Home » coruna » Recent Articles:

O Concello avanza as liñas do Plan Estratéxico de Bibliotecas nun encontro do Ministerio de Cultura sobre a xestión deste servizo en distintas cidades do Estado

noviembre 22, 2017 coruna No Comments

O concelleiro de Culturas, Deporte e Coñecemento, José Manuel Sande, participou este martes en Madrid no VII Encontro Biblioteca e Municipio, que organiza a Secretaría de Estado de Cultura, e que serviu para dar a coñecer algúns dos avances desenvolvidos arredor da rede municipal de bibliotecas durante este mandato, así como a planificación estratéxica para esta área a curto e medio prazo. Nese sentido, o concelleiro avanzou durante a sesión o contido do Plan Estratéxico de Bibliotecas, que aposta por un modelo xestión das bibliotecas municipais unificado e enteiramente público –fronte ao sistema dual que existe na actualidade, con xestión directa e indirecta–, así como da reordenación do servizo, a través dun traballo en rede das bibliotecas coordinado desde unha futura biblioteca central, “de cara a unha maior eficiencia, a través dunha coordinación directa e continuada dos diferentes centros e programas, que permitiría ademais incrementar as prestacións ofrecidas á cidadanía por parte dunha rede que ten unha relevancia de primeira orde dentro da política cultural do goberno daCoruña”.

No encontro, no que tamén tivo intervención a directora da rede de bibliotecas municipais, Isabel Blanco, o responsable municipal deu conta, ademais, do proceso de remunicipalización iniciado polo goberno coruñés o ano pasado, dirixido a asumir a xestión pública da totalidade da rede, e que prevé levarse adiante a través da asunción, por parte da empresa pública Emvsa, da xestión dunha parte dos servizos, dadas as dificultades dunha xestión directa desde o Concello do conxunto da rede que implica a Lei de Orzamentos Xerais do Estado, e das trabas que está a poñer o Goberno central a este tipo de procesos por parte dos entes municipais.

Do mesmo xeito, o concelleiro informou da recente apertura do punto de préstamo de Novo Mesoiro, un servizo dirixido a dar resposta a curto prazo das necesidades da veciñanza de Mesoiro, Novo Mesoiro, Feáns ou Someso, que ata agora non tiña facilidades para acceso aos servizos da rede de bibliotecas, e que desde o pasado mes de outubro ten na súa área de influencia un espazo para o préstamo de libros e actividades como os contacontos infantís, entre outras.

A Mesa de Alcaldes e Alcaldesa habilita unha consulta telemática “sobre as necesidades da poboación de cara á súa implicación na constitución da Área Metropolitana da Coruña”

noviembre 21, 2017 coruna No Comments

O Concello vén de habilitar na web municipal un espazo no que a cidadanía que o desexe poderá participar, de forma telemática, dunha consulta pública na que a denominada Mesa de Alcaldes e Alcaldesa “quere abordar os problemas e o resto de retos que se pretenden solucionar coa creación da Área Metropolitana da Coruña”. Esta consulta, que se manterá visible e aberta a toda a cidadanía até o 20 de decembro no espazo web relacionado co proceso metropolitano ( www.coruna.gal/estratexia-metropolitana-amc/gl ), forma parte dunha das catro formas de participación postas en marcha tanto pola Coruña, como polos concellos de Abegondo, Bergondo, Betanzos, Cambre, Culleredo, Oleiros e Sada ata fin de ano para implicar a cidadanía na constitución da Área Metropolitana.

Esta consulta pública responde ao previsto no artigo 133 da Lei 39/2015 do Procedemento Administrativo Común das Administracións Públicas e ten por obxectivo integrar a participación cidadá no procedemento de elaboración de normas. O que se pretende coa mesma é “recoller a opinión das persoas e entidades máis representativas e potencialmente afectadas pola constitución da área”. Así o destacou a concelleira de Participación e Innovación Democrática do Concello da Coruña, Claudia Delso, que indicou que “a participación vai ser aberta ao conxunto da cidadanía, cun carácter que será consultivo, non representativo”.

Ademais da consulta, o proceso participativo de ámbito metropolitano sostense sobre outras tres formas máis de actuación: encontros presenciais, mesas temáticas de traballo e a posibilidade de adhesión á carta de apoio ao proxecto de constitución da área na dirección

http://ow.ly/rJ6w30gzegV .

