Home » Uncategorised » Recent Articles:

O Premio Luísa Villalta da Deputación da Coruña impulsa o I Festival Metropolitano “Elas son Artistas”

abril 11, 2018 Uncategorised No Comments

As áreas de Cultura e Igualdade da Deputación da Coruña presentaron está mañá, na compaña das persoas organizadoras e representantes municipais de sete concellos da área metropolitana da Coruña, o I Festival Metropolitano pola igualdade “Elas son Artistas”, un dos dez proxectos premiados na primeira edición do Concurso de Ideas pola Igualdade Luísa Villalta, que promove a institución provincial.

Concertos de música, teatro, poesía, danza, pintura e xornadas de debate son algúns dos eventos programados para o I Festival Metropolitano pola Igualdade “Elas son Artistas”, que entre os días 31 de maio e 6 xuño, se desenvolverá nos concellos de A Coruña, Betanzos, Cambre, Culleredo, Oleiros, Sada e Arteixo. … Leer más

O Consorcio Provincial Contra Incendios da Coruña avanza nos trámites para a xestión directa dos parques comarcais de bombeiros

abril 10, 2018 Uncategorised No Comments

A sede da Deputación da Coruña acolleu unha sesión ordinaria do pleno do Consorcio Provincial Contra Incendios e Salvamento da Coruña no que se acordou a constitución dunha comisión de estudo, constuída por representantes políticos da institución provincial e a Xunta de Galicia e persoal técnico, que se encargará de elaborar a memoria relativa aos aspectos sociais, xurídicos, técnicos e financieiros da aplicación dun modelo de xestión directa para os parques comarcais de bombeiros da provincia.

 O presidente da Deputación da Coruña, Valentín González Formoso, sinalou que se trata “dun avance importante na vontade, xa expresada polo Goberno provincial dende 2016, de recuperar para o público o servizo de bombeiros, suprimindo a xestión por parte de empresas privadas dun ámbito como o das emerxencias, que entendemos que debe un servizo público”:

“Queremos que o cambio no modelo de xestión se leve a cabo con todas as garantías”, afirmou o presidente provincial, que lembrou que as conclusións da comisión constituída hoxe serán posteriormente elevadas ao Ministerio de Facenda e Administracións Públicas, que será que autorice ou non o cambio de modelo de xestión dos parques de bombeiros coruñeses. … Leer más

A Concellería de Emprego oferta talleres gratuítos de manexo de redes sociais destinados a persoas emprendedoras

abril 9, 2018 Uncategorised No Comments

​A Concellería de Emprego, dirixida por Alberto Lema, ten en marcha distintos talleres formativos destinados á promoción de persoas emprendedoras, empresas e todos aqueles veciños e veciñas interesadas na materia. Entre elas, destacan, con inicio este mes de abril, as clases para dominio de redes sociais, actividades que terán lugar no centro municipal de emprego de Os Rosais e que teñen por obxectivo que os e as usuarias “aprendan a manexar e dominar os principais recursos en liña para potenciar a súa visibilidade comercial, en aras de mellorar os seus resultados”. Estes talleres tamén pretenden achegar coñecementos sobre como crear presenza web e como controlar as ferramentas axeitada para o traballo habitual en liña.

Con carácter gratuíto, é necesario inscribirse con antelación para a realización dos citado talleres, ou ben na web do Concello ​https://www.coruna.gal/papagaio/es/formacion o chamando ao teléfono 981184399.

O taller de redes sociais de carácter avanzado celebrarase entre os días 9 e 12 de abril en horario de mañá no centro municipal de emprego do Rosais, mentres que o básico se desenvolverá entre os días 16 e 20 no mesmo espazo e tamén en horario de mañá.

