Home » coruna » Recent Articles:

O Concello mantén aberto o prazo de inscrición para a VI Carreira Popular dos Rosales, que se celebrará o vindeiro domingo 3

noviembre 27, 2017 coruna No Comments

A Concellería de Culturas, Deporte e Coñecemento mantén aberto o prazo para participar na VI Carreira Popular dos Rosales, que se celebrará o vindeiro 3 de decembro. A proba, que terá situada a meta e a saída na rúa Manuel Azaña, conta cun circuíto, no caso da categoría absoluta, de 6.465 metros. As e os participantes percorrerán un trazado arredor do barrio, pasando pola rolda de Outeiro, avenida Fernando Suárez, O Portiño, a estrada dos Fortes e a rúa Alfonso Rodríguez Castelao, na que encararán os últimos metros antes de regresar a Manuel Azaña. Todas as persoas que desexen participar nesta carreira poderán formalizar a súa inscrición até o ás 23.59 horas do mércores 29 de novembro tanto a través da web www.coruna.gal/carreiraspopulares como de forma presencial na oficina de Viaxes El Corte InglésenavenidadeRubine,no3-5,de09.30a14.00horasede16.30a20.00horas.

Para as persoas que non estean inscritas no Circuíto de Coruña Corre, a súa cota de inscrición será de 2€ –agás para as e os menores de idade, que é gratuíta– mentres que, para as persoas desempregadas, maiores de 65 anos ou usuarias do Carné Xove, será de 1€. Os dorsais poderán recollerse no polideportivo do barrio o sábado 2 de decembro, de 11.00 a 20.30 horas, así como o domingo 3 até unha hora antes do inicio de cada carreira, que comezarán ás 10.30 horas. Ademais, no recinto municipal estará situado o servizo de duchas e gardarroupa o día da proba, cuxa entrega de premios será ás 13.15 horas.

Por outra banda, o goberno local lembra que se mantén aberto tamén o prazo de inscrición para participar no Circuíto de Carreiras Populares –ao que pertence a proba dos Rosales–, e que se poderá formalizar até a terceira proba da tempada, que terá lugar o 14 de xaneiro no barrio de Matogrande, posto que para poder puntuar no programa, é necesario participar en 5 das 7 probas da serie. Os prezos deste tempada son os mesmos respecto aos dous últimos anos, sendo a cota de 10€ para o público xeral de máis de 18 anos, gratuíta para as e os menores de idade, e de 7€ para o colectivo con bonificación –persoas desempregadas, maiores de 65 anos ou usuarias do Carné Xove–.

Toda a información sobre as categorías, sistema de clasificación e premios está dispoñible no regulamento do circuíto municipal Coruña Corre, que se pode consultar na páxina web www.coruna.gal/carreiraspopulares

O viveiro municipal de empresas Accede Papagaio acolle este luns unha xornada aberta á cidadanía sobre arquitectura dixital

noviembre 26, 2017 coruna No Comments

O Centro Municipal de Empresas Accede Papagaio organiza o vindeiro luns, 27 de novembro, a xornada Arquitectura dixital, unha proposta que ten como obxectivo dar a coñecer esta disciplina entre a veciñanza a través da experiencia de dúas empresas locais. Tal e como sinala a Concellería de Emprego e Economía Social, área promotora da xornada, a aplicación das novas tecnoloxías está a mudar as dinámicas e os procesos de traballo de todos os sectores empresariais, incluído o da construción e, en particular, a arquitectura desde a presentación visual do proxecto ao cliente final para provocar a compra ata a concepción e deseño de planos intelixentes que minimizan os imprevistos en obra.

Co obxectivo de trasladarlle esta nova situación ao sector, a área que dirixe Alberto Lema organiza esta xornada, que se desenvolverá entre as 19.00 e as 21.00 horas deste luns 27 e que contará con Luís Rivero, fundador de Urbansimulations, e con José Manuel García Acevedo, xerente de +BIM Studio, como relatores. No marco dun foro dinámico, os convidados exporán durante 15 minutos os seus casos de éxito e, a continuación, abrirase un intercambio de ideas coas persoas asistentes para coñecer impresións e diferentes puntos de vista.

A inscrición, que é de balde, está aberta a cidadanía, en particular a persoas do sector da construción, até o mesmo luns, 27 de novembro, ás 10.00 horas. Pódese formalizar a través da páxina web municipal de Emprego, www.coruna.gal/emprego

A Concellería de Medio Ambiente fomenta o coñecemento das plantas medicinais e ornamentais de Galicia

noviembre 26, 2017 coruna No Comments

A Concellería de Medio Ambiente informa que mañá dará comezo o ciclo de xornadas de educación ambiental Plantas medicinais e ornamentais en empresas galegas, unha iniciativa promovida pola Asociación Cultural Zalaeta e que conta co apoio do Concello a través da convocatoria Cultura Ambiental. A proposta, aberta á cidadanía, achega ás persoas participantes o traballo neste e ido que se está a desenvolver no territorio.

