Coruña Infantil – CLICK AQUI

Para acceder a la mejor web que te puede informar de los eventos y noticias para los mas peques solo tienes que hacer CLICK AQUI

Coruña Atrapa – CLICK AQUI

Para acceder a la mejor web que te puede informar de los mejores locales y sitios que visitar en Coruña haz CLICK AQUI

O Concello levará a 50 estudantes de ciclos medios a facer prácticas laborais en empresas de varios países de Europa durante tres meses

O Concello da Coruña convocará no mes de novembro as primeiras 30 prazas do programa Bolsas Europa FP­Proxecto Acoreuropa IV, que permitirá que 50 titulados de ciclos medios de FP poidan facer prácticas de tres meses de duración en empresas de Reino Unido, Irlanda, Italia, Austria, Portugal e Polonia. A …

OFERTA TODOCONSOLAS: 10% DE DESCUENTO EN PRODUCTOS HUEWEI DE SEGUNDA MANO

OFERTA TODOCONSOLAS: 10% DE DESCUENTO EN PRODUCTOS HUEWEI DE SEGUNDA MANO

Recent Articles:

O alcalde salienta a figura “daquelas persoas que marchan deixando futuro” no descubrimento, na rúa da Franxa, da placa en homenaxe a Moncho Valcarce

febrero 2, 2018 Uncategorised No Comments

O alcalde da Coruña, Xulio Ferreiro, presidiu o acto de homenaxe á figura de Moncho Valcárce, que consistiu no descubrimento dunha placa á altura do número 20 da rúa da Franxa, sede actual dos servizos económicos municipais e casa natal do histórico activista. O evento, que coincide co 25 aniversario do seu pasamento, contou coa participación de representantes da Irmandade Moncho Valcarce, que solicitou á administración municipal a colocación do distintivo, ademais de familiares do Cura das Encrobas, concelleiros e concelleiras da Corporación municipal e cidadanía en xeral.

Ferreiro salientou a figura de Valcarce como “símbolo das voces pequenas que se unen e se fan escoitar sobre as grandes, da defensa das liberdades e da reivindicación dos dereitos fronte a represión”. “Moncho Valcarce é desas persoas que marchan deixando tras de si unha sociedade máis xusta da que atoparon. Moncho, do mesmo xeito que Domingos Merino, a quen hoxe choramos, é desas contadas persoas que marchan deixando futuro tras de si”, comentou. “Nunha cidade que adoeceu durante moito tempo de manter estatuas e honras a aqueles cuxo recordo se basea só na dor que causaron, é un acto de xustiza e recoñecemento que dende hoxe contemos cunha placa en recordo de Valcarce”, dixo.

Ao fío, o alcalde salientou que o acto se produce “xusto un día despois de que no Concello da Coruña se constituíse o Consello Municipal da Memoria Democrática, órgano que traballará pola verdade, a xustiza e a reparación, así como garantirá o cumprimento da Lei de Memoria Histórica”.

Culturas presenta o ‘Kit de Activación Dixital’, unha ferramenta web que permitirá poñer en común recursos para profesionais da docencia, a cultura e o activismo “que teñan interese en desenvolver proxectos de divulgación”

febrero 2, 2018 coruna No Comments

O programa municipal Coruña Dixital, impulsado pola Concellería de Culturas, Deporte e Coñecemento, porá en marcha este mes de febreiro unha nova iniciativa, o Kit de Activación Dixital. A proposta é unha ferramenta web que pretende ser un punto de encontro e guía para por en común experiencias, retos e recursos cos que expandir novas prácticas culturais e activistas a través da creación e innovación audiovisual. Tal e como destaca o edil José Manuel Sande, esta iniciativa “supón un novo paso no camiño deste programa, que pretender visibilizar aos colectivos, espazos e eventos da cidade para aprender e exerimentar, en común, coa cultura dixital”. A nova ferramenta está pensada, especialmente, para profesionais da docencia e dos espazos socioculturais, así como para as persoas vinculadas ao mundo do activismo e da divulgación, “co obxectivo de crear un espazo que permita sumar e achegar experiencias, dúbidas ou suxestións que favorezan o desenvolvemento de proxectos de investigación”, sinala Sande.

O Kit, que se presentará este sábado, 3 de febreiro, no Kiosco Alfono, é o resultado do traballo colaborativo de profesionais con ampla experiencia neste ámbito e con vinculación coa cidade, como son María Lobo, Roi Guitián e Cristina de la Torre, e que tamén conta con achegas de diferentes profesionais do audiovisual de da comunicación. “A idea deste Kit mantén, na súa base, a liña de traballo que se está a priorizar desde a Concellería, como é contar e apoiar o labor das e dos artistas, creadoras ou creadores locais, así como visibilizar e difundir as súas experiencias e que permitan avanzar na idea da Coruña como cidade de vangarda cultural”, afirma o concelleiro.

