Home » coruna » Recent Articles:

A programación expandida do Festival de Artes pola Inclusión Cultural Festigual chega o vindeiro xoves, 14 de decembro, ao seu fin, coa proxección do documental La Gran Boda . O traballo, dirixido por Gaspar Broullón, foi gravado durante a representación da obra de teatro do mesmo título que La Quinta del Arte organizou o pasado 28 de xullo na praza de María Pita, como resultado da programación de actividades do proxecto Desde o invisible , posto en marcha pola entidade cultural no marco da primeira convocatoria Cultura Accesible e Inclusiva. Ao longo da programación do Festigual, La Quinta del Arte tamén organizou un obradoiro formativo no que se preparou a obra Las edades del amor, que se representou no día central do festival promovido polo Concello da Coruña e a Fundación Emalcsa. A estrea do documento audiovisual La Gran Boda terá lugar ás 18.30 horas no Teatro Rosalía de Castro. Antes da proxección, parte do grupo de actores e actrices realizará un pequeno número a modo de presentación da peza teatral, unha obra na que participaron 48 persoas con e sen diversidades, concentrando o espítiro do Festigual . A continuación proxectarase o traballo de Broullón e, a continuación, a experta en creación e produción escénica vinculada á participación comunitaria Eva García impartirá a conferencia Arte e Participación. De seguido, terá lugar un debate aberto moderado por Iago Santalla. A entrada é libre até completar a capacidade do recinto municipal.

diciembre 13, 2017 coruna No Comments

O concelleiro de Culturas, Deporte e Coñecemento, José Manuel Sande, e o titular de Emprego e Economía Social, Alberto Lema, presidente do Consorcio de Turismo, presentaron hoxe, en rolda de prensa, a programación específica do Concello para as festividades do Nadal. Os edís destacaron que a oferta deste ano caracterízase “por un aumento da actividade lúdica e cultural dentro da programación, así como unha descentralización maior, con actividades en todos os barrios e unha forte aposta pola seguridade e pola inclusión das diversidades, de forma que, realmente, esteamos a falar dunhas festas accesibles para todos e todas que, ademais, están marcadas por unha perspectiva metropolitana”.

Lema indicou que, se ben a Praza de María Pita conta xa dende o inicio do mes coas súas actividades de Nadal dirixidas especialmente aos e ás máis cativas e impulsadas pola área de Emprego (actuacións musicais e de teatro no iglú, atraccións, carrusel, visitas de Papa Noel, ou a Casa dos Xoguetes para o fomento da reutilización e a economía circular) tamén está previsto que o vindeiro venres, 15 de decembro, se proceda á inauguración do tradicional Belén Municipal, que este ano terá como novas figuras a Marcela e Elisa “debido á aposta do goberno local pola visibilización e os dereitos das diversidades”. Poderá visitarse até o próximo 6 de xaneiro. O horario, até o 4 de xaneiro, será de 12.00 a 14.00 horas e de 17.00 a 21.00, a excepción dos días 24, 25, 31 e 1, que estará pechado. O 5 de xaneiro o horario de apertura será de 12.00 a 14.00 horas, mentres que o 6 de xaneiro será de 17.00 a 21.00 horas. O concelleiro indicou que as atraccións na Praza de María Pita tamén serven para fomentar o comercio de proximidade xa que é nel no que se pode conseguir entradas gratuítas para acceder ás mesmas. … Leer más

O Festigual pecha a súa programación coa estrea do documental ‘La Gran Boda’ o vindeiro xoves no Teatro Rosalía de Castro

diciembre 13, 2017 coruna No Comments

A programación expandida do Festival de Artes pola Inclusión Cultural Festigual chega o vindeiro xoves, 14 de decembro, ao seu fin, coa proxección do documental La Gran Boda . O traballo, dirixido por Gaspar Broullón, foi gravado durante a representación da obra de teatro do mesmo título que La Quinta del Arte organizou o pasado 28 de xullo na praza de María Pita, como resultado da programación de actividades do proxecto Desde o invisible , posto en marcha pola entidade cultural no marco da primeira convocatoria Cultura Accesible e Inclusiva. Ao longo da programación do Festigual, La Quinta del Arte tamén organizou un obradoiro formativo no que se preparou a obra Las edades del amor, que se representou no día central do festival promovido polo Concello da Coruña e a Fundación Emalcsa.

