Home » coruna » Recent Articles:

A Coruña afonda na promoción como destino de congresos da Spain Convenion Bureau, onde solicitará acoller a próxima asemblea anual desta entidade composta por 55 destinos

julio 4, 2018 coruna Comentarios desactivados en A Coruña afonda na promoción como destino de congresos da Spain Convenion Bureau, onde solicitará acoller a próxima asemblea anual desta entidade composta por 55 destinos

O concelleiro de Emprego e Economía Social e presidente do Consorcio de Turismo, Alberto Lema, participará esta semana na asemblea anual da Spain Convenion Bureau, evento que se celebra os días 5 e 6 de xullo nas Palmas de Gran Canaria e ao que acoden representantes dos 55 destinos englobados nesta asociación especializada en turismo congresual. Segundo explicou o responsable municipal “trátase dunha nova oportunidade para afondar na nosa promoción como cidade de congresos”. De feito, durante as xornadas, Lema presentará a candidatura da Coruña para acoller en 2019 a vindeira asemblea do ente turístico.

“A promoción da Coruña como unha cidade que pode acoller, polas súas infraestruturas e a súa oferta cultural, patrimonial e hostaleira, congresos e eventos que reúnan a grupos de máis de 500 persoas é unha das apostas que nos marcamos no propio Plan Estratéxico de Turismo posto en marcha polo actual goberno local”, explica Lema. “Participar nesta asemblea, así como asistir a outras feiras e workshops e actualizar os nosos materiais para publicitar A Coruña como destino de congresos (MICE, en palabras do sector), coa edición dunha guía profesional, son algúns dos retos que temos encomendamos e nos que estamos a traballar”, comentou.

A Coruña forma parte da Spain Convenion Bureau dende o ano 1998. Para participar da mesma é necesario acreditar unha oferta hoteleira e de infraestruturas congresuais mínima. A asociación, en colaboración con TurEspaña presta ás cidades asociadas distintos servizos relacionados con xornadas técnicas formativas e estudos de mercado, así como trata de facilitar a súa participación nas feiras máis importantes de turismo de negocios. No programa da asemblea deste ano abordaranse temas tan importantes como as novas tendencias do turismo urbano, a xestión das infraestruturas turísticas e o reto do ​big data ​no turismo de reunións.

O Concello traballará coas entidades de comercio e hostalería de cara a confeccionar “un mapa exacto das incidencias e danos provocados polo temporal de auga”

julio 4, 2018 coruna Comentarios desactivados en O Concello traballará coas entidades de comercio e hostalería de cara a confeccionar “un mapa exacto das incidencias e danos provocados polo temporal de auga”

O alcalde da Coruña, Xulio Ferreiro, e o concelleiro de Emprego e Economía Social, Alberto Lema acordaron esta mañá coas entidades e asociacións de comercio de hostalería da cidade que estas realicen un labor de intermediación cos negocios, de cara a que a administración local poida confeccionar un mapa exacto das incidencias e danos provocados a nivel particular polo temporal de choiva da pasada fin de semana. Os responsables municipais trasladaron esta petición aos e ás representantes das entidades da cidade coas que se reuniron esta mañá no Pazo de María Pita: a Asociación de Hostalería da Coruña, o colectivo Coruña Cociña, a Federación Provincial de Comercio, a Asociación de Comerciantes Distrito Mallos, a Área Comercial Distrito Picasso e a Área Comercial Obelisco.

En declaracións ante a prensa, logo da xuntanza, o rexedor manifestou que o goberno local solicitou a colaboración destas entidades de cara a obter información sobre o número de persoas con locais afectados polo temporal, así como poder ter unha valoración inicial dos danos. “Moitos dos locais, tanto comerciais como de hostalería afectados, teñen contratos con aseguradoras. Non obstante, o Concello quere poñerse a disposición das persoas afectadas para poder axudalas no que sexa necesario”, dixo o rexedor, que insistiu en que “para ver que pasos pode dar tanto o Concello como, se fose o caso, outra administración, é necesario antes ter unha foto clara dos desperfectos”. Os servizos de emerxencia do Concello atenderon entre a tarde e á noite do sábado 35 incidencias de particulares de locais comerciais aínda que o alcalde explicou que puideron rexistrarse perdas e danos non comunicados.

… Leer más

Goretti Sanmartín anima ao novo goberno do Estado a iniciar o proceso xudicial para que o Pazo de Meirás pase a ser un ben público

julio 4, 2018 coruna Comentarios desactivados en Goretti Sanmartín anima ao novo goberno do Estado a iniciar o proceso xudicial para que o Pazo de Meirás pase a ser un ben público

A vicepresidenta da Deputación da Coruña, Goretti Sanmartín, remite ao ministro de Cultura, José Guirao unha carta en que explica a situación do proceso de reclamación do Pazo de Meirás e achega os informes xurídico e histórico encargados pola institución. Goretti Sanmartín anima ao novo goberno a iniciar o proceso xudicial para que o Pazo pase a ser un ben público.