Encontros presenciais

Ademais da consulta habilitada na web municipal e a adhesión telemática á carta de apoio ao proxecto metropolitano, o procedemento participativo habilitado tamén comprende a realización de oito encontros presenciais que xa se están a realizar e que culminarán o próximo 30 de novembro. Celebrados xa os encontros de Sada e Bergondo, está previsto que esta tarde o alcalde da Coruña, Xulio Ferreiro, participe no encontro que terá lugar no centro sociocultural do Graxal, no Concello de Cambre. Ademais, este mércores, día 22, as charlas chegarán á cidade, cun encontro no propio Concello. O día 23 o debate producirase na Fábrica de Perillo, no Concello de Oleiros, mentres que o 27 de novembro o debate desprazarase a Culleredo, o 29 a Abegondo e o 30 a Betanzos. Todo estes encontros terán lugar ás 19.30 horas.

Por outro lado, as entidades sectoriais presentes na Área Metropolitana terán espazos participativos específicos a través de mesas temáticas de traballo que tamén estarán abertas, non obstante, ao conxunto da cidadanía. O próximo día 24 de novembro, Culleredo acollerá a mesa de Economía, Emprego e Turismo, mentres que Cambre terá a mesa integral sobre ciclo da auga e políticas ambientais o día 28. O 1 de decembro, Abegondo acollerá a mesa de xestión de tratamento de residuos, mentres que a de mobilidade e ordenamento do territorio terá lugar en Oleiros o 5 de decembro.

O Concello pon en marcha un proxecto piloto que vincula a economía social coa xestión de residuos a través da elaboración de bolsas da compra con lonas informativas recicladas

noviembre 21, 2017 coruna No Comments

A concelleira de Medio Ambiente, María García, presentou un proxecto piloto impulsado polo Concello e desenvolvido coa colaboración da Fundación Adcor, que vincula a economía social e xestión de residuos, a través da reutilización das lonas que se empregan desde diferentes áreas do Concello como material para a produción de bolsas a empregar nos mercados municipais. “Este tipo de iniciativas teñen tres pés, que pasan pola sensibilización en materia ambiental para a redución de residuos e o aforro de recursos, ofomentodeiniciativasdeeconomíasocialnacidadeeareutilizacióndesesmateriais, como as lonas informativas, que teñen moito valor e a posta en valor desde a perspectiva social, dandoalternativasdeempregoacolectivosconmaiordificultadedeacceso”,destacou.

Nesta primeira fase, a iniciativa serviu para a fabricación de 600 destas bolsas recicladas, que como indicou a responsable municipal servirán para probar o seu deseño e, igualmente, para someter a exame a forma de produción, “para ver que modelo facilita a implicación de persoas que se atopan nun proceso de formación, e se se pode converter nunha alternativa laboral”. “Agardamos que se continúe e se reproduza no futuro”, avanzou, indicando que o segundo paso será facer un convenio de colaboración entre o Concello e a Fundación Adcor para a entrega de lonas que permita á entidade aumentar a produción, grazas a contar con materia prima o número de horas de formación en talleres, para desenvolver de forma autónoma outro tipo de produtoscomercializables cos que xa están probando –desde marcapáxinas, chaveiros, carteiras, fundas de libretas, diferentes tipos de bolsa, etc.– para a súa comercialización, ou outro tipo de convenios de colaboración para que as bolsas poidan ser vendidas nos mercados municipais para favorecer a redución de uso de bolsas de plástico. “Abordemos a prevención de residuos, a reutilización, a reparación e a reciclaxe, e fagámolo xa desde as casas”, defendeu a responsable de Medio Ambiente, que salientou que este tipo de iniciativas de economía social e circular representan “un interese que temos desde o Concello como un sector con potencial e en expansión”. Como tamén quixo destacar, o resultado desta iniciativa ten ademais o valor engadido de amosar “o magnífico traballo de ilustradores e ilustradoras da cidade”, xunto coa calidade e alta resistencia das bolsas.

… Leer más

O concelleiro de Emprego salienta que “ao igual que a veciñanza, este goberno quere un centro de saúde para a zona centro, que non está contemplado nos orzamentos da Xunta”

noviembre 21, 2017 coruna No Comments

O concelleiro de Emprego e Economía Social, Alberto Lema, avanzou este luns que o goberno local prevé investir máis de 4 millóns de euros en dúas anualidades para a renovación e rehabilitación do mercado de Santa Lucía, “un proxecto que, segundo a proposta presentada no seu día polo goberno local á Xunta, prevía a compatibilidade entre o mercado e un novo centro de saúde, algo que foi rexeitado pola administración autonómica sen ningún argumento técnico”. “Para este goberno local, a prioridade, como tamén demanda a veciñanza, é ter aí un centro sanitario contiguo ao mercado, un á beira do outro”, reivindicou,ávezqueemprazouáXuntaaaceptaraproposta,parapoderseguiradiante.