A estrea do documento audiovisual La Gran Boda terá lugar ás 18.30 horas no Teatro Rosalía de Castro. Antes da proxección, parte do grupo de actores e actrices realizará un pequeno número a modo de presentación da peza teatral, unha obra na que participaron 48 persoas con e sen diversidades, concentrando o espítiro do Festigual . A continuación proxectarase o traballo de Broullón e, a continuación, a experta en creación e produción escénica vinculada á participación comunitaria Eva García impartirá a conferencia Arte e Participación. De seguido, terá lugar un debate aberto moderado por Iago Santalla. A entrada é libre até completar a capacidade do recinto municipal.

Medio Ambiente apoia unha campaña de sensibilización da Liga Reumatolóxica Galega sobre a reciclaxe de produtos farmacolóxicos

diciembre 13, 2017 coruna No Comments

A Concellería de Medio Ambiente, a través da convocatoria de axudas Cultura Ambiental , apoia a posta en marcha dunha campaña de concienciación en relación á reciclaxe de produtos farmacolóxicos. A proposta, impulsada pola Liga Reumatolóxica Galega, diríxese á cidadanía en xeral, pero especificamente a todas aquelas asociacións do ámbito sanitario nas que as persoas usuarias, en función das diferentes patoloxías que padecen, manexan con asiduidade fármacos.

Con motivo desta campaña, o vindeiro xoves, 14 de decembro, a entidade organizará a charla Nós precisamos medicamentos, a natureza non, impartida pola técnica de SIGRE Elena Cantalejo, na que se presentará á veciñanza as liñas básicas para a separación e reciclaxe deste tipo de productos. O parladoiro, aberto á cidadanía, terá lugar ás 18.00 horas no Colexio Oficial de Farmacéuticos da Coruña, espazo no que, coa colaboración da Fundación Abrente, se instalará un punto informativo durante toda a xornada.

O Concello da Coruña reclama xunto a Madrid, Barcelona, Cádiz, Compostela, Valencia e Zaragoza que o goberno central dedique 2.000 millóns a políticas de vivenda en 2018

diciembre 12, 2017 coruna No Comments

O concelleiro de Rexeneración Urbana do Concello da Coruña, Xiao Varela, mantivo este luns unha reunión co secretario de Estado de Infraestruturas, Transportes e Vivenda, Julio Gómez-Pomar, á que tamén asistiron os e as responsables de políticas de vivenda dos municipios de Madrid (José Manuel Calvo), Barcelona (Josep María Montaner), Cádiz (Eva Tubío), Valencia (María Olive), Santiago de Compostela (Jorge Duarte) e Zaragoza (Pablo Híjar). O obxectivo da xuntanza era trasladarlle ao responsable do goberno central as alegacións destas administracións locais ao Plan Nacional de Vivienda 2018-2021, que se atopa en proceso de tramitación. “Unha das principais propostas que levamos a esta reunión foi a de dotar o plan a nivel estatal con 2.000 millóns de euros de investimento para o próximo ano, de forma que logremos reverter a tendencia que se perpetuou ao longo dos últimos anos, cunha reducción drástica do gasto público en políticas de vivenda”, dixo o edil coruñés. Na actualidade, o gasto destinado a vivenda por parte da administración xeral do Estado supón o 0,059% do PIB (467 millóns en 2017). “Se o Estado segue adiante cos recortes neste eido, as políticas públicas de vivenda desaparecerán en cinco anos, tendo en conta que xa se perderon 1.000 millóns de euros nos últimos oito exercicios”, comentou Varela.