En carta remitida ao ministerio de Cultura, Goretti Sanmartín lembra que desde a Deputación da Coruña xa remitiran ao novo goberno dirixido por Pedro Sánchez os informes xurídico e histórico que abren as portas á recuperación do Pazo de Meirás como ben público. “Neses documentos, xa en mans do goberno de Pedro Sánchez desde comezos do mes de xuño, explicítase o camiño para recuperar o Pazo sen indemnización ningunha á familia Franco, ao considerar nulo o acto de compra-venda ficticio que asinou o ditador despois de  levar xa tempo usando o inmoble como vivenda oficial”, explicou Goretti Sanmartín. … Leer más

A Concellería de Medio Ambiente instala en 75 palmeiras da cidade un sistema para a detección precoz do picudo vermello

julio 3, 2018 coruna Comentarios desactivados en A Concellería de Medio Ambiente instala en 75 palmeiras da cidade un sistema para a detección precoz do picudo vermello

A Concellería de Medio Ambiente está a instalar un sistema tecnolóxico que permite detectar nos seus primeiros estadios as infeccións da praga do picudo vermello nas palmeiras da Rosaleda, Cidade Vella e os xardíns de Méndez Núñez. “Estamos a poñer en marcha medidas de prevención para protexer os exemplares con valor singular, ambiental e patrimonial da cidade, para asegurarnos de que a praga non chegue aos exemplares de maior valor da cidade”, indica a edil de Medio Ambiente, María García. O escaravello do picudo, un insecto procedente de Asia que chegou á Península hai xa 25 anos, é moi daniño para as palmeiras, en especial das especies canaria e datilera, xa que ataca ao interior da árbore e cando esta comeza a dar síntomas externos o seu estado de deterioro xa é moi avanzado. Por iso, e vendo a afección que está a causar nos concellos da costa de Pontevedra e algúns da ría de Arousa, o Concello comezou esta semana a preparar 75 palmeiras nas que se instalará un sistema de detección sísmica que percibe a vibración que produce o picudo vermello nas primeiras fases de afección.

“Este luns comezaron os traballos de limpeza de copas das palmeiras que son precisos para colocar este sistema, que durante tres anos enviará datos de maneira periódica e alertará en caso de que a praga chegue a estes xardíns históricos”, indica García. A concelleira explica que a iniciativa, que ten un custe de 23.000 euros, “é o único sistema que, ata o momento, dá resultados para o coidado preventivo das palmeiras e enmárcase na atención que o Goberno local mantén cos espazos verdes máis antigos da cidade e nos que se atopan os exemplares máis valiosos, tantoa nivel ambiental como dende un punto de vista patrimonial”.

O grupo de goberno local leva a Pleno mocións para que A Coruña sexa un “territorio libre de caza” e para instar a Fomento a incrementar a operatividade do aeroporto de Alvedro

julio 2, 2018 coruna Comentarios desactivados en O grupo de goberno local leva a Pleno mocións para que A Coruña sexa un “territorio libre de caza” e para instar a Fomento a incrementar a operatividade do aeroporto de Alvedro

O Pleno municipal debaterá este luns dúas mocións impulsadas polo grupo de goberno para que A Coruña sexa un “territorio libre de caza” e para que o Ministerio de Fomento, a través de AENA, incremente a operatividade do aeroporto de Alvedro, ante os bos datos de crecemento que rexistra.

A primeira iniciativa, que será defendida pola concelleira de Medio Ambiente, María García, insta á Xunta de Galicia a tomar as medidas necesarias para suspender a ordenación dos denominados “dereitos cinexéticos” no termo municipal da Coruña, tanto por motivos de interese xeral, como porque o Tecor (Terreo Cinexéticamente Ordenado) San Fernando-Vicente, próximo aos núcleos de Mesoiro e Novo Mesoiro, non conta coa superficie mínima esixida pola lei de caza de Galicia. “Na Coruña, dende hai décadas, contamos cun tecor, o que antes se denominaba coto de caza, que afecta pola súa proximidade a distintos núcleos de poboación. Nunha cidade onde escasean as zonas verdes e as zonas de recreo, a caza é unha actividade excluínte, xa que moitas persoas non se achegan até o monte por medo a sufrir algún accidente”, comenta a titular municipal, que tamén recorda que a caza, en si mesma, “cuestiona os principios do benestar animal”.

A moción tamén explicita que a caza ten unha compoñente contaminante “xa que deixa na nosa cidade milleiros de perdigóns de chumbo, responsables do envelenamento e morte de aves e dos seus predadores”. “Por se todo isto fora pouco, ademais de pola alarma veciñal que xera este espazo a unha parte da veciñanza, o tecor da Coruña non conta coa superficie mínima e contínua de 2.000 hectáreas esixidas pola Lei de Caza de Galicia de 2013, o cal non só aumenta a súa perigosidade, senón que constitúe un argumento máis para cesar coa actividade cinexética”, apunta a moción. “A Xunta, dende logo, non pode mirar cara a outro lado cando ten un espazo que non se adapta a súa propia normativa e que, ademais, non ten en conta o crecemento e a evolución dos barrios da cidade”, resume a titular de Medio Ambiente.

… Leer más

ENCUESTA SEMANAL

¿Te gusta la nueva web?

Cargando ... Cargando ...