Home » Teatro Colon » Recent Articles:

O festival de narración oral ‘Falando coa boa chea’ expándese na súa segunda edición a concellos da área metropolitana e a espazos privados

abril 11, 2018 Teatro Colon No Comments

O Fórum Metropolitano acolle no mes de abril a segunda edición do festival ​Falando a boca chea​, que contará con destacadas voces da narración oral en Galicia co obxectivo de achegala a un público de todas as idades. “Un xénero afortunado”, como o definiu o edil de Culturas, Deporte e Coñecemento, José Manuel Sande, durante a presentación da programación esta mañá, xa que “explica a condición humana e a esencia das artes, como chegamos aos demais e como nos comunicamos”. Neste sentido, o concelleiro apuntou que a oralidade, “a parte de vir precedida de toda unha tradición cultural, é tamén unha forma artística e cultural”. O festival, que terá lugar entre 17 e o 21 de abril, suma espazos e expándese este ano, xa que tamén terá actividades paralelas nos concellos de Sada, Oleiros e Arteixo na área metropolitana, así como noutros espazos que habitualmente non programan eventos deste tipo, como o centro comercial Marineda City e o Museo de Arte Contemporánea de Unión Fenosa. O coordinador do festival, Ramiro Neira, apuntou que este é o “novo reto” da edición, na que se busca acadar colaboracións con entidades públicas e privadas. No acto interviron tamén algúns dos e das participantes nesta edición, como son Chus Álvarez, Érica González e Pedro Brandariz.

O festival, que ten como obxectivo dar pulo á tradición da narración oral galega, empregará distintas localizacións do Fórum Metropolitano para mostrar espectáculos adaptados a todas as idades e unha programación axustada en distintos horarios para que a veciñanza poida asistir ás distintas propostas. Así, o vestíbulo do recinto municipal acollerá, ás 19.00 horas, as actuacións de Érica González, Andrea Bayer, Chus Álvarez e Gonzalo Guerreiro, todas elas de entrada gratuita. O auditorio acollerá, todos os días ás 21.00 horas, os espectáculos de Quico Cadaval, Pedro Brandariz, Celso Fernández e Víctor Grande. As entradas teñen un prezo en taquilla de 7 euros, 5 se se mercan de maneira anticipada, e están dispoñibles na taquilla central da praza de Ourense, na do Fórum Metropolitano os días de función, no 902 044 226 ou en www.ticketea.com. As funcións programadas no Fórum comezan o martes 17, ás 20.30 horas, coas actuacións dos participantes no Concurso de monólogos cómicos en galego, de entrada libre.

… Leer más

Un programa amplo e variado protagonizará o último trimestre do Teatro Colón con xestión da Deputación da Coruña

abril 8, 2018 Teatro Colon No Comments

A vicepresidenta e responsable da área de Cultura da Deputación da Coruña, Goretti Sanmartín, e o coordinador, Xosé Aldea, presentaron en rolda de prensa a programación do Teatro Colón no último trimestre de programación propia. Ademais da destacada presenza do cine, o humor, a danza, a música e as representacións teatrais, o programa inclúe a posibilidade de coñecer o teatro por dentro a través de visitas guiadas nun programa único nos centros teatrais galegos.

Un programa de espectáculos “amplo, variado e destinado para todos os públicos pechará a xestión do Teatro Colón por parte da Deputación da Coruña, antes de que o vindeiro 2 de xullo pasará a mans do Concello da Coruña. … Leer más

Cancélase a función Mi lucha, de Antonia San Juan, por problemas de saúde.

marzo 28, 2017 Teatro Colon No Comments

A función Mi lucha, prevista para o vindeiro venres 7 de abril ás 20:30 horas, cancélase por causas alleas ao Teatro Colón. Aquelas persoas que adquiran as súas entradas para ver o espectáculo poden pedir a devolución do importe polo mesmo canle polo que realizaron a compra. 
A productora do espectáculo, Summum Music, acaba de informar que cancela os espectáculos programados para este mes de Abril polos problemas de saúde da actriz. Antonia San Juan foi recentemente intervida de urxencia e por prescripción médica debe gardar repouso.
Aquelas persoas que adquiriran entradas para o espectáculo poden pedir a devolución, no prazo dun mes, a través do mesma canle de compra: ou ben nas taquillas do Teatro Colón, Praza de Ourense ou Sede Afundación (Cantón Grande, 8) ou ben a través do teléfono de Ataquilla 902 504 500 para aquelas persoas que as adquiriron a través deste portal.
O Teatro Colón lamenta os inconvenientes que esta cancelación poida ocasionar e expresa os seus mellores desexos para a actriz Antonia San Juan.

