno Local celebrada, dos que destacou a proposta municipal para a execución da sentenza que ilegaliza a licenza do edificio de San Roque de Afora, número 13, e dos autos posteriores que acordan a súa demolición. “O que faremos será procurar, sempre cumprindo coa legalidade, o menor prexuízo para as persoas afectadas e para o interese xeral. Este goberno non vai buscar ningún atallo para eludir o cumprimento da resolución xudicial, algo que xa vimos en etapas anteriores e que é peor no longo prazo, como demostran o custo e as consecuencias das malas praxes urbanísticas do pasado”, observou. Como indicou, a remisión desta documentación dá resposta á providencia emitida hai unha semana desde o xulgado sobre o estado de execución da resolución do Tribunal Superior de Xustiza de Galicia que no ano 2008 anulou a licenza do edificio, e inclúe os informes municipais que conclúen que o inmoble “non se axusta ao planeamento urbanístico en vigor, nin en canto aos voos nin por ocupación”. Deste xeito, a proposta que o Concello traslada ao xulgado contempla o derrubo total ou parcial, unha cuestión que como apuntou Ferreiro “deberá determinarse en execución da sentenza, para o que o Concello quere ir da man do xulgado e procurando o menor prexuízoposibleparaaspersoasafectadaseointeresexeral”.

Do mesmo xeito, o alcalde informou do acordo para a adxudicación das obras de reurbanización dun novo tramo da rúa San Vicente, comprendido entre a Rolda de Outeiro e a rúa Ángel Senra, uns traballos que teñen un custo de 290.000 euros e que supoñen a substitución da calzada e as beirarrúas, que se amplían lixeiramente, e melloras na seguridade dos pasos peonís, ademais da substitución da rede de fecais, a construción de rede separativa de pluviais e a conexión das baixantes das cubertas dos edificios con esta rede, para acabar coas verteduras ás beirarrúas.

No ámbito urbanístico, o alcalde referiuse tamén ao informe levado á Xunta de Goberno polo concelleiro de Rexeneración Urbana e Dereito á Vivenda, Xiao Varela, relativo ás licenzas e títulos habilitantes tramitados desde esta área entre o 4 e 17 deste mes, un período no que este departamento resolveu un total de 145 expedientes. Deles, 27 correspóndense con licenzas urbanísticas e 58 con comunicacións previas ao inicio de obras, mentres que os 60 restantes son comunicacións previas ao inicio de actividades ou apertura de establecementos. … Leer más

A Coruña acollerá o ano que vén o XII Encontro de Xestores de Patrimonio Mundial, “o que confirma a aposta do goberno local por unha cidade referente no turismo cultural e congresual”

octubre 22, 2017 coruna No Comments

A cidade da Coruña acollerá no 2018 a XII edición do Encontro de Xestores de Sitios Declarados Patrimonio Mundial en España. O concelleiro de Emprego e presidente do Consorcio de Turismo, Alberto Lema, valora como “moi positiva” a decisión do Ministerio de Educación, Cultura e Deporte de escoller á localidade como sede, despois de aceptar a proposta lanzada polo executivo municipal o pasado mes de xaneiro. “Este goberno cre na potencialidade da Coruña como cidade para a organización de eventos e congresos, pero é que precisamente a tipoloxía do mesmo, así o seu patrimonio natural e cultural, fan que o municipio sexa idóneo para acoller un evento destas características”, explica o edil. Será a primeira vez que a cidade acolla este foro, no que cada ano participan un cento de responsables da xestión de espazos inscritos na Lista de Patrimonio Mundial do Estado, unha relación que abrangue sitios tan diversos como conxuntos históricos, monumentos, parques naturais ou paisaxes culturais, entre outros, e que son cualificados pola Organización das Nacións Unidas para a Educación, a Ciencia e a Cultura (UNESCO) como lugares que posúen un valor universal excepcional. “A Coruña é unha cidade óptima como sede deste encontro, cuxa celebración avala e reforza a aposta do goberno local, tal e como vén referendada polo Plan Estratéxico de Turismo, por esta vía de proxección do municipio”, di o titular da área de Emprego e Economía Social, quen salienta que “esta é unha cidade que se está a converter en referencia do turismo de carácter patrimonial, cultura e de congresos”. “As cifras amosan que esta cidade está crecendo, pola súa compoñente verde, marítima e acolledora co turismo de congresos, pero ademais, seguimos medrando como reclamo de cidade histórica e patrimonial entre outras cousas grazas a todos as actuacións que estamos a levar a cabo para protexer e mellorar a contorna da Torre de Hércules, así como a promoción do Camiño Inglés, dúas cuestión que, entendemos, foron moi tidas en conta á hora de elixir a nosa cidade como sede deste congreso”.

