Home » Trafico » Recent Articles:

O alcalde salienta que a baixada do billete do bus urbano “é posible, legal e de xustiza”, logo que de os prezos se incrementasen máis dun 30% en plena crise

septiembre 25, 2018 Trafico Comentarios desactivados en O alcalde salienta que a baixada do billete do bus urbano “é posible, legal e de xustiza”, logo que de os prezos se incrementasen máis dun 30% en plena crise

O alcalde da Coruña, Xulio Ferreiro, amosou este luns a súa confianza en que a Comisión de Prezos da Xunta de Galicia dea luz verde á rebaixa das tarifas do autobús urbano que a Xunta de goberno local aprobará esta semana. O rexedor recordou que o traballo de fiscalización da concesión da Compañía de Tranvías realizado polo actual executivo levou a determinar ao Concello, co respaldo da propia Comisión Nacional da Competencia, que se estaba a producir un beneficio excesivo que podía traducirse en melloras na prestación do servizo así como, do mesmo xeito que propón o executivo municipal, un abaratamento do billete. “Cremos que, dentro do actual contrato, e pola adaptación do mesmo á normativa europea, é necesario axustar a tarifa ao beneficio razoable. Temos informes económicos e xurídicos que avalan esta baixada, que se propón dentro da absoluta legalidade”, dixo, á vez que engadiu que “por todo isto, non vemos nada que impida á Comisión de Prezos dar o visto bo a esta rebaixa”. “Até o de agora nunca houbo ningún informe negativo deste órgano, o normal sería que se lle dera a luz verde”, indicou.

O alcalde fixo fincapé en que será a primeira vez que A Coruña rexistre unha baixada nas tarifas do bus urbano. “Por poñer un exemplo, entre 2007 e 2015, os prezos do billete medraron un 33%. Un 33% nos peores anos da crise, onde creo que os soldos dos e das veciñas non medraron nesa porcentaxe. Creo que é de xustiza facer esta rebaixa, creo que hai marxe para facelo, que é legal e que damos un paso máis na adaptación deste servizo ao dereito comunitario”, manifestou.

… Leer más

O Concello acomete a renovación do pavimento na avenida de Navarra, unha obra que mellorará as condicións de circulación da vía

septiembre 5, 2018 Trafico Comentarios desactivados en O Concello acomete a renovación do pavimento na avenida de Navarra, unha obra que mellorará as condicións de circulación da vía

A Concellería de Rexeneración Urbana acomete esta semana a mellora das condicións para a circulación de vehículos na avenida de Navarra. A actuación consiste no fresado de cinco centímetros de pavimentación actual e a reposición da capa de rodadura cun novo asfaltado, “unha obra que vén a facilitar e mellorar as condicións da condución e a incrementar a seguridade da vía”, como sinala o edil Xiao Varela. “Estes traballos de repavimentación veñen a continuar a mellora que iniciamos este inverno na vía, cando actuamos para reparar os pasos peonís da rúa. Agora é o momento de renovar unha calzada que estaba deteriorada”, apunta. No pasado mes de xaneiro abordouse, dentro do programa municipalPaso a paso,​ o reasfaltado dos tres puntos sinalizados para o cruce peonil da avenida de Navarra, así como das rúas San Amaro, San Pedro, Hermanos de la Lejía e Rolda de Monte Alto, con arranxos integrais do firme para eliminar irregularidades e fochancas que consistiron na retirada da capa superior do firme mediante fresado, a aplicación de mestura bitumosa e a posterior reposición da sinalización horizontal. Dentro deste programa, que busca favorecer a accesibilidade universal, está prevista a renovación de 235 pasos peonís ata final de mandato. A reforma do firme da avenida de Navarra dá tamén continuidade á intervención que se realizou hai un ano para a reparación integral da rúa Orillamar, “o que completa a planificación municipal para a renovación dun dos eixes de circulación do barrio”.

A actuación na avenida de Navarra, que conta cun orzamento de 48.400 euros, durará tres días e afectará á totalidade dos 2.972 metros cadrados da vía. Para minimizar as afeccións ao tráfico de vehículos e non interferir nos percorridos do transporte urbano, parte dos traballos se realizarán en horario nocturno, tal e como informa a Concellería de Mobilidade Sostible. Así, de mércores a venres ata as 23.30 horas a avenida de Navarra terá un carril aberto ao tráfico, no sentido dende a Torre cara a Orillamar. Os vehículos que circulen por esta última vía deberán desviarse na confluencia con avenida de Navarra por Santo Tomás ou Manuel García Canzobre. Durante a noite, entre as 23.30 e as 06.00 horas, será preciso levar a cabo o corte total da avenida de Navarra e tamén na rúa Orillamar dende á altura da rúa Cabo Ponte Anido, coa excepción das entradas a garaxes.

