Home » coruna » Recent Articles:

O Concello financia o concurso do Fondo Galego de Cooperación ‘Muros que Unen’, que derivará na creación de dous murais na cidade que representan a loita contra a pobreza e pola igualdade de xénero

septiembre 17, 2018 coruna Comentarios desactivados en O Concello financia o concurso do Fondo Galego de Cooperación ‘Muros que Unen’, que derivará na creación de dous murais na cidade que representan a loita contra a pobreza e pola igualdade de xénero

O Concello da Coruña colabora, dentro do seu traballo habitual co Fondo Galego de Cooperación, no concurso ​Muros que Unen​, unha iniciativa posta en marcha por esta entidade social sen ánimo de lucro que busca implicar á cidadanía na visibilización das desigualdades. O certame pretende que as persoas ou colectivos que así o desexen presenten, antes do 30 de setembro, distintos deseños de murais que se centren en dúas ideas fundamentais: a loita contra a pobreza e a equidade de xénero. Estas son, en concreto, dúas das 17 metas globais marcadas pola ONU a finais do 2015 para erradicar a pobreza, protexer o planeta e asegurar a prosperidade das persoas no horizonte de 2030. “Así, de entre todas as propostas, elixiranse dúas, unha por cada eixo temático do concurso empregado nesta edición. As persoas gañadoras percibirán un premio de 2.000 euros pero, ademais, poderán representar os seus murais en dous espazos públicos da cidade cedidos a tal efecto”, indica a concelleira de Igualdade e Diversidade, Rocío Fraga, quen tamén é vogal do Fondo Galego de Cooperación, en representación do Concello da Coruña.

As persoas que o desexen poderán enviar as súas propostas de deseño até o día 30 deste mes e seguindo eses dous eixes temáticos ao Fondo Galego de Cooperación e Solidariedade (as bases están colgadas na súa web ​www.fondogalego.org​). As obras deben ser inéditas, de xeito que non fosen premiadas antes noutros concursos nin se encontren reproducidas en ningunha parede. Calquera dúbida pode consultarse no teléfono 986843436 ou no enderezocomunicacion@fondogalego.org​.

Fraga destaca que a colaboración do Concello non é só económica (ligada ao convenio de 20.000 euros que ten co Fondo de Cooperación co obxectivo de financiar actividades que fomenten a igualdade e a inclusión e que fai que A Coruña sexa a cidade que máis fondos aporta a esta entidade), senón que a administración local cederá dous espazos, cargados de simbolismo, nos que se reproducirán os murais gañadores. “A escolla destas zonas non é baladí. O primeiro dos lugares reservados se sitúa nun dos estribos do viaduto da avenida de Oza sobre a rúa Posse. “A nosa intención é que aquí se localice o mural que representa o fin da pobreza. Dende hai moito tempo, o imaxinario colectivo representa estes espazos, pontes, coma símbolo de pobreza. Cremos que este espazo, debaixo dunha ponte, non debe representar a precariedade nin a exclusión, senón a perseverancia, aínda dentro da completa adversidade”, comenta a concelleira.

O mural que ten como eixe vertebrador a igualdade de xénero ten reservado o muro de contención que se atopa ao pé das escaleiras que ascenden á Falperra dende a Rolda de Nelle, a carón do viaduto de San Pedro de Mezonzo. “Este é un espazo simbólico, xa que moi preto destas escalinatas estaba o lavadoiro da Falperra. Na caída de terreo que contén este muro era onde as lavandeiras secaban e clareaban as roupas das clases acomodadas. Preto tamén estaba a fábrica de mixtos das cigarreiras e as traballadoras do Muro, que tanto fixeron pola reivindicación dos dereitos laborais, sociais e vitais das mulleres desta cidade”, comenta a responsable municipal.

“Este proxecto parécenos especialmente simbólico. Nun tempo no que se seguen a levantar muros que separan, que illan, que afogan e que diferencian, é preciso pintar muros con igualdade e con dereitos”, reflexionou a concelleira.

A Deputación da Coruña destina 40.000 € a un camión do lixo para o concello de Oleiros

septiembre 16, 2018 coruna Comentarios desactivados en A Deputación da Coruña destina 40.000 € a un camión do lixo para o concello de Oleiros

O deputado de de Plans, Xosé Regueira, e o alcalde de Oleiros, Anxo García Seoane, asinaron un convenio de colaboración polo que a Deputación da Coruña contribúe con 40.000 euros á adquisición dun camión equipado con sistema de portacontenedores e dous contenedores con destino ao servizo de recollida de lixo do concello.

O convenio asinado polo deputado Xosé Regueira e o alcalde, Ángel García Seoane, formaliza a achega de 40.000 € por parte da Deputación ao orzamento de compra do camión que ascende a 119.185 €. A colaboración da Deputación no equipamento que ten como obxecto a mellora do servizo de recollida de lixo de Oleiros é do 33,56 % do total xustificado.

O camión está equipado con equipo portacontedores e dous contedores con destino aos Servizos Municipais.

O goberno local inicia o vindeiro luns a descentralización da atención social nos barrios, “que derivará nunha atención integral máis próxima e completa á veciñanza”

septiembre 16, 2018 coruna Comentarios desactivados en O goberno local inicia o vindeiro luns a descentralización da atención social nos barrios, “que derivará nunha atención integral máis próxima e completa á veciñanza”

​O Concello inicia o vindeiro luns un novo modelo de servizos sociais descentralizados nos barrios, co que busca ofrecer unha atención que supoña menos desprazamentos para as persoas que fan uso destes servizos, pero tamén máis próxima e completa, xa que contará cun novo sistema de traballo que potencia a axilidade na resposta e a calidade na atención. A Concellería de Xustiza Social e Coidados, da que é responsable Silvia Cameán, ten xa a punto o cambio de localizacións para os cinco equipos de atención social, que estarán situados nos centros cívicos de Labañou, Os Mallos, Elviña, San Diego e Monte Alto, así como a reorganización das persoas usuarias. “Con esta descentralización do servizo e a introdución de equipos multidisciplinares para a atención integral en cada un destes cinco novos puntos nos barrios estamos a complementar todo un proceso de reformulación na atención social da cidade, que está a ter un impacto moi positivo, e co xa se lograron grandes avances na axilización dos trámites como, por exemplo, coa posta en marcha do Servizo de Atención Inmediata (SAI)”, indica a concelleira.

