Home » Deportes » Recent Articles:

O Concello abre o prazo de inscrición da VI Carreira Popular Ventorrillo, que se celebrará o 23 de setembro

agosto 19, 2018 Deportes Comentarios desactivados en O Concello abre o prazo de inscrición da VI Carreira Popular Ventorrillo, que se celebrará o 23 de setembro

A Concellería de Culturas, Deporte e Coñecemento vén de abrir o prazo de inscrición para participar na VI Carreira Popular Ventorrillo. A cita deportiva terá lugar o domingo 23 de setembro e suporá o peche da sexta edición do circuíto de carreiras populares Coruña Corre. A proba da categoría absoluta, que comezará contra as 10.30 horas, presenta un circuíto de 5.585 metros con dúas voltas que combina treitos de asfalto con terra.

A saída e lugar de meta estará na rúa Alcalde Jaime Hervada, no cruzamento con Alcalde Salorio Suárez. O grupo que participe na proba absoluta percorrerá, ademais do barrio do Ventorrillo, os lugares da Gramela, Visma, Penamoa e A Silva. No caso das carreiras de menores, que compartirán saída e meta, as probas desenvolveranse por Penamoa e A Silva, agás no caso da categoría prebenxamín, cuxos 100 metros serán no Ventorrillo.

A data límite de inscrición, que se pode formalizar a través da páxina web municipalwww.coruna.gal/carreiraspopulares​, será o mércores 19 de setembro ás 23.59 horas. Os dorsais poderanse recoller tanto o sábado 22, de 11.00 a 20.30 horas, como o propio día domingo 23, desde as 09.00 horas até unha hora antes de cada carreira, no local da Asociación veciñal do Ventorrillo, na rúa Alcalde Salorio Suárez, 26. Tanto o servizo de gardarroupa como o de duchas estará dispoñible no polideportivo municipal da rúa Alcalde Peñamaría de Llano.

O Concello subscribe novos convenios con 32 entidades locais para a promoción e o fomento da práctica deportiva

agosto 11, 2018 Deportes Comentarios desactivados en O Concello subscribe novos convenios con 32 entidades locais para a promoción e o fomento da práctica deportiva

​O alcalde, Xulio Ferreiro, participou esta mañá no acto de sinatura de convenios nominativos con 32 entidades da cidade dirixidos á promoción e o fomento da práctica deportiva no termo municipal ao longo do presente exercicio. Así, o Concello subscribiu acordos por valor de 444.000 euros “para a posta en marcha de proxectos e actividades que favorezan que esta sexa unha cidade aberta ao deporte, máis saudable e, sobre todo, máis igualitaria”. Unha cantidade, segundo recordou o rexedor, que se suma ás axudas que foron aprobadas pola Xunta de goberno local o pasado mes de xullo para destinar 200.000 euros a Asociación de Fútbol Afeccionado da Coruña (AFAC) e 85.000 ao Club Basquet Coruña co mesmo fin, “o de fomentar a práctica deportiva entre a base e o tecido local”. En total, 729.000 euros que axudarán a desenvolver proxectos deportivas que incidirán en hábitos saudables, a inclusión social e a igualdade a través do deporte de base na cidade.

Os acordos rubricados esta mañá complementan así as axudas da área de Deportes para entidades locais, ás que tamén hai que sumar a convocatoria de concorrencia competitiva aberta a pasada semana, que chega a 120.000 euros e á que poden acceder todas aquelas entidades que non teñen convenios nominativos. Para máis información sobre esta convocatoria, pódese visitar o web municipal ​www.coruna.gal/deportes​. O concelleiro de Deportes, José Manuel Sande, salientou que “desta forma, a administración local destina case 850.000 euros ao mantemento e consolidación das entidades deportivas da cidade, tendo en conta o traballo que realizan a prol da inclusión, a integración, a igualdade e o fomento dun estilo de vida saudable”.

