Home » Uncategorised » Recent Articles:

O Concello convoca a primeira xuntanza do Consello Local de Inclusión Social, “un espazo de participación e escoita para traballar en rede coas entidades e recoller as súas experiencias”

mayo 11, 2018 Uncategorised No Comments

A Concellería de Xustiza Social e Coidados celebra o próximo 15 de maio o acto de constitución do Consello Local de Inclusión Social, un órgano de participación para as entidades do sector que terá carácter consultivo. “Trátase dun espazo de participación, de escoita e de traballo en rede que terá unha función de recollida das experiencias das entidades, que aportan o coñecemento dende a proximidade coa realidade social, e tamén de debate e estudo de iniciativas”, explica a edil responsable do departamento, Silvia Cameán. A constitución deste órgano é, sinala, “a culminación de moito tempo de diálogo coas entidades do sector, un proceso no que consideramos fundamental contar coas achegas de quen desenvolve o seu labor no obxectivo da inclusión social e para o que necesitabamos unha canle e un espazo de traballo”.

Este novo órgano de participación, cuxa creación está recollida na ordenanza reguladora da Renda Social Municipal, ten entre as súas capacidades “a de colaborar no deseño das políticas municipais de inclusión, propor iniciativas específicas e crear grupos de traballo sobre diferentes realidades que xeren conclusións que axuden na toma de decisión, así como a achega de propostas para o gasto orzamentario”. Así, a concelleira de Xustiza Social e Coidados indica que “as opinións e propostas do Consello remitiranse aos órganos de Goberno municipal co obxectivo de optimizar os recursos e os programas do Concello en materia social, que aínda que non serán estritamente vinculantes”.

Na primeira reunión do Consello Local de Inclusión Social, que se celebrará no Salón de Sesións do Pazo de María Pita, participarán un total de 25 entidades do sector, sindicatos e grupos con representación na Corporación que ratificaron a súa disposición a formar parte do Consello, un paso preciso tal e como se sinala no regulamento. Porén, a Concellería de Xustiza Social e Coidados dirixiu convites para a súa inclusión neste novo órgano a todas entidades cidadás relacionadas ca inclusión social que figuran inscritas no Rexistro Municipal de Asociacións Coruñesas (REMAC), xa que nel pode participar calquera entidade deste ámbito, sempre que o solicite previamente e cumpran os requisitos establecidos nas bases do Consello. Na primeira reunión que se celebre tras o acto de constitución da próxima semana, o Consello Local de Inclusión Social elixirá os seus órganos de goberno: a vicepresidencia e a súa suplencia e a Comisión Permanente. Tamén se abordará a proposta de novas entidades que poidan formar parte do Consello. A presidencia recae sobre o alcalde, Xulio Ferreiro, que poderá delegar na concelleira de Xustiza Social e Coidados.

2.233 pemes, autónomos e emprendedores da provincia da Coruña optan ás axudas do Plan de Emprego da Deputación da Coruña

mayo 11, 2018 Uncategorised No Comments

Un total de 2.233 pemes, autonómos e emprendedores da provincia da Coruña optan ás liñas de axuda PEL-PEMES e PEL-EMPRENDE, incluídas no Plan de Emprego (PEL) da Deputación da Coruña.

En concreto, 655 empresas da provincia presentáronse á convocatoria do PEL-PEMES, que subvencionará o 75% dos custes salariais das novas contratacións en empresas ubicadas nos concellos coruñeses de menos de 20.000 habitantes, mentres que 1.578 iniciativas empresariais de recente creación dos 93 concellos coruñeses optan ás axudas do PEL-EMPRENDE para actividades e investimentos. … Leer más

O alcalde recorda “a contribución de Alberto Martí á memoria da Coruña e a súa xenerosidade para facer desta unha cidade mellor” na cerimonia do seu nomeamento, a título póstumo, como fillo adoptivo

mayo 10, 2018 Uncategorised No Comments

O alcalde, Xulio Ferreiro, presidiu no Pazo de María Pita a cerimonia de concesión do título de fillo adoptivo a Alberto Martí, unha distinción póstuma que lle foi outorgada por acordo unánime do Pleno da Coruña o pasado mes de xaneiro. No acto, que contou coa participación de membros da corporación municipal e autoridades, o rexedor sinalou que Martí “é parte imborrable da historia e da memoria da cidade”. “Alberto Martí foi home excepcional, cun talento artístico que só se viu superado pola súa xenerosidade e sentido da xustiza social”, salientou Ferreiro, quen lembrou o seu papel como fotoxornalista e o seu traballo como presidente da Cociña Económica.

“Todo en Martí é luminoso, incluso os seus negativos. Retratou a dureza dun pobo que tivo que marchar nun tempo no que non estaba permitido falar de marchas, durante uns anos nos que, a pesar de ser unha realidade, a emigración apenas tiña cabida nuns medios de comunicación controlados pola censura. Martí, memoria desta cidade e da súa xente, plasmou a realidade, pero tamén soubo afrontala. Por iso liderou durante máis dunha década unha entidade tan fundamental na Coruña como a Cociña Económica, dende a que contribuíu a facer desta unha cidade máis xusta e máis igualitaria: unha cidade mellor”, afirmou.

A Rede Cultural da Deputación promove case dous mil espectáculos nos concellos da Coruña

mayo 9, 2018 Uncategorised No Comments

A vicepresidenta e reponsábel da área de Cultura da Deputación da Coruña, Goretti Sanmartín, xunto coas alcaldesas, alcaldes e representantes locais da práctica totalidade dos concellos da provincia, asinaron este martes os convenios da Rede Cultural 2018. En total serán 1.797 actividades cun orzamento de case dous millóns de euros que garantirán “un programa estable e de calidade” en todo o territorio.

A vicepresidenta e responsábel da área de Cultura da Deputación da Coruña, Goretti Sanmartín, destacou durante a súa intervención no acto que se desenvolveu na sede institucional que “a Rede Cultural representa na actualidade unha das ofertas culturais máis importantes da Galiza”, ao tempo que subliñou que este programa “ten un significativo impacto na contribución ao sostemento do talento e a calidade das nosas creadoras e artistas”. … Leer más

A Deputación da Coruña ilumínase de azul para conmemorar o Día de Europa

mayo 8, 2018 Uncategorised No Comments

A sede da Deputación da Coruña iluminarase na noite de hoxe e mañá de cor azul para conmemorar o Día de Europa. Ademais, durante estes días tamén penden da fachada do Teatro Colón dúas grandes bandeirolas coas doce estrelas da bandeira europea.

A Deputación súmase así, a través do seu centro Europe Direct, á iniciativa impulsada pola Comisión Europea para que edificios vinculados ás institucións europeas e monumentos emblemáticos das principais cidades da UE se vistan de azul o 9 de maio, aniversario da histórica “Declaración de Schuman” considerada a semente da Unión. … Leer más

ENCUESTA SEMANAL

¿Te gusta la nueva web?

Cargando ... Cargando ...