Home » Uncategorised » Recent Articles:

A Deputación da Coruña súmase á Hora do Planeta

marzo 24, 2018 Uncategorised No Comments

A Deputación da Coruña apagará hoxe sábado 24 de marzo, entre as 20.30 e as 21.30 horas, a iluminación interior e exterior do Pazo Provincial para sumarse á iniciativa A Hora do Planeta, promovida por WWF como unha acción de sensibilización global contra o cambio climático.

Con este pequeno xesto, a institución provincial quere mostrar, por terceiro ano consecutivo, o seu compromiso medioambiental xunto con máis de 500 institucións e empresas de toda España.

Un compromiso que se aplica, no día a día, co financiamento de proxectos de mellora da eficiencia enerxética nos concellos e de fomento das enerxías renovables no ámbito municipal, nos que a Deputación investiu, a través dos distintos plans, preto de 4 millóns de euros no último ano.

A institución provincial está a impulsar ademais a actividade da FAEPAC (Fundación Axencia Enerxética Provincial da Coruña), que lle presta apoio e orientación a aqueles municipios que desexen reducir o seu consumo eléctrico.

O Concello aborda unha xuntanza de traballo destinada a avanzar no proceso de execución das actuacións vinculadas ao EIDUS, “proxecto que transformará a calidade urbana da cidade”

marzo 18, 2018 Uncategorised No Comments

O alcalde, Xulio Ferreiro, así como o concelleiro de Rexeneración Urbana, Xiao Varela, e a concelleira de Medio Ambiente, María García, participaron xunto con persoal técnico municipal, nunha xornada de carácter interno destinada a avanzar no proceso de execución do proxecto Eidus Coruña (Estratexia Integrada de Desenvolvemento Urbano Sostible), que conta cun montante de 18,75 millóns de euros, dos que o 80% está cofinanciado polo Fondo Europeo de Desenvolvemento Rexional (Feder). Nela, o rexedor recordou que o proxecto EidusCoruña, que xorde da convocatoria realizada polo Ministerio de Facenda e Administración Pública para que as cidades poñan en marcha estratexias de desenvolvemento sostibles e integradas, “ten como finalidade a conversión da nosa área nun espazo de maior calidade urbana, equilibrio económico e social, inclusivo e integrador, ambientalmente sostible e cunha marcada igualdade de xénero”.

Esta xornada de traballo, que entra dentro das accións necesarias para o lanzamento do plan de execución do Eidus, realizouse logo de que o goberno local dese luz verde a finais de febreiro a distintos documentos que garanten a implantación na cidade da estratexia DUSI e entre os que se atopan non só o propio Plan de Acción, senón tamén o Manual de Procedemento, que dá conta das actuacións ligadas ao financiamento europeo no período 2014-2020.

“O Concello ten xa avanzado moito nos pasos necesarios para iniciar o procedemento de execución dos proxectos englobados dentro do Eidus. Todos os pasos previos están xa dados en tempo e forma. A aprobación do manual de procedemento por parte da Xunta de Goberno Local, o pasado día 1, foi o pistoletazo de saída. Agora temos que seguir adiante cun traballo longo e laborioso”, salientou o primeiro edil na xuntanza, na que destacou que o desenvolvemento do proxecto Eidus Coruña “é transcendente e tecnicamente complexo” e na que tamén puxo en valor o papel dos servizos municipais para desenvolvelo.

… Leer más

As matinais do Teatro Colón aseguran a diversión con espectáculos para toda a familia

marzo 17, 2018 Uncategorised No Comments

A área de Cultura da Deputación da Coruña continúa a programar actividades para o ciclo “As Matinais do Colón”. A través de diferentes espectáculos de gran calidade, o Teatro Colón ofrecerá durante os meses de marzo e abril unha programación escénica e musical galega, dirixida a un público eminentemente familiar.

Deste xeito, dende as 12:00 horas deste domingo 18 de marzo as ganas de vivir de Mamá Cabra chegan ata o salón herculino para presentar o seu novo espectáculo musical “A festa continúa”. A compañía, fundada no ano 2000, está considerada na actualidade como unha das bandas músicais infantís de referencia, contando xa con 12 traballos editados nos que participaron importantes colaboracións. … Leer más

González Formoso compromete o apoio da Deputación na “loita pola inclusión” que desenvolve APEM na área coruñesa

marzo 16, 2018 Uncategorised No Comments

O presidente da Deputación da Coruña, Valentín González Formoso, realizou unha visita institucional á sede da Asociación Pro Enfermos Mentais (APEM) da Coruña, onde supervisou as diferentes actividades e servizos que esta entidade ofrece a preto dun centenar de usuarios dos municipios da área coruñesa.

