Home » Uncategorised » Recent Articles:

O Concello promove a celebración dunhas xornadas nas que se abordarán os desafíos do turismo patrimonial desde a perspectiva da sustentabilidade

septiembre 14, 2017 Uncategorised No Comments

O Consorcio de Turismo impulsará este mes de setembro, entre os días 21 e 23, a celebración das xornadas Turismo e patrimonio. O desafío da sustentabilidade, unha proposta dirixida a debater sobre os límites do turismo patrimonial e cultural desde un punto de vista sostible e integrador. A iniciativa, na que tamén colabora a Facultade de Humanidades e Documentación da Universidade da Coruña e a Escola de Turismo, xa ten aberto o prazo de inscrición, que será gratuíta para estudantes da UDC, persoas desempregadasouxubiladas.

O concelleiro de Emprego e Economía Social, Alberto Lema, será o responsable da inauguración das xornadas que abordarán, no seu primeiro día, cuestións como o potencial do litoral galego ou do Camiño de Santiago como recurso turístico. A formación completarase cunha visita teatralizada polo patrimonio xacobeo da cidade, e o traslado das e dos asistentes ao albergue de peregrinos do Hospital de Bruma, punto neurálxico do Camiño Inglés e cruzamento dos dous ramais desde as cidades de orixe, A Coruña e Ferrol. Na segunda xornada estudaranse os casos de recursos patrimoniais como a Torre de Hércules, o Museo Picasso de Barcelona ou a Catedral de Santiago, e contraporase, nunha mesa redonda, o modelo turístico baseado na masificación fronte ao novo sistema baseado nunha visión máis sostible e integradora. Finalmente as xornadas porán sobre a mesa as consecuencias de conflitos bélicos sobre o patrimonio mundial así como a súa visibilidade.

O prazo de inscrición xa está aberto, e pode realizarse até o 19 de setembro na Facultade de Humanidades e Documentación, en Ferrol, ou na sede da Escola de Turismo na Coruña –Avenida da Habana, 6-7–. Para máis información pode visitarse a web h ttp://www.turismocoruna.com .

Este martes 12 de setembro, a Fundación Luis Seoane presentou oficialmente o proxecto Inseparables, unha proposta experimental que conecta a creación contemporánea coa comunidade educativa

septiembre 13, 2017 Uncategorised No Comments

A Fundación Luis Seoane presentou este martes o proxecto Inseparables, coproducido pola Universidade da Coruña e pola propia Fundación, unha proposta que, partindo dunha perspectiva artística e audiovisual, indagará acerca das relacións que establecen os nenos e nenas de entre 3 e 6 anos de idade cos seus obxectos e xoguetes preferidos.

O acto de presentación abriuse coa intervención da directora da Fundación Luis Seoane, Silvia Longueira, quen destacou “a importancia da implicación da comunidade educativa dentro desta iniciativa, que se caracteriza pola súa capacidade para eliminar barreiras entre centros como a Fundación e a sociedade, facendo que o acceso desta última a determinadas manifestacións artísticas sexa máis doado”.

Pola súa parte, o director do proxecto, José María Mesías, tras agradecer á Fundación Luis Seoane e á Concellería de Culturas a súa implicación no proxecto, explicou que o propósito de Inseparables era “o estudo das características estéticas deses obxectos que fan que os nenos prefiran uns fronte a outros, averiguar cales son as propiedades que os fan atractivos para eles, os vínculos que se establecen con eses xoguetes, artefactos, etc.” Para isto, Inseparables contará coa participación dunha serie de artistas, como Belén Montero e Juan Lesta (Esferobite), a arquitecto Tiffany López, a performer Cristina Montero, o dj Jas Processor e o fotógrafo Guillermo Calviño, que traballarán na Fundación a carón de 15 docentes nunha serie de laboratorios artísticos nos que definirán os puntos principais da metodoloxía que posteriormente, ao longo do mes de outubro, trasladarán aos 300 alumnos dos centros escolares implicados na actividade. Según Mesías, “este proceso non está aínda definido, construiráse a través do intercambio, do traballo en común de mestras e artistas na Fundación, que estes últimos desenvolverán posteriormente en formato de residencias durante o mes de outubro nos centros escolares, durante as que elaborarán unha peza audiovisual. Logo, no mes de decembro, de novo na Fundación, rematará o proxecto coa celebración dunha sesión de Live Cinema, que é unha expresión artística contemporánea que mestura performance con proxeccións audiovisuais e música en directo creada específicamente para este evento. ”

O concelleiro de Culturas do Concello da Coruña, José Manuel Sande, pechou o acto destacando “os elementos enriquecedores da proposta, que van alén do recinto da propia Fundación, como a vinculación de arte e pedagoxía, o que fai que se poida establecer un paralelismo coa figura poliédrica de Luis Seoane, un creador que traballaba en moitos campos diferentes, e que permite á Fundación explorar outras vías de estudo, nun proceso de constante expansión”.

