Home » Uncategorised » Recent Articles:

REPSOL PATROCINA A XXI CARREIRA POPULAR DE ARTEIXO

abril 26, 2018 Uncategorised No Comments

A Refinería de Repsol na Coruña patrocina por sétimo ano consecutivo a Carreira Popular de Arteixo, dentro do compromiso que mantén coa súa contorna veciñal e o deporte.

O alcalde de Arteixo, Carlos Calvelo, presentou no Palacio dos Deportes a XXI edición desta carreira, acompañado pola concelleira de Deportes, Purificación Zas; Javier Sancho, director da Refinería Repsol da Coruña e o presidente do Club de Atletismo de Arteixo, José Carlos Tuñas. Esta noite termina o prazo de inscrición na carreira con máis de 1.600 inscricións ata o momento.

Javier Sancho, director do Complexo Industrial, destacou na súa intervención a importancia que esta iniciativa ten para a compañía, “porque responde claramente aos nosos principios de inclusión e de fomento do deporte, unha iniciativa popular que permite a todos os veciños de Arteixo –e a todos aqueles que se achegan desde outros municipios- gozar dunha xornada de deporte ao aire libre, e enriquece a contorna”. … Leer más

A Deputación e a Universidade Menéndez Pelayo colaboran na programación de cursos para o 2018

abril 25, 2018 Uncategorised No Comments

A vicepresidenta da Deputación da Coruña, Goretti Sanmartín, o reitor da Universidade Internacional Menéndez Pelayo, Emilio Lora-Tamayo, e o director da sede en Galicia da UIMP, Jaime Rodríguez-Arana, presentaron o programa de actividades formativas do curso 2018, que se desenvolverá durante os vindeiros meses nas localidades de A Coruña, Santiago de Compostela, Ferrol, Ribeira e As Pontes.

Durante a súa intervención, Goretti Sanmartín, destacou o labor que desenvolve por todo o territorio a Universidade Menéndez Pelayo incidindo na “calidade, o rigor e a solidez científica” dos seus traballos. Así, subliñou “o carácter descentralizado” que terán os novos cursos da programados para o 2018, xa que, ademais de impartírense nas sedes que posúe a UIMP nas tres cidades da provincia, As pontes e Ribeira, tamén emprazarán algúns dos cursos desta universidade. … Leer más

A Deputación destina 1,7 millóns de euros ás asociacións agrarias, confrarías de pescadores e entidades de promoción económica da provincia

abril 24, 2018 Uncategorised No Comments

A Deputación da Coruña publica hoxe no BOP  e na Base Nacional de Subvencións a convocatoria de varias liñas de subvencións, destinadas a apoiar ás asociacións agrarias e labregas e ás entidades sen ánimo de lucro da provincia que desenvolvan accións de promoción económica.

O prazo para solicitar estas subvencións comeza mañá martes e remata o vindeiro 21 de maio ás 14.00 horas. As solicitudes realizaranse de forma telémática a través da plataforma Subtel.

As liñas abertas hoxe suman un orzamento de 1.250.000 euros, aos que hai que sumar outros 482.000 € que a Deputación destina en 2018 para apoiar ás confrarías de pescadores e cuxas bases veñen de ser publicadas a principios deste mes de abril. … Leer más

Trinta concellos soltarán libros en actos simultáneos no programa “Libros para semos libres” da Deputación da Coruña

abril 20, 2018 Uncategorised No Comments

A Deputación da Coruña xunto cos trinta concellos seleccionados para participar na segunda edición do programa “Libros para sermos libres”, que promove desde a área de Cultura, xa teñen todo preparado para realizar unha solta de libros simultánea arredor do Día Internacional do Libro o vindeiro 23 de abril. Os libros agasallaranse en actos públicos dentro do programa do Día Internacional do Libro.

Os concellos de A Capela, A Laracha, Abegondo, As Pontes, Boimorto, Boiro, Brión, Cabana de Bergantiños, Carnota, Cee, Cerdido, Irixoa, Lousame, Miño, Moeche, Muxía, Narón, Neda, Oleiros, Oroso, Ortigueira, Rianxo, Rois, Teo, Toques, Touro, Trazo, Val do Dubra, Valdoviño e Zas, distribuirán entre os días 21 e 26 de abril, 6000 libros entre as persoas que se acheguen aos emprazamentos definidos por cadanseu municipio.

Cunha cifra asignada de 200 exemplares por Concello, as prazas, os centros socioculturais, as casas da Cultura e as Bibliotecas Municipais converteranse en puntos de distribución de Cultura, desta volta de balde, co ánimo de festexar o Día Internacional do Libro. … Leer más

A Deputación promociona o turismo industrial da Coruña na Feira B-Industrial

abril 19, 2018 Uncategorised No Comments

Oficios como o de redeiras, olaría ou conserveiras, elaboración de produtos, rutas por pequenas e medianas empresas, arqueoloxía industrial… son algúns dos elementos que integran a oferta que a área de Turismo da Deputación da Coruña leva á Feira de Turismo B-Industrial que se desenvolve os días 20,21 e 22 en Barcelona.

Por segundo ano consecutivo, a Deputación da Coruña promocionará os proxectos e produtos industriais que posúe a provincia na Feira de Turismo B-Industrial, que durante os días 20, 21 e 22 de abril se levará a cabo no Recinto Feiral de Barcelona.

O deputado de Turismo, Xosé Regueira, xunto con persoal técnico da área acude a esta cita, inserida dentro do Salón Internacional de Turismo B-Travel, co ánimo de presentar a súa nova proposta de Turismo Industrial, un proxecto en que os elementos do pasado e máis os do presente se mesturan para dar lugar a unha experiencia única. … Leer más

ENCUESTA SEMANAL

¿Te gusta la nueva web?

Cargando ... Cargando ...