Home » coruna » Recent Articles:

O Concello pon en marcha a fase de votación dos Orzamentos Participativos, na que a veciñanza poderá escoller, entre 111 propostas, aquelas que se incluirán nos presupostos municipais do próximo ano

agosto 31, 2018 coruna Comentarios desactivados en O Concello pon en marcha a fase de votación dos Orzamentos Participativos, na que a veciñanza poderá escoller, entre 111 propostas, aquelas que se incluirán nos presupostos municipais do próximo ano

O programa de orzamentos participativos da Coruña aborda a súa fase final, anterior á inclusión dos proxectos propostos e votados pola veciñanza nos presupostos municipais do vindeiro ano. Dende hoxe, 30 de agosto, e até as 00.00 horas do 17 de setembro, permanecerá aberto o prazo para que a cidadanía empadroada no municipio e maior de 16 anos poida votar e escoller entre as 111 propostas que pasaron a esta fase, logo de recabar os apoios necesarios da veciñanza e superar a avaliación técnica. Deste total, 44 propostas son de cidade, e 67 correspóndese a proxectos de distrito. Destas propostas definitivas, aquelas que reciban un maior número de apoios da cidadanía nesta fase –até chegar aos 3 millóns de euros reservados para este pioneiro programa–, incorporaranse ao proxecto inicial do Orzamento Xeral do Concello da Coruña do vindeiro ano.

Así o anunciou esta xornada a concelleira de Participación e Innovación Democrática, Claudia Delso, quen manifestou que o volume de presentación de propostas, así como a implicación da veciñanza, dá mostra de que o dos Orzamentos Participativos é un programa “consolidado, estrutural, tecnicamente impecable e que supón unha aposta política decidida”. A edil recordou que así tamén se puido contrastar no marco da celebración, o pasado mes de xullo, do IV Encontro Ibérico de Democracia Orzamentos Participativos, que congregou a representantes de distintas cidades do Estado, Portugal e América que teñen en marcha programas de participación directa da cidadanía. “Estamos a falar dun programa que, por definición, implica unha confianza na veciñanza, unha corresponsabilidade para definir investimentos públicos e, polo tanto, para construír cidade”, dixo. “Trátase dun programa que establece as prioridades da veciñanza nos barrios e nos distritos e que, sobre todo, nos permite coñecer as inquedanzas dende a perspectiva dos distintos grupos de idade na cidade, algo que tamén nos axuda a deseñar e planificar o orzamento municipal dos vindeiros anos”, explicou a concelleira.

… Leer más

A Concellería de Xustiza Social realizou obras de mellora e mantemento en 21 centros escolares do cidade “para garantir que a educación pública conte con instalacións de calidade”

agosto 31, 2018 coruna Comentarios desactivados en A Concellería de Xustiza Social realizou obras de mellora e mantemento en 21 centros escolares do cidade “para garantir que a educación pública conte con instalacións de calidade”

A Concellería de Xustiza Social e Coidados acometeu durante o período estival arranxos e obras de mantemento en 21 centros escolares da cidade, “que comezarán o curso en boas condicións”. “Como este Goberno local leva demostrando dende o comezo do mandato, é a nosa vontade investir nos centros escolares do municipio para garantir que a educación pública conte cunhas instalacións de calidade que permitan as nenas e aos nenos desenvolver a súa actividade e recibir a súa formación nun espazo adecuado”, afirma a responsable do departamento, Silvia Cameán. En total, realizáronse 120 actuacións, das que seis delas, debido á súa envergadura, non se levaron a cabo dentro do contrato de mantemento.

Durante os meses de verán, acometéronse grandes melloras tanto en escolas infantís municipais (EIM) como en centros de educación Infantil e de Primaria (CEIP). Na EIM Os Cativos reparouse o muro de peche, mentres que na dos Rosais se arranxaron as fisuras que presentaban as aulas. “O Concello asumiu de novo este verán ​obras que escapan da nosa competencia​, como é o caso de substitución de cubertas, desta volta no CEIP María Barbeito, como xa se fixera o pasado ano no centro Emilia Pardo Bazán, unha actuación na que se investiron 150.000 euros”, explica Cameán. Entre as obras de maior envergadura, a concelleira salienta tamén a reparación de filtracións na fachada leste do CEIP Eusebio da Garda e o arranxo e pintado das fachadas do edificio histórico do CEIP Labaca. “A​ educación é unha competencia das administracións autonómica e estatal, sobre a que non temos moitos espazos para actuar, pero na que aproveitamos todas as nosas oportunidades para construír unha escola pública de calidade, con centros adecuados e abertos, nos que se creen espazos para a participación”, indicou Cameán. Neste sentido, a edil lembrou a “aposta histórica” que mantén o actual Goberno local “para o arranxo e mantemento dos centros escolares, nos que se investiron máis de 2 millóns de euros que, en moitos casos, viñeron a poñer punto e fin a problemas acumulados debido a anos de desleixo no seu coidado”.

