Home » Uncategorised » Recent Articles:

A Deputación da Coruña elabora un mapa interactivo de financiamento europeo na provincia

noviembre 18, 2018 Uncategorised Comentarios desactivados en A Deputación da Coruña elabora un mapa interactivo de financiamento europeo na provincia

A Deputación da Coruña, a través do  servizo Europe Direct, centro oficial de información da Comisión Europea dependente desta institución provincial, vén de presentar o Mapa de financiamento europeo na provincia da Coruña, unha ferramenta dixital que informa dos diferentes programas e instrumentos financeiros implementados na provincia e a participación dos diferentes axentes en cada un deles.

O obxectivo desta ferramenta, nun momento en que estamos a asistir á negociación do próximo orzamento da Unión Europea para o período 2021/2027, é valorar a participación que a provincia está a ter no vixente marco orzamentario 2014/2020. … Leer más

A Xunta de goberno local resolve os trámites previos necesarios que permitirán formalizar con EMVSA a licitación para renovar e ampliar o servizo de BiciCoruña

noviembre 17, 2018 Uncategorised Comentarios desactivados en A Xunta de goberno local resolve os trámites previos necesarios que permitirán formalizar con EMVSA a licitación para renovar e ampliar o servizo de BiciCoruña

A Xunta de goberno local resolveu un trámite necesario para impulsar o proceso de renovación e ampliación do servizo municipal de BiciCoruña, no que ten previsto investir case 1,5 millóns de euros e que se enmarca dentro do proxecto EidusCoruña, que está está financiado nun 80% polo Fondo Europeo de Desenvolvemento Rexional (FEDER) no marco do eixe de desenvolvemento urbano no Programa Plurirrexional de España 2014-2020. “Unha vez aprobada a Expresión de Interese (EDI) deste proxecto, o goberno local iniciou os trámites precisos para acometer o mesmo, que pasa por renovar o parque de bicicletas municipais e ampliar as estacións na cidade, a través da Empresa Municipal de Vivenda (Emvsa). Para iso, en breves días, o Concello establecerá un convenio coa propia Emvsa que posibilitará que esta poida iniciar a pertinente licitación”, avanza o concelleiro de Mobilidade Sostible, Daniel Díaz Grandío. Non obstante, para iso, antes é preciso que a Xunta de goberno local revogue o acordo ao que chegou para a instalación de 11 estacións de bicicleta en distintos barrios da cidade. “O que facemos é anular a disposición de gasto que tiñamos reservada para esta actuación, que sumaba 264.000 euros, porque a mesma xa se vai levar a cabo dentro do proxecto ligado a EidusCoruña, que licitará Emvsa e que fará que A Coruña conte con 50 novas estacións de bicicleta e 865 postos de ancoraxe con base de carga, ademais de 300 bicicletas convencionais e 300 eléctricas; un paso importante nunha semana na que as obras do carril bici metropolitano continúan avanzando e acometendo novos tramos”, indica Díaz Grandío.

Relacionado tamén coa área de Mobilidade, a reunión do goberno local determinou o mantemento da concesión actual do servizo de transporte urbano até que haxa un pronunciamento do xuíz do contencioso administrativo sobre o plantexamento da cuestión prexudicial arredor da correcta interpretación do regulamento europeo sobre o período de vixencia da adxudicación. Preguntado pola prensa o alcalde da Coruña, Xulio Ferreiro, enmarcou esta decisión do executivo “nun trámite necesario encamiñado a garantir a máxima seguridade xurídica en todo este procedemento”. “A realidade é que pensabamos que a estas alturas xa contariamos cun pronunciamento xudicial sobre este tema, non obstante os tempos da xustiza durante este ano fan que aínda non teñamos unha resolución. Por iso, e ante a precaución de que este asunto tamén poida ser remitido ao Tribunal de Xustiza da Unión Europea, preferimos manter a situación actual. A razón non é outra que a seguridade xurídica”, explicou o rexedor.

Por outro lado, e a respecto de ditames do Tribunal de Xustiza Europeo sobre asuntos similares, Ferreiro recordou que “o máis importante no caso da concesión do servizo de transporte público e o que sempre perseguiu o goberno local é, máis alá de que o prazo de vixencia da adxudicación sexa interpretable, que as condicións da concesión se adapten ao regulamento, algo que xa estamos a impulsar a través do acordo tarifario promovido por este goberno e que está á espera de recibir o visto e prace da Comisión de Prezos da Xunta de Galicia”.

De recibir o visto bo da Comisión de Prezos autonómica, o billete xeral quedará rebaixado en case un 8%, até os 1,20 euros, mentres que o da tarxeta Millennium baixará preto un 12%, até os 75 céntimos. O billete social reducirase até 23 céntimos, en máis dun 30%, mentres que o billete dos e das universitarias custará 30 céntimos. Por outro lado, o ticket será gratuíto para menores de 13 anos (até o de agora a exención só chegaba a menores de 4 anos), mentres que o transbordo será universal e gratuíto (na actualidade está restrinxido) todas as veces que sexa preciso durante 45 minutos.

