Coruña Infantil – CLICK AQUI

Para acceder a la mejor web que te puede informar de los eventos y noticias para los mas peques solo tienes que hacer CLICK AQUI

Coruña Atrapa – CLICK AQUI

Para acceder a la mejor web que te puede informar de los mejores locales y sitios que visitar en Coruña haz CLICK AQUI

O Concello levará a 50 estudantes de ciclos medios a facer prácticas laborais en empresas de varios países de Europa durante tres meses

O Concello da Coruña convocará no mes de novembro as primeiras 30 prazas do programa Bolsas Europa FP­Proxecto Acoreuropa IV, que permitirá que 50 titulados de ciclos medios de FP poidan facer prácticas de tres meses de duración en empresas de Reino Unido, Irlanda, Italia, Austria, Portugal e Polonia. A …

OFERTA TODOCONSOLAS: 3X2 EN JUEGOS WII Y WII U

OFERTA TODOCONSOLAS: 3X2 EN JUEGOS WII Y WII U

Recent Articles:

A Deputación achega 1.500.000 euros para financiar a Orquestra Sinfónica de Galicia

julio 1, 2018 coruna Comentarios desactivados en A Deputación achega 1.500.000 euros para financiar a Orquestra Sinfónica de Galicia

A Deputación da Coruña achega 1.500.000 euros ao programa de actividades da Orquestra Sinfónica de Galicia e promove que haxa actuacións en distintos concellos da provincia. Este investimento supón o 70,75% do total, que ascende a 2.120.000 euros.

Ademais da Coruña, onde ten a súa sede, as distintas agrupacións da Orquestra Sinfónica de Galicia visitarán con concellos como Santiago de Compostela, Ferrol, Sada, Betanzos, Carballo, Melide, Rianxo, Culleredo, Arteixo e Vimianzo. Que a programación da OSG chegue a distintos concellos e contribúa á difusión da música clásica no territorio é un dos puntos recollidos no convenio aprobado por unanimidade no pleno deste venres. … Leer más

O Concello reforza o servizo de recollida de residuos no centro durante o verán, que suma unha quenda diúrna e máis contedores

junio 30, 2018 coruna Comentarios desactivados en O Concello reforza o servizo de recollida de residuos no centro durante o verán, que suma unha quenda diúrna e máis contedores

A Concellería de Medio Ambiente pon en marcha o domingo o reforzo do servizo de recollida de residuos na zona centro da cidade, que estará activo ata finais de agosto “manter a limpeza da vía na zona de maior concentración hostaleira da cidade durante unha das épocas de maior consumo do ano”. A edil María García explica que durante xullo e agosto se introduce unha segunda quenda de recollida do lixo ao día, na que os e as hostaleiras poderán depositar os residuos entre as 15.00 e as 17.00 horas, que se suma á que se fai habitualmente de a partir das 22.00 horas. O reforzo inclúe tamén a colocación de 20 contedores estacionais máis –que se habilitarán só nas horas nas que está autorizado o depósito do lixo– na zona centro, dos cales 12 están destinados a materiais inorgánicos e 8 para orgánicos, e o uso de dos camións de recollida a maiores.

“Un ano máis mantemos este dispositivo, que vén suplir, por unha banda, as carencias de contedores nas rúas que máis locais de hostalaría concentran, e onde non se poden instalar máis colectores por falta de espazo, e, pola outra, a falta dun plan especial no actual contrato de recollida de residuos para a zona centro que axude a diminuír o seu impacto no espazo público”, explica García, que apunta que a nova licitación do contrato xa contempla medidas que dean solución “á pouca capacidade de recollida” na Pescaría. Mentres, o plan de reforzo, que ten un custe de 58.338 euros, duplica, nunha “época onde coinciden a maior afluencia de público, cun aumento do consumo e, polo tanto, dos residuos”, o sistema de recollida “co obxectivo de manter a limpeza do espazo público e dar solución tamén aos locais que non poden gardar un alto volume de residuos durante todo o día”.

A concelleira fai un chamamento tanto a cidadanía como ao sector hostaleiro para que respecten os novos horarios de recollida, que, como advirte, “se farán cumprir estritamente”, e convida a todos e todas a colaborar na xestión do lixo facendo unha correcta separación do mesmo.

