Home » coruna » Recent Articles:

O Concello publica as bases dos concursos de comparsas, carrozas e disfraces do Entroido, que comenzan o 4 de febreiro

enero 21, 2018 coruna No Comments

A Concellería de Culturas, Deporte e Coñecemento vén de publicar na súa páxina web (www.coruna.gal/cultura) as bases para inscribirse nos concursos do Entroido na cidade. Celebraranse competicións de comparsas -en dúas modalidades: de música e letra e de vestiario e coreografía-, carrozas, disfraces infantís e de choqueiros, que tamén contará cunha modalidade para os e as menores. O límite para formalizar a inscrición gratuíta nos concursos de comparsas e carrozas, aberto a persoas e tamén entidades, remata ás 14.00 horas do día 26 de xaneiro e pódese facer a través do envío da folla de inscrición ao correo electrónico imce@coruna.es, ou mediante a súa presentación nas oficinas do IMCE (Avenida da Mariña, 18, 15001 A Coruña). Para as modalidades de disfraces e choqueiros é preciso inscribirse tamén, pero farase o mesmo día da celebración, marcada para o 13 de febreiro, martes de Entroido e festivo local na cidade, no barrio de Monte Alto.

As inscritas nos concursos de comparsas e carrozas formarán parte do habitual desfile de Entroido, que percorrerá as rúas da cidade o sábado 10 de febreiro a partir das 17.30 horas. A modalidade de comparsas de música e letra celebrará previamente un concurso, marcado para o domingo 4 de febreiro ás 18.00 horas no Pazo da Ópera, para elexir as actuacións gañadoras. Cada grupo deberá interpretar dúas cancións inéditas de non máis de catro minutos co seu acompañamento musical. As letras e unha gravación dos temas deben acompañar á ficha de inscrición. O xurado estará composto por membros da corporación municipal e cinco persoas de recoñecido prestixio do ámbito artístico e cultural e deberá decidir a que grupos outorga os tres premios -de 1.500 euros o primeiro, 1.200 o segundo e 800 o terceiro- e un máximo de catro accésits de 150 euros, que dependerá do número de participantes. A comparsa que resulte gañadora deberá interpretar as súas cancións no acto de entronización do Deus Momo, que terá lugar o 9 de febreiro no Obelisco. O resto das comparsas participantes tamén deberán estar presentes no acto de entronización, e percorrerán xunto a carrozas e comparsas de vestiario as rúas da cidade no desfile do día 10. Haberá ocasión de escoitar as cancións gañadoras no programa de radio especial Entroido 2018 que se emitirá o martes 13 de febreiro en directo dende o Campo da Leña entre as 12.20 e as 14.00 horas. … Leer más

O goberno local subscribe un convenio de colaboración do Concello de Madrid para favorecer a participación e a innovación democráctica a través de proxectos comúns

enero 21, 2018 coruna No Comments

O Concello da Coruña e o Ayuntamiento de Madrid colaborarán no desenvolvemento de proxectos comúns para favorecer a participación e a innovación democrática. Así o formalizou a edil Claudia Delso, co responsable da sociedade municipal Madrid Destino e da xestión de espazos culturais en Madrid, Marcos García, a través dun convenio de colaboración que se canalizará a través do Co-Lab e de Medialab-Praco, o laboratorio cidadán madrileño que “é un referente mundial no eido da produción, investigación e difusión de proxectos culturais vinculados ás formas de experimentación que xurdiron a través das redes dixitais”, subliña Delso. Mediante o acordo, que segundo salienta a edil é “unha oportunidade de aprendizaxe e desenvolvemento mutuo”, ambos gobernos municipais impulsarán a posta en marcha de proxectos e programas conxuntos no ámbito da participación, ademais de cooperar en programas de formación e asesoramento en cuestións relacionadas coa actividade de ambos os dous laboratorios.

Para o axeitado desenvolvemento das actividades que se xeren de maneira conxunta, ambos os dous concellos integrarán unha comisión técnica na que participará unha persoa representante de cada institución. “A posta en funcionamento dunha institución para a transformación social como o Co-Lab foi unha importante decisión para canalizar as demandas da cidadanía dun xeito diferente, ofrecendo a posibilidade de que sexa ela mesma quen detecte as necesidades do municipio e que propoña as solucións para estas demandas. Contar co apoio dunha referencia neste eido, como é Medialab-Prado, non só é unha oportunidade de aprender e medrar, senón tamén de profundar neste camiño. Temos propostas diferentes e esta colaboración favorecerá o avance e o coñecemento mutuo”, expuxo a responsable municipal coruñesa. “Os dous laboratorios teñen características especiais nas súas temáticas e proxectos, aspecto que contribúe a xerar importantes sinerxias e espazos para a colaboración”, apuntou.