A primeira sesión de Inseparables dará comezo este mércores 13 de setembro na Fundación Luis Seoane.

O goberno local iniciará nas próximas semanas unha rolda de contactos con todos os grupos municipais “de cara a que realicen as súas achegas para a elaboración do proxecto de orzamentos municipais para 2018”

septiembre 12, 2017 Uncategorised No Comments

O goberno local, como adiantou o alcalde da Coruña, Xulio Ferreiro, emprendeu xa antes do verán unha serie de contactos “de carácter informal” co grupo municipal socialista de cara á elaboración do proxecto de orzamentos municipais do ano 2018, sendo a intención do executivo municipal que os mesmos estean en vigor a inicio de ano. O grupo de goberno prevé, ao longo deste mes de setembro, seguir profundando neses contactos, “que xa se iniciaron de forma incipiente”, dándolles un carácter formal. Non obstante, a concelleira de Facenda, Eugenia Vieito, adiantou este luns que, “á marxe, o goberno local ten previsto abrir nas próximas semanas unha rolda de contactos con todos os grupos representados na Corporación municipal, de cara a que estes poidan facer as súas achegas e suxerencias de cara á elaboración dascontasmunicipaisparaopróximoexercicio”. … Leer más

O Concello presenta alegacións ao proxecto de Fomento para Alfonso Molina que pretenden “garantir a seguridade e accesibilidade da vía, así como reducir a contaminación acústica e ambiental”

septiembre 7, 2017 Uncategorised No Comments

O Concello da Coruña vén de remitir ao Ministerio de Fomento as súas alegacións sobre o proxecto de reforma de Alfonso Molina que, neste momento, está en período de información pública. O informe realizado polo departamento municipal de Rexeneración Urbana fai notar que o proxecto do goberno central “non contempla algunhas das propostas de mellora” que foron acordadas entre Concello e Ministerio durante o período de negociacións que ambas institucións mantiveron. O concelleiro Xiao Varela salientou que “as alegacións do Concello pretenden mellorar ao máximo o proxecto da Vedra, garantindo as condicións de seguridade, funcionalidade e accesibilidade de todos e todas as usuarias da vía, tanto peóns como ciclistas, condutores e condutoras”. “Ademais, o que pretendemos con este informe é introducir melloras que contribúan a reducir a contaminación acústica e ambiental do entornoinmediatodaAvenida”,explicou.

O informe emitido polo Concello tamén recorda que ao longo das reunións mantidas entre a administración local e a central, o departamento naquel momento dirixido por Ana Pastor asumiu o compromiso de incluír no proxecto de trazado as previsións necesarias para garantir a sostibilidade da actuación. “Non só a económica, senón tamén a social e ambiental, facéndose cargo o ministerio dos costes correspondentes”, apunta Varela, indicando que o citado compromiso debe ser plasmado tamén no proxecto definitivo.

Por outro lado, o informe remitido ao Ministerio de Fomento tamén destaca a necesidade de acadar “un deseño que resulte máis respectuoso cos elementos patrimoniais incluídos no entorno das actuacións”. Se ben o proxecto indica que non afecta a elementos protexidos como a igrexa de San Vicente de Elviña, o edificio da SEAT, a fábrica de Coca-Cola e o hórreo de Carrefour, o Concello alega que “se omite a existencia doutros bens suxeitos tamén a protección, como é o caso o caso dos hórreos e o cruceiro de San Vicente de Elviña e o territorio histórico do Camiño Inglés”. … Leer más

A Concellería de Rexeneración Urbana tramitou 80 expedientes de obras e 44 de inicio de actividade entre os días 9 e 22 deste mes

agosto 27, 2017 Uncategorised No Comments

O concelleiro de Rexeneración Urbana e Dereito á Vivenda, Xiao Varela, deu traslado este venres á Xunta de Goberno local ordinaria do informe relativo ás licenzas e demais títulos habilitantes tramitados desde a súa área entre os días 9 e 22 de agosto, un período no que este departamento resolveu un total de 124 expedientes. Deles, 16 corresponden a licenzas urbanísticas e outros 64, a comunicacións previas ao inicio de obras tramitadas. Os expedientes restantes, 44, son comunicacións previas ao inicio de actividade ou apertura de establecementos, tal e como consta na información trasladada á Xunta de Goberno, un trámite que se realiza de forma periódica atendendo ao compromiso adquirido polo equipo de goberno tras a entrada en vigor, o pasado mes de abril, da delegación no titular de Rexeneración Urbana da resolución das solicitudes de licenza cuxo orzamento de execución material sexa inferior a 1,2 millóns de euros, “e dentro da aposta e da liña da transparencia na xestión na que traballaestegobernomunicipal”.

Neste sentido, Varela recorda que todos os grupos municipais teñen xa acceso ao informe dos títulos habilitantes tramitados neste período de tempo, así como a información detallada da resolución de cada un dos expedientes.

ENCUESTA SEMANAL

¿Te gusta la nueva web?

Cargando ... Cargando ...