O goberno local mellora e amplía o sistema de bocas de rego con 931 dispositivos en toda a cidade, “que contribuirán a unha maior limpeza viaria e ao coidado de parques e xardíns”

junio 30, 2018 coruna Comentarios desactivados en O goberno local mellora e amplía o sistema de bocas de rego con 931 dispositivos en toda a cidade, “que contribuirán a unha maior limpeza viaria e ao coidado de parques e xardíns”

A Xunta de goberno local deu luz verde este venres á adxudicación do contrato para o subministro e montaxe de bocas de rego en toda a cidade, o que facilitará e mellora as tarefas tanto de limpeza viaria como de mantemento e coidado de parques, xardíns e zonas verdes. Cun orzamento de 289.000 euros e un prazo de execución de 7 meses, forma parte dos proxectos que o executivo local aborda dentro dos denominados investimentos financeiramente sostibles (IFS), que foron aprobados a finais do pasado ano polo Pleno municipal e que se sosteñen sobre o remanente do ano 2016. Na súa comparecencia ante os medios, o alcalde da Coruña, Xulio Ferreiro, salientou que a reunión do goberno local aprobou esta adxudicación logo de que a semana pasada se dese o visto e prace a outra intervención moi demandada que forma parte do paquete de investimentos dos IFS, como é a renovación do firme dos Rosais. “Neste momento, tamén temos pendentes de impulsar de forma inminente outras intervencións para a mellora do espazo público que serán pagadas con ese remanente como é o caso das obras de mellora e modernización da iluminación pública nos Rosais, Labañou, San Roque de Fóra, Cidade Escolar e un tramo da Rolda de Outeiro, ademais da instalación de luminarias de alta eficiencia na Grela-Bens ou a ampliación da iluminación en Matogrande.

Coa aplicación deste contrato, A Coruña pasará a ter 931 bocas de rego, un 16% máis das que ten na actualidade. Ao fío, o alcalde salientou que este contrato, posto en marcha pola Concellería de Medio Ambiente, non só inclúe o incremento de dispositivos, senón que tamén contempla o cambio ou reparación daqueles que, na actualidade, presentan algún tipo de deficiencia. En concreto, das 931 bocas de rego que se repartirán por toda a cidade, 394 serán completamente novas. Desta cantidade, 324 estarán ubicadas na cidade, mentres que 41 se localizarán no polígono da Grela e 28 en Pocomaco. Ademais, 496 das actuais serán substituídas e 41 das mesmas serán reparadas.

Por outro lado, e sobre a actividade do goberno, o alcalde deu conta dos expedientes relativos a licenzas e comunicacións previas tramitadas entre o 13 e o 26 de xuño inferiores a 1,2 millóns de euros polo departamento de Rexeneración Urbana, que dirixe Xiao Varela. Neses 15 días, a administración local tramitou 230 expedientes, entre os que destacan 41 licenzas urbanísticas, 109 comunicacións previas ao inicio de obras e 61 comunicacións previas ao inicio de actividades ou apertura de establecementos.

Ao respecto de actuacións impulsadas polo executivo municipal, Ferreiro salientou o traballo que está a desenvolver para a reparación do firme da calzada da Rolda de Outeiro, así como a mellora da accesibilidade e da seguridade, co tratamento tamén da sinalización e os pasos de peóns. O primeiro edil salientou que a Xunta de goberno local concedeu este venres unha prórroga de tres meses ao contrato para a renovación e rehabilitación dos firmes dos tramos comprendidos entre a avenida do Ferrocarril e a rúa Mercede “debido a que a situación meteorolóxica dos últimos meses impediu que se puidesen rematar no prazo estipulado”. Con todo, o alcalde destacou o importe traballo de rexeneración urbana que se está a acometer nesta arteria da cidade, xa que esta mesma semana se adxudicou o contrato para o derradeiro tramo no que se actuará dentro do proxecto en marcha, e que comprende o espazo entre as avenidas de Arteixo e do Ferrocarril. Por agora, o executivo municipal leva investido nesta vía preto de 830.000 euros repartidos en 2.130 metros de lonxitude.

As propostas dos Orzamentos Participativos reciben 24.075 apoios, o que supón un incremento do 83% respecto da pasada edición

junio 30, 2018 coruna Comentarios desactivados en As propostas dos Orzamentos Participativos reciben 24.075 apoios, o que supón un incremento do 83% respecto da pasada edición

A fase de apoios ás propostas dos Orzamentos Participativos rematou cun incremento do 83% no número de respaldos, que ascenderon a 24.075 este ano fronte aos 13.113 do anterior. A concelleira de Participación e Innovación Democrática, Claudia Delso, resaltou este venres que “ao longo de todas as fases do proceso se están mellorando este ano os resultados das edicións anteriores, tanto en número de propostas como de rexistros na plataforma, de persoas usuarias e participantes”. En total, foron 2.283 veciños e veciñas os que repartiron os seus apoios –foron 1.421 no pasado ano–, cunha media de 10,5 por persoa, entre as 696 propostas que foron consideradas viables inicialmente. As que recibiron máis de 80 apoios en toda a cidade e as 15 máis respaldadas de cada distrito comezaron o día 22 de xuño unha nova fase de avaliación técnica nos servizos municipais correspondentes, que determinarán a súa viabilidade, legalidade e custe económico. Esta fase rematará a mediados do mes de agosto, cando comezará a votación final.

