Home » coruna » Recent Articles:

O Concello recorda que a súa prioridade é manter a seguridade da afección que acuda a Riazor mentres continúan as obras de remodelación e traballa co Deportivo para favorecer o máximo aforo posible

septiembre 5, 2018 coruna Comentarios desactivados en O Concello recorda que a súa prioridade é manter a seguridade da afección que acuda a Riazor mentres continúan as obras de remodelación e traballa co Deportivo para favorecer o máximo aforo posible

​O alcalde da Coruña, Xulio Ferreiro, confirmou a boa marcha das obras que o Concello acomete no estadio municipal de Riazor, que teñen como obxectivo a reforma e conservación da cuberta e as estruturas metálicas dun equipamento que recibe, cada dúas semanas, a miles de veciños e veciñas desta cidade. O rexedor, que fixo fincapé na relevancia e entidade dunha obra cun orzamento que supera os 7 millóns de euros, manifestou que, non obstante, e en previsión de que as obras coincidan no tempo coa celebración de partidos na casa do Deportivo, tanto goberno local como club levan xa tempo traballando para garantir “o máximo aforo posible”. Se ben haberá recolocacións debido ao desenvolvemento das actuacións, todos e todas as socias con localidade teñen a entrada asegurada.

“As obras están a desenvolverse en prazos razoables. Falamos dunha actuación moi importante e que conta cun prazo de actuación axustado. Creo que hai exemplos dabondo de obras en estadios deportivos que duraron unha tempada enteira. Este non vai ser o caso, afortunadamente”, dixo Ferreiro, que salientou o feito de que “ningún partido en casa terá que xogarse lonxe do estadio de Riazor”. “Todos os partidos susceptibles de xogarse na Coruña, xogaranse en Riazor. Iso si, algúns dos e das afeccionadas, como é o meu caso, teremos que movernos de localidade”, dixo, á vez que incidiu en que “a prioridade tanto do Concello como do club é manter a seguridade en todo momento”.

… Leer más

A Concellería de Medio Ambiente avanza na licitación do servizo de recollida de lixo tras acordar como verificará o cumprimento dos requisitos esixidos no prego sobre a distancia máxima das instalacións da Coruña

septiembre 5, 2018 coruna Comentarios desactivados en A Concellería de Medio Ambiente avanza na licitación do servizo de recollida de lixo tras acordar como verificará o cumprimento dos requisitos esixidos no prego sobre a distancia máxima das instalacións da Coruña

A Concellería de Medio Ambiente chegou este martes a un acordo co sindicato STL, maioritario no servizo de recollida de lixo, a respecto das aclaracións e concrecións que o goberno local incluirá nos pregos deste contrato que, na actualidade, se atopan en proceso de licitación. A titular deste departamento municipal, María García, explicou que, se ben non haberá ningún cambio no contido dos pregos, que se elaboraron tras un minucioso e novidoso proceso de consulta e achegas, si que se incluirán unha serie de aclaracións que dan resposta ás inquedanzas amosadas estes días polos integrantes desta central sindical. En concreto, o goberno local acordou unha serie de precisións sobre como se desenvolverá o proceso de verificación do cumprimento de todos os requisitos de localización das instalacións fixas que se lle requiren á nova adxudicataria do contrato. Estas verificación levaranse a cabo na fase de comprobación das ofertas técnicas, de forma que, ademais de evitar calquera tipo de atraso no proceso de licitación, quedará completamente garantido que a nave da empresa que finamente resulte adxudicataria do servizo non se localiza a máis de 20 minutos de calquera punto da Coruña (un requisito que, non obstante, xa figuraba nos pregos). Se así o quixer, unha representación do comité de empresa poderá presenciar estas verificacións.

