Home » Deportes » Recent Articles:

O Concello abre o prazo de inscrición de Coruña Corre, “un circuíto que promove o divertimento, a integración e a exploración da cidade a través do deporte”, que comeza o 6 de novembro en Novo Mesoiro

octubre 28, 2016 Deportes No Comments

A Concellería de Culturas, Deporte e Coñecemento, área que dirixe o edil José Manuel Sande, vén de abrir o prazo de inscrición para participar na V edición do Circuíto de Carreiras Populares Coruña Corre. A serie de sete probas, que comezará o próximo 6 de novembro, percorrerá os barrios de Novo Mesoiro, Os Rosales, Matogrande, San Pedro de Visma, Oza, Ventorrillo e a contorna da Torre de Hércules, e manterá os prezos de inscrición e bonificacións para distintos colectivos do ano pasado. O concelleiro destaca a aposta do Goberno local por unha cita que promove a actividade deportiva “de carácter popular, desde unha perspectiva saudable e adaptada a todos os públicos”. “Este Circuíto promove o divertimento e integración, así como a exploración de diversos espazos e zonas na cidade, a través do deporte”, expón o edil, que salienta a “consolidación” da carreira de Matogrande, a proba posta en marcha polo executivo coruñés en xaneiro de 2016 e que nesta tempada celebrará a súa segunda edición.

unnamed

Así, a primeira carreira terá lugar o próximo 6 de novembro no barrio de Novo Mesoiro, e a serie continuará o 4 de decembro nos Rosales. A primeira proba de 2017 terá lugar o día 15 de xaneiro en Matogrande, e xa en abril, o sábado día 1, terá lugar a nocturna da Torre de Hércules. O circuíto volverá no mes de xuño, coa Cross San Pedro de Visma o día 25 e, tras o parón estival, Coruña Corre pechará a quinta edición coas probas de Oza, o 10 de setembro, e do Ventorillo, que terá lugar o 24 de setembro. … Leer más

José Manuel Sande presenta a quinta edición do Foro ‘Deporte para todos’, “unha proposta que defende a práctica deportiva desde a súa vertente social e integradora”

octubre 21, 2016 Deportes No Comments

O deporte, desde a perspectiva inclusiva e saudable, terá especial protagonismo esta fin de semana na Coruña. O concelleiro de Culturas, Deporte e Coñecemento, José Manuel Sande, participou esta mañá na presentación de dúas propostas que contan co apoio do Goberno local e que teñen, como finalidade, o fomento da práctica deportiva “como ferramenta para a integración da cidadanía”. Así o confirmou o edil na presentación do V Foro doDeporte para Todos, un encontro profesional de carácter anual que terá lugar este sábado 22 na Coruña e no que se debatirá a conceptualización do ‘deporte para todos’, o acceso á practica deportiva para todas as persoas, así como o papel que teñen as federacións e clubs no desenvolvemento do mesmo e dos acontecementos de marcado carácter popular. Este Foro, de participación gratuíta e que terá lugar na tarde do sábado no Hotel Hesperia Finisterre, está dirixido a profesionais da xestión deportiva e contará con representantes de clubs e federacións galegas. O responsable municipal saudou a proposta, “que defende a vertente social, saudable e integradora que ten o deporte, tal e como incide o Concello neste mandato”, unha liña “á que se dará continuidade” tamén a través doutras iniciativas nas que participe a súa área.

unnamed

Neste sentido, o próximo domingo 23 de outubro, A Coruña acollerá unha nova edición da coñecida como Carreira Alternativa, unha proba gratuíta e de caracter non competitivo que pretende visualizar o dereito da cidadanía á práctica deportiva, sen ningún tipo de barreira ou discriminación. Este ano a carreira, que celebrará a súa 21a edición, será a prol daquelas persoas con dano cerebral adquirido –cuxo Día Mundial se celebra o 26 de outubro–, e consistirá nun circuíto de sete quilómetros no que se poderá participar a pé, andando ou correndo, ou cun vehículo que facilite a mobilidade, como bicicleta, patíns ou cadeira de rodas. A iniciativa, “aberta á cidadanía”, especificou o edil, e que tamén conta co apoio do Concello, contará con numerosa programación dirixida a público de todas as idades na praza de María Pita, “un enclave destacado da cidade”, no que ademais estará situada a saída e meta da proba. Así, fronte ao Pazo Municipal desenvolveranse distintas estacións con xogos, desde alternativos e tradicionais, ata boccia, minigolf, zumba ou mesmo raqueta. … Leer más

