Home » coruna » Recent Articles:

O Goberno local reclama a construción urxente da conexión entre a Vía Ártabra e a AP-9, xa que “nin A Coruña nin a área metropolitana poden seguir esperando”

septiembre 2, 2018 coruna Comentarios desactivados en O Goberno local reclama a construción urxente da conexión entre a Vía Ártabra e a AP-9, xa que “nin A Coruña nin a área metropolitana poden seguir esperando”

​O goberno local recorda tanto ao executivo estatal como á propia Xunta de Galicia que “nin A Coruña nin o resto de concellos da área metropolitana poden seguir esperando pola conexión da AP-9 coa Vía Ártabra”. Ante as informacións coñecidas esta xornada sobre posibles novos atrasos na execución do proxecto, o Concello coruñés insiste en que “se trata dunha obra esencial para a mobilidade interna dentro da área, así como externa”. “Unha infraestrutura, polo tanto, cuxa construción debe abordarse de forma urxente, sen que sexa posible aceptar novas demoras”, salienta o concelleiro de Rexeneración Urbana e Dereito á Vivenda, que aludiu aos “atrasos encadeados dos sucesivos gobernos estatais na última década”.

Por outro lado, e a respecto da posibilidade de que a demora na abordaxe do proxecto veña motivada polas alegacións da empresa que explota a AP-9, Audasa, Varela tamén manifestou que “o executivo central debe recordar que as concesionarias non se presentan ás eleccións, polo que non poden decidir polas administracións públicas nin sometelas a chantaxe”. “As necesidades da cidadanía son o primeiro, e iso debería ser a prioridade de calquera administración”, manifestou, á vez que recordou que a conexión da Vía Ártabra, se ben fundamental, non é a única en materia de infraestruturas que demanda tanto A Coruña como o resto de concellos da área metropolitana. “Tan urxente como a construción deste viario é, por exemplo, a transferencia da AP-9 a Galicia, unha demanda histórica e de xustiza que até agora foi continuamente saboteada polo Partido Popular, tanto en Madrid como en Galicia”, apuntou.

Así, ao fío, aludiu aos acordos chegados pola Mesa de alcaldes e alcaldesa metropolitana que “vén manifestando de xeito reiterado a necesidade de que o goberno do Estado aposte polas grandes infraestruturas que Galicia necesita, entendendo que estas son un motor tanto económico como social”. “Confiamos en que o cambio na Presidencia do Goberno se traduza na máxima atención ás necesidades da área metropolitana da Coruña no proxecto orzamentario para 2019 e que o goberno da Xunta sexa capaz de levar estas reivindicacións a onde sexa necesario, independentemente da cor dos concellos da área coruñesa”, dixo.

O Fórum Metropolitano retoma a súa programación durante o mes de setembro con ciclos de maxia e cine

septiembre 2, 2018 coruna Comentarios desactivados en O Fórum Metropolitano retoma a súa programación durante o mes de setembro con ciclos de maxia e cine

O Forum Metropolitano enche a súa programación para setembro de maxia e cine. Durante este mes o centro municipal acollerá a celebración do cicloForumáxico​, que organiza catro espectáculos de maxia dirixidos a un público familiar. Ademais, retoma a programación de películas con 13 títulos, parte das cales se encadran no ciclo Cine e Gastronomía que se organiza como parte do centenario do pasamento do exalcalde Manuel María PugayParga,​Picadillo,​ enodenominadoOsollosabertos.

O ​Forumáxico p​ ropón espectáculos de comedia, drama ou teatro nos que tamén ten protagonismo a maxia, en diferentes estilos. O programa comeza o 8 de setembro coa posta en escena do espectáculo Sherlock Holmes​, de Cayetano Lledó e continúa o 15 con ​Les artuans​, de Arturo Cobas e Antuán de la Cream. O mago Teto e o seu espectáculo ​O Alquimista poden verse o día 22 e pecha o ciclo o mago Rafa con ​Ahora o​ día 29 de setembro. Todos os pases se celebra as 19.00 horas e as entradas teñen un custe xeral de 5 euros con prezo reducido a 2 euros para menores de tres anos e a posibilidade de mercar un abono familiar de tres entradas por 12 euros.