O goberno local constitúe unha mesa de traballo para “garantir a seguridade xurídica dos e das traballadoras ante a futura licitación do contrato de transporte urbano da Coruña”

enero 20, 2018 coruna No Comments

O concelleiro de Mobilidade Sostible, Daniel Díaz Grandío, reuniuse en María Pita co comité de empresa da Compañía de Tranvías de cara a dar resposta ás súas inquedanzas ante a futura licitación do contrato de transporte urbano da Coruña. O edil insistiu en que “garantir a seguridade xurídica dos e das traballadoras é unha prioridade”, motivo polo cal o Goberno local asinou coa representación do cadro de persoal un documento no que se compromete a constituír unha mesa de traballo no marco do proceso de preparación do novo contrato e con anterioridade á redacción dos pregos do mesmo. “Isto facilitará o diálogo social con respecto ás condicións laborais dos e das empregadas”, explicou o edil, que insistiu en que, como en calquera proceso licitador por parte do Concello da Coruña, “garantiremos a non precarización e a salvagarda das condicións laborais e salariais adquiridas, incorporando nos pregos de contratación cláusulas sociais supervisadas pola asesoría xurídica municipal”. Como recordou, a proposta da creación deste novo órgano partiu do propio executivo municipal.

“As cláusulas sociais servirán para asegurarnos que a empresa contratista contará co cadro de persoal necesario para o desempeño do seu traballo, sendo o número mínimo de empregados e empregadas o que está previsto no actual contrato”, comentou, á vez que aludiu ao principio de subrogación contido no acordo marco estatal sobre materia do transporte de viaxeiros e viaxeiras por estrada. “Ao mesmo tempo, tamén traballaremos para que se respecten e manteán as condicións máis beneficiosas adquiridas no contrato actual polo cadro de persoal nos procesos de negociación do convenio colectivo”, dixo o concelleiro. Todos e todas as traballadoras que teñan dereito a subrogación deberán ser contratados durante todo o período de vixencia do novo contrato.

O concelleiro de Mobilidade Sostible, Daniel Díaz Grandío, reuniuse esta mañá en María Pita co comité de empresa da Compañía de Tranvías de cara a dar resposta ás súas inquedanzas ante a futura licitación do contrato de transporte urbano da Coruña. O edil insistiu en que “garantir a seguridade xurídica dos e das traballadoras é unha prioridade”, motivo polo cal o Goberno local asinou coa representación do cadro de persoal un documento no que se compromete a constituír unha mesa de traballo no marco do proceso de preparación do novo contrato e con anterioridade á redacción dos pregos do mesmo. “Isto facilitará o diálogo social con respecto ás condicións laborais dos e das empregadas”, explicou o edil, que insistiu en que, como en calquera proceso licitador por parte do Concello da Coruña, “garantiremos a non precarización e a salvagarda das condicións laborais e salariais adquiridas, incorporando nos pregos de contratación cláusulas sociais supervisadas pola asesoría xurídica municipal”. Como recordou, a proposta da creación deste novo órgano partiu do propio executivo municipal. “As cláusulas sociais servirán para asegurarnos que a empresa contratista contará co cadro de persoal necesario para o desempeño do seu traballo, sendo o número mínimo de empregados e empregadas o que está previsto no actual contrato”, comentou, á vez que aludiu ao principio de subrogación contido no acordo marco estatal sobre materia do transporte de viaxeiros e viaxeiras 1 Nota de Prensa por estrada. “Ao mesmo tempo, tamén traballaremos para que se respecten e manteán as condicións máis beneficiosas adquiridas no contrato actual polo cadro de persoal nos procesos de negociación do convenio colectivo”, dixo o concelleiro. Todos e todas as traballadoras que teñan dereito a subrogación deberán ser contratados durante todo o período de vixencia do novo contrato.