Acompañado pola presidenta de APEM, Antonia Pérez Amieiro, e por membros da directiva da asociación, González Formoso percorreu as instalacións do centro, que conta cunha aula de informática, servizo de información e orientación para as familias, actividades de rehabilitación psicosocial e de inserción laboral para as persoas con enfermidades mentais. … Leer más

O proceso colectivo impulsado polo Concello para definir os usos e a xestión das Naves do Metrosidero comeza o 14 de abril, “co obxectivo de crear un espazo plural, diverso e inclusivo” para a mocidade

marzo 14, 2018 Uncategorised No Comments

A Concellería de Participación e Innovación Democrática pon en marcha o proceso de deseño colectivo da xestión e os usos das Naves do Metrosidero, que se definirán ao longo de oito encontros mensuais que comezarán o 14 de abril e nos que os e as participantes irán traballando a proposta xunto a persoal técnico do Concello, que se encargará de asegurar a viabilidade das ideas. A edil de Participación, Claudia Delso, explica que se trata de un proceso chave para a definición e concreción dun equipamento público chamado a ser “un espazo plural, diverso e inclusivo para a mocidade da Coruña e tamén da zona metropolitana nun terreo que foi recuperado para o seu uso público”.

O proceso para deseñar os futuros usos do espazo e tamén como se vai xestionar comeza esta mesma tarde cunha reunión aberta á cidadanía na que a concelleira informará da proposta do goberno local para organizar o traballo que se levará a cabo nos próximos meses sobre o futuro das naves. Delso indica que o goberno local busca “promover un foro de traballo aberto e colaborativo, para reflexionar arredor dunha proposta que pretende dotar á mocidade dun espazo de referencia, no que se sitúe como un suxeito activo e poida empoderarse”. A apertura desta etapa de reflexión culmina a de regularización dos terreos, que pasaron á titularidade municipal en xaneiro, despois de estar pendentes dunha cesión definitiva por parte do Ministerio de Fomento desde o ano 1984. Un obxectivo que se cumpre tras varios gobernos municipais e que permite, por unha parte, aumentar o patrimonio de solo municipal e, por outra, blindar ese terreo para o uso público e de toda a veciñanza.

A partir de esta primeira reunión, proponse articular un espazo de traballo que deberá ser “aberto e plural, así como representativo de todas as entidades, organizacións e colectivos, tanto formais como informais, da cidade que estean vinculadas á mocidade”. Delso incide en que o goberno local contará con todos aqueles axentes do tecido xuvenil e entidades do barrio que se queiran sumar ao proceso que xa supón, en si mesmo, un cambio e avance na planificación participada dos espazos públicos.

A Concellería de Participación e Innovación Democrática presentou a proposta do Concello, que parte de dotar ao barrio dun equipamento xuveníl e “dar resposta así a unha importante carencia na nosa cidade” e ofrecer ás mozas e mozos da Coruña e da área metropolitana un “espazo accesible e facilitador que as o os acompañe para desenvolver as súas inquedanzas creativas, produtivas, de investigación ou de aprendizaxe”. Por este motivo, o Goberno local aposta porque as naves “conten cun sistema de xestión plural, que implique tanto ás persoas usuarias como a colectivos informais e ao propio Concello”. Algunas das posibilidades de xestión xa foron exploradas nas xornadas Hiperespazos que se celebraron o pasado mes de novembro no Centro Ágora.

Na súa primeira xuntanza abordará a presentación da proposta inicial de usos feita polo Concello e o coñecemento dos espazos dispoñibles e a obra prevista tanto nas naves como no exterior. O obxectivo é que, neste encontro, se propoñan os usos principais dos espazos. Nas seguintes reunións abordarase o uso xeral e para cada unha das naves, farase un traballo de análise sobre o modelo de xestión posible e se redactará unha proposta de plan de usos e tamén de xestión para o seu debate e mellora, que deberán quedar consensuadas en decembro. As xuntanzas celebraranse unha vez ao mes -excepto en agosto, que non está previsto un encontro- no centro cívico da Cidade Vella e, preferentemente, en sábado pola mañá para facilitar a asistencia da cidadanía, xa que serán abertas a quen queira acudir.

ENCUESTA SEMANAL

¿Te gusta la nueva web?

Cargando ... Cargando ...