No tocante á oferta de cine, o Fórum Metropolitano programa na sala Marilyn Monroe estreas en versión orixinal subtitulada como son ​Starred Up​, de David Mackenzie, nos días 6, 7 e 8 de setembro, a libanesa ​L’Insulte​, de Ziad Doueiri, o 13, 14 e 15, ​Jusqu’à la garde​, de Xavier Legand, o 20, 21 e 22 e ​Cartas de Guerra​, de Ivo Ferreira, o 28 e o 29 do mes. As películas proxectaránse ás 20.15 horas os xoves e os venres e ás 15.15 e ás 20.15 os sábado. Esta sala acollerá tamén o ciclo ​Os ollos abertos​, organizado pola ONG AIRE, no que se pasarán os filmes ​Alma Mater ​(luns 24), ​69 minutes of 86 days e ​Tout le monde aime le bord de la mer (martes 25), Fuocoammare (mércores 26) e ​Mediterránea ​(xoves 27). Ao remate de cada película, que comezan ás 19.00 horas e son gratuítas, haberá un coloquio sobre a temática da mesma.

… Leer más

O goberno local dá un paso máis na mellora das condicións do funcionariado e aproba de forma definitiva a relación de postos de traballo

septiembre 1, 2018 coruna Comentarios desactivados en O goberno local dá un paso máis na mellora das condicións do funcionariado e aproba de forma definitiva a relación de postos de traballo

A Xunta de goberno local aprobou de forma definitiva este venres, en sesión extraordinaria, a modificación da relación de postos de traballo do Concello da Coruña, algo preciso para que se adapte ao acordo de reclasificación da Policía Local ao que se chegou o pasado xuño. A concelleira de Facenda, Eugenia Vieito, explicou que “dende a aprobación inicial deste acordo houbo un prazo de alegacións”. Desestimada a única reclamacións presentada, a reunión do goberno municipal deu o visto e prace a unha modificación da RPT que, segundo a responsable de Seguridade Cidadá, Rocío Fraga, “supón a recuperación por parte da Policía Local dunha parte importante dos dereitos que perdeu como consecuencia da aplicación por parte dos distintos gobernos do Estado de normativas de contención do déficit e recortes, xa que recuperamos un acordo que quedara en suspenso en 2012”. “As melloras económicas acadadas teñen efectos económicos dende o 1 de xullo e, previsiblemente, será a partir do mes que vén cando o persoal poida comezar a cobrar a diferenza polos novos importes”, apuntou a responsable de Facenda.

Por outro lado, e na mesma liña de afondar na recuperación dos dereitos que os e as traballadoras municipais foron perdendo durante a etapa de crise, motivadas na súa gran medida, polas normativas postas en marcha dende o goberno central, a xunta de goberno local tamén deu luz verde á aprobación do proxecto de modificación do cadro de persoal naquelas prazas reservadas a funcionarios, persoal laboral, eventual, directivo e o TEAM (Tribunal Económico Administrativo Municipal). Segundo destaca Eugenia Vieito, a boa situación económica do Concello, permítelle levar a cabo unha taxa de reposición adicional, que na Coruña se traduce na posibilidade de engadir tres prazas máis, que se propoñen que vaian á categoría de técnicos A1, e unha máis de Policía Local. “A Lei de Orzamentos ofrece esta posibilidade a aquelas administracións que cumpren os obxectivos de estabilidade, límites de débeda e regra de gasto”, explicou a responsable municipal.

… Leer más

O Plan Único da Deputación da Coruña inviste preto de medio millón de euros na mellora de infraestruturas en Cambre

septiembre 1, 2018 coruna Comentarios desactivados en O Plan Único da Deputación da Coruña inviste preto de medio millón de euros na mellora de infraestruturas en Cambre

O Plan Único da Deputación da Coruña financia con 468.436,27 euros a execución de cinco obras que contribuirán a mellorar diversas infraestruturas do municipio de Cambre. Reordenación de espazos urbanos e mellora de infraestruturas deportivas e parques infantís son algunhas das obras que actualmente licita o Concello de Cambre con cargo a este novo plan.

Estes investimentos representan só unha parte dos 1,5 millóns de euros que o Concello de Cambre percibirá este ano a través do Plan Único (POS+) impulsado polo goberno provincial que preside Valentín González Formoso e que lle permitirán tamén financiar parte do seu gasto corrente (440.752,88 euros) e amortizar 354.856 euros de débeda municipal, entre outras cuestións.

Reordenación de zonas urbanas

As obras, en proceso de licitación na Plataforma de Contratación do Sector Público, consistirán na primeira fase da reordenación do ámbito urbano da estrada AC-214 e as rúas Balado, Carballo, González Garcés e Pablo Manzano (98.702,01 euros), a reforma da praza 1º de Maio da Barcala (240.844,66 €), as obras de mellora no paseo dos Templarios de O Temple (55,444,21 €), melloras do parque infantil e a pista polideportiva da Balasteira (Cecebre) e o parque infantil de o Souto, en Sigrás (37.445,91 €), o acondicionamento do lateral da pista deportiva de Santa María de Vigo e da cuberta do acceso ao polideportivo do Temple (35.999, 48 €). Os prazos de licitación de todas as obras rematan entre o 10 e 12 de setembro.

