Home » coruna » Recent Articles:

O alcalde reclama “elementos de gobernanza e de financiamento adecuados para as cidades, que se converteron na primeira estrutura para abordar a loita contra a desigualdade”

marzo 16, 2018 coruna No Comments

A Coruña acolle esta xornada o foro de lanzamento do plan de acción da Axenda Urbana do Eixo Atlántico, un evento que ten lugar na sede de Afundación é que está organizada polo Concello da Coruña e o ente transfronteirizo do que forma parte. A cita, que serve para debater sobre os retos sociais aos que se enfrentan as administracións públicas conta, ademais de co alcalde, Xulio Ferreiro, e o secretario xeral do organismo supramunicipal, Xoán Vázquez Mao, coa participación de rexedores e rexedoras do resto de Galicia, Portugal e o Estado español, así como expertos e expertas en políticas urbanas e representantes dos executivos estatal e luso. O primeiro edil coruñés salientou durante a inauguración da xornada que, coa mesma, “A Coruña volve colocarse no centro das políticas urbanas transformadoras e se sitúa como exemplo da necesaria cooperación entre cidades e entre institucións”. Así o salientou o responsable municipal, quen afirmou que “este é un día para falar de futuro, do futuro das nosas cidades e do compromiso coas políticas urbanas”. Ao fío, o primeiro edil reivindicou o papel das cidades como “primeiras estruturas para garantir a equidade e a igualdade”. “Para abordar esas cuestións necesitamos de traballo en rede, colaborativo, como o que estamos a facer hoxe, pero tamén precisamos elementos de financiamento e de gobernanza adecuados”, indicou, en referencia ás limitacións impostas dende o goberno central a autonomía dos municipios, con normativas que limitan que as administracións locais saneadas, poidan investir os seus aforros “alí onde consideren, mellorando a vida da cidadanía”.

Modelo de cidade

Ferreiro salientou o compromiso da Coruña coa institución do Eixo Atlántico por servir esta para estabelecer redes de cooperación entre Galicia e o norte de Portugal a través das súas cidades. “A Coruña participa neste foro, xunto a máis concellos, expoñendo o seu modelo de cidade, A Coruña Próxima que queremos, unha cidade cercana, de coidados, que se sostén sobre principios de promoción económica, sostenibilidade co medio ambiente e co territorio, atención ás persoas e loita contra as desigualdades, ao cabo, un modelo moi semellante ao que defende a axenda urbana do Eixo Atlántico e ao que se plantexa dende Europa”, dixo o alcalde, que manifestou que “esta xornada servirá para aterrar no concreto, para falar de retos particulares e solucións conxuntas”. “Hoxeparticipamosnuneventoquereferendaquenonsóéposible,senónnecesario, tecer redes a través da diversidade dos nosos concellos e institucións. O motor do futuro radica nos vasos comunicantes, nas arterias que imos conformando pouco a pouco, e para as que son fundamentais eventos coma este”, insistiu. … Leer más

Lema destaca a oportunidade para A Coruña de converterse en referencia para as economías TIC e do coñecemento durante a entrega dos premios da Feira de Ideas Empresariais

marzo 16, 2018 coruna No Comments

O concelleiro de Emprego e Economía Social, Alberto Lema, participou na entrega de premios da VIII edición da Feira das Ideas Empresariais do programa Inicia, que busca a difusión do espírito empresarial no alumnado dos ciclos formativos. Un programa que busca o “fomento da actividade empresarial como un xeito de manifestar capacidades como a creatividade, o traballo en equipo e a análise estratéxica do mercado e da competencia, virtudes do empresariado con visión e con misión, con vontade de aportar valor engadido á sociedade da que forma parte”, explicou Lema.

O programa consiste nunha formación práctica para o alumnado na que realizan o estudo de viabilidade dunha iniciativa empresarial, co apoio do profesorado, e o uso dun software especializado de simulación para a creación dun plan de empresa. As mellores ideas foron recoñecidas esta mañá con premios aos seus centros de formación profesional. O edil de Emprego lembrou aos e ás participantes, que se deciden darlle continuidade aos proxectos emprendedores, “teñen a súa disposición o servizo de asesoramento a empresas da Concellería de Emprego e Economía Social”. Lema explicou que o servizo municipal está situado no viveiro de empresas Accede Coruña, no Papagaio, no que poden “completar aínda máis a formación recibida e acceder a un posto en preincubación nun dos postos baleiros do viveiro de empresas , como ten acontecido xa en anteriores ocasións”. … Leer más

A Deputación analizará exhaustivamente a realidade dos Servizos Sociais da Coruña

marzo 16, 2018 coruna No Comments

A responsábel da área de Igualdade, Educación e Servizos Sociais da Deputación da Coruña, Ánxela Franco, presentou as directrices do Plan de Acción de Servizos Sociais “Rede de Concellos para o Benestar”, unha análise na que está a traballar co ánimo de coñecer a realidade social dos concellos da Coruña e así poder elaborar no futuro políticas eficientes que optimicen a xestión dos recursos.

