Home » coruna » Recent Articles:

O Concello abre o prazo de inscrición das Xornadas Gastronómicas do Bacallau, que se celebrarán do 1 ao 8 de novembro

septiembre 18, 2018 coruna Comentarios desactivados en O Concello abre o prazo de inscrición das Xornadas Gastronómicas do Bacallau, que se celebrarán do 1 ao 8 de novembro

O Consorcio de Turismo e Congresos vén de abrir o prazo de inscrición para participar nas Xornadas Gastronómicas do Bacallau, que terán lugar do 1 ao 8 de novembro na Coruña. A iniciativa, aberta a locais de hostalería da cidade, convócase no marco de actividades que o ente está a desenvolver co gallo do centenario da morte de Manuel María Puga y Parga, Picadillo, e ten como obxectivo render homenaxe á obra 3​6 maneras de guisar el bacalao.​ Na cita, que se engade ao calendario gastronómico coruñés, poderanse saborear propostas que elaborarán diferentes establecementos da cidade con menús a prezos especiais, así como participar nos percorridos guiados con showcooking e degustación incluídos.

Nas Xornadas do Bacallau poderán participar até un máximo de 20 establecementos de hostalaría da cidade que, tanto pola súa traxectoria profesional como pola proposta gastronómica, encaixen na temática. Os locais poderán elixir entre dúas modalidades de participación, sendo estas menú ou medio menú, presentando tanto iniciativas tradicionais como vangardistas. O prezo do menú, composto por un primeiro e un prato principal cuxo ingrediente principal sexa o bacallau, ademais dunha sobremesa e bebida; estará comprendido entre os 10 e os 30 euros. Pola súa banda, o prezo do medio menú, formado tamén por un prato composto polo mesmo produto como principal ingrediente, ademais dunha bebida, estará comprendido entre os 7 e os 15 euros.

Todos os establecementos interesados en formar parte das xornadas deberán enviar as súas solicitudes ao correo electrónico ​centenariopicadillo@gmail.com​. O prazo para achegar a información finalizará o 1 de outubro ás 14.00 horas.

O Concello activa a descentralización da atención social nos barrios, “un novo modelo de actuación máis próxima que resolverá máis rápido as necesidades da veciñanza”

septiembre 18, 2018 coruna Comentarios desactivados en O Concello activa a descentralización da atención social nos barrios, “un novo modelo de actuación máis próxima que resolverá máis rápido as necesidades da veciñanza”

O alcalde, Xulio Ferreiro, e a concelleira de Xustiza Social, Silvia Cameán, visitaron os centros cívicos de Labañou e dos Mallos, dous dos equipamentos municipais onde, dende hoxe, está en marcha a descentralización da atención social a través de equipos profesionais completos, xunto cos de San Diego, Elviña e Monte Alto. O rexedor recordou que, dentro da aposta decidida do goberno local por poñer a xustiza social no centro das políticas municipais, neste mandato o Concello implementou distintas medidas encamiñadas a mudar o modelo de atención social existente na cidade. “Hoxe, día no que entra en vigor o proceso de descentralización nos barrios dos equipos de atención social, damos un importante paso encamiñado a ofrecer unha atención máis áxil e máis próxima en todos os sentidos. Aproximamos os servizos sociais aos barrios e poñemos en marcha un novo modelo de atención máis cercano e, polo tanto, que poderá resolver máis rápido as problemáticas e as necesidades que se plantexen”, explicou. “Este proceso de descentralización completa moitos outros cambios introducidos estes anos, como o Servizo de Atención Inmediata (SAI), co que conseguimos reducir de forma notable as listas de espera no eido da atención social”, comentou.

A concelleira Silvia Cameán destacou todo o traballo realizado nas últimas semanas polo persoal dos servizos sociais “para ultimar tanto o traslado físico dos equipos de atención como a reorganización das persoas que fan uso destes servizos”. Tal e como explicou a responsable municipal, no proceso de descentralización fíxose tamén un labor de reasignación de traballadores e traballadoras sociais a partir da nova reorganización territorial, “na que se puxo especial coidado en respectar ás veciñas que preferiron manter a súa profesional de referencia, porque non era convinte expoñela a este cambio ou porque se considera que é relevante manter a relación profesional xa iniciada”. Ademais, tal e como salientou tanto o alcalde como a titular de Xustiza Social, “a concellería tamén activou un sistema de seguimento para avaliar calquera desaxuste ou incidencia que poida xurdir neste proceso de descentralización”.