O CINE REGRESA ESTA SEMANA AO TEATRO COLÓN COA PROXECCIÓN DE “EL VERDUGO”, DE BERLANGA

febrero 7, 2017 Teatro Colon No Comments

Semana intensa a que comeza hoxe no Teatro Colón, con catro citas nas que o cine e a música serán os grandes protagonistas.

 

O xoves 9 de febreiro, ás 21:00 horas, o cine regresa ao Teatro Colón coa proxección de “El Verdugo”, a obra mestra de Berlanga. Este pase enmárcase dentro dun proxecto conxunto entre a plataforma Screenly (plataforma de crowdticketing para proxeccións de cine) e Caimán Cuadernos de Cine (revista especializada en cine), e forma parte dun conxunto completo de proxeccións do mellor cine español de todos os tempos: “El Vergudo”, “El Espíritu de la Colmena” e “Viridiana”, tres películas elixidas na Enquisa Caimán con motivo do número 100 da publicación. En próximas datas se porán en marcha os crowdticketing para as novas proxeccións: “El Espíritu de la Colmena” o 23 de marzo e “Viridiana” o 27 de abril.

A proxección de “El Verdugo” contará cunha charla coloquio posterior dirixida por Jose Manuel Sande, Concelleiro de Cultura do Concello da Coruña, crítico de cine e colaborador habitual da revista especializada Caimán.

 

O venres 10 de febreiro, ás 20:30 horas, a banda catalana Elefantes regresa aos escenarios con “Nueves Canciones de Amor y una de Esperanza”, un disco conceptual sobre o amor en todas as súas facetas, con colaboracións da talla de Enrique Bunbury en “Duele” ou Love of Lesbian en “Te Quiero” de José Luis Perales. Elefantes contan con máis de 12 anos de traxectoria profesional e 10 discos editados, nos que atopamos hits tan importantes como “Azul” ou “Que yo no lo sabía”.

 

O sábado 11 de febreiro, ás 20:30 horas, Ferroteatro interpreta “El Príncipe de la Opereta” un concerto teatralizado con repertorio de Luis Mariano, Rocío Dúrcal, Mario Lanza, Nino Bravo, Carmen Sevilla e Gloria Lasso. Unha historia na que se alternarán os celos, a rivalidade e a comicidade coas pezas máis representativas e deliciosas do célebre cantante irunés.

 

E o domingo 12 de febreiro, ás 18:00 horas, toda a maxia de “La Flauta Mágica” chega ao Teatro Colón da man de Ferroteatro. Trátase dunha adaptación infantil e en castelán da célebre ópera de Mozart ‘Die Zauberflöte’ (La flauta mágica) que se estreou en Viena no ano 1791.

O TEATRO COLÓN ENCARA O PECHE DAS FESTAS DE NADAL CON HUMOR

enero 5, 2017 Teatro Colon No Comments

A mellor forma de encarar o peche das festas de Nadal é cun sorriso. Por iso o Teatro Colón programa para estas datas que se aproximan dúas sesións enchidas de humor.

 

O sábado 7 de xaneiro, ás 20:30 horas, tras despedir a Caperucita Roja (función ás 18:00), Manuel Manquiña e Luis Zahera protagonizan unha nova entrega de “Noites de Retranca”. O surrealismo humorístico de Luis Zahera, sempre ligado a nosa cidade e o sarcasmo de Manuel Manquiña, xuntos nun espectáculo que non deixara indiferente o espectador. (Entradas dende 12€)

 

E o venres 13 de xaneiro, ás 20:30 horas, o Teatro Colón acolle un espectáculo moi especial. En “A la Carta” Aarón Gómez e Kike Pérez constrúen unha función á medida do espectador, baseándose en diversas enquisas, propostas e preguntas sobre que lles gustaría ver no show. Un sitio onde poder ir e gozar dun espectáculo cheo de humor, cancións e bo facer destas mozas promesas do humor canario. Un espectáculo onde Aarón e Kike interactúan co público e improvisan partes da súa posta en escena, compoñendo cancións sobre a marcha. (Entradas dende 8€)

ENCUESTA SEMANAL

¿Te gusta la nueva web?

Cargando ... Cargando ...