Home » coruna » Recent Articles:

González Formoso reuniuse co xeneral Pérez de Aguado, novo xefe do Estado Maior da FLO

septiembre 25, 2018 coruna Comentarios desactivados en González Formoso reuniuse co xeneral Pérez de Aguado, novo xefe do Estado Maior da FLO

O presidente da Deputación da Coruña, Valentín González Formoso, recibiu no seu despacho da institución provincial ao novo xefe do Estado Maior da Forza Loxística Operativa (FLO), o xeneral de brigada ferrolano Alfredo Pérez de Aguado Martínez.

A reunión enmárcase na rolda de contactos institucionais que o xeneral está a realizar con motivo do seu nomeamento como xefe do Estado Maior da FLO o pasado 4 de setembro.

Gonzalez Formoso e o xeneral Pérez de Aguado departiron durante media hora sobre as súas respectivas competencias. Ao remate da reunión, Formoso desexou “os maiores éxitos profesionais” ao xeneral Pérez de Aguado no seu novo posto e  ambos destacaron a importancia da colaboración e coordinación entre institucións. … Leer más

O goberno local dará luz verde esta semana a unha rebaixa no prezo do transporte urbano “dentro dun novo sistema de tarifas máis social, que busca potenciar o uso do autobús”

septiembre 24, 2018 coruna Comentarios desactivados en O goberno local dará luz verde esta semana a unha rebaixa no prezo do transporte urbano “dentro dun novo sistema de tarifas máis social, que busca potenciar o uso do autobús”

A Xunta de goberno local do Concello da Coruña aprobará esta semana unha baixada do prezo do autobús urbano dentro dun novo sistema de tarifas. Así o anunciou o alcalde da Coruña, Xulio Ferreiro, nunha entrevista radiofónica con Radio Coruña-Cadena SER. O rexedor indicou que as tarifas entrarán previsiblemente en vigor este outono, se ben deben contar coa ratificación da Comisión de Prezos da Xunta de Galicia. “Se non se opón, e agardo que non o faga, introduciremos unha serie de rebaixas que conforman un sistema tarifario máis social, máis sensible e máis ambicioso, un sistema pensando para garantir o dereito do transporte público, e estimular o seu uso fronte ao vehículo privado”, indicou. Así, a pretensión do goberno local é rebaixar o billete en xeral en case un 8%, até os 1,20 euros, 10 céntimos menos, mentres que o da tarxeta Millennium o fará nun 12%, até os 75 céntimos. O billete social rexistrará unha baixada de máis dun 30%, até os 23 céntimos. Ademais disto, o billete para os e as universitarias custará 30 céntimos, mentres que se conseguirá a gratuidade da viaxe para os e as menores de 13 anos (até agora esta exención era só para menores de 4 anos). O transbordo, que até o momento estaba restrinxido, será universal e gratuíto, todas as veces que se precise durante 45 minutos.

O primeiro edil destacou que “será a primeira vez na historia da cidade que baixe o billete do bus”. “Todos os gobernos anteriores subiron o prezo”, dixo Ferreiro, que recordou que durante a etapa municipal do bipartito PSOE-BNG o prezo incrementouse un 20%, mentres que durante o último mandato do PP a tarife medrou unha media dun 13%. “En total un 33% en só oito anos, nos oito anos da crise, por certo, entre 2007 e 2015”, reflexionou.

… Leer más

O mércores finaliza o prazo de inscrición ordinario da XII Carreira Popular Coruña10, que se celebrará o 7 de outubro

septiembre 24, 2018 coruna Comentarios desactivados en O mércores finaliza o prazo de inscrición ordinario da XII Carreira Popular Coruña10, que se celebrará o 7 de outubro

​A XII Carreira Popular Coruña10 celebrarase o domingo 7 de outubro. Un ano máis, a proba de máis traxectoria das que promove o Concello da Coruña percorrerá o Paseo Marítimo da enseada do Orzán. A C10 terá a súa saída ás 10.00 horas no paseo da Habana, punto de partida para un circuíto que transitará entre as rotondas do Millennium e da Torre de Hércules, e cuxa meta estará situada fronte ao Pazo dos Deportes de Riazor. A Concellería de Culturas, Deporte e Coñecemento lembra que este mércores, 26 de setembro será o último día para poder formalizar a inscrición na proba, cunha cota de 5 euros, a través da web da Federación Galega de Atletismo, ​www.carreirasgalegas.com​. Unha vez finalice este prazo, e até as 23.59 horas do día 30, abrirase unha segunda quenda extraordinaria na mesma plataforma, sendo a cota de 8 euros.

