Home » Espectaculos » Recent Articles:

Os máis novos protagonizan a semana de Nadal no Teatro Colón

diciembre 25, 2016 Espectaculos Comentarios desactivados en Os máis novos protagonizan a semana de Nadal no Teatro Colón

O Nadal é unha época especialmente fermosa e emocionante para os máis novos da casa, e por iso o Teatro Colón ten plantexada unha programación especial para a vindeira semana, coa que os máis cativos poderán desfrutar da maxia do teatro á súa medida.

O luns 26 de decembro, ás18:00 horas, un dos contos de fadas máis fermosos de todos os tempos toma as táboas con “La Bella y La Bestia, un conto musical”. Esta versión de ‘A bela e a besta’ fálanos da bondade e do amor. De Bela que, por salvar ao seu pai, accede a compartir os días dun ser deforme. O seu temor vaise convertendo en cariño e admiración ante as moitas calidades que agacha esa imaxe monstruosa que aterroriza a todos. A dramaturxia no esencial mantense fiel ao texto de Giovanni Straparola, está concibido como un musical que realza este clásico da literatura, que emociona a nenos e adultos.

Apáganse as luces … ábrese o pano … escoitas música … todo un mundo máxico ante os teus ollos, o que ocorre no escenario é único e irrepetible. (Entradas dende 10€).

O martes 27 de decembro, ás 18:00 horas, os soños fanse realidade con “Dreams, el musical”. Despois de vivir un pesadelo, Sara esperta crendo que xa é hora de deixar de crer nos soños. Esa mesma noite sentirá o poder dos desexos tras comprobar que o príncipe William chegou dende o Reino Máxico para que os soños se fagan realidade. Dende aquel intre, acompañada en todo momento polo príncipe William, intentará conseguir o seu desexo de ser a princesa do reino. Pero terá que ter coidado porque Leopold, o irmán malvado do Príncipe Wiliam, fará todo o posible para que non poida conseguilo. Acompáñanos nesta trepidante viaxe polos grandes clásicos das túas películas favoritas: Frozen, O Rei León, Aladdín, A bela e a besta, La Sirenita e moitos máis. (Entradas dende 15€).

E xa o mércores 28, ás 18:00 horas, a protagonista será unha das figuras máis emblemáticas do universo animado infantil. “La Abeja Maya”, de Ferroteatro, é un espectáculo pedagóxico de teatro musical infantil sobre a sostenibilidade e o medio ambiente para nenos e nenas de ata 8 anos.

Lucia é unha alegre nena dun pobo cercano ao bosque onde habita a Abella Maya e o seu amigo Willy. Ela é a axudante do profesor Gambinni, aloucado investigador, amante da natureza e sobre todo, das plantas, por iso, se propuxo a valerosa misión de salvar da desaparición total á flor máis bela de toda a comarca, a Florae Bellisimus.

 

Maya e Willy axudaranos a levar a cabo os seus plans, descubrindo, xunto aos nenos do público, as claves do misterio que evitará a desaparición da famosa flor: ‘O enigma das flores’.

 

Mediante este novo espectáculo en vivo da serie televisiva ‘La Abeja Maya’, os nenos e nenas aprenderán a valorar a importancia de respectar o medio ambiente, interactuando mediante cancións, bailes e actividades coas que pasaremos un día inesquecible. (Entradas dende 8€).

Coruñes de nacimiento, y amante de esta gran ciudad, trabajador en la industria del metal y fan de las nuevas tecnologías, gestiono webs y redes a nivel local, y pronto espero tirarme a proyectos a nivel internacional.

Puedes seguirme en las redes

 

A praza de María Pita acollerá desde hoxe unha vintena de actuacións, dentro das actividades de Nadal

diciembre 16, 2016 Espectaculos Comentarios desactivados en A praza de María Pita acollerá desde hoxe unha vintena de actuacións, dentro das actividades de Nadal

A praza de María Pita acollerá desde hoxe venres e ata o día 30 deste mes unha vintena de actuacións, programadas polo Concello dentro das actividades de Nadal, e que terán lugar entre as cinco e as sete da tarde, dependendo do día. As propostas, dirixidas a un público infantil, inclúen teatro, títeres e outros espectáculos. Ademais, ata o día 24, os e as pequenas poderán visitar a Papá Noel, que ten na praza a súa propia caseta, en horario de tarde, entre as 17.00 e as 21.00 horas ( a excepción do propio día 24, que será de 17.00 a 19.00 horas) e, os días 17, 18, 22, 23 e 24, tamén de mañá, entre as 12.00 e as 14.00 horas.

Estas accións súmanse ás propostas que enchen estes días a praza, que tamén acolle atraccións, un mercadiño con tres postos de venda ambulante –garrapiñada, algodón de azucre e mazás caramelizadas, e un terceiro de flocos de millo– e a caseta solidari a A Casa dos Xoguetes, que impulsa a Oficina de Información ás persoas Consumidoras, OMIC. Nela, ata o próximo 3 de xaneiro, todas as persoas que se acheguen poderán levar os xoguetes que máis lles gusten, cun sorriso como moeda de cambio. O horario desta caseta será, de luns a venres, de 17.00 a 20.00 horas, os sábados e domingos, de 12.00 a 14.00 e de 17.00 a 20.00 horas, agás nas fins de semana de Nadal e Aninovo –o día 24, será de 12.00 a 14.00 horas e de 17.00 a 19.00 horas, ao igual que do día 31 de decembro, mentres que os días 25 e o 1 de xanerio será de 17.00 a 20.00 horas–. Ademais, na Casa de Papá Noel, organizaranse talleres para nenas e nenos desde o día 26 ata o 31 de decembro, con tres sesións diarias –unha pola mañá, entre as 12.30 e as 14.00 horas, e dúas pola tarde, entre as 17.00 e as 20.00 horas–.