A primeira xornada, Outras plantacións son posibles en Galicia: o traballo de Hervas de Caaveiro, terá lugar mañá en Padrón, no Pazo de Faramello. O grupo asistente fará unha visita guiada ao edificio e aos xardíns acompañado por Silvia Caffaro, responsable da empresa en San Sadurdiño, co obxectivo de gozar da riqueza paisaxística do lugar así como á concienciar ás persoas participantes en relación á repoboación arbórea en Galicia. A saída terá lugar ás 10.00 horas desde o Instituto Zalaeta e o grupo regresará contra as 17.00 horas do mesmo sábado.

A seguinte proposta terá lugar o 29 de novembro no IES Mendéndez Pidal. O doutor en Química e Investigador da Universidade da Coruña, José Manuel López Vilariño, ofrecerá o parladoiro Ten sentido falar de plantas medicinais no século XXI ? Será ás 17.00 horas no salón de actos do centro educativo. Finalmente, a terceira xornada será o 11 de decembro e incluirá unha saída a Paderne. O responsable da Área de Produción Vexetal de Orballo SL, Joaquín Barral Varela, falará do Primeiro cultivo de té con certificado ecolóxico de Europa. A visita guiada comezará ás 15.30 horas no IES Ramón Menéndez Pidal, e o grupo regresará ao centro contra ás 18.30 horas.

… Leer más

O goberno local presenta o proxecto para a reforma do mercado de Santa Lucía e empraza á Xunta a comprometer, antes dun mes, un novo centro de saúde para o barrio

noviembre 26, 2017 coruna No Comments

O alcalde da Coruña, Xulio Ferreiro, presentou nun acto público no mercado de Santa Lucía, o anteproxecto do Concello para a renovación deste histórico espazo, que contempla a posibilidade de que o equipamento conte cun centro de saúde xunto cun mercado completamente renovado e modernizado. Non obstante, debe ser a Xunta de Galicia, por ter as competencias sobre o Sergas, a que decida se o espazo sanitario pode ubicarse, tal e como demanda a veciñanza, nesa localización. Así, o responsable municipal anunciou a intención do executivo municipal de trasladar ao goberno autonómico a súa proposta de cara a obter unha resposta no prazo máximo dun mes. O rexedor, que salientou que o anteproxecto conta co deseño do arquitecto e autor do proxecto do actual mercado, Manuel Gallego, Premio Nacional de Arquitectura, incidiu en que “o plantexamento que facemos é viable tecnicamente e permite desenvolver usos diferenciados e contiguos aos do mercado”. “O centro de saúde que plantexamos conta cun equipamento cómodo, ben comunicado e accesible. Por iso queremos que a Xunta se decida dunha vez e permita que este barrio conte con dous equipamentos que lle son especialmente necesarios” explicou o primeiro edil, que recordou que, non obstante, a administración local tamén ofreceu á Consellería de Sanidade en agosto do ano unha parcela alternativa no Paseo das Pontes. “Para o centro de saúde reservamos máis de 1.500 metros cadrados, que é o que segundo os estándares da Xunta necesita esta zona para ter cobertura suficiente”, declarou Ferreiro. “O que queremos é que a Xunta se decida, xa que cidadanía non pode ser furtada deste servizo. Debe decantarse ou ben por Santa Lucía, que é a localización que máis convence tanto á cidadanía como a Concello, ou ben por Paseo das Pontes ou outro emprazamento, pero debe dar unha resposta”, explicou. Ao fío, o rexedor aclarou que “no caso de que o Sergas rexeite traer o centro de saúde a Santa Lucía, o Concello daralle outros servizos a ese espazo, usos cívicos que tamén serán moi útiles para toda esta zona e que servirán para dinamizar o comercio e actividade do barrio”.

“Somos conscientes da necesidade de que o centro da cidade conte cun centro de saúde. Dende o primeiro momento, o Concello propuxo á Xunta que este se ubicase en Santa Lucía, de feito, ao longo do ano pasado trasladamos diversas alternativas, de forma que o centro sanitario e o mercado fosen complementarios. Ao longo dese tempo, a Xunta pasou de considerar imprescindible o protocolo de colaboración asinado entre as dúas administracións a non asistir ás xuntanzas co Concello e pedir novos requirimentos de xeito sorpresivo, como a súa disposición horizontal sobre o mercado, algo que o arquitecto que elabora o proxecto considerou tecnicamente inviable e non desexable”, recordou Ferreiro, que insistiu en que o prazo dado esta xornada á Xunta “responde a necesidade de que renovación do mercado non se demore máis pola súa causa”.