As restantes accións de mantemento asumidas pola concellería, que atenden en moitos dos casos a problemas e eivas detectados polos equipos de dirección dos centros escolares, realizáronse nos centros Alborada, Manuel Murguía, María Barbeito, María Pita, Nosa Señora do Rosario, Aneja, Rosalía de Castro, Anxo da Guarda, Sagrada Familia, Sal Lence, Salgado Torres, San Francisco Xavier, Sanjurjo de Carricarte, Víctor López Seoane, Zalaeta, Curros Enríquez, Emilia Pardo Bazán, Eusebio da Garda, Juan Fernández Latorre e Labaca.

Como destaca a concelleira, nestes meses de verán o Concello tamén abordou a renovación e adecuación á normativa das áreas de xogo de 23 centros de ensino infantil e de primaria, que terán o próximo curso ​pavimentos amortiguadores máis espesos, valados de seguridade adecuados, novas papeleiras e uns elementos para os xogos “reordenados con criterios de seguridade e con espazos mínimos adecuados, reparados, pintados e algúns completamente novos”. Unha actuación que conta cun investimento de 224.557,35 euros.

A Concellería de Emprego impulsa unha nova edición de Mercadillos Urbanos, unha iniciativa para “achegar o pequeno comercio tradicional á clientela” nas áreas comerciais dos barrios

agosto 31, 2018 coruna Comentarios desactivados en A Concellería de Emprego impulsa unha nova edición de Mercadillos Urbanos, unha iniciativa para “achegar o pequeno comercio tradicional á clientela” nas áreas comerciais dos barrios

A Concellería de Emprego e Economía Social retoma os Mercadillos Urbanos para a dinamización de zonas comerciais nos barrios. Unha iniciativa deseñada “para achegar o pequeno comercio tradicional á clientela”, como a define o responsable do departamento, Alberto Lema. O primeiro deles celebrarase esta fin de semana, de 12.00 a 20.00 horas, na praza da Constitución, onde están programadas varias actividades complementarias para axudar na dinamización do espazo. O sábado ás 18.00 horas terá lugar un espectáculo de maxia, mentres que o domingo, á mesma hora, haberá música ao vivo. A súa celebración coincide ademais coa V Feira da Cervexa Artesá, que organiza Aceca co apoio do Concello, e que se desenvolverá na praza de Azcárraga entre a tarde o 31 de agosto e ata a noitiña do día 2.

Como indica o concelleiro Lema, tras esta primeira parada, os mercadillos urbanos desenvolveranse en cinco áreas comerciais máis da cidade: zona Obelisco, Distrito Picasso, MonteAlto, ConchiñaseÁreaViva.Estainiciativa,queimpulsouoGobernolocalen2016baixoo lema “Queda na casa. Compra no teu barrio”, permite aos establecementos comerciais que o soliciten participar dun mercado “no que as tendas da zona teñen máis visibilidade, como amosa a experiencia de edicións anteriores nas que atraeu a un gran número de veciños e de veciñas”. Os mercadillos urbanos contan, ademais dos postos con produtos, con animación, música en directo e xogos e outras actividades infantís.

Os próximas citas do mercado son nos xardíns de Méndez Núñez (8 e 9 de setembro), na praza de Vigo (15 e 16 de setembro), no Campo da Leña (22 e 23 de setembro), na praza das Conchiñas (29 e 30 de setembro) e na praza de Pontevedra (13 e 14 de outubro).

A Deputación apoia con máis de 1’5 millóns de euros ás entidades de servizos sociais

agosto 30, 2018 coruna Comentarios desactivados en A Deputación apoia con máis de 1’5 millóns de euros ás entidades de servizos sociais

A área de Benestar Social e Igualdade da Deputación da Coruña, vén de publicar a concesión provisional de axudas dos programas (FOAXE e FOIE), que teñen por obxecto apoiar ás entidades sen fin de lucro que desenvolvan programas de servizos sociais durante o presente ano. A institución provincial destinará 994.225 euros ao mantemento destas programacións, e tamén financiará con 524.778 euros os investimentos de mellora que realicen as entidades.