Na Coruña10 estableceranse diferentes categorías en función da idade: Junior/Sub20, (atletas do ano 1999-2000), Promesa/sub23 (1996, 1997 e 1998), Senior (nadas e nados no ano 1995) e anteriores. Estableceranse catro modalidades para persoas veteranas, ‘Master’, en función da idade e, por último, outra de persoas con diversidade que disputen a proba en cadeira de rodas (nadas ou nados en 2000 e anos anteriores) xa que, como é habitual, a proba reforzará o seu carácter integrador e facilitará a participación de atletas en cadeira de rodas homologadas e que cumpran coa normativa do IPC Athletics.

De cara á realización da proba, a saída organizarase por caixóns en función dos tempos de cada unha das persoas participantes. Cada caixón estará sinalizado cun rótulo cuxa cor coincidirá coa cor do seu dorsal –azul, lila, gris, amarelo e verde–, que poderá retirar nas datas que facilite o Servizo Municipal de Deportes a través da súa web ​www.coruna.gal/carreiraspopulares​, así como até unha hora antes da carreira o propio domingo 7, xunto á saída.

… Leer más

O BNG solicita aclaracións ao Goberno municipal a respecto da seguridade viaria no novo ciclocarril da rolda de Outeiro

septiembre 24, 2018 coruna Comentarios desactivados en O BNG solicita aclaracións ao Goberno municipal a respecto da seguridade viaria no novo ciclocarril da rolda de Outeiro

O BNG rexistrou unha batería de preguntas para a súa resposta por escrito para o vindeiro pleno ordinario de outubro nas que solicita aclaracións ao Goberno municipal a respecto da seguridade viaria no novo carril ciclábel da rolda de Outeiro.

A formación nacionalista salienta na súa iniciativa que pasadas máis de 14 semanas desde o anuncio do inicio da obra, o carril compartido desde a rúa da Mercé até Pérez Ardá, isto é o novo ciclocarril, non ten nin sinalización vertical nin horizontal que informe nin ás persoas automobilistas nin ás persoas ciclistas de que tal carril é ciclábel.

Lembran desde o BNG, que en sentido rúa da Mercé até a rúa Pérez Ardá, anunciouse que a opción sería non facer un carril segregado, como o si realizado no sentido contrario, e optouse por un carril compartido de vehículos a motor e bicicletas, é dicir, un ciclocarril, e que ten limitada a súa velocidade a 30 quilómetros por hora. … Leer más

5.000 persoas visitaron en Shanghai a exposición sobre a etapa coruñesa de Picasso

septiembre 23, 2018 coruna Comentarios desactivados en 5.000 persoas visitaron en Shanghai a exposición sobre a etapa coruñesa de Picasso

En só quince días, máis de 5.000 persoas visitaron no Yueli Art Museum de Jiashan (Shangai) a exposición “Picasso: A formación dun xenio”, na que se compilan en cinco salas 132 obras realizadas polo artista ou por algúns dos seus mestres como Isidoro Brocos ou o seu pai, José Ruíz Blasco, que gardan relación coa etapa na que viviu na cidade da Coruña, entre 1891 e 1895. Nese tránsito da nenez á primeira xuventude, é cando o neno Pablo Ruíz Picasso trasladase coa súa familia á cidade herculina dende a súa Málaga natal e onde comenza a forxarse o talento dun dos artistas españois máis universais e unha das figuras máis influíntes na evolución da arte do século XX.

A mostra, promovida pola Casa Museo Picasso da Coruña en colaboración co Concello da Coruña, a Escola Pablo Picasso, o Museo Picasso de Buitrago, Colección Eugenio Arias de Madrid e as fundacións Abelló e Palau e Centre d´Horta, foi inaugurada o pasado 7 de setembro durante un acto que contou coa asistencia do presidente da Deputación da Coruña, Valentín González Formoso, invitado ao evento polas autoridades locais e rexionais chinas como representante institucional da provincia da Coruña, e o do director dos museos históricos da Comunidade de Madrid, Eusebio Bonilla Sánchez. … Leer más