O persoal dos servizos sociais municipais traballou nas últimas semanas para ultimar tanto o traslado físico dos equipos –que non suporá ningunha interrupción na atención– como a reorganización das persoas que fan uso destes servizos, que están a ser contactadas por teléfono para facilitarlles toda a información da nova distribución territorial e asignarlles un novo centro e profesional de referencia, de ser o caso, xa que o día e a hora das citas se mantén. As persoas que teñen entrevistas programadas durante a primeira semana de descentralización, a partir do luns 17, foron xa avisadas e as traballadoras do servizo seguirán informando ata ter todo o calendario de entrevistas actualizado. No caso de que algunha persoa usuaria non puidese ser localizada por vía telefónica recibirán a información precisa no Centro Ágora ou en Catro Camiños, no seu lugar de atención anterior, onde se lles asignará unha nova cita. Tal e como explica Cameán, fíxose tamén un labor de reasignación de traballadores e traballadoras socias a partir da nova reorganización territorial, “na que se puxo especial coidado en respectar ás veciñas que preferiron manter a súa profesional de referencia, porque non era convínte expoñela a este cambio ou porque se considera que é relevante manter a relación profesional xa iniciada”. A edil explica que, co obxectivo de “manter a calidade na asistencia e abordar calquera desaxuste ou problema que poida xurdir”, a concellería porá tamén en marcha un sistema de seguimento que avalíe a correcta implantación da descentralización, así como as melloras que se poidan ir engadindo a un sistema que “está aberto a unha transformación continúa de mellora”.

… Leer más

O pleno da Deputación aproba por unanimidade unha declaración pedindo a condonación da débeda do porto da Coruña

septiembre 16, 2018 coruna Comentarios desactivados en O pleno da Deputación aproba por unanimidade unha declaración pedindo a condonación da débeda do porto da Coruña

O pleno da Deputación da Coruña aprobou por unanimidade de todos os grupos políticos representados na corporación provincial (PP, PSdeG-PSOE, BNG, Marea Atlántica, Compostela Aberta e Alternativa dos Veciños), unha declaración institucional instando ao Goberno do España a condonar o préstamo concedido por Puertos del Estado á Autoridade Portuaria da Coruña para a construción do porto exterior de Punta Langosteira ou, no seu caso, conceder as axudas económicas equivalentes conducentes á amortización efectiva de dito préstamo.

Así se recolle no texto da declaración aprobada hoxe, que vai na liña do acordo unánime alcanzado no Parlamento Galego o pasado 12 de setembro, e na que tamén se solicita ao Ministerio de Fomento a convocatoria da Comisión de Seguemento do convenio co fin de negociar un protocolo de colaboración que teña por obxecto a revisión dos convenios de 2004 e do PXOM de 2013 sobre o fundamento da definición dun novo horizonte litoral e portuario para a cidade da Coruña baseado nos principios básicos de titularidade e xestión pública dos terreos, equipamentos dotacionais e espazos libres públicos e usos produtivos portuarios complementarios. … Leer más

O alcalde salienta a inminente posta en marcha do novo equipo de atención social dos Mallos, dentro da descentralización dos servizos sociais que se implanta este luns “para poñelos máis cerca das persoas que o necesitan”

septiembre 15, 2018 coruna Comentarios desactivados en O alcalde salienta a inminente posta en marcha do novo equipo de atención social dos Mallos, dentro da descentralización dos servizos sociais que se implanta este luns “para poñelos máis cerca das persoas que o necesitan”

O alcalde da Coruña, Xulio Ferreiro, e a maior parte do goberno municipal participaron este sábado nun novo encontro ​Dillo ti c​ oa veciñanza, esta vez no centro cívico dos Mallos, na segunda visita que fai ao barrio desde a creación desta iniciativa. Alí deu conta da posta en marcha, o próximo luns, día 17, do novo equipo de atención social que se ubicará no propio equipamento, dentro do novo modelo de descentralización dos servizos sociais que impulsa a Concellería de Xustiza Social e Coidados, “un proceso que nos fai especial ilusión, e que se pon a andar para estar máis cerca das persoas que o necesitan e para prestarlles unha maior atención”. Deste xeito, desde a vindeira semana despregaranse cinco equipos de atención social, que estarán situados nos centros cívicos de San Diego, Os Mallos, Monte Alto, Labañou e Elviña. No caso dos Mallos, que como salientou o rexedor contará cun equipo “moi potente” conformado por unha traballadora social de atención inmediata, tres traballadoras sociais de referencia -para acompañamento ás persoas en situación máis complexas de vulnerabilidade-, dúas educadoras sociais, unha profesional de dirección e unha auxiliar.

“Damos un paso moi importante cara á xustiza social na nosa cidade, aproximando a atención social dende un punto de vista territorial pero tamén máis cercana no trato porque quen traballamos co sufrimento temos que facelo dende a empatía. Foi un proceso complexo, duro, froito da reflexión colectiva e queremos agradecer al magnífico equipo de traballadoras o seu importante traballo e a colaboración”, engade a edil responsable desta área, Silvia Cameán.

… Leer más