Home » coruna » Recent Articles:

A Xunta de goberno local inicia a tramitación dun modificativo de crédito destinado ao reinvestimento de 15 millóns de euros do superávit do pasado exercicio

noviembre 16, 2018 coruna Comentarios desactivados en A Xunta de goberno local inicia a tramitación dun modificativo de crédito destinado ao reinvestimento de 15 millóns de euros do superávit do pasado exercicio

A Xunta de goberno local aprobará na súa reunión o proxecto de expediente dun modificativo no estado de gastos do orzamento municipal que ten como destino o reinvestimento de 15,1 millóns de euros correspondentes ao superávit rexistrado polo Concello o pasado exercicio. Este trámite deberá ser posteriormente validado pola maioría simple do Pleno. A concelleira de Facenda, Eugenia Vieito, indicou este xoves que a proposta municipal pasa, neste momento, por destinar esta cantidade a amortización de débeda, finalidade ordinaria do superávit segundo a Lei de Estabilidade Orzamentaria e Sostenibilidade Financeira, reservándose a posibilidade de poder dedicar parte desta cantidade á execución de Investimentos Financeiramente Sostibles (IFS) se o Concello logra cumprir as premisas marcadas pola normativa estatal para poder acometer este tipo de gasto de carácter excepcional.

En rolda de prensa, Vieito fixo notar as dificultades coas que tanto o Concello da Coruña como o resto de entes municipais se enfrontan para poder acometer este tipo de investimentos extraordinarios. “A normativa estatal esixe o cumprimento de condicións tales como que non se supere o límite de endebedamento establecido no regulamento de Facendas Locais, cousa que o Concello cumpre, e que o anterior exercicio rematase con superávit en termos contables e con remanente de tesourería para gastos xerais positivo, obxectivos que tamén acadou este Concello, xa que o superávit de 2017 é de 18,3 millóns de euros e o remanente de 23,3 millóns”, comentou. Non obstante, ademais destas dúas condicións, a lei vixente engade outro requisito que non garda relación algunha co cumprimento do principio de estabilidade, e que consiste en que o último dato publicado do Período Medio de Pago a Proveedores (PMP) non supere o prazo máximo establecido na normativa sobre morosidade, que é de 30 días. “A estimación feita polos servizos municipais para o mes de outubro, a falta dos últimos datos, reflicte unha situación similar á de setembro, onde superamos o máximo establecido por escasos días, en concreto 3,61”, informou a concelleira, que indicou que os tempos de trámite son os que obrigan a iniciar xa a aprobación do expediente de modificación de crédito.

… Leer más

González Formoso recibe na Deputación a unha delegación de alcaldes de diversas vilas europeas

noviembre 16, 2018 coruna Comentarios desactivados en González Formoso recibe na Deputación a unha delegación de alcaldes de diversas vilas europeas

O presidente da Deputación da Coruña, Valentín González Formoso, recibiu esta mañá a unha delegación de alcaldes, alcaldesas e concelleiros/as de diversas cidades e vilas de Eslovaquia, Italia, Letonia, Lituania, Portugal e Hungría que ata o vindeiro día 18 de novembro participan no Concello de A Baña no proxecto europeo “A convivencia intercultural fortalece Europa”.

Xunto ao alcalde da Baña e deputado provincial, Andrés García Cardeso, o presidente recibiu no Salón de Plenos aos rexedores locais, aos que deu a benvida á Coruña e explicoulles a historia e as numerosas funcións de cooperación, apoio técnico e construción de infraestruturas que realiza a Deputación nos pequenos municipios coruñeses, como o caso de A Baña.

González Formoso desexoulles unha boa estancia en terras galegas e instounos a aproveitar a visita para “descubir o moito que a provincia da Coruña tén que ofrecer e contalo despois nos seus países de orixe”.

Como agasallo institucional, recibiron unha versión en inglés do libro “O Camiño inglés” editado pola Deputación da Coruña.