O Concello acorda con Unión Fenosa Distribución a entrega das infraestruturas eléctricas executadas no Ofimático que permitirán dar subministración ao barrio

abril 8, 2018 Uncategorised No Comments

​A Concellería de Rexeneración Urbana e Dereito á Vivenda trasladará o vindeiro luns a unha Xunta de Goberno Local extraordinaria dous convenios entre o Concello e Unión Fenosa Distribución relativos ao soterramento das liñas aéreas de media e baixa tensión existentes no Parque Ofimático. Os documentos rexen a entrega, por parte do Concello, das infraestruturas realizadas dentro das obras de urbanización do Ofimático á distribuidora eléctrica e a cesión do uso do dominio público polo que discorren as instalacións eléctricas, un trámite necesario para dar subministración ao barrio. “É un paso importante, porque supón o paso previo para que Fenosa poida solicitar á Consellería de Industria a alta na subministración”, salienta o concelleiro de Rexeneración Urbana e Dereito á Vivenda, Xiao Varela, quen indica que as negociacións coa compañía prolongáronse durante as últimas semanas e lograron pecharse nos últimos días. Tal e como expón o responsable municipal, a próxima sinatura dos convenios, é “unha boa noticia e un paso máis” para que as vivendas xa executadas no Ofimático poidan ter electricidade, unha condición indispensable para a concesión das licenzas de primeira ocupación que permitirán aos veciños e veciñas entrar a vivir nas súas casas. Neste sentido, Varela sinala que a próxima sinatura xa lles foi comunicada aos e ás representantes dos e das cooperativistas nas últimas horas.

Segundo se establece no texto dos acordos, Fenosa será a encargada da conservación, mantemento, reparación e mellora e da explotación das instalacións que fosen precisas “para o correcto subministro de enerxía eléctrica”, toda vez que o Concello xa executou as infraestruturas necesarias, “as cales cumpren as condicións para o seu correcto funcionamento”. As obras de soterramento, segundo fai notar o responsable municipal, xa están executadas, de xeito que o que resta agora é retirar as torretas que sostiñan o tendido aéreo. En canto ás obras de urbanización que realiza o Concello neste sector, o edil de Rexeneración Urbana salienta que xa se atopan moi avanzadas, a falta da retirada das tres estruturas eléctricas –unha actuación que corresponde a Fenosa– e do pintado da sinalización horizontal, uns traballos que o Concello realizará en canto as condicións climatolóxicas o permitan. Posteriormente, os servizos municipais poderán urbanizar as zonas onde hoxe se asentan as torretas.

… Leer más

A Concellería de Xustiza Social organiza 40 talleres de prevención das adiccións dixitais para “informar adecuadamente dos riscos” a menores e as súas familias

abril 5, 2018 Uncategorised No Comments

​Entre o 15 de abril e o 15 de xuño deste ano nove centros cívicos da cidade acollerán os talleres de prevención de adiccións a TIC e redes sociais, actividades que terán a súa continuidade, pasado o verán, entre o 1 de outubro e o 10 de decembro, segundo avanzou este mércores a concelleira de Xustiza Social e Coidados, Silvia Cameán. “Os medios de comunicación electrónica son utilizados con frecuencia polos menores de maneira indebida, o que pode acabar provocando adicións ou, no peor dos casos, converténdoos en vítimas de, por exemplo, sexting ou outras situacións que poden acabar en delito”, explicou. A edil indicou que esta realidade “fai imprescindible informar adecuadamente tanto os e ás menores como os seus pais e nais dos posibles riscos e usos problemáticos das TIC”.

A Concellería de Xustiza Social e Coidados pon en marcha esta acción dentro do Programa de Prevención de Drogodependencias “que ten como obxectivo realizar accións que promovan a adopción de estilos de vida saudables e que eviten o inicio de consumo de substancias adictivas, así como as consecuencias de condutas de risco relacionadas con outras adiccións como as derivadas dun uso excesivo das tecnoloxías dixitais”. Cameán explicou que estes obradoiros de prevención están destinados fundamentalmente a nenos e nenas a partir de 11 anos e ata a súa maioría de idade, así como para as súas familias. Estarán impartidos por unha das entidades “de refencia na cidade” no ámbito das adiccións, como é a Asociación de Loita contra a Droga (Aclad), que recibe un financiamento municipal de 260.000 euros para diversas actuacións -entre as que se inclúe a de prevención no eido das TIC- o que supón un aumento do 250% dende 2015 . Pola súa banda, o director de Aclad, Miguel Plaza, agradeceu o apoio do Concello para “todo tipo de iniciativas socias que se están a levar a cabo na cidade” e pediu difusión para que os talleres cheguen “a toda a xente que poida manifestar interés ou necesidade” deles. “Atopamos un acougo á hora de poder efecturas novas intervencións que na actualidad, na sociedade, se están demandando”, apuntou.

… Leer más

ENCUESTA SEMANAL

¿Te gusta la nueva web?

Cargando ... Cargando ...