O Concello destina 115.000 euros a convenios para a promoción do turismo a través do deporte, “dado o importante polo de atracción de visitantes que representa”

octubre 18, 2016 Deportes No Comments

O Concello destinará este 2016 115.000 euros para patrocinar ou colaborar en actividades deportivas que fomenten a atracción turística. Con ese obxectivo, o Consorcio de Turismo e Congresos da Coruña, organismo municipal dependente da Concellería de Emprego e Economía Social, vén de facer públicas no seu perfil do contratante (https://goo.gl/HfJMv9) as bases que regulan a solicitude destas axudas. Aquelas entidades deportivas interesadas, e que se axusten aos requisitos, poderán demandalas até o vindeiro día 27. O concelleiro de Emprego, Alberto Lema, destacou “o importante polo de atracción de visitantes que representan estes eventos”. “Axudando á realización dos mesmos, non só estamos favorecendo a chegada de turismo, algo fundamental para a hostalería e o sector servizos da cidade, senón que tamén poñemos en valor unhas institucións tan representativas na Coruña como son aquelas que fomentan o deporte de base, ou o mal chamado deporte minoritario”, comentou. “Estas accións son parte dun programa de promoción do turismo a través do deporte no que, por exemplo, se inclúe a colaboración do Concello na realización do World Padel Tour celebrado a pasada fin de semana con gran éxito”, explicou.

As bases publicadas polo Consorcio de Turismo indican que esta convocatoria de axudas “é aberta, ten vocación de estabilidade e busca fomentar a participación de clubs e entidades deportivas locais como elementos difusores da cidade no ámbito turístico”. Esta convocatoria de axudas, ademais, está especialmente centrada en actividades e eventos deportivos que atraen a un número destacado de persoas pero que non se moven dentro dos grandes circuítos, como é o caso do deporte afeccionado ou de base. De feito, non poderán ser beneficiarios destas axudas os equipos da cidade participantes nas competencións recoñecidas polo Consello Superior de Deportes, como ligas profesionais (primeira e segunda división A de fútbol, e liga ACB de Baloncesto). “No obxecto de servir como reclamo turístico, por medio desta convocatoria o Concello patrocinará ou colaborará coa celebración de eventos deportivos na cidade, aínda que tamén pode outorgar axudas de desprazamento, por exemplo, a clubs que compiten fóra e non son profesionais, xa que contribúen de xeito moi salientable a difundir a marca Coruña no exterior”, destacou o responsable municipal de Emprego. … Leer más

O torneo de World Padel Tour, organizado coa colaboración de Turismo de A Coruña, supera a previsión de asistentes e ronda os 11.000 espectadores no Coliseo favorecendo a promoción da cidade

octubre 17, 2016 Deportes No Comments

O torneo Abanca Ciudad de A Coruña Open 2016 do circuito mundial World Padel Tour rematou este domingo no Coliseo cunha cifra total de arredor de 11.000 persoas entre o xoves 14 e o domingo 16 desta semana, segundo a organización. Esta proba internacional, que contribúe á promoción da cidade a través do deporte coa colaboración de Turismo de A Coruña, superou así as previsións da organización en número de visitantes, que cifraban nuns 9.000. O evento realizouse na cidade coa colaboración do Consorcio de Turismo de A Coruña e supón un pulo para a promoción na cidade e a atracción de visitantes.

unnamed

… Leer más

LOS 3.500 PARTICIPANTES DE LA CARRERA ENKI LLENARON DE DIVERSIÓN Y SOLIDARIDAD EL PASEO MARÍTIMO

octubre 17, 2016 Deportes No Comments

La Carrera Enki, que celebró su tercera edición como única prueba de obstáculos por la integración que se celebra en Galicia, llenó el Paseo Marítimo de A Coruña de solidaridad y diversión con 3.500 participantes, lo que supone 1.500 personas más que el año pasado. En la presente edición, participaron equipos de cuatro colegios, lo que supone casi 200 escolares acompañados de sus familias. Además, tres de cada diez personas inscritas tenían menos de diez años y el más joven de la prueba era un bebé de nueve meses.

unnamed

La Carrera Enki se consolida en esta edición tras agotar las inscripciones diez días antes de la celebración de la actividad. Esta carrera se enmarca en el proyecto social ENKI, creado para promover la integración y visualización de colectivos y personas con diversidad funcional. Esta iniciativa, promovida por la Fundación Abrente, cuenta con el apoyo de la Fundación María José Jove y el Ayuntamiento de A Coruña con el respaldo de la Obra Social “la Caixa”. … Leer más