O anuncio fíxose público durante a celebración do XI Encontro de Xestores que se está a celebrar esta semana en Palma de Mallorca baixo o lema Patrimonio vivo, patrimonio vivido. Actividades máis alá das dirixidas ao turismo , e no que está a participar a directora da Torre de Hércules, Ana Santorun. Nas anteriores edicións deste foro, afondouse en temas como os plans de xestións ou a avaliación do impacto do Patrimonio, e desde perspectivas como o seu papel respecto á educación, os beneficios sociais ou o desenvolvemento sostible e o papel das comunidades locais respecto ao mesmo.

O Concello inicia os traballos de consolidación do xacemento do Castro de Elviña “para devolver a dignidade a unha peza fundamental do noso patrimonio”

octubre 22, 2017 coruna No Comments

O Concello vén de poñer en marcha os novos traballos de consolidación do xacemento arqueolóxico do Castro de Elviña, unhas obras que afectarán aos 6.300 metros cadrados de superficie escavada para recuperar e dignificar esta peza do patrimonio da cidade. O alcalde da Coruña, Xulio Ferreiro, acompañado do concelleiro de Culturas, Deporte e Coñecemento, José Manuel Sande, e de Rexeneración Urbana e Dereito á Vivenda, Xiao Varela, visitou esta semana o Castro para supervisar o inicio das actuacións, que se prolongarán durante cinco meses e que se completarán, na primeira metade do ano que vén, cunha segunda fase de estudo dos materiais extraídos e a elaboración dunha memoria, para o seu tratamento e musealización. “Falamos dunha intervención ambiciosa, unhas obras que teñen unha partida de máis de 800.000 euros e que afondan na que é unha liña estratéxica da Concellería de Culturas para o ano que vén, como é a posta en valor do patrimonio”, destaca Sande, quen incide “na aposta do executivo municipal por recuperar para a cidadanía un enclave de grandísimo valor, pero que foi inxustamente esquecido e apartado do circuíto cultural e patrimonial e ao que cómpre devolver a dignidade”.

Esta nova campaña, que se realiza baixo a supervisión do arqueólogo municipal, vai dirixida “a consolidar e dar dignidade ás estruturas arquelóxicas” que foron descubertas no Castro entre 1947 e 2013 nas distintas áreas de escavación, e que recibiron, en cada caso, unha estratexia diferente de restauración. Dese xeito, e como expón o responsable municipal de Culturas, o obxectivo é rematar de escavar as zonas que están iniciadas, para realizar a súa consolidación, consolidar as estruturas que saíron á luz na década dos anos corenta, e corrixir algunhas restauracións que non funcionaron da maneira esperada. O proxecto contempla tamén intervencións nas tres entradas documentadas do castro, e rematar a escavación da terceira entrada, que foi documentada no ano 2013, de cara a deixar á vista o pavimento de pedra, que presenta un bo grao de conservación, e os dous torreóns, ademais da praza de acceso. … Leer más

La Granera celebra una charla en colaboración con la AECC con motivo del Día Mundial Contra el Cáncer de Mama

octubre 21, 2017 coruna No Comments

El próximo lunes día 23 de octubre a partir de las 11.00 el local de restauración La Granera, situado en la Plaza de la Fábrica de Tabacos, acoge una charla en colaboración con la AECC (Asociación Española Contra el Cáncer) Junta Provincial de A Coruña con motivo del Día Mundial Contra el Cáncer de Mama, que se celebró el pasado día 19 de octubre.

La psicóloga sanitaria de la Asociación, Ainhoa Carrasco, impartirá una charla a todos los asistentes sobre concienciación de la enfermedad y prevención a través de un estilo de vida saludable.

Esta charla que organiza La Granera es con motivo del Día Mundial Contra el Cáncer de Mama que se celebró el pasado miércoles 19 de octubre y para ello La Granera apuesta por el apoyo y la lucha contra esta enfermedad a través de la información y concienciación de sus clientes.

ENCUESTA SEMANAL

¿Te gusta la nueva web?

Cargando ... Cargando ...