… Leer más

Xustiza Social abre unha nova convocatoria do programa de conciliación ‘Cóxegas’, dirixido ao alumnado dos CEIP da Coruña

septiembre 5, 2018 coruna Comentarios desactivados en Xustiza Social abre unha nova convocatoria do programa de conciliación ‘Cóxegas’, dirixido ao alumnado dos CEIP da Coruña

A Concellería de Xustiza Social e Coidados, área que dirixe Silvia Cameán, vén de abrir unha nova convocatoria para o programa ​Cóxegas​, posto en marcha polo goberno local en colaboración coa Federación Provincial de ANPA, co obxectivo de favorecer a conciliación familiar no termo municipal.

A proposta, aberta ao alumnado de educación infantil e primaria dos centros públicos da cidade, desenvólvese nas instalacións dos propios CEIP e pretende ofrecer, a través do xogo, un lecer activo e de calidade para as nenas e nenos, adaptado ás súas respectivas idades, durante os meses de setembro e xuño. “Á vez que se favorece o desenvolvemento cognitivo, psicomotor ou afectivo-social das alumnas e alumnos a través de actividades lúdicas, promóvese a conciliación da vida laboral, social e familiar”, explica Silvia Cameán, quen sinala que o programa terá lugar en horario vespertino, de luns a venres, entre as 16.00 e as 18.00 horas. Así, a iniciativa complementa a actividade nos centros durante os períodos nos que non se celebren actividades extraescolares das ANPA, “o que ofrece unha solución ás demandas de conciliación dos núcleos familiares”, apunta a edil, quen salienta que, no pasado curso, “máis de 300 nenas e nenos participaron en​ Cóxegas​”.

A primeira edición para este curso 2018-2019 terá lugar entre o 12 e o 28 de setembro, e as prazas pódense solicitar nos lugares e horarios que estableza a ANPA de cada colexio. De cara ao segundo período do programa, que terá lugar entre o 3 e o 21 de xuño, a inscrición realizarase no mes de maio. A cota para participar no programa será de 15 euros por convocatoria.

O BNG exixe ao Goberno da Marea Atlántica que faga unha nova edición do mapa turístico da cidade

septiembre 4, 2018 coruna Comentarios desactivados en O BNG exixe ao Goberno da Marea Atlántica que faga unha nova edición do mapa turístico da cidade

O BNG vén de presentar unha batería de preguntas para a súa resposta por escrito para o vindeiro Pleno do Concello nas que traslada a súa exixencia de que se faga unha nova edición do mapa turístico da cidade que se ofrece nos puntos de información ás persoas que visitan a nosa cidade.

Segundo as nacionalistas, con data de 26 de agosto de 2018 na páxina web de Turismo Coruña era colgada unha noticia na que se daba conta da publicación dun novo mapa turístico actualizado da cidade da Coruña, que pode ser consultado a través da propia páxina de internet de Turismo Coruña no seguinte enlace  http://www.turismocoruna.com/media/documentos/MapaSobremesa_GAL_ES_EN_WEB.pdfou se pode recoller en dous formatos, encartado ou de man, nas oficinas de información turística.

Mais, segundo o Grupo Municipal do BNG, este mapa contén múltiples deturpacións toponímicas tanto de lugares da nosa cidade como de vilas de Galiza, incumprindo gravemente os nomes propios destes emprazamentos. … Leer más

Ciudadanos solicita respuestas a la Xunta de Galicia sobre la situación de los pensionistas y jubilados gallegos retornados de Venezuela

septiembre 4, 2018 coruna Comentarios desactivados en Ciudadanos solicita respuestas a la Xunta de Galicia sobre la situación de los pensionistas y jubilados gallegos retornados de Venezuela

Ciudadanos ha registrado en el Parlamento de Galicia un escrito instando al Gobierno gallego, a aclarar qué medidas de apoyo ha adoptado en relación a los pensionistas y jubilados gallegos retornados de Venezuela. 

La Portavoz de Cs en Galicia, olga Louzao ha reclamado al ejecutivo, a que “actúe de forma clara y explícita para aliviar la situación de este colectivo de 3000 afectados”, “No están cobrando ni una pensión mínima y muchos de ellos viven una situación de emergencia social muy caótica” ,  por todo ello desde Cs “exigimos  saber y conocer qué pasos ha dado la Xunta en este sentido”.  … Leer más