Home » coruna » Recent Articles:

A Deputación forma a 57 concellos da provincia na aplicación das actualizacións lexislativas en materia de Recursos Humanos

septiembre 15, 2018 coruna Comentarios desactivados en A Deputación forma a 57 concellos da provincia na aplicación das actualizacións lexislativas en materia de Recursos Humanos

No marco do proxecto para a implantación da aplicación de xestión de recursos humanos GINPIX 7 nos concellos da provincia da Coruña, a Deputación organiza a próxima semana unhas xornadas de formación destinadas ao persoal técnico da área de Recursos Humanos dos municipios coruñeses.

Ditas xornadas están dirixidas principalmente aos responsables da xestión de persoal e usuarios da devandita ferramenta e o seu principal obxectivo é prestarlles a asistencia e soporte necesarios para realizar os procesos e actuacións necesarios para o cálculo e abono dos atrasos dos salarios e demais complementos retributivos derivados da aprobación da  Lei 6/2018 de 3 de Xullo, de Orzamentos Xerais do Estado para o ano 2018) : o incremento do 1,5% respecto das vixentes a 31/12/2017 en cumprimento do marco plurianual de incremento salarial para os empregados públicos para o tres próximos anos negociado entre o Goberno e a representación sindical, e o incremento adicional do 0,25% como consecuencia do Acordo do Consello de Ministros de 13/07/2018 adoptado en base á certificación do  incremento do PIB do 3,1% a prezos constantes en 2017 que se contemplaba no propio artigo.

As xornadas de formación impartiranse desde o  luns 17 ao venres 21 de setembro, en horario de 9:30  a 14:00 e de 16:00 a 18:00 horas, na aula de formación do Colexio Calvo Sotelo  da Coruña e asistirán 57 concellos e da Provincia, xestionándose xa noutros 12 as actualizacións retributivas e atrasos correspondentes no programa coa colaboración e axuda do persoal adscrito ao Servizo de Asistencia

O obxectivo destas xornadas céntranse en posibilitar que os concellos asistentes consigan impulsar e dar axilidade ao cumprimento das previsións legais na materia contempladas na Lei de Orzamentos Xerais do Estado.

Os plans da Deputación da Coruña permitiron aos concellos reducir a súa débeda cos bancos en 26,7 millóns

septiembre 15, 2018 coruna Comentarios desactivados en Os plans da Deputación da Coruña permitiron aos concellos reducir a súa débeda cos bancos en 26,7 millóns

O pleno da Deputación da Coruña aprobou a proposta do Goberno provincial para aplicar unha nova moratoria de dous anos na devolución dos préstamos que 76 concellos coruñeses solicitaron nos exercicios 2015 e 2016 ao abeiro do Plan de Aforro e Investimento (PAI) da institución provincial, algúns dos cales debían comezar a devolverse o ano próximo.

Trátase da segunda vez neste mandato que o Goberno provincial amplía o prazo de devolución do PAI, un programa de créditos sen xuros que a Deputación puxo ao dispor dos concellos para facilitar a amortización da súa débeda e financiar obras, en función do seu nivel de endebedamento. … Leer más

O Bloque reclámalle á Marea Atlántica que se faga cargo da asunción de responsabilidades, da ética e da radicalidade democrática que tanto propugnou

septiembre 14, 2018 coruna Comentarios desactivados en O Bloque reclámalle á Marea Atlántica que se faga cargo da asunción de responsabilidades, da ética e da radicalidade democrática que tanto propugnou

Diante da petición de responsabilidades pola resolución do Consello Consultivo que declara a nulidade da compra de dous pisos no concurso para a adquisición de inmobles para o aluguer social, o Grupo Municipal do BNG sinala que a Marea Atlántica ten que ser coherente e facerse cargo de que foron eles mesmos quen durante a campaña das Municipais de 2015 quixeron poñer o listón da ética e da estética ben alto e falaron de radicalidade democrática, dación de contas, de asunción de responsabilidades e de ética.

O Bloque lembra que durante o proceso do concurso para a adquisición de inmobles para o aluguer social,o Concello aplicou de xeito laxo as bases e vulnerou a libre concorrencia ao mercar dúas vivendas que incumprían a normativa, deseñada pola propia Administración local: así o sinala o Consello Consultivo. … Leer más

Xiao Varela convoca para hoxe a comisión de Rexeneración Urbana “para dar máxima transparencia a todos os acordos que se adoptarán con respecto ao Concurso de Adquisición de Vivenda Pública”

septiembre 14, 2018 coruna Comentarios desactivados en Xiao Varela convoca para hoxe a comisión de Rexeneración Urbana “para dar máxima transparencia a todos os acordos que se adoptarán con respecto ao Concurso de Adquisición de Vivenda Pública”

O concelleiro Xiao Varela convocou para hoxe, venres, a comisión de Rexeneración Urbana, na que están presentes todos os grupos da oposición, coa finalidade de dar traslado dos ditames do Consello Consultivo de Galicia en relación ao Concurso Público de Adquisición de Vivenda, así como de explicar os acordos que, ao respecto, se adoptarán en Xunta de Goberno Local. O edil manifestou a intención do executivo municipal “de dotar da máxima transparencia todas as accións que se levarán a cabo, que están encamiñadas a dar máximas garantías ás políticas públicas de vivenda deste Concello”. “A información dos ditames está xa colgada na páxina web municipal ao dispor de calquera cidadán e de calquera cidadá. Aínda así, imos responder a todas as dúbidas que se poidan presentar”, aclarou.

A comisión de Rexeneración Urbana terá lugar antes da celebración da Xunta de Goberno Local na que, entre outros asuntos, se dará luz verde a distintas medidas derivadas da doutrina dos ditames do Consultivo e encamiñadas a depurar calquera tipo de erro técnico producido durante o desenvolvemento do concurso. Deste modo, o executivo municipal declarará a nulidade da resolución mediante a cal o Concello aprobou a adquisición dun inmoble na rúa Joaquín Martín Martínez no marco do Concurso Público de Adquisición de Vivenda, posto en marcha co obxectivo de aumentar o parque público de vivenda e facilitar o acceso á mesma da veciñanza con maiores dificultades, proporá a anulación da adquisición doutro inmoble, neste caso na rúa Santander, e dará luz verde aos trámites para a revisión de oficio doutros tres máis.

… Leer más

Goretti Sanmartín reclama a gratuidade das visitas ao Pórtico da Gloria, cando menos, para residentes en Santiago de Compostela

septiembre 14, 2018 coruna Comentarios desactivados en Goretti Sanmartín reclama a gratuidade das visitas ao Pórtico da Gloria, cando menos, para residentes en Santiago de Compostela

“Queremos facer visíbel o patrimonio invisíbel mais non podemos permitir que o máis visíbel se faga invisíbel para quen o ten máis próximo”, dixo a vicepresidenta e responsábel da área de Cultura da Deputación da Coruña, Goretti Sanmartín Rei na súa intervención na presentación da xornada da Semana do Patrimonio Invisíbel en que demandou “que a entrada para ver o Pórtico da Gloria sexa gratuíta, cando menos, para as persoas residentes en Santiago”.

Na súa intervención na xornada de debate do programa que forma parte do convenio da Deputación da Coruña co Auditorio de Galicia para actividades culturais en Santiago, Goretti Sanmartín defendeu a necesidade de “abrir espazos pechados, conquistar o territorio, recuperar a memoria e facer visíbel o invisíbel”,  co obxectivo de, segundo apuntou, “mudar o modelo de turismo, de poñer en valor o noso patrimonio e mesmo de vivir a cidade”. … Leer más