O acto do sábado, aberto á veciñanza, comezará ás 11.00 horas. Consitirá nunha presentación da proposta da man das súas responsbles e de Sergio Lago, coordinador de Coruña Dixital, e contará cunha visita guiada ao novo espazo web. Contra ás 11.30 horas, terá lugar unha rolda de pequenas presentacións de iniciativas galegas inspiradoras –da man de Airoá, VideodinamizArte, Olloboi, Gingko e Cristina de la Torre– para todas aquelas persoas que traballan con cativas e cativos, mocidade, veciñanza e outros colectivos específicos e que queren achegarse ás ferramentas do audiovisual e a comunicación dixital para desenvolver proxectos eficaces e participativos, así como para profesionais do audiovisual e a comunicación dixital que buscan novos enfoques no seu traballo. Finalmente, ao remate desta presentación, abrirase un tempo de conversa aberta, concibida como un proceso de colaboración entre o público e os profesionais que desenvolven o Kit. “A idea é que as achegas, suxestións, ideas, e tamén dúbidas que se planteen este sábado, se incorporen ao Kit e o completen, de tal xeito que as usuarias e os usuarios, con independencia do seu nivel de coñecementos de audiovisual ou comunicación dixital, contribúan a completar o Kit de Activación Dixital ”, explica Sergio Lago.

Para máis información sobre Coruña Dixital, pódese visitar a páxina web www.corunadixital.gal

O alcalde constitúe o Consello da Memoria Democrática como “ente consultivo para garantir a xustiza e a reparación” e encárgalle analizar a situación da Casa Cornide

febrero 1, 2018 coruna No Comments

O alcalde da Coruña, Xulio Ferreiro, presidiu acompañado do concelleiro de Culturas, José Manuel Sande, o acto de constitución do Consello Municipal da Memoria Democrática, órgano consultivo e de participación vinculado ás políticas municipais para a recuperación da memoria persoal e familiar das vítimas da Guerra Civil e a ditadura, así como a atención e o apoio á súa descendencia directa. Ademais dos representantes do goberno local, este novo ente conta entre os e as súas integrantes con membros das asociacións memorísticas da cidade, historiadores de recoñecido prestixio, a Universidade da Coruña e membros da corporación municipal.

“O Consello nace coa finalidade de promover a reparación moral e a recuperación da memoria persoal e familiar daquelas persoas que padeceron persecución ou violencia por razóns políticas, ideolóxicas ou de crenza relixiosa durante este período escuro da nosa historia, e para dar resposta ao establecido na Lei de Memoria Histórica e atender ás demandas das vítimas en termos de verdade, xustiza e reparación, dentro do compromiso inalterable deste goberno local coa memoria”, dixo Ferreiro, que procedeu tamén a dar a primeira “encomenda formal a este órgano consultivo” que é a de analizar a situación na que se atopa a histórica Casa Cornide (rúa Damas), na actualidade en mans da familia do ditador Francisco Franco. “Os e as integrantes da Comisión analizarán se é posible que o Concello leve a cabo unha eventural reclamación para que este inmoble, que un día foi casa do prolífico historiador e humanista José Cornide, pase a formar parte do patrimonio público”, indicou o rexedor, que aludiu, ademais, a que “con esta solicitude damos cumprimento a unha moción aprobada no Pleno municipal”. … Leer más

O Concello reforzará os itinerarios de inserción laboral feminina e os servizos de conciliación dentro da nova Estratexia de Igualdade no Emprego 2020

febrero 1, 2018 coruna No Comments

A concelleira de Igualdade e Diversidade, Rocío Fraga, e o titular do departamento de Emprego e Economía Social, Alberto Lema, presentaron a Estratexia de Igualdade no Emprego 2020, que ten como obxectivo avanzar na empregabilidade das mulleres dentro do ámbito municipal e marcar a ruta de actuacións do Concello para promover o acceso ao traballo, “especialmente daquelas vulnerables e de colectivos minorizados e en risco de exclusión social, así como impulsar o empredemento”, tal e como apuntou Fraga. A concelleira explicou que as accións da estratexia teñen en conta as demandas recollidas no traballo previo de entrevistas a persoas desempregadas e expertas do ámbito da empregabilidade, e se centran en facilitar a conciliación para igualar as condicións de acceso aos programas de formación, a asignación de persoal técnico específico con maior capacitación en materia de igualdade, a mellora dos itinerarios integrais de emprego, un fortalecemento do enfoque de xénero nas actuacións municipais e un impulso ao fomento da contratación de mulleres no emprego público, así como a consolidación de cláusulas sociais nas licitacións e contratos municipais.