A Concellería de Mobilidade informa das rutas alternativas do servizo de transporte público para a tarde do sábado e a mañá do domingo

agosto 31, 2018 Trafico Comentarios desactivados en A Concellería de Mobilidade informa das rutas alternativas do servizo de transporte público para a tarde do sábado e a mañá do domingo

A Concellería de Mobilidade Sostible informa dos itinerarios alternativos que terá o transporte público durante as horas de celebración do campionato de España de Tríatlon estafin de semana. Asseguintesrutasseránasquesiganasliñasafectadas durante o sábado día 1 entre as 15.00 e as 22.00 horas e o domingo día 2 entre as 07.30 e as 15.00 horas:

-As liñas 1, 1A, 2, 2A, 5, 17, 23 e 23A: desde Catro Camiños e cara Porta Real desviaranse por Castiñeiras, viaduto de Alfonso Molina, praza de Ourense, avenida do Porto, túnel de O Parrote e praza dás Ánimas. A 5 e a 17 continuarán a partir de aí polo seu itinerario habitual. As demais –1, 1A, 2, 2A, 23 e 23A– farán alí cabeceira de liña para volver polo túnel de O Parrote, avenida do Porto, praza de Ourense, Alfonso Molina, Paxariñas e Catro Camiños, desde onde cada unha delas retomará o seu itinerario habitual. A liña 17, en sentido de circulación cara ao CHUAC, desde o Abente y Lago baixará á praza das Ánimas para continuar polo túnel do Parrote, avenida do Porto, praza de Ourense, Alfonso Molina, Paxariñas, Catro Camiños e avenidade Oza ata Os Castros onde retomará o itinerario habitual. Instalaranse, como é habitual nestes casos, dúas paradas provisionais na avenida do Porto á altura do Quiosco Alfonso, unha en cada sentido de circulación.

-As liñas 21, 22 e 24: circularán por Federico Tapia, praza Galicia e Francisco Mariño, facendo cabeza de liña en Juan Floréz, 10. En dirección a Novo Mesoiro circularán por Juan Flórez e San Pedro de Mezonzo, para incorporarse ao seu itinerario habitual.

-As liñas 3 e 7: ao non poder circular por Santa Catalina, continuarán por San Andrés, rúa Alta, Paseo Marítimo, rúa Hospital, San Roque, praza de España, praza das Atochas, Veramar, Paseo Marítimo, Abente y Lago e Maestranza, onde recuperan o seu itinerario habitual.

-A liña 3A: no sentido de circulación Durmideiras-praza de Pontevedra, desde o Abente y Lago circulará polo Paseo Marítimo, Veramar, praza de España, Panadeiras e San Andrés, incorporándose en praza de Pontevedra ao seu itinerario habitual.

Ademais, a liña 14 circulará dende Os Castros pola avenida de Oza, dado que a do Exército vai estar ocupada polos e polas participantes na proba deportiva. Polo mesmo motivo, a liña 17, con sentido de circulación cara ao CHUAC, circulará desde Catro Camiños por avenida de Oza.

O Concello activa este San Xoán un dispositivo de 598 persoas para poñer “todos os medios necesarios, de cara a celebrar unha festa segura e sostible”

junio 23, 2018 Trafico Comentarios desactivados en O Concello activa este San Xoán un dispositivo de 598 persoas para poñer “todos os medios necesarios, de cara a celebrar unha festa segura e sostible”

​O alcalde, Xulio Ferreiro, deu conta do dispositivo global preparado polo Goberno local para a festa de San Xoán, dirixido a “superar os obxectivos ambientais conseguidos nos pasados anos”. “O noso papel non se pode limitar a limpar o espazo público despois da festa, levamos tres anos tentando cambiar esa dinámica a través da sensibilización e de varios programas para minimizar o impacto sobre o entorno durante o San Xoán”, indicou o alcalde, que fixo un chamamento á veciñanza e ás persoas que visiten a cidade esta fin de semana “para que reduzan a xeración de residuos e que, os que non sexa posible evitar, acaben nos contedores e non no mar”. Neste sentido, Ferreiro asegurou que o Concello porá “todos os medios necesarios para acadar este obxectivo de ter un San Xoán sostible e seguro, que facemos común para toda a cidadanía”, antes de pasar a detallar un dispositivo global de 598 persoas que é “lixeiramente superior ao de 2017, un ano especialmente complicado, tanto o punto de vista de seguridade como o ambiental, polas mareas vivas que estaban previstas”. Para facilitar o seu labor nunha xornada na que se agarda unha gran asistencia de público –na que coincidirán bo tempo e fin de semana–, Ferreiro pediu que se atendan as recomendacións e consellos de seguridade dos membros do dispositivo.