Coruñes de nacimiento, y amante de esta gran ciudad, trabajador en la industria del metal y fan de las nuevas tecnologías, gestiono webs y redes a nivel local, y pronto espero tirarme a proyectos a nivel internacional.

Puedes seguirme en las redes

 

As escolas infantís municipais manteñen até o día 9 de decembro os espectáculos musicais e de teatro relacionados cos seus proxectos educativos

diciembre 6, 2016 Espectaculos Comentarios desactivados en As escolas infantís municipais manteñen até o día 9 de decembro os espectáculos musicais e de teatro relacionados cos seus proxectos educativos

A Concellería de Xustiza Social, a través do servizo de educación, ten en marcha dende o pasado día 24 de novembro unha serie de espectáculos musicais e teatrais na rede de escolas infantís municipais, que se manterán até o vindeiro 9 de decembro. En horario de mañá, os centros públicos da Escola Infantil Municipal A Caracola, Agra do Orzán, Carricanta,Os Rosales, Luis Seoane, Monte Alto, Os Cativos e Carmen Cervigón, acollen dúas obras, interpretadas por compañías coruñesas como Caramuxo Teatro, Katarsis, Teatro da Semente, Títeres Trompicallo, Felix Arias, Gloria Mosquera e Magín Blanco e Pablo Díaz.

unnamed

A titular de Xustiza Social e Coidados, Silvia Cameán, destacou que “a elección de obras está relacionada co proxecto educativo que está a desenvolver cada escola”. “Apostamos por unha educación pública de calidade, cunha serie de actividades complemetarias e formativas, como é o caso dos programas de actividades que pon en marcha o servizo de educación en colaboración coas asociacións de pais e nais”, comentou ao fío a responsable municipal.

Coruñes de nacimiento, y amante de esta gran ciudad, trabajador en la industria del metal y fan de las nuevas tecnologías, gestiono webs y redes a nivel local, y pronto espero tirarme a proyectos a nivel internacional.

Puedes seguirme en las redes

 

Hoxe Contacontos de “O cociñeiro Martiño” en “Moito Conto”

noviembre 26, 2016 Espectaculos Comentarios desactivados en Hoxe Contacontos de “O cociñeiro Martiño” en “Moito Conto”

Hoxe sábado, 26 de novembro, ás 12:00 horas, na librería Moito Conto, rúa San Andrés, 35, A Coruña, terá lugar a sesión de contacontos a cargo de Iago López sobre o seu libro O cociñeiro Martiño.

unnamed

Coruñes de nacimiento, y amante de esta gran ciudad, trabajador en la industria del metal y fan de las nuevas tecnologías, gestiono webs y redes a nivel local, y pronto espero tirarme a proyectos a nivel internacional.

Puedes seguirme en las redes

 

A campaña de promoción do comercio de proximidade co gallo do Samaín amplíase cos pasarrúas infantís nos que participan máis de 300 nenos e nenas de toda a cidade

octubre 25, 2016 Espectaculos Comentarios desactivados en A campaña de promoción do comercio de proximidade co gallo do Samaín amplíase cos pasarrúas infantís nos que participan máis de 300 nenos e nenas de toda a cidade

O concelleiro de Emprego e Economía Social, Alberto Lema, visitou hoxe aos rapaces e rapazas do CEIP Curros Enríquez que participaban nun dos pasarrúas infantís co gallo da festividade do Samaín que o Concello organizou nas principais rúas comerciais da cidade, de cara a promocionar os establecementos de barrio. O edil destacou a importancia “da didáctica” e que de tanto familias, “como os e as máis pequenas, que son a cidadanía do futuro, sexan conscientes da importancia de promocionar o comercio de proximidade”. En concreto, os distintos pasarrúas infantís do Samaín arrincaron este luns –no que máis de 75 rapaces e rapazas dos CEIP José Cornide, Labaca e Sal Lence visitaron establecementos comerciais da Avenida de Oza, As Conchiñas-Rúa Barcelona, e a Avenida Pablo Picasso–, e continuarán até este xoves. En total, case 300 escolares de Educación Primaria, con idades comprendidas entre os 6 e os 11 anos, e que participaron nas pasadas semanas nuns obradoiros sobre a orixe e a tradición do Samaín, toman parte nestes pasarrúas, ataviados cos disfraces que eles mesmos confeccionaron.

unnamed

Ademais do Curros Enríquez, nesta xornada o Colexio Esclavas tamén levou a cabo o seu propio pasarrúas, neste caso na zona de Riazor. Alumnado do CEIP San Pedro de Visma e do Wenceslao Fernández Flórez visitarán mañá os establecementos comerciais dos barrios dos Rosais, Os Mallos e a zona Eirís-Monelos, mentres que o xoves será a quenda do CEIP Zalatea, que percorrerá a zona do Obelisco e o Orzán.

Esta iniciativa de coñecemento do comercio de proximidade únese a outra campaña desenvolvida polo Concello e na que participan case 100 establecementos de toda a cidade, que ofrecen a súa clientela a posibilidade de gañar un dos 200 vales de compra de 30 euros que sortean.

Como remate das actividades do Samaín, o vindeiro luns, 31 de outubro, celebrarase a Procesión da Santa Compaña, que sairá da Praza de Lugo ás 17.30 horas e rematará na Praza de María Pita. A esta marcha acudirán, con todos os seus disfraces, os nenos e nenas dos colexios participantes, se ben a actividades está aberta a toda a cidadanía.

Coruñes de nacimiento, y amante de esta gran ciudad, trabajador en la industria del metal y fan de las nuevas tecnologías, gestiono webs y redes a nivel local, y pronto espero tirarme a proyectos a nivel internacional.

Puedes seguirme en las redes