Home » coruna » Recent Articles:

O Concello aborda a renovación do pavimento da calzada do derradeiro tramo que se executará dentro do proxecto de rexeneración urbana no entorno rolda de Outeiro, entre as avenidas de Arteixo e o Ferrocarril

junio 29, 2018 coruna Comentarios desactivados en O Concello aborda a renovación do pavimento da calzada do derradeiro tramo que se executará dentro do proxecto de rexeneración urbana no entorno rolda de Outeiro, entre as avenidas de Arteixo e o Ferrocarril

O goberno local deu verde esta semana a adxudicación das obras polas que se procederá á renovación do pavimento da calzada do tramo da rolda de Outeiro comprendido entre as avenidas de Arteixo e o Ferrocarril, o que tamén inclúe a glorieta e nó viario desta última. Cun orzamento de algo máis de 154.000 euros e un período máximo de execución de dous meses, o concelleiro de Rexeneración Urbana, Xiao Varela, manifestou que se trata do derradeiro tramo no que intervirá o Concello dentro do proxecto posto en marcha para renovar e rehabilitar as calzadas da Rolda de Outeiro. Segundo comentou o edil, con esta actuación e só no que atinxe á repavimentación de calzadas, así como melloras puntuais en beirarrúas, pasos de peóns e paradas de autobús, o executivo municipal leva investido nesta vía preto de 830.000 euros repartidos en 2.130 metros de lonxitude da rolda.

O groso desta actuación consistirá na repavimentación da calzada co fresado da capa superficial da mesma na súa totalidade, para poder corrixir as deficiencias existentes. Non obstante, a degradación do firme neste tramo é máis apreciable nalgúns treitos, onde se actuará de forma máis profunda, como, por exemplo, na intersección con Francisco Catoira na que se acometerá a demolición da calzada existente de formigón para proceder á reconstrución completa do firme. Existen outros puntos (como sucede coa beira dereita da calzada que fai interseccións con Capitán Juan Varela, Ángel del Castillo, Menéndez Pidal e Marqués de Figueroa), onde a rehabilitación do firme tamén será máis extensa dado o intenso tránsito desta parte da rolda. A intervención complementarase coa reposición da sinalización horizontal da zona, así como coa elevación e regularización das tapas dos servizos urbanos de subsolo (que serán substituídas por outras novas no caso dos servizos de titularidade municipal).

Repavimentación na Rolda

Con anterioridade a esta actuación, o Concello acometeu obras análogas de renovación no treito que discorre entre as interseccións da avenida do Ferrocarril e a rúa da Mercede (por un montante de 386.613 euros que tamén inclúe a construción de 475 metros de carril bici, que se situarán entre a avenida Pérez Ardá e a rúa Mercede) e o espazo comprendido entre as avenidas de Fisterra e Arteixo (neste caso por un orzamento de execución de 240.000 euros). Neste último treito tamén se sumaron actuacións por valor de 40.000 euros centradas na mellora da accesibilidade nos pasos de peóns.

Por outro lado, e segundo recordou Varela, entre as actuacións complementarias ao proceso de repavimentación entre a avenida do Ferrocarril e a Mercede tamén se acometeu unha mellora de seguridade e accesibilidade no cruce de peóns ao final da rúa José González Chas, que recolle os tránsitos cara a recentemente renovada rúa Montiño e a rúa Mercede. Esta intervención supuxo un investimento de de 9.000 euros.

O Concello pon en marcha un novo sistema de acceso á Torre de Hércules para axilizar a entrada e mellorar a experiencia na visita

junio 29, 2018 coruna Comentarios desactivados en O Concello pon en marcha un novo sistema de acceso á Torre de Hércules para axilizar a entrada e mellorar a experiencia na visita

​O Concello habilitará o vindeiro luns un novo sistema para o acceso á Torre de Hércules co obxectivo de facelo máis áxil e ofrecer unha mellor experiencia aos e ás visitantes. Dende o 2 de xullo, as ​entradas estarán á venda no Centro de Información e Atención ao Visitante (CIAV), no que se acondicionará un espazo na zona central, entre o centro de interpretación e a oficina de turismo. Xunto con esta modificación introducirase o uso dun novo programa informático de venta e xestión de entradas deseñado ​ad hoc que permitirá xestionar as visitas por franxas horarias, ademais de controlar a hora de entrada e saída das persoas visitantes e recoller datos de interese estadístico. “Esta información axudará a facilitará a xestión, tanto para o persoal que traballa na recepción do monumento, como do novo punto de venda de entradas”, indica o concelleiro de Emprego e Economía Social, Alberto Lema, tamén presidente do Consorcio de Turismo.

