Home » Exposición » Recent Articles:

O Concello acolle a exposición ‘O Palacio da Cidade’, que conmemora o centenario do pazo de María Pita

septiembre 19, 2018 Exposición Comentarios desactivados en O Concello acolle a exposición ‘O Palacio da Cidade’, que conmemora o centenario do pazo de María Pita

​O pazo de María Pita acolle até o 18 de novembro a exposición ​O Palacio da Cidade, que conmemora o centenario dun edificio histórico e simbólico que foi inaugurado como Casa Consistorial, de forma oficial, en 1918. A apertura da mostra ao público terá lugar esta tarde, contra as 19.30 horas, nun acto que estará presidido polo alcalde, Xulio Ferreiro, e no que tamén participará o concelleiro de Culturas, Deporte e Coñecemento, José Manuel Sande. Segundo este último “trátase dunha exposición moi didáctica, que consta de 142 pezas procedentes fundamentalmente do arquivo municipal, con debuxos, planos, fotografías e documentos textuais para explicar, en dous capítulos, os antecedentes e a edificación do pazo municipal”.

A exposición fai un percorrido polo nacemento do pazo, xa dende o seu propio proxecto, obra do arquitecto municipal Pedro Mariño Ortega, e recorda as reformas que experimentou ao longo dos anos e que levan a autoría de profesionais como Santiago Rey Pedreira, autor das escaleiras de honra, ou Rodolfo Ucha Donate, encargado da ampliación da parte posterior. Sande, que manifestou que esta mostra “é tamén unha homenaxe a todas as persoas que, ao longo destes cen anos, traballaron de forma pública ou privada, con focos ou sen eles para lograr que a administración local funcione como a primeira porta de axuda á cidadanía”, salientou o traballo realizado polos e pola comisaria da exposición: o historiador Jeús Ángel Sánchez García, o arquitecto Miguel Abelleira Doldán, o conservador municipal, Jaime Oíza Galán, e a arquiveira do Concello, Mariola Suárez Rodríguez.

A exposición, que quedará aberta ao público na sala de exposicións do pazo municipal, poderá visitarse até o 18 de novembro, todos os días, en horario de 12.00 a 14.00 e de 18.00 a 21.00 horas. Para máis información sobre esta mostra así como outras actividades da Concellería de Culturas, pódese visitar o web ​www.coruna.gal/cultura​.

O Concello convoca a XV edición do concurso de fotografías de viaxes para xente moza ‘Viaxarte’

agosto 23, 2018 Exposición Comentarios desactivados en O Concello convoca a XV edición do concurso de fotografías de viaxes para xente moza ‘Viaxarte’

A Concellaría de Participación e Innovación Democrática, a través do Centro Municipal de Información Xuvenil (CMIX), convoca a XV edición do concurso de fotografía de viaxes ​Viaxarte​, que está destinado a mozos e a mozas residentes en España con idades comprendidas entre 15 e 30 anos. A fotografía e serie fotográfica que gañen o concurso serán premiadas con viaxes ás principais capitais europeas. Ademais, as imaxes premiadas, xunto cunha selección das presentadas ao certame, serán editadas nun catálogo.

As fotografías presentadas a este concurso, que teñen que estar relacionadas coa temática viaxeira, estarán expostas durante o mes de outubro na sala Plataforma14. O xurado valorará nelas tanto a proposta expresiva e a correción técnica como a capacidade evocadora da imaxe. O prazo de admisión de orixinais abrirase esta semana, tras a publicación das bases no ​Boletín Oficial da Provincia,​ e manterase aberto até o 3 de setembro ás 13.30 horas. Toda a información sobre o concurso está dispoñible no Centro Municipal de Información Xuvenil (Fórum Metropolitano. Rúa Río de Monelos, 1) ou no teléfono 981 184 294. As bases completas do concurso pódense consultar na web ​www.coruna.gal/cmix

Viaxarte ​enmárcase dentro do programa de turismo xuvenil ​Móvete, ​posto en marcha o pasado ano pola Concellería e que engloba as iniciativas da área municipal de mocidade arredor da temática de viaxes. Para máis información, pode consultarse a páxina web do programa,www.coruna.gal/movete

A Coruña acolle a exposición interactiva ‘Ana Juan. Debuxando ao alén’, “un logro artístico e estético que achega o universo creativo dunha das grandes figuras da ilustración”

junio 22, 2018 Exposición Comentarios desactivados en A Coruña acolle a exposición interactiva ‘Ana Juan. Debuxando ao alén’, “un logro artístico e estético que achega o universo creativo dunha das grandes figuras da ilustración”