A primeira das obras pretende a creación, na zona da estrada AC-214 e as rúas Balado, Carballo, González Garcés e Pablo Manzano dun novo espazo público de esparcemento/praza que permita a interconexión tanto espacial como visual entre o Campo da Feira e a Feira Pequena. … Leer más

A Concellería de Mobilidade informa dos itinerarios alternativos habilitados ante as afeccións ao tráfico previstas pola disputa esta fin de semana do campionato de España de Tríatlon

agosto 31, 2018 coruna Comentarios desactivados en A Concellería de Mobilidade informa dos itinerarios alternativos habilitados ante as afeccións ao tráfico previstas pola disputa esta fin de semana do campionato de España de Tríatlon

A Concellería de Mobilidade Sostible informa que, con motivo da celebración esta fin de semana do campionato de España de Tríatlon, vanse producir afeccións ao tráfico de vehículos dende a primeira hora da tarde do sábado ata o domingo a mediodía, así como modificacións no transporte urbano.

Na tarde do sábado día 1 de setembro, coincidindo coa celebración das probas masculina e feminina da categoría Elite, vaise levar a cabo o corte ao tráfico, entre as 15.00 e as 22.00 horas, da avenida da Mariña, Cantóns, praza de Mina, Sánchez Bregua, Linares Rivas, Primo de Rivera, avenida do Exército ata a glorieta da Rolda de Outeiro e na estrada do Porto ata a glorieta de Oza. A Concellería de Mobilidade Sostible habilitará os seguintes itinerarios alternativos:

-Habilitarase un carril para cada sentido da circulación dende a praza de Ourense ata o viaducto de Alfonso Molina na calzada de entrada á cidade (o lado do porto).

-O tráfico en sentido entrada da avenida da Pasaxe AC-12 desviarase pola glorieta de Casablanca.

-Mantense un carril, sentido saída da cidade, dende Cigarreiras cara a Ramón y Cajal.

​-Mantense un carril, sentido saída da cidade, dende Fontán-Pai Feijóo con Alfonso Molina.

-O tráfico de Ramón y Cajal, sentido avenida do Exército, desviarase por avenida de Oza.

O domingo pola mañá, cando se celebren as probas das categorías de grupos de idade e paratríatlon, producirase o corte do tráfico dende as 07.30 ás 15.00 horas. Afectará á avenida da Mariña, Cantóns, praza de Mina, Sánchez Bregua, Linares Rivas, Primo de Rivera, avenida do Exército ata a glorieta da Rolda de Outeiro e o túnel dos Castros. Os desvíos habilitados son:

-Un carril para cada sentido da circulación dende a praza de Ourense ata o viaducto de Alfonso Molino na calzada de entrada na cidade (lado do porto).

-O tráfico de entrada pola avenida da Pasaxe AC-12 desviarase á glorieta de Casablanca.

-O tráfico de saída da cidade pola avenida do Exército desvíase cara a glorieta da Rolda de Outeiro – Mirados dos Castros – Enlace de Casablanca, incorporándose ao tronco da AC-12 á altura do hospital San Rafael.

-Cortarase a conexión do vial do porto con Ramón y Cajal (Casa do Mar), manténdose a conexión co enlace de Casablanca.

-Mantense un carril, sentido saída da cidade, dende Cigarreiras cara a Ramón y Cajal. -Mantense un carril, sentido saída da cidade, dende Fontán-Pai Feijóo con Alfonso Molina. -O tráfico de Ramón y Cajal, sentido avenida do Exército, desviarase por avenida de Oza.

A partir das 13.00 horas abrirase á circulación da avenida do Exército e o túnel dos Castros dende Ramón y Cajal – Casa do Mar.

Dentro das zonas dos percorridos do tríatlon sinalarase a prohibición de estacionamento durante o sábado de 15.00 a 22.00 horas e o domingo de 07.30 a 15.00 horas, salvo que teñan un carril habilitado.

No tocante ao transporte público, a celebración das probas suporá a supresión temporal da parada de taxis dos Cantóns, mentres que as de Casa do Mar e do paseo da Dársena se manteñen. As liñas de autobús afectadas realizarán o itinerario habitual cando se producen estes cortes, coa ruta Catro Camiños – Castiñeiras de Abaixo – viaduto Alfonso Molina – Linares Rivas – avenida do Porto – Porto – Túnel Mariña/María Pita. Os autobuses interurbanos, solo poderán entrar ata a praza de Catro Camiños, polo que se anularán as paradas en praza de Ourense, Entrexardíns e costa da Palloza.