“O proxecto que hoxe presentamos pretende dotar a este barrio dun novo mercado e un novo centro de saúde. O goberno local cumprirá cos seus compromisos, como fixemos até agora coa elaboración deste proxecto técnico e procuraremos comezar canto antes as obras, nun ano aproximadamente. Con todo, debemos ter en conta que o mercado depende nós, o centro de saúde non. Para que o barrio teña un centro de saúde é necesario que a Xunta, que non inclúe este centro nos seus presupostos para 2018, dea un paso adiante e rectifique. Levamos moito tempo agradando, tempo perdido, e non podemos agardar máis, temos que pasar á seguinte fase da tramitación deste proxecto con urxencia, para que a reforma do mercado non se atrase máis”, explicou. O alcalde coruñés insistiu en solicitar á Xunta “que non prive ao barrio dun proxecto coma este: estamos a falar dun centro de saúde e un mercado modernizado, dous equipamentos indispensables que se complementan e que van funcionar como elementos de atracción e dinamización para toda a veciñanza, ademais de cubrir as súas necesidades básicas”, explicou.

… Leer más

Xiao Varela anuncia a disposición do Concello para outorgar as primeiras licenzas de ocupación do Ofimático “dado o avance das obras municipais e o traballo desenvolvido cos e coas cooperativistas”

noviembre 25, 2017 coruna No Comments

O concelleiro de Rexeneración Urbana e Dereito á Vivenda, Xiao Varela, visitou a evolución das obras do parque Ofimático cun grupo de representantes das cooperativas. Tal e como sinalou o edil, os traballos de urbanización que dependen do Concello e nos que a administración local é completamente autónoma “están practicamente rematados”. “A obra civil que é de responsabilidade municipal avanza a moi bo ritmo, e contamos con que estea finiquitada contra o final de ano”, explicou o responsable municipal que salientou, non obstante, a necesidade de que a empresa eléctrica Gas Natural Fenosa “ acometa as actuacións necesarias que son da súa competencia para poder dotar ao polígono de subministro eléctrico”. O edil indicou que esta actuación será fundamental para poder outorgar as licenzas de primeira ocupación. “Tal e como avanzan as obras que son competencia municipal e tal e como se está a desenvolver o traballo que estamos levando a cabo cos cooperativistas, o Concello estaría en disposición de outorgar as primeiras licenzas de ocupación unhavezqueoparquecontecontodososservizos”,indicouVarela.

“Este goberno comprometeuse con todas as cooperativas a estudar a documentación previamente á concesión das licenzas de primeira ocupación, de cara a axilizar a entrada das familias, e que as entidades cooperativas puideran ter resoltas hipotéticas deficiencias mentres avanzaban as obras imprescindibles. A cooperativa da Carnocha foi a única, até o momento, que presentou a documentación precisa para a concesión da licenza de primeira ocupación que foi avaliada polos técnicos municipais”, afirmou o edil. “O proceso está encamiñado, pendente de completar a documentación, e o Concello estará en disposición de outorgar as licenzas de ocupación no momento no que o Ofimático dispoña de todos os servizos pertinentes”, expuxo Varela. Ao fío, o titular da área de Rexeneración Urbana e Dereito á Vivenda convidou ao resto das cooperativas a que presenten a documentación “para que se poida ir analizando e adiantando traballo”.

Subministro eléctrico

Durante a visita, o concelleiro Varela reiterou a necesidade de que Gas Natural Fenosa inicie os traballos necesarios que son da súa competencia para garantir o subministro eléctrico ao futuro barrio. Tal e como destacou, a empresa “comprometeuse o pasado 8 de novembro a iniciar as actuacións, pero aínda non comezaron”. “Responsables de Gas Natural Fenosa acordaron nunha visita arrancar coas actuacións relacionadas co soterramento das liñas de media tensión nun prazo de dúas semanas. Tanto os e as cooperativistas como o goberno local somos conscientes da importancia de que os responsables desta empresa aborden de forma inmediata os traballos posto que para poder ter subministro eléctrico no Ofimático e, por tanto, poder outorgar definitivamente as licenzas de primeira ocupación. Estamos pendentes dunhas obras que non presentan grande complexidade pero que son imprescindibles, como é o soterramento das liñas de media tensión”, dixo. En concreto, a compañía debe acometer actuacións tanto na subestación eléctrica de Eirís, como nunha zona da contorna da rotonda de Matogrande.

A este respecto, o responsable municipal evidenciou que o Concello “xa se adiantou á canalización e pavimentación nos accesos de Eirís, de cara a axilizar a finalización das obras unha vez a eléctrica actúe”. “É fundamental que a compañía cumpra co compromiso que lle fixo ao propio alcalde da Coruña, e inicie os traballos que son da súa competencia”, reiterou.

ENCUESTA SEMANAL

¿Te gusta la nueva web?

Cargando ... Cargando ...