“Aínda estamos a tempo de chegar a unha solución, e desde A Coruña temos toda a vontade de ter nese edificio os dous usos, o que falta é que a Xunta se pronuncie dunha vez e, en caso de dar unha negativa, o faga con argumentos técnicos que expliquen por que un centro de saúde en vertical non vale para Santa Lucía, cando na cidade temos varios exemplos”, advertiu o responsable municipal, que sinalou que o Concello quere acometer no menor prazo posible esta obra. “Estamos en fase de anteproxecto, polo que estamos a tempo de incluír todas as modificacións e axustes necesarios para a funcionalidade, pero hai que pasar ao proxecto, e polo tanto xogamos cunha limitación de tempos, porque non podemos iniciar as obras sen ter o proxecto, cos usos e a funcionalidade definidos”, urxiu á Xunta.

O titular de Emprego recordou que, no que atinxe á remodelación do histórico edificio de Santa Lucía, “o uso de mercados, por suposto, está totalmente garantido”. “O que queremos facer é adaptar esta oferta aos novos tempos e ás nosas necesidades. Os usos que convivan co mercado son os que aínda están por definir, á espera da Xunta”, dixo. “Dende logo, a nosa prioridade é ter nese espazo un centro de saúde”, insistiu. “O goberno galego debe contestar dunha vez, xa que esta é unha reivindicación que non só parte do Concello, senón da propia veciñanza. Non queremos que, unha vez máis, se evidencie a vontade da Xunta de non facilitar ningunha iniciativa que proceda desta administración local”, apuntou. “Estamos chegando ao final do prazo, é necesario deixar pechado o proxecto para poder iniciar as obras. Esperemos que non prive á cidadanía dun espazo tan necesario e simbólico”, dixo.

As emendas do goberno local ao proxecto orzamentario da Xunta de Galicia para 2018, e que veñen de ser remitidas tanto á Xunta de Galicia como aos grupos que conforman o Parlamento galego, xa inciden na necesidade de reservar fondos para a localización do centro de saúde en Santa Lucía. “A Xunta, malia a comprometer, ano tras ano, a construción do demandado centro de saúde na zona centro, non inclúe ningunha partida específica para a súa construción”, indicou Lema. “É bastante significativo e, dende logo, alarmante que o goberno galego non recolla no seu proxecto de contas este investimento aínda a pesar de que o Concello puxo a disposición da Xunta tanto un espazo suficiente no mercado de Santa Lucía, onde prevé levar a cabo unha ambiciosa obra de mellora e rehabilitación, como outra parcela no Paseo das Pontes, por se o Goberno autonómico decide finalmente rexeitar a primeira opción”.

O grupo de goberno levará a Pleno un modificativo que destina cinco millóns de euros a investimentos financeiramente sostibles “que mellorarán a vida na cidade e crean emprego”

noviembre 21, 2017 coruna No Comments

O Pleno municipal debaterá de novo, en sesión extraordinaria, a proposta do goberno local para destinar fondos procedentes do remanente líquido de tesourería de 2016 a realizar durante o vindeiro ano investimentos financeiramente sostibles na cidade a través de proxectos que incidirán directamente na mellora da calidade de vida da veciñanza. Se ben a intención inicial do executivo municipal era destinar nove millóns de euros a este concepto, a proposta que se levará mañá á cámara (e que hoxe contou co ditame favorable da comisión de Facenda cos votos a favor do grupo de goberno e PSOE e a abstención de BNG e PP) reduce por esixencia do PSOE até os cinco millóns a partida destinada a investimentos na cidade, mentres que incrementa de medio a 4,5 os millóns adicados ao pago de débeda. Esta maña, ante a prensa, o alcalde da Coruña, Xulio Ferreiro, indicou que o equipo de goberno chegou a un acordo co grupo socialista de forma que a aprobación desta proposta estea garantida.

“Cremos que o diñeiro debe estar na rúa, abordando estes proxectos que son sostibles, que melloran a vida da cidadanía e que, ademais, xeran traballo”, salientou o rexedor. “Aínda que a nosa vontade dende un principio era poder investir os 9 millóns, entre esa cantidade e a nada, tivemos que aceptar as demandas do PSOE, que querían que a partida que finalmente se destinase a amortización fose de 4,5 millóns”, comentou o alcalde. “Non entendemos moi ben esta postura xa que o Concello da Coruña non só presenta na actualidade unhas contas saneadas, senón que, ao longo deste ano, xa amortizou débeda tanto pola vía ordinaria, como pola extraordinaria, con 5 millóns de euros derivados da cancelación dos créditos ligados ao Plan de Axuste”, apuntou o rexedor, que indicou que, non obstante, a prioridade do goberno local “é poder actuar”.

… Leer más

ENCUESTA SEMANAL

¿Te gusta la nueva web?

Cargando ... Cargando ...