Home » coruna » Recent Articles:

A Deputación da Coruña valida nas comarcas o resultado do programa Compartimos Plan

junio 26, 2018 coruna Comentarios desactivados en A Deputación da Coruña valida nas comarcas o resultado do programa Compartimos Plan

A área de Igualdade da Deputación da Coruña avanza no proxecto Compartimos Plan co fin de realizar unha diagnose de cara desenvolver de maneira máis eficaz as políticas de igualdade.  Xuntanzas nas cabeceiras de comarca e unha iniciativa de dinámica grupal porán fin á fase previa ao deseño de estratexias de actuación no traballo pola igualdade.

Por medio de dezaoito foros nas distintas comarcas, a área de Igualdade da Deputación da Coruña valida os traballos do proxecto Compartimos Plan, Diagnose e Plan de Acción das Políticas de Igualdade de Xénero e Loita contra a Violencia na Coruña … Leer más

A edil de Medio Ambiente salienta o éxito do dispositivo de San Xoán, “no que as praias de Matadoiro, San Amaro, Oza e As Lapas acadaron practicamente o residuo cero”

junio 25, 2018 coruna Comentarios desactivados en A edil de Medio Ambiente salienta o éxito do dispositivo de San Xoán, “no que as praias de Matadoiro, San Amaro, Oza e As Lapas acadaron practicamente o residuo cero”

A concelleira de Medio Ambiente, María García, fixo un primeiro balance da noite de San Xoán na Coruña, “unha celebración que transcorreu tranquila, na que a cidadanía fixo un alarde de civismo”, e á que asistiron unhas 170.000 persoas. “Este ano contamos cunha grande afluencia de visitantes na festa, con 120.000 persoas nos areais da cidade, e unhas 50.000 nos barrios. Sen dúbida foi un San Xoán popular, da cultura local e da sensibilidade ambiental”, valorou a concelleira, quen se referiu ao descenso de residuos até acadar, nalgúns areais, espazos sen lixo. “O balance é positivo. O cambio avanza e o volume de residuos é moitísimo menor, en especial nas praias. No Matadoiro, San Amaro, Oza e As Lapas, así como na contorna natural do espazo protexido da Torre de Hércules, deuse practicamente o residuo cero, o que supón un cambio espectacular para a cidade”, fixo notar a concelleira, quen salientou tamén “o importante descenso“ dos mesmos en Riazor, así como no Orzán, “areais nos que se incrementou o depósito de residuos nas illas de reciclaxe”, e nas que se desenvolveron con éxito as iniciativas das Praias Vivas. “Cómpre tamén agradecer a corresponsabilidade cidadá, así como aos distintos colectivos, asociacións veciñais e grandes áreas de distribución de supermercados implicados no desenvolvemento desta festa. Sen a súa colaboración, nun ano cunha maior afluencia de público as praias, non sería posible a redución do volume de lixo”, apuntou a responsable municipal.

… Leer más

O Concello acometerá dende hoxe a urbanización das bases das torretas eléctricas do Parque Ofimático, que estarán rematadas a finais de xullo

junio 25, 2018 coruna Comentarios desactivados en O Concello acometerá dende hoxe a urbanización das bases das torretas eléctricas do Parque Ofimático, que estarán rematadas a finais de xullo

O Goberno local iniciará hoxe as obras de urbanización do sector do Parque Ofimático no que estaban asentadas as tres torretas do tendido eléctrico, unha actuación que se pode acometer unha vez desmontadas por parte de Unión Fenosa Distribución. O concelleiro de Rexeneración Urbana e Dereito á Vivenda, Xiao Varela, reuniuse onte con representantes das cooperativas, da UTE de Arias e COMSA responsable das obras da separata, e o director da mesma, así como con persoal técnico do Concello, “para verificar a situación dos traballos de retirada das estruturas metálicas que sostiñan o tendido eléctrico, que dependen de Unión Fenosa Distribución”. Varela comprobou que xa foran tombadas sobre o terreo, a falta só do seu traslado, polo que certificou que as actuacións de urbanización da área na que se asentaban as torretas, para o que era imprescindible a súa desmontaxe, poden comezar para a semana que vén. “Abordarase agora a obra de movemento de terras, a instalación de canalización e pavimentación que estará lista antes do 31 de xullo, en cumprimento da folla de ruta que marcamos no mes de abril”, apunta Varela.