Tal e como sinalou a concelleira, a estratexia conta con medidas de impulso á inserción laboral, como a creación de bolsas de prácticas en empresas, estudos na prospección laboral dirixidos ás mulleres, reforzo dos itinerarios integrais existentes con orientación de xénero ou melloras na conciliación para que as mulleres coidadoras poidan acudir a cursos de formación e entrevistas de traballo. “Levamos propostas que van máis alá de buscar a mellora da conciliación na atención menores, na que xa temos un servizo de canguraxe que imos reforzar, necesitamos otras posibilidades porque as personas coidadoras non só coidan menores senón que teñen outras persoas a cargo”, avanzou Fraga. Ademais, reforzaranse os programos formativos de habilidades laborais, con especial foco en coletivos “como mulleres migrantes e mulleres que sufriron violencia de xénero”, destacou a concelleira. Estas medidas contan tamén cun impulso no emprendemento, unha área “na que xa hai moitas colaboracións que están dando os seus froitos”, e na que se apostará por mellorar a formación e a difusión da cultura emprendedora entre as mulleres, especialmente en sectores de potencial crecemento como a tecnoloxía, a economía verde ou as industrias creativas. … Leer más

A Mesa de alcaldes e alcaldesa analizará este venres o resultado do proceso participativo para a constitución da Área Metropolitana, así como as reivindicacións a Fomento en materia de infraestruturas básicas e accesos

enero 31, 2018 coruna No Comments

O Pazo de María Pita acollerá este venres, 2 de febreiro, ás 18.00 horas, unha nova reunión da Mesa de alcaldes e alcaldesa, así como o acto público de clausura do proceso participativo iniciado a finais do ano pasado e que tiña como obxectivo “implicar de xeito directo á cidadanía na constitución dunha verdadeira Área Metropolitana”. Neste momento, e ademais do alcalde da Coruña, Xulio Ferreiro, está xa confirmada a presenza da rexedora de Bergondo (Alejandra Pérez) e dos seus homólogos en Oleiros (Ángel García Seoane), Sada (Benito Portela), Culleredo (José Ramón Riobóo) e Cambre (Óscar García Patiño). De entre os restantes mandatarios locais que conforman a mesa metropolitana, o de Betanzos, Ramón García, xa adiantou que non poderá participar no evento por motivos de axenda.

Á marxe das cuestións relativas á constitución dunha auténtica Área Metropolitana, a Mesa tamén analizará as necesidades conxuntas dos concellos en materia de accesos e infraestruturas e explorará a posibilidade de artellar unha fronte unida –en forma de declaración institucional– entre os distintos gobernos locais para esixir ao Ministerio de Fomento que “dea resposta ás débedas históricas que a institución central ten coas insfraestruturas da área da Coruña”, entre as que se atopan proxectos tales como a renovación e mellora da avenida de Lavedra, a situación da ponte da Pasaxe ou a peaxe de Arteixo.

Balance do proceso participativo

Sobre a constitución formal da Área Metropolitana, a reunións dos e da alcaldesa servirá para para avaliar tamén o resultado do proceso participativo desenvolvido nos últimos meses cos concellos da comarca e que consistiu na organización de distintas accións como foron a celebración encontros presenciais coa veciñanza, mesas temáticas sobre economía, ciclo da auga, tratamento de residuos e mobilidade, a realización dunha consulta pública a través da web municipal e a posibilidade de adherirse á carta de apoio ao proxecto.

O proceso participativo -que busca implicar de xeito directo á veciñanza na creación dunha Área Metropolitana real que estea regulada mediante unha normativa que sexa aprobada no Parlamento de Galicia – arrincou en outubro de 2017. Dende entón, realizáronse nove reunións de planificación entre os concellos de Sada, Bergondo, Oleiros, Cambre, Culleredo, Abegondo, Betanzos e Oleiros –despois de que os municipios de Arteixo e Carral declinaran o convite para participar no proceso– para definir e preparar as reunións coa veciñanza. Entre os meses de novembro e decembro tiveron lugar oito encontros cos veciños e coas veciñas dos concellos, ademais de catro mesas temáticas e unha consulta pública. En total, participaron más de 400 persoas. Entre os temas máis recurrentes nas reunións destaca a necesidade de revisar a mobilidade entre os municipios –que se concretou na demanda da recuperación do tren de proximidade e a mellora das liñas, frecuencias e paradas do autobús– e as oportunidades laborais que abre a Área Metropolitana en relación á mellora do emprego e prestación de servizos. Por outra banda, a veciñanza destes concellos agradeceu a iniciativa e a colaboración entre os municipios ao tempo que mostrou inquietude pola organización das competencias e tomas de decisión da área, así como a súa relación con outras institucións.

ENCUESTA SEMANAL

¿Te gusta la nueva web?

Cargando ... Cargando ...