Home » Sucesos » Recent Articles:

¡Este sábado las cerca de 400 familias que viven de su trabajo en Alcoa os necesitan! ¡MANIFESTACION!

octubre 18, 2018 Sucesos Comentarios desactivados en ¡Este sábado las cerca de 400 familias que viven de su trabajo en Alcoa os necesitan! ¡MANIFESTACION!

Este sábado los trabajadores de Alcoa necesitan vuestro apoyo, son cerca de 400 familias coruñesas que dependen de su trabajo en la fabrica, por ello, es necesario que todos y cada uno de los vecinos de la ciudad se unan por que no cierre una de las grandes industrias de esta ciudad.

DETIDO POR UN DELITO CONTINUADO DE DANOS INTENCIONADOS EN POLO MENOS OITO VEHÍCULO ESTACIONADOS

agosto 6, 2018 Sucesos Comentarios desactivados en DETIDO POR UN DELITO CONTINUADO DE DANOS INTENCIONADOS EN POLO MENOS OITO VEHÍCULO ESTACIONADOS

Ás 06:35 horas do día 5, unha dotación policial, tras ser requirida a través da Sala do 092, trasládase á rúa Manuel García Canzobre, onde unha persoa solicitara presenza policial, porque vira como un mozo causaba danos a un vehículo estacionado escoitando a continuación ruídos de impacto noutros vehículos. Unha vez no lugar, os axentes localizan, no final da devandita rúa, a unha persoa que coincidía coas características achegadas pola testemuña dos feitos, indicando este que observara como o devandito mozo tentara abrir un vehículo, arrincándolle posteriormente o limpaparabrisas. Acto seguido os policías observan que hai cinco vehículos máis estacionados na mesma rúa que presentan danos nos espellos retrovisores e outro que tiña a tapa do depósito de combustible arrincada, e un risco xusto á beira. Por todo isto procédese á identificación e detención desta persoa, resultando ser un home de 26 anos e veciño desta cidade, por un presunto delito continuado de danos, sendo trasladado ás dependencias policiais quedando nos calabozos policiais a disposición xudicial.

Nas inmediacións da zona da rúa da Torre foron localizados dous vehículos máis, os cales presentaban danos na tapa do depósito de combustible (concretamente rotas e arrancadas). Outra dotación policial fixo xestións para localizar aos propietarios dos vehículos para informarlles dos feitos e no seu caso, presentar a correspondente denuncia.

DETIDO POR UN DELITO DE DANOS INTENCIONADOS E RESISTENCIA GRAVE Á AUTORIDADE

agosto 5, 2018 Sucesos Comentarios desactivados en DETIDO POR UN DELITO DE DANOS INTENCIONADOS E RESISTENCIA GRAVE Á AUTORIDADE

Ás 06:35 horas do día 4, unha dotación policial trasladouse á rúa Parrote, tras ser requirida a través da Sala do 092, onde unha persoa solicitara presenza policial porque estaba a ver a un mozo subido ao teito dun vehículo saltando sobre el, marchándose seguidamente do lugar cara á Porta Real, punto no que se sube enriba dun bus urbano. Unha vez no lugar, a patrulla observa que hai un home encima dun autobús nunha actitude alterada, sendo requirido para que baixe. Xa abaixo, a policía solicita ao home que se identifique, negándose este rotundamente, á vez que tenta marchar mentres mantén unha actitude moi alterada e fai caso omiso ás indicacións policiais. O home empeza a opoñer gran resistencia con intención de ausentarse do lugar, dando patadas e puñadas, provocando que tanto el coma os axentes caian ao chan, polo cal ten que ser reducido e detido.

Unha vez introducido nun vehículo policial, o home causa danos no mesmo, dando cabezadas e patadas, chegando a romper o biombo interior así como o portelo traseiro dereita. Dado o elevado estado de alteración que presentaba esta persoa, a patrulla solicitou a presenza dunha ambulancia, acudindo ao lugar unha dotación do 061, así como un médico do PAC. Tras atendelo no lugar, ordenan o seu traslado ao CHUAC, sendo acompañados pola dotación policial, á vez que se realiza a súa custodia en espera de que sexa atendido e pendente da alta médica para a súa presentación en dependencias policiais. Tras realizarlle un cacheo de seguridade, a dotación incáutalle, entre as súas roupas, unha papelina de plástico que envolvía unha substancia que aparentaba ser cocaína, e cúrsalle a correspondente denuncia por infrinxir a Lei de Protección da Seguridade Cidadá, quedando a substancia prohibida depositada en dependencias policiais.