A actuación completarase coa instalación dunha nova sinalización no entorno do CIAV, coa finalidade de informar ás e aos visitantes de que poden adquirir a súa entrada antes de achegarse ata a recepción da Torre de Hércules. Ademais, está previsto introducir a modalidade de pago con tarxeta, un servizo cada vez máis demandado polas persoas que se achegan a coñecer o monumento Patrimonio da Humanidade.

O Concello iniciará este luns as obras do carril bici metropolitano que, cun orzamento de 915.000 euros, unirá o centro da cidade coa Pasaxe a través dunha rede segura e accesible

junio 28, 2018 coruna Comentarios desactivados en O Concello iniciará este luns as obras do carril bici metropolitano que, cun orzamento de 915.000 euros, unirá o centro da cidade coa Pasaxe a través dunha rede segura e accesible

O concelleiro de Mobilidade Sostible, Daniel Díaz Grandío, anunciou que o vindeiro luns comezarán as obras de construción do carril bici metropolitano, logo de que, durante as últimas semanas se abordasen actuacións previas necesarias para acometer este proxecto que conectará A Mariña, desde o Teatro Colón, coa Pasaxe mediante unha rede ciclable especialmente segura e accesible e que non restará espazo ao tránsito peonil. Este tramo, duns cinco quilómetros, articulará un percorrido que discorrerá dende a avenida da Mariña á delegación do goberno (pasando polo Cantón Grande e Pequeno, Sánchez Bregua e o inicio de Linares Rivas); da delegación de goberno ao parque de San Diego (1.525 metros de percorrido que discorrerán pola praza de Ourense, Linares Rivas, intersección con Ramón y Cajal e AC-12 até o inicio do parque de San Diego) e San Diego a Ponte Pasaxe (cun tramo de 3.000 metros de percorrido dende Oza, pasando pola AC-12, Xubias de Arriba e AC-12 até a Pasaxe). “Esta actuación, unida ao resto de tramos previstos derivará nunha rede ciclables en toda a cidade que medrará en 8 quilómetros, accesible, segura para os e as ciclistas e que non restará espazo aos peóns”, resumiu.

Segundo explicou Díaz Grandío, no marco dun almorzo informativo coa prensa, está previsto que as obras deste novo trazado comecen a abordarse o luns á altura da praza de Mina. “A construción do carril bici traerá aparelladas nesta zona melloras visibles no tránsito peonil e nasisletas existentes. Dende aí, o carril continuará até a praza de Ourense, con carrís nos dous sentidos de circulación”, explicou o edil, quen explicou que a actuación pola súa entidade se irá abordando en distintos tramos. “Nunhas semanas, por exemplo, tamén se abordará as obras de pintado e sinalización vertical e horizontal entre praza de Mina e Teatro Colón, á vez que, de xeito paralelo, comezará a implantación do carril bici no outro extremo do trazado, á beira da Pasaxe”, manifestou. “Este carril bici metropolitano é especialmente importante xa que dá un novo sentido na cidade ao desprazamento en bicicleta, que xa non será entendido meramente como unha infraestrutura de ocio. Agora habilitamos un espazo que dá verdadeira alternativa ao uso do vehículo para os desprazamentos xa que, por poñer un exemplo, pasa polos distintos centros hospitalarios coma o Materno, o CHUAC e o das Xubias”, apuntou.

… Leer más

A Deputación da Coruña impulsará un programa bilateral de prácticas profesionais co Ministerio de Traballo da República Arxentina

junio 28, 2018 coruna Comentarios desactivados en A Deputación da Coruña impulsará un programa bilateral de prácticas profesionais co Ministerio de Traballo da República Arxentina

O presidente da Deputación da Coruña, Valentín González Formoso, comezou unha visita oficial de cinco días á Arxentina e Uruguay co obxectivo de retomar a tradicional relación da institución provincial coa colectividade galega en ambos países.