O concelleiro lembra que, de maneira paralela a estes traballos, os e as cooperativistas deben avanzar coa compañía a provisión de servizo para ter a conexión coa rede de distribución, unha condición necesaria para que o Concello poida outorgar as primeiras licenzas de primeira ocupación a partir da fin de xullo. Varela explicou que nesta xuntanza tamén se abordou o estado de diferentes requirimentos feitos ás cooperativas para a subsanación de deficiencias nas edificacións e no espazo público, uns arranxos que tamén é preciso solucionar para poder conceder as licencias de primeira ocupación.

“Despois de 27 anos, e un traballo comprometido nestes últimos tres anos, estamos a piques de saír desde túnel no que o Parque Ofimático estivo metido case tres décadas”, apunta o concelleiro.

O Concello da Coruña asina un convenio de colaboración co Fondo Galego de Cooperación para favorecer a realización de actividades de sensibilización sobre as desigualdades

junio 24, 2018 coruna Comentarios desactivados en O Concello da Coruña asina un convenio de colaboración co Fondo Galego de Cooperación para favorecer a realización de actividades de sensibilización sobre as desigualdades

​O alcalde da Coruña, Xulio Ferreiro, asinou un convenio coa secretaria do Fondo Galego de Cooperación e Solidariedade, Andrea García Corzo, mediante o cal Concello e entidade sen ánimo de lucro establecen un acordo de colaboración para o desenvolvemento, na termo municipal, de actividades de sensibilización nas desigualdades a nivel global. A entidade, que engloba unha asociación de carácter municipalista que agrupa a concellos e deputacións, recibirá unha subvención nominativa de 20.022,79 euros para a realización destas iniciativas durante este ano. Entre as mesmas, prevese a posta en marcha dun concurso de murais para o fomento e visibilización dos Obxectivos do Desenvolvemento 2020.

A responsable municipal de Igualdade e Diversidade, Rocío Fraga, quen foi elixida vogal na Comisión Executiva do Fondo Galego en setembro de 2015, salientou que o convenio “permitirá afondar e desenvolver con axentes especializados unha actividade de interese social para o conxunto da cidadanía”, xa que a entidade deberá poñer en marcha propostas que favoreceran unha maior comprensión da realidade dos países do sur entre a veciñanza, “á vez que trasladan a necesidade de adoptar un compromiso ético na loita contra as desigualdades e a favor da erradicación da pobreza”.

“O Concello da Coruña ten un fondo compromiso na loita contra as desigualdades, tal e como fan constar as políticas públicas postas en marcha nos últimos tres anos, e que abranguen medidas como a Renda Social Municipal ou os convenios contra a pobreza enerxética. Este convenio permitirá afondar, desde o ámbito local, no necesario papel activo da cidadanía na procura dunha xustiza social universal”, expuxo Fraga.

O goberno local impulsa a nova edición do programa de alimentación en períodos non lectivos para garantir a correcta nutrición de menores en situación de vulnerabilidade

junio 23, 2018 coruna Comentarios desactivados en O goberno local impulsa a nova edición do programa de alimentación en períodos non lectivos para garantir a correcta nutrición de menores en situación de vulnerabilidade

A Xunta de goberno local aprobou este venres a nova edición do programa municipal de alimentación en períodos non lectivos, que busca garantir a correcta nutrición de menores da cidade en situación de vulnerabilidade, naquelas datas nas que non acoden aos centros educativos e, polo tanto, non teñen acceso aos comedores escolares. Dotado dun orzamento de 75.000 euros, estes recursos están destinados a atender a menores da cidade con idades comprendidas entre os 3 e os 16 anos que pertenzan a familias con necesidades especiais. Co obxectivo de asegurar a súa correcta educación, o Concello facilitará vales de alimentos ás familias para que poidan darlles aos e ás menores un menú equilibrado e o fagan, ademais, dun xeito autónomo. A concelleira de Xustiza Social, Silvia Cameán, salientou a implicación do persoal municipal para facer que este programa chegue a aquelas persoa que o precisan. Así, “é a unidade de coordinación do programa municipal de traballo coas familias a que se encarga de detectar aos e ás menores perceptores de bolsa comedor durante o curso e que se atopan nunha situación de vulnerabilidade social”.

Cameán salientou a aposta do goberno local, dende a súa chegada a María Pita por habilitar estes recursos, “que antes non estaban garantidos”. “De feito, no verán de 2015 atendemos a 74 menores. O programa seguiu mellorando e afondamos nese traballo, de forma que en 2017 atendemos en etapas non lectivas a 425 menores”, comentou a concelleira, quen indicou que a previsión para ese verán pasa por activar estes recursos para 300 mozos e mozas da cidade.

… Leer más

ENCUESTA SEMANAL

¿Te gusta la nueva web?

Cargando ... Cargando ...