No lugar dos feitos, outra dotación policial de apoio procedeu a identificar á persoa que realizou a chamada á Sala do 092, á súa vez testemuña do acontecido, así como comprobar os danos que presentaba o vehículo estacionado (un grande vulto no teito) ao cal se subira o home. A patrulla localizou ao propietario do vehículo, que pasou para facerse cargo do mesmo mentres foi informado dos trámites que podía seguir. En relación ao autobús, da Compañía de Tranvías, queda á espera de ser revisado en cocheiras para poder comprobar e valorar o datos do seu teito.

Por todo isto, o home, de 38 anos de idade e veciño da cidade, foi denunciado ante o xulgado de garda por un concurso de delitos de danos en varios vehículos e resistencia grave a axentes da autoridade no exercicio das súas funcións, quedando custodiado a disposición xudicial.

DETIDO POR INTENTO DE ROBO CON VIOLENCIA E INTIMIDACIÓN

agosto 3, 2018 Sucesos Comentarios desactivados en DETIDO POR INTENTO DE ROBO CON VIOLENCIA E INTIMIDACIÓN

Ás 19.39 horas do 1 de Agosto de onte dúas patrullas da Policía Local trasladáronse ata un supermercado sito na Rolda de Outeiro (zona Mallos), porque un cidadán estaba a seguir e a informar telefonicamente ao 092, ao mesmo tempo do percorrido, que seguía un individuo que había tentara roubar unha caixa rexistradora do supermercado. Segundo indicoua testemuña, o home forcexou cunha empregada á que chegou a ameazar con “sacar a tesoira” se non lle daba a citada caixa, tras o cal, e ante o auxilio doutros empregados, o individuo marchou do local sen conseguir o seu propósito, sendo seguido a unha distancia prudencial pola testemuña, quen tamén indicou que na avda. dos Mallos tirara unha tesoira (e que posteriormente foi recuperada polos axentes).

A outra patrulla policial deu alcance ao presunto atracador na confluencia das rúas Filipinas e Porto Rico e, preguntado polos feitos, manifestou que si estivera no supermercado pero negou o relatado pola testemuña e polo persoal do citado establecemento. O home, de 43 anos e veciño da cidade, foi detido e trasladado ás dependencias policiais para a súa posta a disposición xudicial sendo denunciado ante o xulgado de garda por un delito de roubo con violencia e intimidación en grao de tentativa.

O Concello ponse a disposición das entidades comerciais e hostaleiras da cidade ante o temporal da fin de semana e convoca para hoxe unha xuntanza para valorar as consecuencias nestes sectores

julio 3, 2018 Sucesos Comentarios desactivados en O Concello ponse a disposición das entidades comerciais e hostaleiras da cidade ante o temporal da fin de semana e convoca para hoxe unha xuntanza para valorar as consecuencias nestes sectores

​O concelleiro de Emprego e Economía Social, Alberto Lema, vén de convocar a 12 entidades comerciais e da hostalería da cidade a unha reunión este martes no Pazo de María, que estará presidida polo alcalde, Xulio Ferreiro, e no que se fará balance dos danos que tivo no sector o temporal vivido a pasada fin de semana na cidade. A intención do goberno local é poñerse a disposición das asociacións de comercio de cara a minimizar as consecuencias que tivo a tromba de auga e que afectou a varios locais comerciais da cidade.

O departamento dirixido por Alberto Lema convocou para este martes a representantes tanto da Federación Provincial de Comercio, como Federación Unión Coruñesa de Comercio (FUCC), ademais de a Asociación Comercial e Empresarial da Cidade Vella (ACECA), a Asociación de Comerciantes Distrito Mallos, a Área Comercial Distrito Picasso, Área Comercial Obelisco, Asociación Gran Área Comercial Riazor, Asociación Zona Zero Coruña e Asociación de Comerciantes Fernández Latorre-Catro Camiños. Por outro lado, tamén foi convocada a Asociación de Hostalería da Mariña, a Asociación de Hostalería da Coruña e o colectivo Coruña Cociña.

Lema salienta que, xa nas horas posteriores á treboada, os servizos de seguridade do Concello atenderon 35 incidencias tanto en locais comerciais como en inmobles de particulares derivadas, na súa maioría, da entrada da auga. “A situación vivida esta fin de semana foi realmente excepcional dada a cantidade de auga caída (entre as 17.00 e as 17.30 horas contabilizouse unha media de 20 litros por metro cadrado), o que, unido á situación de preamar, evitou un desaugue normalizado, aínda a pesar de que a rede de saneamento e as estacións de bombeo funcionaron correctamente”, recordou, á vez que puxo en valor “o traballo realizado tanto polos Bombeiros como polo resto de servizos de seguridade da cidade, que axudaron a normalizar a situación nun tempo récord”. “Agora, atendidas xa as incidencias máis inmediatas, toca facer balance das consecuencias no sector e ver que medidas podemos poñer en marcha para minimizar os danos provocados”, indicou.