O Concello amplía a Escola de Participación pola “alta demanda da veciñanza” de acceso aos seus obradoiros

noviembre 16, 2018 coruna Comentarios desactivados en O Concello amplía a Escola de Participación pola “alta demanda da veciñanza” de acceso aos seus obradoiros

​​A Concellería de Participación e Innovación Democrática vén de ampliar as posibilidades de cursar obradoiros e talleres da Escola de Participación, posta en marcha o pasado mes de outubro co obxectivo de ofrecer ferramentas e coñecementos a entidades sen ánimo de lucro, colectivos informais e veciñanza en xeral para o desenvolvemento de proxectos.

O programa, impulsado pola área que dirixe Claudia Delso, recibiu, tal e como fai constar a edil, “unha alta demanda por parte da cidadanía”, polo que, “de cara a facilitar unha maior participación da veciñanza”, este mes de novembro ofrecerase a posibilidade de realizar no Fórum Metropolitano dúas novas edicións dos talleres que foron máis solicitados na primeira convocatoria, como son o ​Curso básico de subvencións e ​Curso de implantación de medidas de igualdade de xénero nas entidades non lucrativas​. “A boa acollida desta primeira edición da Escola, así como a incorporación de dous novos talleres, referenda a aposta do goberno por facilitar o acceso da veciñanza á formación continua así como de dispor de coñecementos actualizados que lles permitan desenvolver iniciativas de seu”, expón Delso, que visitou onte pola tarde no Espazo de Iniciativas Xuvenís (EIX) un dos talleres.

Así,ovindeiro 29denovembro,celebrarasede17.00a21.00horasa2aedicióndo​Cursobásico de subvencións,​ no que se abordará como solicitar unha subvención ante a administración pública partindo dun suposto práctico. A inscrición, que é de balde, estará aberta no web municipalwww.coruna.gal/cmix ata o día 27 de novembro. O venres 30, tamén en horario de 17.00 a 20.00 horas, terá lugar a segunda edición co ​Curso de implantación de medidas de igualdade de xénero nas entidades non lucrativas, cuxo obxectivo é o de dar a coñecer a lexislación neste ámbito, e avanzar nas dinámicas de funcionamento das entidades vencelladas á igualdade de xénero. A inscrición, neste caso, estará aberta ata o dia 28 de novembro. Para máis información sobre a Escola de Participación, pódese visitar a páxina web municipal ​www.coruna.gal/participacion​.

… Leer más

La gripe ya está aquí: Galicia y La Rioja son las regiones que registran los primeros casos de virus de la gripe de esta temporada

noviembre 15, 2018 coruna Comentarios desactivados en La gripe ya está aquí: Galicia y La Rioja son las regiones que registran los primeros casos de virus de la gripe de esta temporada

La temporada de la gripe española 2018 que comenzó hace unas semanas ya está dejando los primeros afectados por el virus. El informe semanal del Sistema de Vigilancia de la enfermedad señala que a mediados de este mes la incidencia es de 15,9 casos por cada 100.000 habitantes, levemente superiores a los registros de reportes anteriores.

Unas cifras que aún están por debajo de los umbrales estimados, pero que han dejado las primeras hospitalizaciones de personas mayores, uno de los colectivos de riesgo a los que se recomienda la vacuna. Sin embargo, por el momento, son los adultos el sector más afectado. “La incidencia de gripe en España se mantiene en valores pre-epidémicos”, según detalla el Sistema de Vigilancia del virus. … Leer más

A Deputación da Coruña licita por 425.594 euros as obras de mellora da estrada DP 1708 ao seu paso por Culleredo, Carral e Cambre

noviembre 15, 2018 coruna Comentarios desactivados en A Deputación da Coruña licita por 425.594 euros as obras de mellora da estrada DP 1708 ao seu paso por Culleredo, Carral e Cambre

A Deputación da Coruña vén de publicar na Plataforma de Contratación do Estado o anuncio de licitación das obras da estrada provincial DP 1708 ao seu paso polos núcleos de Castelo (Culleredo), Tabeaio (Carral) e a parroquia de Andeiro (Cambre).

Estas obras contan cun orzamento de 425.594,68 euros para acometer os traballos de renovación do firme nun tramo de preto de 5 quilómetros que vai dende o inicio da estrada até o punto quilométrico 5+250, en Cambre. … Leer más