Tanto o concelleiro coruñés como o resto dos e das representantes do resto de municipios reclaman que no prazo de 10 anos, o gasto público en materia de vivenda se sitúe no 1,5% do PIB. Segundo explicaron en declaracións aos medios logo da reunión, “este incremento permitiría que o estado español se equiparase ao resto de países europeos que impulsan políticas máis acordes co principio da vivenda como un dereito fundamental, recollido no artigo 47 da Constitución española”. Os e as representantes municipais insistiron en que os concellos “son as administracións máis próximas á cidadanía e, polo tanto, as que máis sofren a falla de recursos públicos das políticas estatais”. “É necesario que as institucións teñamos as ferramentas adecuadas para poder garantir a vivenda como o ben de primeira necesidade que é”, dixo o titular de Rexeneración Urbana. Segundo explicaron os e as concelleiras de Vivenda dos municipios participantes na cita “o Estado español só ten nestes momentos un 2,5% de vivenda asequible para as rendas máis baixas, incluíndo vivenda de protección oficial (VPO) e un parque insuficiente para cubrir as necesidades da cidadanía, mentres que, por exemplo, en Austria, o 24% da vivenda corresponde ao parque público de protección, fronte a Reino Unido ou Francia, cun 17%”. “As propostas que hoxe levamos á reunión con Gómez-Pomar, inclúen medidas concretas para aumentar o parque de vivenda pública, destacando as de tipo financeiro e as propostas para potenciar novos modelos de cesión de vivenda”, recordou o concelleiro coruñés. … Leer más

O goberno local conxela as tarifas do autobús urbano por terceiro ano consecutivo

diciembre 12, 2017 coruna No Comments

O goberno local anuncia que as tarifas do Transporte Urbano Colectivo para 2018 non experimentarán incremento ningún con respecto ás deste ano. O concelleiro de Mobilidade Sostible, Daniel Díaz Grandío, comentou que, desta forma, “A Coruña afronta o seu terceiro exercicio consecutivo co prezo dos billetes conxelados”. O responsable municipal incidiu en que “o ano que vén será especialmente relevante neste ámbito, xa que a intención do executivo municipal é que saia a concurso a nova xestión do transporte colectivo de viaxeiros e viaxeiras”. “Este proceso licitador dará pé a un novo marco tarifario marcado pola perspectiva social”, insistiu o edil, que defendeu que “o transporte público debe atender a realidade social da cidadanía, de forma que se favoreza e se facilite o seu uso”.

Mentres tanto, de cara a 2018, e ao non experimentarse incremento ningún nas tarifas, o prezo do billete ordinario manterase en 1,30 euros, do mesmo xeito que non haberá variación nas achegas municipais aos distintos billetes, a Tarxeta Xeral, a Tarxeta Social e a Tarxeta Universitaria. En concreto, os e as usuarias da Tarxeta Xeral aboarán 0,85 euros por traxecto (cunha aportación do Concello de 0,45 euros) mentres que na Tarxeta Social, os e as viaxeiras pagarán 0,33 euros, poñendo a Administración local 0,97 euros. A Tarxeta Universitaria tamén manterá o seu prezo. Así, nas primeiras 188 viaxes, o Concello aboará 0,52 euros, fronte aos 30 céntimos dos e das estudantes. No resto de traxectos, a aportación será de 0,45 e 0,85 euros, respectivamente. En ambos os dous casos, o importe a aboar por parte da Universidade da Coruña (UDC) será de 48 céntimos.

Díaz Grandío insistiu na necesidade de que as tarifas do transporte colectivo “sexan realmente accesibles e estean adaptadas a todas as realidades” xa que “é algo fundamental para favorecer o seu uso e, polo tanto, o cambio no modelo do sistema de mobilidade para o que estamos a traballar”. Ao fío, manifestou que o aumento do número de persoas usuarias do transporte urbano volverá medrar ao longo de 2017. En concreto, as previsións municipais pasan por rematar o actual exercicio cun incremento no número de viaxes realizadas polos e polas usuarias do servizo, sendo a previsión que, ao concluír o ano, se incrementen en máis de 300.000 os traxectos realizadas con respecto ao ano 2016.

“O ano pasado, e tendo en conta os traxectos realizados, contabilizouse que os e as usuarias deste servizo realizaron 21.521.770 viaxes, mentres que este ano, supoñendo, simplemente, que mantemos os datos rexistrados en decembro do ano pasado, pecharemos 2017 cun número total de viaxes superior aos 21.800.000”, comentou o edil, que destacou que o número de persoas usuarias “aumentou de forma sensible todos os meses deste ano con respecto a 2016 excepto en febreiro, abril, e xullo, agosto e setembro”.

ENCUESTA SEMANAL

¿Te gusta la nueva web?

Cargando ... Cargando ...