Home » Uncategorised » Recent Articles:

O concelleiro de Culturas presenta a XX edición de Viñetas desde o Atlántico, que reunirá a obra dos Premios Nacionais de Cómic e rende homenaxe ás figuras galegas da banda deseñada

julio 9, 2017 Uncategorised No Comments

O concelleiro de Culturas, Deporte e Coñecemento, José Manuel Sande, presentou o XX Salón Internacional do Cómic Viñetas desde o Atlántico, que se celebrará entre os días 7 e 13 de agosto en distintos espazos da cidade e que este ano amplía a súa actividade. “Estamos a falar de dúas décadas de promoción pública, nas que este Concello converteu, a través da divulgación, a cidade da Coruña nun referente mundial do cómic”, sinalou o edil. “Sempre falamos da idea da Coruña Gráfica, dunha cidade ilustrada na que a novena arte é un sector consolidado. O labor pedagóxico e divulgativo de Viñetas resultou fundamental para dar pé á efervescencia creativa que estamos a vivir, porque esta procede, en parte, do coñecemento de primeira man das grandes figuras do cómic mundial a través do Salón”, afirmou Sande.

“Viñetas medrou ao ritmo do paso de creadoras e creadores internacionais, pero tamén o fixo á vez que as autoras e autores galegos, e mesmo ao ritmo do interese que esperta a banda deseñada entre a cidadanía e todas as persoas que nos visitan”, sinalou o edil. Así, este ano, o Salón do Cómic renderá homenaxe ás e aos máis recoñecidos debuxantes de Galicia, a través da primeira mostra retrospectiva “da obra de quen hoxe consideramos imprescindible na banda deseñada galega”, sentenciou o responsable municipal, que citou entre outras as figuras de Davíd Rubín, Emma Ríos, José Domingo, Xaquín Marín ou Jano. “Hai unhas semanas inaugurábamos na Sala de Exposicións de Salvador de Madariaga Panorama da BD Galega 2016, unha mostra que sempre foi asociada a este Salón. Fixémolo porque entendiamos que era necesario darlle outra entidade, alén de Viñetas, e visibilizar a súa obra tamén coa edición dun catálogo. Precisamente algunhas desas sinaturas tamén estarán este ano no Salón a través desta exposición retrospectiva, que recolle a traxectoria das creadoras e creadores do país que gozan, tamén, de recoñecemento estatal e internacional”, dixo Sande, quen expuxo que tamén un autor galego é o responsable do cartaz deste ano, Xulio Martínez Pérez, Das Pastoras, “quen posúe unha particular liña de traballo”. O autor xa asinara o cartel do Salón do ano 2002 como convidado, pero con motivo desta XX edición, a coordinación do festival invitouno a realizar de novo o cartel. … Leer más

Comprobación da Accesibilidade en Olmos e Estrella

julio 8, 2017 Uncategorised No Comments

A concelleira de Igualdade e Diversidade, Rocío Fraga, que ten as competencias en materia de seguridade cidadá, e o concelleiro de Mobilidade Sostible, Daniel Díaz Grandío, participaron xunto cos servizos municipais de seguridade, nunha nova comprobación da delimitación das terrazas nas vías de maior ocupación hostaleira da zona centro, neste caso na rúa Olmos e na Estrella. A actuación, na que tomaron parte dous camións de intervención dos bombeiros, vincúlanse á posta en marcha da nova ordenación singular que impulsa o Goberno local para garantir o dereito da veciñanza á asistencia de emerxencia.

A este respecto, a responsable de Igualdade e Diversidade, salientou a súa satisfacción pola colaboración que están a atopar os servizos municipais por parte do sector hostaleiro e o bo grao de cumprimento da nova normativa. Pola súa banda, o concelleiro de Mobilidade Sostible, indicou que dos 130 locais con terraza afectados pola delimitación das terrazas, 29 recibiron xa o informe positivo do Concello, previo á concesión de licenza, e 98 máis veñen de entregar a documentación complementaria requirida no proceso de regularización, que aínda non pechou o prazo de admisión desta documentación.

Os traballos de comprobación da accesibilidade dos servizos de emerxencias concluirán a semana vindeira na rúa Barrera.

O Monte de San Pedro acolle este domingo ‘A Romaría’, un proxecto aberto a todos os públicos e que ten como finalidade recuperar a cultura destes encontros tradicionais na cidade

julio 7, 2017 Uncategorised No Comments

O Monte de San Pedro acollerá este domingo, 9 de xullo, a Romaría, unha iniciativa da Asociación Cultural Vibra que forma parte do plan municipal de apoio a asociacións e entidades culturais da cidade Cultura de barrio, promovido neste 2017 pola Concellería de Culturas, Deporte e Coñecemento para apoiar proxectos socioculturais de asociacións e colectivos da cidade e contribuír a deseñar a programación cultural nos distintos barrios e espazos da cidade. A Romaría ten como obxectivo recuperar a cultura das romarías tradicionais, e mesturar a gastronomía de produtos de proximidade coa historia e a música da xente do lugar. Así, durante toda a xornada, realizaranse numerosas actividades gratuítas e dirixidas a públicos de todas as idades, que inclúen xantar popular, charlas, historia, xogos infantís, foliada e concertos.

