Home » Deportes » Currently Reading:

O Concello mantén aberto até o domingo 8 o prazo extraordinario de inscrición de Coruña42 e a proba popular 10K

abril 6, 2018 Deportes No Comments

​A Concellería de Culturas, Deporte e Coñecemento avanza na preparación da nova edición do Maratón Atlántica Coruña42, que se celebrará o vindeiro 15 de abril. A área que dirixe José Manuel Sande vén de dar a coñecer o nome das e dos atletas máis recoñecidos que participarán na proba, e que inclúe, entre outros, ao corredor santiagués Pedro Nimo ou ao olímpico Luis Feiteira. Tamén contarán con dorsal Mónica Granero, gañadora o pasado ano da carreira, ou María Rosario Figueroa, a primeira muller en cruzar a liña de meta no maratón do ano 2016. Deste xeito, a cita co circuíto coruñés reunirá a grandes nomes da distancia, aos que se sumarán os deportistas ecuatorianos Manuel Gustavo Cañar Sandoval, Ángel Gerardo Chasi Toalombo e Marco Antonio Erazo Montero, todos eles con marcas por debaixo das 2.21.03 horas. A proba, como vén sendo habitual, coincidirá coa celebración do Campionato de Galicia Absoluto de Veteranos e Clubs, que conta con 200 persoas inscritas, das que 178 son homes e 22 son mulleres.

O prazo de inscrición para participar na VII edición de Coruña42 aínda está aberto até o vindeiro 8 de abril a través da web da Federación Galega de Atletismo ​www.carreirasgalegas.com​, nun período extraordinario no que a cota final é de 40 euros no caso do Maratón Atlántica. Neste segundo treito de inscricións, tamén é posible formalizar a participación na proba popular 10K, un percorrido destinado a un perfil máis amador que o da maratón e no que xa hai inscritas, con datos de onte, máis de 1.315 persoas. Para a carreira de 10 quilómetros a contía que se deberá aboar será, finalmente, de 15 euros.

Outras actividades

Entre as novidades avanzadas esta mañá pola Concellería de Deportes está a da inclusión de lebres no Maratón Atlántica, unha proposta demandada polas e polos participantes, que contarán con axuda de expertos atletas para acadar as marcas que precisan. Así, Alejandro Fernández Ramos marcará o ritmo das 3 horas 15 minutos, mentres que Xabi Rodríguez será o responsable de entrar na liña de meta ás 3 horas e 30 minutos. Un cuarto de hora despois, cun ritmo de 3,45, entrará o grupo liderado por Francisco Javier Nigorra Caro, mentres que José Ramón Fernández López marcará un tempo de catro horas.

Ademais, o Concello está a preparar unha programación especial de cara a fin de semana da celebración do Maratón, no que se entregarán os dorsais e outros elementos ás e os participantes de Coruña42. O atleta internacional Pedro Nimo participará o sábado 14 nun coloquio aberto á cidadanía no que se abordará a preparación necesaria para unha carreira destas características.

Para máis información sobre as actividades e servizos, pódese consultar a páxina web municipalwww.coruna.gal/carreiraspopulares​, así como os perfís sociais do Maratón Atlántica en Facebook (​www.facebook.com/carreirascoruna​), Twitter (​www.twitter.com/coruna42​) e Instagram (​www.instagram.com/carreirascoruna​).

Comment on this Article:







*

ENCUESTA SEMANAL

¿Te gusta la nueva web?

Cargando ... Cargando ...