A deputada Ánxela Franco destacou que o estudo que está a realizar na Deputación da Coruña, “sentará un antes e un despois” sobre o coñecemento que se posúe arredor das áreas de Servizos Sociais a nivel provincial, e incidiu en que “para realizar ben a xestión dos investimentos, debemos coñecer o territorio primeiro”. … Leer más

O Concello publica o terceiro informe do Observatorio de Igualdade e Diversidade, “unha radiografía a situación de mulleres e homes no municipio feita para identificar as desigualdades existentes e axudar a adecuar as políticas públicas”

marzo 15, 2018 coruna No Comments

O terceiro estudo A Coruña en Cifras 2018 – Informe da situación das mulleres e dos homes na cidade, que elabora o Observatorio Municipal de Igualdade e Diversidade e que desde hoxe está dispoñible na web municipal de Igualdade, recolle unha radiografía da situación da muller e do home co obxectivo de “identificar as situacións que afectan a cidadanía de maneira diferenciada, amosando a existencia de desigualdades, e así contar con información que axude a adecuar as políticas públicas”, tal e como explica a edil de Igualdade e Diversidade, Rocío Fraga. A concelleira avanza que o informe deste ano, para o que se contou coa coordinación de todas as áreas do Concello así como con outras entidades de ámbito autonómica e estatal, “incorpora novos datos, polo que achega información máis completa da realidade das mulleres e dos homes na nosa cidade”. Así, por exemplo, a análise inclúe este ano datos máis desagregados sobre a diversidade funcional, sensorial e cognitiva, “unha información fundamental para o deseño de políticas neste sentido”.

O estudo, que analiza a situación da cidadanía dentro dos ámbitos demográfico e social, pero tamén como persoas usuarias dos servizos sociais municipais e na administración local, afianza o feito de que as mulleres son “as principais usuarias dos servizos sociais municipais, xa que representan o 59,5% do total das persoas atendidas”. “Este tipo de estudos permiten tamén amosar partes invisibles da realidade como a do imprescindible dos traballos doméstico e de coidados para cubrir as necesidades básicas da vida”, indica Fraga. A este respecto, a edil destaca que, ademais de ser a maioría de persoas atendidas, as mulleres “realizan o papel como intermediarias na tramitación de recursos ante os servizos sociais, poñendo de novo de manifesto o rol de coidadora”. Os catro recursos máis solicitados polas mulleres foron: apoio de carácter persoal fóra do fogar (84,6%), prestacións de axudas técnicas e tecnolóxicas (83,3%), actuacións específicas de apoio á unidade convivencial (82,1%) e centros de acollida (80%). Neste sentido, a concelleira apunta que “a sobrecarga que implican este tipo de traballos de coidados para as mulleres son o principal motivo para o abandono do mercado laboral”. Os datos reflicten que na cidade o 60% das mulleres que asinaron un contrato en 2017 o fixeron a tempo parcial e que o 77,3% das pensións non contributivas son percibidas por mulleres, “moi indicativo da falta ou insuficiencia da cotización ao longo da vida e que tamén se reflicte na cuantía media da pensión, que é de 394 euros”. Ademais, o 56,7% das persoas perceptoras da RISGA son mulleres, así como o 58% das perceptoras das axudas de emerxencia social.

O Observatorio Municipal de Igualdade e Diversidade recolle que as mulleres son as principais usuarias dos servizos de mobilidade, espazos e actividades de lecer e deportivas. Así, o 60% das persoas que utilizan a tarxeta Millenium son mulleres, unha porcentaxe que aumenta nos casos da tipoloxía para universitarias (un 65%), desempregadas (63%) e xubiladas (un 66%). “Unha realidade a ter en conta nas políticas de mobilidade, para incluír as necesidades específicas das mulleres como usuarias deste servizo”, indica Fraga.

A participación das mulleres destaca nas actividades das Escolas Deportivas Municipais, cun 70% das prazas, unha diferencia que se marca especialmente en maiores de 18 anos (cun 77%), e tamén nas actividades de ocio e lúdicas organizadas polo Concello, que rexistraron, nas campañas de primavera e outono do pasado ano, un 75% de participantes mulleres.

O Concello presenta a terceira edición do programa de sensibilización Móllate! , iniciativa que pretende “empoderar á mocidade coruñesa no coidado do medio natural e acadar unha celebración de San Xoán máis sustentable”

marzo 15, 2018 coruna No Comments

O Concello pon en marcha, por terceiro ano consecutivo, Móllate!, o programa de educación ambiental vinculado á San Xoán. A edil de Medio Ambiente, María García, presentou a nova edición dunha iniciativa que ten, como principal obxectivo, sensibilizar á mocidade sobre a xestión responsable de residuos e a importancia do coidado das praias durante a celebración da festa de San Xoán, “o evento de maior impacto ambiental para a cidade”, á vez que promove unha conduta ambiental de corresponsabilidade coa contorna durante todo o ano. “Móllate! é unha das accións máis bonitas e importantes que realiza o Concello no marco das políticas ambientais de sensibilización vinculadas á residuos, xa que se trata dun proceso de participación, consulta, educación e empoderamento que ten á xuventude como protagonista no coidado do medio natural“, explicou María García. “A finalidade non é outra que diminuír o impacto ambiental na praia e na costa, reducir a cantidade de residuos que rematan no mar e que se dirixe, fundamentalmente, a IES e CIFP que se implican no programa Móllate! para que a mocidade sexa catalizadora das accións de concienciación e de coidado”, lembrou a responsable municipal.

O programa comezará este mesmo mes de marzo e prolongarase até o propio día de San Xoán, celebración que o goberno local considera prioritaria no eido da prevención e da sensibilización dentro do seu Plan de Eventos Sostibles, co obxectivo de minimizar o impacto da festa sobre o patrimonio natual. A iniciativa diríxese ao alumnado coruñés a partir do 3o curso da ESO, que desenvolverá o deseño e produción de iniciativas que comunicarán, tanto nos seus centros de estudos como ao resto da veciñanza, a necesidade da xestión responsable de lixo do San Xoán. A convocatoria, da que varios equipamentos educativos xa amosaron o seu interese por participar, está aberta desde hoxe a todos os IES e CIFP da cidade. Toda a información sobre a mesma, tal e como apuntou a responsable municipal, está dispoñible na páxina web http://mollate.coruna.gal .

… Leer más

ENCUESTA SEMANAL

¿Te gusta la nueva web?

Cargando ... Cargando ...