A Sala Municipal de Exposicións de Palexco acolle a mostra ​Ana Juan. D​ebuxando ao alén, unha mostra interactiva que recolle o traballo da artista, recoñecida co Premio Nacional de Ilustración no ano 2010. O concelleiro de Culturas, Deporte e Coñecemento, José Manuel Sande, presentou a proposta, que definiu como “un logro estético, formal, artístico e obxecto de interese para todas e todos os públicos”. O responsable municipal estivo acompañado pola propia artista, así como a comisaria, Nuria Rodríguez, e o director de programación de Acción Cultural Española (AC/E), Santiago Herrero, quen definiu o traballo como “fascinante e pioneiro”.

A exposición, organizada coa colaboración de AC/E, propón unha aproximación aos procesos creativos que desenvolve Ana Juan e que corresponden, á súa vez, a dous dos traballos editoriais máis coñecidos da artista, como son ​Otra vuelta de tuerca –a adaptación da obra de Henry James–, na que mostran os orixinais elaborados co​ n técnica mixta, e ​Snowhite, a adaptación do conto de ​Brancaneve dos Grimm, un rexistro gráfico distinto ao anterior, realizado en branco e negro. “A mostra propón unha nova e orixinal forma de descubrir o universo creativo e a obra dunha das grandes figuras da ilustración, como é través dunha aventura gráfica e interactiva que converte ás e aos visitantes en protagonistas”, apunta o concelleiro. Así, partindo de ​Snowhite, o proxecto expositivo propón un reto interactivo para o público, o xogo ​Erthaland, Snowhite’s Mystery Tale, que expande a propia narración á sala de exposicións do Palexco para que as e os espectadores, grazas á realidade aumentada, poidan percorrer tanto o lugar no que se desenvolve cada escena como interactuar coas personaxes da obra de Ana Juan.

… Leer más

O Pazo de María Pita acolle a exposición de carteis ‘Maio do 68’, que lembra as protestas no seu quincuaxésimo aniversario

mayo 16, 2018 Exposición No Comments

A sala de exposicións do Pazo Municipal de María Pita acollerá até o 10 de xuño, a mostra ​Maio do 68​, unha serie de carteis orixinais realizados na escola de Belas Artes de París no propio maio francés, e que dan conta das protestas que este ano celebran o seu quincuaxésimo aniversario. O concelleiro de Culturas, Deporte e Coñecemento, José Manuel Sande, salienta “a oportuna coincidencia” do inicio desta exposición “nunha data tan significativa no Estado como é o 15-M”, así como a posibilidade de achegar á veciñanza traballos orixinais, realizados en serigrafía e offset, ademais de numerosa documentación da época, como manifestos, publicacións, xornais, ou revistas. “Esta mostra, ademais de ofrecer documentos únicos, propios do maio francés, permite comprobar a perdurabilidade das revoltas e o pensamento crítico, e a vixencia dese momento histórico”, apunta o edil. Aos carteis e á documentación súmase tamén unha completa cronoloxía dos principais acontecementos do maio francés, así como elementos ambientais nas paredes da sala que evocarán as protestas do momento para as e os visitantes.

CORUÑA THE STYLE OUTLETS INAUGURA LA EXPOSICIÓN ‘ADIS ABEBA’DE LA JOVEN DISEÑADORA MARTA CANEDA

abril 7, 2018 Exposición No Comments

Ayer viernes día 6 de abril, y coincidiendo con el primer viernes de mes, se inaugura la Expostyle de Coruña The Style Outlets con la exposición ‘Adis Abeba’ de la joven diseñadora Marta Caneda; una colección en la que la sabana africana es la protagonista y los diseños están inspirados en los arenosos desiertos infinitos y grandes y exóticas bestias del continente.

Los vestidos son la prenda estrella de esta colección en los que la silueta torna fluida, libre y cómoda, con faldas largas de grandes aberturas, dejando entrever la figura, mostrando a una mujer con carácter y de personalidad fuerte, propia de África. La fuerza, la energía, el poder de la naturaleza… están reflejados en estos diseños actualizados para la mujer de hoy. Se puede visitar hasta finales de mes en el mismo horario de apertura del centro outlet. … Leer más