Como indicou o rexedor, durante unha comparecencia na que estivo acompañado das concelleiras de Medio Ambiente, María García, e Igualdade e Diversidade, Rocío Fraga, e do edil de Culturas, Deporte e Coñecemento, José Manuel Sande, dende as 07.30 horas do día 23 de xuño comezarán a despregarse os efectivos do dispositivo, que estará activo preto de 24 horas, xa que irá reducíndose paulatinamente dende as 06.00 horas do día 24. No eido de seguridade, emerxencias e atención sanitaria contarase con 374 efectivos, un número moi similar ao do pasado San Xoán no que estaba prevista unha gran preamar. Participarán a Policía Local, o Servizo municipal de Extinción de Incendios e Salvamento (SEIS) –tanto os bombeiros, que prestarán especial apoio nos barrios, como o grupo de rescate acuático– e Policía Nacional, que suman 281 persoas. Para a atención sanitaria contarase con 93 persoas entre Protección Civil –terá un posto sanitario medicalizado no Paseo Marítimo, dous puntos de atención sanitaria en Riazor e Orzán e dúas ambulancias con soporte vital–, Urxencias Médicas do 061 –contará con dúas ambulancias medicalizadas e catro asistenciais– e o voluntariado da Cruz Vermella –terá un posto médico avanzado, un centro de coordinación, unha ambulancia con soporte vital avanzado e catro con soporte vital básico–, que contarán tamén co apoio do centro móbil de coordinación e vídeo vixilancia. Os servizos de Salvamento e Socorrismo disporán de oito socorristas distribuídos nas praias de Riazor, Orzán, Lapas e Oza, ademais de dúas embarcacións.

O rexedor lembrou que o baño nas praias estará prohibido dende as 22.00 horas do días 23 e ata as 09.00 do día seguinte e que, como medida de precaución, se volverá a marcar a liña onde se prevé que chegue a marea alta sobre as 02.30 horas. Respecto doutros horarios, ás 07.30 horas do sábado autorizarase a baixada do material ás praias –por parte dos servizos municipais–, e a partires das 09.00 horas instalarase o posto de mando na Coiraza, que quedará pechada ao tránsito peonil para o correcto desenvolvemento do operativo do San Xoán. Como é habitual, ás 19.00 horas do día 23 producirase o corte total de tráfico no Paseo Marítimo. A veciñanza poderá baixar materiais á praia a partires das 19.30 horas sempre e cando non sexan vidro, mobles ou colchóns, entre outros.

… Leer más

A Deputación e o Concello de Cambre investirán 200.000 euros na mellora da seguridade viaria nas parroquias de Cambre e o Temple

junio 22, 2018 Trafico Comentarios desactivados en A Deputación e o Concello de Cambre investirán 200.000 euros na mellora da seguridade viaria nas parroquias de Cambre e o Temple

O pleno da Deputación da Coruña aprobou, por unanimidade de todas as forzas políticas, un expediente modificativo de créditos por importe de 11,5 millóns. Destes fondos, algo máis de 4,36 millóns de euros destinaranse a financiar numerosos investimentos financieiramente sustentables nos concellos da provincia.

Entre eles, destaca unha subvención nominativa de 159.996,39 euros para a execución de diversas actuacións de mellora da seguridade viaria nas parroquias de Cambre e O Temple. A achega da Deputación supón o 80% do custo total do proxecto, fixado en 199.995,49 euros. O concello cambrés achegará o 20% restante.

No referente á reforma e adecuación da beirarrúa da rúa Antón Fraguas, así coma as melloras de accesibilidade e seguridade vial na mesma e en puntos do seu entorno, realizaranse actuacións na propia rúa Antón Fraguas, na praza José Luis Caso Cortines e na rúa travesía da Igrexa. O orzamento total para esta intervención será de 29.845,15 euros. … Leer más