… Leer más

O Concello abre o prazo de inscrición da XII Carreira Popular Coruña10, que se celebrará o 7 de outubro

agosto 9, 2018 Deportes Comentarios desactivados en O Concello abre o prazo de inscrición da XII Carreira Popular Coruña10, que se celebrará o 7 de outubro

Coruña10, a carreira popular de maior traxectoria das organizadas polo Concello da Coruña, abre o seu prazo de inscrición. A proba, que se celebrará o vindeiro 7 de outubro, forma parte do calendario oficial da Federación Galega de Atletismo (FGA), e a Real Federación Española de Atletismo (RFEA). O circuíto, homologado pola RFEA, presenta un perfil practicamente chairo, que transcorrerá pola calzada do tráfico rodado, sen utilizar ningunha zona peonil, e que terá a súa saída no paseo da Habana contra as 10.00 horas. As e os deportistas populares percorrerán, desde xeito, 10.000 metros polo Paseo Marítimo da enseada do Orzán, achegándose dun extremo a outro do mesmo, entre as rotondas do Millennium e da Torre de Hércules. A meta situarase, como é habitual, fronte ao Pazo dos Deportes de Riazor. Un ano máis, a proba reforzará o seu carácter integrador e facilitará a participación de atletas en cadeira de rodas homologadas e que cumpran coa normativa do IPC Athletics.

Na Coruña10 estableceranse diferentes categorías en función da idade: Junior/Sub20, (atletas do ano 1999-2000), Promesa/sub23 (1996, 1997 e 1998), Senior (nadas e nados no ano 1995) e anteriores. Establaceranse tamén catro modalidades para persoas veteranas, Master, en función da idade e, por último, outra de persoas con diversidade que disputen a proba en cadeira de rodas (nadas ou nados en 2000 e anos anteriores). Haberá recoñecementos para as primeiras persoas clasificadas de cada categoría, así como para as e os primeiros atletas locais e de Galicia, nunha cerimonia que terá lugar, a partires das 13.30 horas, xunto ao Pazo dos Deportes. Ademais, como é habitual nas carreiras populares municipais, co obxectivo de fomentar a práctica deportiva entre todos os públicos, celebraranse carreiras para menores de idade.

A inscrición para participar na XII Carreira Popular Coruña10 pódese realizar a través da web da FGA, ​https://www.carreirasgalegas.com/​, até as 23.59 horas do 23 de setembro. O Concello mantén, un ano máis, os prezos da cota de inscrición, que é de 5 euros – agás para as persoas menoresdeidade,queégratuíta-. sennecesidadedealugarchipparaacronometraxe,xaqueo dispositivo estará integrado no dorsal. Unha vez finalice este prazo, e até as 23.59 horas do día 30, abrirase unha segunda quenda extraordinaria na mesma plataforma, sendo a cota de 8 euros.

Na web municipal ​www.coruna.gal/carreiraspopulares​, pódese consultar o regulamento completo da carreira. Neste espazo actualizaranse os servizos que terán as e os corredores o vindeiro 8 de outubro, así como outras novidades da competición.

Rematan as obras das pistas de atletismo do Campus de Elviña

junio 24, 2018 Deportes Comentarios desactivados en Rematan as obras das pistas de atletismo do Campus de Elviña

O presidente da Deputación da Coruña, Valentín González Formoso, o alcalde da Coruña, Xulio Ferreiro, e o reitor da Universidade da Coruña (UDC), Julio Abalde, visitaron as renovadas pistas de atletismo do Campus universitario de Elviña, cuxas obras de mellora foron financiadas pola Deputación e o Concello cun investimento total de 500.000 euros.

González Formoso destacou que se trata “dun investimento importante e necesario” para unhas pistas con máis de dúas décadas de existencia, “que estaban moi deterioradas polo uso”, o que a amosa a necesidade de instalacións destas características na cidade da Coruña. “A partir de agora os clubes e a comunidade universitaria van ter unhas instalacións adecuadas para a práctica das distintas disciplinas do atletismo”, sostivo o presidente provincial. … Leer más

A Deputación trae á provincia da Coruña os campus de fútbol da RFEF que se celebrarán en Cerceda, Boiro e Cedeira

junio 22, 2018 Deportes Comentarios desactivados en A Deputación trae á provincia da Coruña os campus de fútbol da RFEF que se celebrarán en Cerceda, Boiro e Cedeira

A Deputación da Coruña presentou esta na sede da institución provincial os campus de fútbol que a RFEF levará a cabo nos concellos de Cerceda, Boiro e Cedeira.

O acto contou coa presenza do deputado responsable da Área de Deportes e alcalde de Cerceda, José García Liñares, o alcalde do concello de Cedeira, Pablo Moreda, o concelleiro de Boiro, Fernando M. García Diéguez, o ex xogador internacional da Selección española, Paco Jémez, o ex preparador físico da RFEF, Jesús Paredes e o responsable do Campus da RFEF, Joaquín de Ramos. … Leer más

ENCUESTA SEMANAL

¿Te gusta la nueva web?

Cargando ... Cargando ...