Home » Uncategorised » Recent Articles:

A Deputación da Coruña trae ao Teatro Colón o documental “Sitio Distinto”, unha viaxe polas migracións galegas a Euskal Herria

mayo 25, 2018 Uncategorised Comentarios desactivados en A Deputación da Coruña trae ao Teatro Colón o documental “Sitio Distinto”, unha viaxe polas migracións galegas a Euskal Herria

A Área de Cultura da Deputación da Coruña trae á pantalla do Teatro Colón a longametraxe documental “Sitio distinto”, unha viaxe polas diferentes ondas migracionais desde Galiza ata Euskal Herria. A proxección terá lugar este sábado 26 ás 20:00 horas

Dirixida por Davide Cabaleiro e producida por Zirriborro e Pixel Films, “Sitio distinto” é un percorrido desde finais do século XIX ata a actualidade para entender por que a emigración galega chegou a Euskal Herria. E, sobre todo, por que se instalou alí atéos nosos días. O documental explica tamén como esa decisión xerou que ambos os pobos se atopen e creen xuntos a nivel musical, literario, social e cultural. … Leer más

A sala municipal Plataforma14 acollerá a partires do venres 25 a mostra ‘O circo da vida’, do alumnado da EASD Pablo Picasso

mayo 23, 2018 Uncategorised No Comments

​A sala municipal de exposicións Plataforma14, que se atopa no Fórum Metropolitano, acollerá desde o vindeiro venres 25 e até o luns 25 de xuño a exposición ​O circo da vida, unha escolma de traballos realizados polo alumnado das diversas disciplinas da Escola de Arte e Superior de Deseño Pablo Picasso como peche do curso académico do centro. A mostra, que inclúe 60 fotografías, carteis, ilustracións, cut-outs e maquetas de escenografías, busca achegar as e aos visitantes á reflexión sobre distintos aspectos da condición humana.

Tal e como avanzan desde a EASD Pablo Picasso, ao abranguer un tema “tan amplo”, alén dos contidos académicos programados, “púxose en valor ​a autenticidade en todo o que se fixo”. “A meta foi superar ‘o máis difícil aínda’, que serviu para saír das zonas de confort, e ​foron abraiantes os camiños percorridos polos equipos dos módulos das distintas especialidades artísticas”, sinalan desde o centro educativo. ​Tanto o alumnado participante como o seu profesorado asistirán este venres á inauguración da exposición, na que estará presente a concelleira de Participación e Innovación Democrática, Claudia Delso.

A sala Plataforma14, dependente da área que dirixe Delso e coordinada polo Centro Municipal de Información Xuvenil (CMIX), pretende achegar á cidadanía a creación realizada polas e polos artistas emerxentes da Coruña. Toda a información sobre este espazo pódese atopar no seu web,www.coruna.gal/cmix/plataforma14​.

A Deputación da Coruña destina 2,8 millóns de euros para impulsar 500 contratacións nos concellos coruñeses en 2018

mayo 22, 2018 Uncategorised No Comments

A Deputación da Coruña, a través do Plan de Emprego Local (PEL), destina durante 2018 un orzamento 2,8 millóns de euros para apoiar aos concellos coruñeses de menos de 20.000 habitantes na contratación de persoas desempregadas para a prestación de servizos locais básicos.

O organismo provincial publica no Boletín Oficial da Provincia as asignacións económicas que correponden a cada concello, que oscilan entre os 19.000 e os 52.000 euros, en función do número de parados rexistrados en cada municipio. A totalidade dos concellos coruñeses que optaban a estas axudas obtiveron as subvencións, agás Coristanco, por non ter aprobada e presentada ante os órganos de control externo a última conta xeral do municipio. … Leer más

O Plan Único da Deputación da Coruña inviste 67,6 millóns nos concellos coruñeses en 2018

mayo 17, 2018 Uncategorised No Comments

O pleno da Deputación da Coruña aprobou hoxe, por unanimidade de todos os grupos políticos,  os investimentos incluidos no Plan Único (POS+ 2018), que este ano ascenden a 67.666.441, 67 euros.

Coa aprobación das partidas de 2018, o Plan Único suma 166 millóns de euros investidos nos concellos da provincia da Coruña nos dous anos que leva en funcionamento (2017-2018). “Un investimento histórico”, afirmou o presidente da Deputación, Valentín González Formoso, que detallou que se trata do maior plan de cooperación municipal das catro deputacións galegas e un dos máis importantes de España, xa que distribúe entre os 93 municipios coruñeses, baseándose en criterios obxectivos e en só dúas anualidades, unha cantidade equivalente ao presuposto anual da Deputación. … Leer más

O Concello informa a cooperativistas do Ofimático, promotores e Xunta da adxudicación do contrato para redactar o proxecto de urbanización das obras que restan na parte residencial da marxe esquerda de Lavedra

mayo 17, 2018 Uncategorised No Comments

O concelleiro de Rexeneración Urbana e Dereito á Vivenda, Xiao Varela, vén de remitir ao Instituto Galego de Vivenda e Solo (IGVS) da Xunta de Galicia, así como á Asociación de Promotores Parque Ofimático 2010 e ás distintas cooperativas senllas misivas nas que informa da adxudicación do contrato de redacción do proxecto das obras de urbanización que restan por acometer na parte residencial do Ofimático, na marxe esquerda da avenida de Lavedra. Con este significativo avance, o Concello contará cun documento técnico que permitirá licitar as obras de urbanización que restan por acometer. “O remate ao completo das obras do proxecto da separata, que neste momento están case finalizadas –a falta das actuacións que debe acometer Fenosa para poder dotar de subministro eléctrico á veciñanza–, dá a posibilidade de que, se así se solicita, o Concello poida outorgar licenzas de primeira de ocupación. Non obstante, no que se considera a zona residencial do Ofimático na marxe esquerda de Lavedra, restan aínda parcelas que non teñen condición de solar, do mesmo xeito que se teñen que acometer distintas actuacións relacionadas cos servizos neste ámbito, como por exemplo as zonas verdes e mobiliario urbano”, recordou Varela, que xa informou da inminente adxudicación deste contrato a pasada semana na reunión que mantivo coa conselleira de Infraestruturas da Xunta, Ethel Vázquez, así como con outros actores implicados no Ofimático.

“Este proxecto servirá para que todas as parcelas da zona residencial do Ofimático poidan acadar a condición de solar”, comentou Varela, quen incidiu en que “a adxudicación deste contrato, unha semana despois de que anunciásemos a súa inminencia, dá mostra de que o Concello da Coruña actúa sempre coa maior dilixencia posible á hora de buscar unha solución que posibilite que, canto antes, o Ofimático se converta nun barrio máis da cidade”. Tal e como avanzou o titular de Rexeneración Urbana, o prazo previsto para a redacción do proxecto é de tres meses. “Ao final dese prazo, e durante o período de exposición pública, esperamos poder solicitar os informes sectoriais previos á licitación das obras, que se producirán en canto teñamos as autorizacións pertinentes”, indicou.