A axenda, que inclúe reunións con algúns dos colectivos galegos máis importantes de Buenos Aires e Montevideo cos que a Deputación mantén dende hai anos unha estreita traxectoria de colaboración, comezou esta mañá cunha reunión co ministro de Traballo da República Arxentina, Jorge Triaca, na que participou tamén  o deputado de Promoción Económica e Emprego e alcalde de Brión, José Luis García. … Leer más

O Concello “dá un novo paso na ordenación e recuperación de dereitos dos e das traballadoras municipais” e convoca o primeiro concurso de traslados nunha década

junio 27, 2018 coruna Comentarios desactivados en O Concello “dá un novo paso na ordenación e recuperación de dereitos dos e das traballadoras municipais” e convoca o primeiro concurso de traslados nunha década

O Concello da Coruña vén de publicar no Boletín Oficial da Provincia (BOP) as bases polas que se rexerá o novo concurso de traslados impulsado pola administración local, o primeiro que se leva a cabo nunha década. A concelleira de Facenda, Eugenia Vieito, salientou que se trata “dun novo paso do goberno local na ordenación e recuperación dos dereitos dos e das traballadoras municipais”. Esta nova convocatoria do concurso de traslados está dirixida a persoal funcionario pertencente aos grupos AP e C e oferta, nunha primeira fase, a posibilidade de mobilidade en 211 postos de traballo.

Segundo destacou a responsable municipal este concurso nace “do consenso e o diálogo”, xa que puido levarse a cabo “grazas ao traballo e as conversas mantidas xa dende o ano pasado e concretadas na Mesa Xeral de Negociación cos sindicatos con representación da administración, que derivaron na aprobación das bases que regulan esta convocatoria”. “Coa negociación e aprobación dunhas bases permanentes que rexan tanto este concurso de traslados e os futuros que se leven a cabo nos próximos anos evitamos ter que perpetuar situacións que se fixeron habituais na última década como a utilización indiscriminada de comisións de servizo para abordar situacións de mobilidade do persoal funcionario”, reflexionou. “Até o de agora houbo que empregar a figura das comisións de servizo ante a urxencia de cubrir determinados postos. Estas novas bases permitirán a celebración d​os concursos de traslados de forma periódica e ordenada segundo un calendario que se recollerá dentro do acordo marco que está a negociarse reducindo as situacións de cobertura temporal aos mínimos imprescindibles​”, indicou.

O concurso convocado consta de dúas fases, tal e como se recolle nas súas bases. Unha primeira, que ten por obxecto a convocatoria das vacantes ofertadas, e onde o persoal interesado poderá realizar as solicitudes que estime en función das súas preferencias, e unha segunda fase “a resultas”, que recollerá os postos que queden sen cubrir unha vez resolta a adxudicación da primeira fase.

Vieito aludiu “aos avances” conseguidos polo executivo local nos últimos meses no que ten que ver coas condicións dos e das traballadoras municipais. “Hai que recordar que, precisamente, na Mesa de Negociación onde se consensuaron as bases permanentes desta convocatoria, tamén se acordou, por unanimidade, o dereito do cadro de persoal a recuperar a semana de días libres por antigüidade, algo que, por certo, foi posible grazas á cancelación do Plan de Axuste realizado o pasado ano polo goberno local e ó cumprimento pola administración local dos criterios de estabilidade orzamentaria”, comentou. Ao fío, a titular de Facenda recordou outros fitos recentes nas políticas de persoal, xa que recentemente o Concello asinou o acordo cos representantes sindicais da Policía Local para a recuperación dos dereitos salariais deste colectivo, así como, o pasado ano “logrou sacar adiante unha nova Relación de Postos de Traballo (RPT), coa finalidade da reorganización interna que era preciso levar a cabo previamente para poder realizar o concurso de traslados”.

ENCUESTA SEMANAL

¿Te gusta la nueva web?

Cargando ... Cargando ...