… Leer más

O Concello abre hoxe o prazo de inscrición do programa formativo en consumo para persoas adultas da OMIC

septiembre 18, 2018 coruna Comentarios desactivados en O Concello abre hoxe o prazo de inscrición do programa formativo en consumo para persoas adultas da OMIC

A Concellería de Emprego e Economía Social informa de que a Oficina Municipal de Información ás Persoas Consumidoras (OMIC) abrirá hoxe o prazo de inscrición para participar nas charlas e obradoiros do seu Programa Formativo en Consumo até final de ano, unha iniciativa dirixida á cidadanía maior de 18 anos e que ten como obxectivo achegar ás persoas consumidoras cuestións vinculadas aos seus dereitos, así como mecanismos para exercer a defensa ou reclamación.

As charlas do programa, de temática diversa e que teñen unha duración aproximada de hora e media, impártense unha vez ao mes na propia oficina, situada na Costa da Palloza. Para poder asistir é necesario facer a inscrición previa, a partires de mañá, martes 18, a través da súa páxina web, ​www.coruna.gal/omic​, xa que cada curso, que é gratuíto, dispón de 15 prazas. Nesta ocasión, comezarán o vindeiro venres 28, coa primeira proposta titulada O bono social eléctrico​. No mes de outubro, o xoves 4, ofertarase a proposta ​Comprender a factura da luz​. Xa no mes de novembro, o día 29, achegarase información respecto á realización de Compras seguras en Internet​ e, finalmente, o 14 de decembro abordarase o ​Consumo ecolóxico no Nadal​.

A OMIC, dependente da área que dirixe o concelleiro Alberto Lema, ofrece anualmente este programa formativo, que se complementa con outras actividades para todos os públicos que desenvolve ao longo de todo o ano. Para máis información sobre a súa programación ou calquera tipo de dúbida, pódese chamar ao teléfono 981.189.820, ou escribir ao correo ​omic@coruna.es​.

Valentín González Formoso inaugura o curso no IES Calvo Sotelo, “un referente da FP en Galicia”

septiembre 18, 2018 coruna Comentarios desactivados en Valentín González Formoso inaugura o curso no IES Calvo Sotelo, “un referente da FP en Galicia”

O presidente da Deputación da Coruña, Valentín González Formoso, inaugurou o curso escolar 2018-2019 no Instituto de Formación Profesional Calvo Sotelo da Coruña. No acto inaugural participaron tamén o director do centro, Genaro García, o xefe de estudos, Basilio Castiñeira, a secretaria, María Jesús López, e a química e divulgadora científica coruñesa Deborah García Bello, que foi a encargada de impartir a lección inaugural baixo o título “Heroes e viláns da alimentación”.

Ante os máis de 300 alumnos que este ano cursarán os seus estudos no centro e dos 30 profesores que se encargarán de formar aos futuros profesionais, González Formoso subliñou as seis décadas de compromiso co ensino do IES Calvo Sotelo e destacou que o centro, dependente da Deputación da Coruña,    “é un referente da Formación Profesional en Galicia”.  … Leer más

O BNG pregunta se o Goberno local ten pensado facer algunha obra no pavillón José Toubes Pego

septiembre 18, 2018 coruna Comentarios desactivados en O BNG pregunta se o Goberno local ten pensado facer algunha obra no pavillón José Toubes Pego

O BNG vén de presentar unha batería de preguntas, para a súa resposta por escrito no vindeiro Pleno, para que se aclare por que aínda non se procedeu ao aproveitamento dos espazos da praza de José Toubes Pego.

Deste xeito, a formación nacionalista lembra na propia iniciativa que durante o pasado mandato, o anterior Goberno Local do PP sacou a concurso e adxudicou as obras contidas no proxecto básico e de execución para a substitución de pavillón na praza de José Toubes Pego.

“Daquela, desde o BNG denunciabamos que o solo onde se quería construír este centro, polas propias especificacións do PXOM, non amparaba o edificio de equipamento previsto, por moito que o Goberno Local do Sr. Negreira pretendese denominalo fraudulentamente de «quiosco». Ademais advertiamos, a aquela altura, que debía modificarse o PXOM xa que os cambios que se pretendían facer non poderían xustificarse aplicado o articulado da Lei de Ordenación Urbanística.O procedemento para estes cambios, finalmente, se executaron neste mandato entre o 2015 e o 2017”, lembra a portavoz nacionalista Avia Veira. … Leer más