A deputada e responsable da área de Benestar Social, Ánxela Franco, subliñou que estas axudas representan “o mellor dos investimentos” que se poden realizar desde unha institución coma Deputación, pois “dotar de novos recursos e optimizar os servizos que prestan estas entidades repercute dun xeito significativo no benestar de toda a sociedade”.

Un total de 165 entidades sen fin de lucro serán as beneficiarias dos 1.519.003 euros, que suman as dúas liñas de subvención cos que a Deputación da Coruña apoiará o labor das fundacións e asociacións do ámbito social da Coruña.

Así, a liña de axudas FOAXE achegará até a 103 entidades da provincia un total de 924.225 euros, co obxectivo de contribuir ao mantemento de programas terapéuticos, de rehabilitación, orientación laboral, ou prevención da drogodependencia, entre outros; ademais de colaborar no mantemento dos servizos de transporte adaptado, escolas infantís e centros de día.

Por outra banda, o programa FOIE financiará con 524.778 euros a adquisición de equipamento e as melloras nas infraestructuras que realicen as entidades dos servizos sociais da provincia, nunha clara aposta da Deputación por colaborar na mellora da calidade e as prestacións dos servizos que prestan 62 asociacións.

Poden ampliar información e consultar a resolución provisional das axudas nas seguintes ligazóns:

FOAXE:

http://bop.dacoruna.gal/bopportal/publicado/2018/08/28/2018_0000006342.pdf

FOIE:http://bop.dacoruna.gal/bopportal/publicado/2018/08/28/2018_0000006344.pdf

A Concellería de Mobilidade Sostible renova as tarxetas de transporte público Millennium para “minimizar os erros nas lecturas e, polo tanto, axilizar o tempo de pago”

agosto 30, 2018 coruna Comentarios desactivados en A Concellería de Mobilidade Sostible renova as tarxetas de transporte público Millennium para “minimizar os erros nas lecturas e, polo tanto, axilizar o tempo de pago”

​A Concellería de Mobilidade Sostible comezará a expedir a próxima semana as novas tarxetas Millennium do transporte urbano, un modelo que permitirá, como indica o responsable da área, Daniel Díaz Grandío, “minimizar os erros de lectura nas tarxetas”. O edil explica que o actual modelo de cartóns presenta problemas frecuentes na conexión entre o chip e a antena que permite pagar mediante contacto nas canceladoras dos autobuses urbanos o cal provoca “erros nas lecturas, coa conseguinte perda de axilidade no pago e polo tanto a baixada da velocidade comercial dos autobuses, e un elevado número de substitucións da tarxeta”. Ante esta situación, Mobilidade Sostible comeza a introducir un novo modelo, que “no seu exterior é practicamente similar ao anterior –só ten o chip máis pequeno– pero que ten unha nova estrutura interna”.

A nova remesa de tarxetas Millennium presenta unha nova arquitectura tanto na placa de contactos como na conexión entre o chip e a antena que a fai máis resistente ao uso e, polo tanto, máis durable. Como resalta Díaz Grandío, esta modificación “permitirá reducir o número de tarxetas que se cambian cada ano por mal funcionamento”. Durante 2017, a Concellería de Mobilidade Sostible substituíu 14.509 cartóns por problemas no seu uso, mentres que, no que vai de ano, as reposicións ascenden a 8.961. Actualmente, hai 205.000 tarxetas Millennium activas.

“Esta nova tarxeta permítenos tamén abordar unha das cuestións que lastran a velocidade comercial dos autobuses, como son erros de lectura nas Millennium. Outro dos problemas que aumentan o tempo de parada dos buses son os pagos en efectivos, para o que estamos a traballar en dúas direccións: a introdución de novas tarifas, unha de carácter gratuíto para menores de 13 anos e outras reducidas para menores de 26 e maiores de 65 e a innovación nos métodos de pago”. Sobre esta última cuestión, Díaz Grandío lembrou que o Goberno local adxudicou este verán a creación dunha aplicación que permita abonar as tarifas do bus a través do teléfono móbil e que amplíe as opcións de recarga da tarxeta Millennium.