Tal e como explicou Delso, os apoios tenderon a concentrarse en propostas que fan referencia a infraestruturas (14.148), que acaparan o 60%, e ás que seguen as de medio ambiente (8.162), urbanismo (2.186), deportes (1.777) e cultura (1.396). O proceso dos Orzamentos Participativos serve para que a cidadanía poida decidir o destino de tres millóns de euros de investimento, dos que un valerá para financiar propostas para toda a cidade e dous millóns se reparten, equitativamente, entre os dez distritos da cidade, “xa que se trata dunha ferramenta redistributiva”. As propostas de cidade que recibiron máis apoios nesta fase son a instalación de contedores de reciclaxe por incentivos, a creación dun gran bosque da Coruña e a posta en marcha dunha compañía pública de enerxía renovable. Entre as que acadaron máis respaldo nos distritos están, por exemplo, a instalación dunha cuberta para o patio central do CEIP María Pita, no distrito 7, a creación dun parque no Ventorrillo e Agra do Orzán ou a reurbanización da rúa Panadeiras. Toda a información pode consultarse dentro da plataforma dixital que dá soporte ao proceso,aportaaberta.coruna.es​. Os servizos técnicos municipais avaliarán un total de 183 propostas, das que 44 corresponde ao ámbito da cidade e 139 aos 10 distritos. Unha vez finalizado este proceso faranse públicas as propostas, tanto as aprobadas como as rexeitadas, xunto cos informes pertinentes.

… Leer más

O Concello aborda a renovación do pavimento da calzada do derradeiro tramo que se executará dentro do proxecto de rexeneración urbana no entorno rolda de Outeiro, entre as avenidas de Arteixo e o Ferrocarril

junio 29, 2018 coruna Comentarios desactivados en O Concello aborda a renovación do pavimento da calzada do derradeiro tramo que se executará dentro do proxecto de rexeneración urbana no entorno rolda de Outeiro, entre as avenidas de Arteixo e o Ferrocarril

O goberno local deu verde esta semana a adxudicación das obras polas que se procederá á renovación do pavimento da calzada do tramo da rolda de Outeiro comprendido entre as avenidas de Arteixo e o Ferrocarril, o que tamén inclúe a glorieta e nó viario desta última. Cun orzamento de algo máis de 154.000 euros e un período máximo de execución de dous meses, o concelleiro de Rexeneración Urbana, Xiao Varela, manifestou que se trata do derradeiro tramo no que intervirá o Concello dentro do proxecto posto en marcha para renovar e rehabilitar as calzadas da Rolda de Outeiro. Segundo comentou o edil, con esta actuación e só no que atinxe á repavimentación de calzadas, así como melloras puntuais en beirarrúas, pasos de peóns e paradas de autobús, o executivo municipal leva investido nesta vía preto de 830.000 euros repartidos en 2.130 metros de lonxitude da rolda.

O groso desta actuación consistirá na repavimentación da calzada co fresado da capa superficial da mesma na súa totalidade, para poder corrixir as deficiencias existentes. Non obstante, a degradación do firme neste tramo é máis apreciable nalgúns treitos, onde se actuará de forma máis profunda, como, por exemplo, na intersección con Francisco Catoira na que se acometerá a demolición da calzada existente de formigón para proceder á reconstrución completa do firme. Existen outros puntos (como sucede coa beira dereita da calzada que fai interseccións con Capitán Juan Varela, Ángel del Castillo, Menéndez Pidal e Marqués de Figueroa), onde a rehabilitación do firme tamén será máis extensa dado o intenso tránsito desta parte da rolda. A intervención complementarase coa reposición da sinalización horizontal da zona, así como coa elevación e regularización das tapas dos servizos urbanos de subsolo (que serán substituídas por outras novas no caso dos servizos de titularidade municipal).

Repavimentación na Rolda

Con anterioridade a esta actuación, o Concello acometeu obras análogas de renovación no treito que discorre entre as interseccións da avenida do Ferrocarril e a rúa da Mercede (por un montante de 386.613 euros que tamén inclúe a construción de 475 metros de carril bici, que se situarán entre a avenida Pérez Ardá e a rúa Mercede) e o espazo comprendido entre as avenidas de Fisterra e Arteixo (neste caso por un orzamento de execución de 240.000 euros). Neste último treito tamén se sumaron actuacións por valor de 40.000 euros centradas na mellora da accesibilidade nos pasos de peóns.

Por outro lado, e segundo recordou Varela, entre as actuacións complementarias ao proceso de repavimentación entre a avenida do Ferrocarril e a Mercede tamén se acometeu unha mellora de seguridade e accesibilidade no cruce de peóns ao final da rúa José González Chas, que recolle os tránsitos cara a recentemente renovada rúa Montiño e a rúa Mercede. Esta intervención supuxo un investimento de de 9.000 euros.

ENCUESTA SEMANAL

¿Te gusta la nueva web?

Cargando ... Cargando ...