enero 20, 2018 coruna No Comments

O alcalde da Coruña, Xulio Ferreiro, visitou esta semana as obras de reurbanización que o goberno local iniciou o pasado mes de outubro na rúa Montiño, co obxectivo de mellorar a seguridade peonil e revitalizar o espazo público do Castrillón, e dar así cumpremento a unha reivindicación histórica da veciñanza. “A actuación en Montiño é un exemplo das intervencións que este executivo municipal está a realizar na súa a posta por transformar os barrios. A rúa é estratéxica no desenvolvemento dun barrio que conta cunha importante poboación de persoas maiores. Con esta serie de intervencións, que inclúen a ampliación das beirarrúas, a mellora dos pasos peonís ou o cruzamento coa Rolda de Outeiro, O Castrillón gañará en seguridade, accesibilidade e, sobre todo, en calidade do espazo público e da ¡ vida da cidadanía”, aseverou o concelleiro de Rexeneración Urbana e Dereito á Vivenda, Xiao Varela, que acompañou ao rexedor na visita. A rúa, que vertebrou o crecemento orixinario entre A Gaiteira e O Castrillón, “é unha vía fundamental de comunicación que conecta estes barrios, así como coa zona dos Castros a través da propia rúa da Mercede”, apuntou Varela, quen sinalou que as actuacións levadas a cabo polo executivo municipal tamén resolven os problemas de recollida de pluviais que sofría a vía, derivados da súa pendente.

Os traballos, nos que o executivo municipal investiu 161.754,01 euros e que están a piques de rematar, consistiron “na transformación completa da rúa, que contaba cun ancho insuficiente para a segregación de peóns e automóbiles, cara a creación dunha plataforma única, con calzada e beirarrúa ao mesmo nivel e que, agora si, mellora a accesibilidade”, subliñou Varela. Ademais, “e por petición da asociación veciñal”, a vía pasará de contar cun dobre sentido para a circulación do tráfico rodado, para ter único de sentido de baixada, que conecta coa rolda de Outeiro e a rúa da Mercede, xunto á que se situaron dous novos pasos peonís. Para a condución, a apertura dun paso na mediana da rolda de Outeiro “ampliará o abano de traxectos posibles á saída de Montiño”, indicou o responsable municipal. A reurbanización da vía supuxo a execución da calzada con pavimento de formigón, a solución de maior calidade e durabilidade para o tránsito de automóbiles, mentres que o espazo peonil está delimitado por un bordo de granito, para favocerer e garantir a calidade do espazo público. Nos últimos días o goberno local procedeu á colocación de bolardos, bancos e o resto do mobiliario urbano, así como a instalación da sinalización horizontal e vertical. … Leer más

O Concello asina co Ministerio de Defensa o acordo que permite gañar para a cidade 90.000 metros cadrados de solo público na Maestranza

enero 19, 2018 coruna No Comments

O Concello formalizou este xoves co Ministerio de Defensa a cesión definitiva de 17 parcelas na Maestranza, uns terreos duns 90.000 metros cadrados que pasan a incorporarse desde hoxe ao patrimonio municipal. O alcalde da Coruña, Xulio Ferreiro, e o director do INVIED –o organismo autónimo Instituto de Vivenda, Infraestrutura e Equipamento da Defensa– asinaron esta mañá a acta de entrega ao Concello das fincas, que abranguen solo desde o Hospital Militar ata a rúa Veramar, o que inclúe os viais e xardíns da contorna da Reitoría, o solo da Fundación Luis Seoane e a antiga Comandancia de Obras. “O goberno local logra culminar a regularización deses terreos, pendentes da cesión definitiva desde o ano 1984 e do paso de varios gobernos municipais, e permite aumentar o patrimonio de solo municipal e blindar ese terreo para o uso público”, sinala o concelleiro de Rexeneración Urbana, Xiao Varela, que recorda que este acordo con Defensa chega despois de moito traballo e meses de negociación.

“Esta cesión permítenos acadar o obxectivo de incorporar solo novo ao patrimonio do Concello e blindar a potestade municipal”, incide o responsable municipal, que indica, en relación ás naves da Comandancia de Obras, que a cesión supón ademais un cambio de natureza dos terreos, considerados até agora como Ben Patrimonial e que pasan a ter consideración de Ben de Dominio Público, o mesmo que as prazas e os parques, o que supón a maior blindaxe para unha parcela pública, o que impide que, a partir deste momento, esta poida venderse e garante que os seus usos sexan públicos”. A este respecto, Varela destaca que a consecución desta nova consideración do solo da Comandancia está na liña coas pretensións do goberno local para a parcela da Solana, “que é que sexa de dominio público para evitar a súa venda e blindar un uso para a cidadanía”. “Agora, tanto os terreos da Comandancia como o resto de fincas afectadas pola cesión pasan a ter titularidade e xestión cen por cen públicas”, subliña, e sinala que o acordo serve ademais para regularizar a situación destes espazos e adaptalos ao planeamento vixente. A este respecto, o acordo para a entrega dos terreos da Maestranza ao Concello explicita que o mesmo supón a cesión das fincas, “destinadas a viais, espazos libres, zonas verdes e dotacións públicas, de acordo coas determinacións do planeamento urbanístico”.

ENCUESTA SEMANAL

¿Te gusta la nueva web?

Cargando ... Cargando ...