… Leer más

A Coruña recibe a Pajarita Azul que premia a boa xestión e reciclaxe de papel e cartón, “un sistema que se vai seguir mellorando co novo contrato de xestión de residuos”

noviembre 16, 2018 Uncategorised Comentarios desactivados en A Coruña recibe a Pajarita Azul que premia a boa xestión e reciclaxe de papel e cartón, “un sistema que se vai seguir mellorando co novo contrato de xestión de residuos”

A concelleira de Medio Ambiente, María García, recibiu á Pajarita azul, un distintivo que viaxa entre as cidades que acadaron o máximo recoñecemento nos premios Pajaritas Azules 2018, que a Asociación Española de Fabricantes de Pasta, Papel y Cartón outorga aos municipios pola súa excelencia na xestión da recollida selectiva de papel e cartón. A edil lembra que A Coruña recibiu no pasado mes de marzo tres Pajaritas, o galardón máis importante, despois de que fosen avaliados 21 indicadores relacionados con todo o proceso de recollida deste material, as campañas e accións de información e concienciación á cidadanía, a planificación e regulación da xestión e tamén os resultados e a trazabilidade até a reciclaxe final. O percorrido desta Pajarita azul, a mascota do programa, serve para exemplificar e distinguir as cidades que teñen boas condicións para o seu aniñamento. “É un premio que indica que estamos xa no bo camiño coas iniciativas que temos en marcha, orientadas a acadar o residuo cero, á redución e á reciclaxe, e que imos mellorar co novo contrato de xestión de residuos que se converterá nun servizo máis próximo e máis cómodo, con mellor limpeza e coidado do espazo público, un incremento da reciclaxe e o tratamento de residuos ​in situ e cunha aposta decidida pola economía circular”, manifesta García.

A edil explica que a iniciativa tivo en conta o esforzo feito polo Goberno local nas campañas vinculada áredución, reciclaxe e á recuperación de papel e cartón, como son as iniciativas enfocadas ao comercio e á hostalería. O Concello ampliou e reforzou rutas específicas en zonas de alta concentración de comercios para a recollida porta a porta que se aplican no centro e outras catro nas zonas comerciais –rúa Barcelona, Os Mallos e Ángel Senra, A Gaiteira, Catro Camiños e a contorna– e mantén, ademais, recollida específica con 300 centros colaboradores, que son tamén grandes produtores de residuos de papel e cartón, aspectos que, como resalta a concelleira, foron valorados polo xurado.

… Leer más

O Concello colabora na programación da Mobile Week Coruña cunha charla sobre a innovación TIC no ámbito municipal e obradoiros tecnolóxicos

noviembre 15, 2018 Uncategorised Comentarios desactivados en O Concello colabora na programación da Mobile Week Coruña cunha charla sobre a innovación TIC no ámbito municipal e obradoiros tecnolóxicos

O edil de Culturas, Deporte e Coñecemento, José Manuel Sande, presentou a programación do Concello dentro da súa colaboración coa primeira edición da Mobile Week Coruña, “un evento de transcendencia e relevancia de cidade” que se celebra na Coruña e a súa área metropolitana entre o 21 e o 28 de novembro. “Somos a primeira cidade fóra de Barcelona que é escollida como sede da Mobile Week, unha oportunidade histórica que non vén da nada. Ten que ver co posicionamento da cidade en termos de innovación e de tecnoloxía, con proxectos e contribucións como Coruña Dixital, o proxecto Red.es, a plataforma de participación A Porta Aberta, a propia actividade dos museo científicos sobre divulgación e innovación, cuestións como a aposta pola migración ao software libre ou incluso algúns proxectos de cidade como a EidusCoruña, na que se plantexa esa perspectiva dunha cidade que avance a través de pautas de innovación”, manifestou o edil, quen cualificou a programación como un “maremagnum brillante que servirá de espazo de reflexión e de divulgación co obxectivo principal e achegarse a cidadanía e ter un efecto divulgativo e democratizador” da innovación tecnolóxica”. O concelleiro de Culturas estivo acompañado na rolda de prensa polo responsable municipal de Emprego e Economía Social, Alberto Lema, quen agradeceu “á organización e ás persoas que pularon porque a nosa cidade fose elixida sede deste evento”, o director executivo da Mobile Week Coruña e membro da directiva do Club Financiero Atlántico, Guillermo Taboada, e a coordinadora de contidos e actividades do evento, María José Malmierca.

… Leer más

Arriva Galicia donará parte de su recaudación a los proyectos de la Fundación Andrea para apoyar a niños con enfermedades de larga duración, crónicas o terminales

noviembre 15, 2018 Uncategorised Comentarios desactivados en Arriva Galicia donará parte de su recaudación a los proyectos de la Fundación Andrea para apoyar a niños con enfermedades de larga duración, crónicas o terminales

La empresa de transporte Arriva Galicia desarrollará una iniciativa solidaria cuya recaudación se destinará a apoyar a niños con enfermedades de larga duración, crónicas o terminales. Así lo recoge el convenio de colaboración firmado por representantes de Arriva Galicia y de la Fundación Andrea en Santiago.

El director general de Arriva Galicia, Juan Gómez Piña, y la presidenta de la Fundación Andrea, Charo Barca, fueron los encargados de rubricar el acuerdo a través del cual Arriva Galicia donará a la Fundación Andrea el 5% de los billetes de autobús expedidos durante los días comprendidos entre el 10 y el 16 de diciembre dentro de la iniciativa “Semana solidaria de Arriva Galicia”. Además, la compañía de transporte rotulará sus buses con la imagen gráfica de la campaña para dar a conocer entre sus usuarios la colaboración con la Fundación Andrea. … Leer más