O evento comezará ás 14.00 horas cun xantar popular e gratuíto, consistente en dúas paellas feitas con produtos de proximidade –da Cooperativa Millo e Landras da Coruña–. Ás 17.00 haberá unha sobremesa sobre a historia dos barrios da Coruña coa veciñanza. A continuación, ás 18.30horas, terá lugar unha palestra co historiador Eliseo Fernández, que falará da Fuxida do Portiño –feito histórico ocorrido nesta zona durante a Guerra Civil–, á vez que se desenvolverán unha serie de xogos educativos e monicreques do colectivo Katiuskas. Contra ás 19.30 horas, haberá unha intervención teatral e performance a cargo de Lia Pichel e a xornada rematará cunha foliada popular coa Asociación Cultural Son d’aquí, a partir das 20.00 horas, e os concertos de Aida Saada Tribal, Ponxa Intenso e Chotokoeu, que comezarán desde as 21.00 horas.

A concellería de Rexeneración Urbana resolveu entre o 13 e o 26 de xuño 127 expedientes de obras e 53 de inicio de actividade

julio 1, 2017 Uncategorised No Comments

O concelleiro de Rexeneración Urbana e Dereito á Vivenda, Xiao Varela, trasladou á Xunta de Goberno local celebrada no Pazo de María Pita o informe relativo ás licenzas e demais títulos habilitantes tramitados desde a súa área entre os días 13 e 26 do presente mes de xuño, en cumprimento co compromiso adquirido polo equipo de Goberno tras a entrada en vigor da delegación no titular desta área da resolución das solicitudes de licenza cuxo orzamento de execución material sexa inferior a 1,2 millóns de euros. Segundo se recolle no documento trasladado á Xunta de Goberno local, a concellería resolveu nese período un total de 180 expedientes, dos cales 22 correspóndense con licenzas urbanísticas e 105 máis, con comunicacións previas ao inicio de obras, ás que se engaden as comunicacións previas tramitadas en relación ao inicio de actividades ou apertura de establecemento, un total de 53. Tal e como sinala o concelleiro, “dentro do compromiso desta área e do Goberno local para afondar na transparencia da xestión”, os grupos da oposición, xa contan con este informe, no que se especifica, con detalle, a información das licenzas de obra xestionadas neste período e, igualmente, a resolución do expediente.

Ademais destes títulos habilitantes, a Xunta de Goberno local deu luz verde á rehabilitación do edificio número 29 da Avenida Pedro Barrié de la Maza (Hotel Riazor), así como á construción dun edificio destinado a 14 vivendas na rúa José Cornide.

LAS FUNDACIONES MARÍA JOSÉ JOVE Y PROFESOR NOVOA SANTOS FIRMAN UN ACUERDO PARA CREAR UN PROGRAMA DE FORMACIÓN DE CUIDADOS PALIATIVOS PEDIÁTRICOS EN EL ÁREA SANITARIA DE A CORUÑA

junio 21, 2017 Uncategorised No Comments

Felipa Jove Santos, presidenta de la Fundación María José Jove, y Luis Verde, gerente del Área de Xestión Integrada de A Coruña y presidente de la Fundación Profesor Novoa Santos, han firmado un acuerdo de colaboración para un Programa de Intensificación y Desarrollo del Plan de Formación Integral en Cuidados Paliativos en la Atención Pediátrica del área sanitaria de A Coruña. Esta alianza permitirá poner en marcha un programa multidisciplinar de cuidados paliativos pediátricos en el Área Sanitaria.

Acompañados de Jerónimo Pardo, jefe de Pediatría del CHUAC, Felipa Jove y Luis Verde han explicado la importancia de este acuerdo que nace de la realidad de que, en los últimos años, los avances médicos han conseguido disminuir la tasa de mortalidad en los pacientes de edad pediátrica y aumentar la supervivencia de niños con patologías graves y/o discapacidades con múltiples necesidades clínicas y psicosociales. Actualmente, solo comunidades como Madrid, Cataluña, Valencia, Aragón o Murcia cuentan con programas especializados en la materia.

El proyecto nace con el objetivo de buscar las mejores opciones para el cuidado y tratamiento de estos niños. Se busca mejorar la calidad de vida de los pacientes y de sus familias, mediante la prevención y el alivio del sufrimiento con la identificación, la evaluación y el tratamiento precoz del dolor y de otros problemas físicos y psicosociales. … Leer más

ENCUESTA SEMANAL

¿Te gusta la nueva web?

Cargando ... Cargando ...