Coruña Infantil – CLICK AQUI

Para acceder a la mejor web que te puede informar de los eventos y noticias para los mas peques solo tienes que hacer CLICK AQUI

Coruña Atrapa – CLICK AQUI

Para acceder a la mejor web que te puede informar de los mejores locales y sitios que visitar en Coruña haz CLICK AQUI

O Concello levará a 50 estudantes de ciclos medios a facer prácticas laborais en empresas de varios países de Europa durante tres meses

O Concello da Coruña convocará no mes de novembro as primeiras 30 prazas do programa Bolsas Europa FP­Proxecto Acoreuropa IV, que permitirá que 50 titulados de ciclos medios de FP poidan facer prácticas de tres meses de duración en empresas de Reino Unido, Irlanda, Italia, Austria, Portugal e Polonia. A …

OFERTA TODOCONSOLAS: 3X2 EN JUEGOS WII Y WII U

OFERTA TODOCONSOLAS: 3X2 EN JUEGOS WII Y WII U

Recent Articles:

O Concello abre a convocatoria para solicitar o uso de 51 instalacións deportivas de cara á vindeira tempada, entre as que se inclúen as novas pistas de atletismo de Elviña

julio 27, 2018 coruna Comentarios desactivados en O Concello abre a convocatoria para solicitar o uso de 51 instalacións deportivas de cara á vindeira tempada, entre as que se inclúen as novas pistas de atletismo de Elviña

A Concellería de Culturas, Deporte e Coñecemento abrirá a convocatoria de asignación de usos das instalacións deportivas municipais, de cara á vindeira tempada, para adestramentos, competicións deportivas e execución de programas de actividade física que promovan a integración e a reinserción social. Entre as novidades da convocatoria, que se publicará na sede electrónica municipal, sitúase a aplicación da modificación da ordenanza fiscal que regula o uso das instalacións e que supón a desaparición da concesión de patrocinios; así como a inclusión das instalacións que pertencen á Universidade da Coruña (UDC), como as pistas de atletismo de Elviña, nas que o Concello investiu un montante de 300.000 euros para a súa renovación e acondicionamento.

A convocatoria da tempada 2018 – 2019 atinxe a un total de 51 instalacións deportivas, como son, entre outras, as aulas, pistas, frontóns, salas de musculación ou polideportivas das cidades deportivas de Riazor e da Torre; os campos de fútbol de San Pedro de Visma 1 e 2, Zapateira, Eirís, Rodrígo García Vizoso, Víctor Fernández Alonso ou Virxe do Carme; os centros de esgrima e de halterofilia da Casa da Auga; ximnasios de polideportivos ou piscinas; así como pistas de chave, pádel, tenis ou patinaxe. Ademais, e en virtude do convenio de colaboración que mantén o Concello coa UDC, inclúense tamén equipamentos públicos como as novas pistas de atletismo ou o campo de herba natural de Elviña, así como o pavillón de deportes do campus de Riazor.

… Leer más

O Concello opta a unha convocatoria estatal para instalar en 213 edificios públicos da cidade sensores intelixentes para achegar información da súa xestión, aumentar a eficiencia enerxética e mellorar a seguridade

julio 27, 2018 Uncategorised Comentarios desactivados en O Concello opta a unha convocatoria estatal para instalar en 213 edificios públicos da cidade sensores intelixentes para achegar información da súa xestión, aumentar a eficiencia enerxética e mellorar a seguridade

​O goberno local concorre na convocatoria do Plan Nacional de Territorios Inteligentes co proxecto ​Conecta Coruña​, que busca instalar sistemas intelixentes en 213 edificios públicos da cidade “que permitan mellorar a súa xestión e achegar novos servizos á cidadanía”. O concelleiro de Rexeneración Urbana e Dereito á Vivenda, Xiao Varela, explica que a iniciativa recolle diferentes propostas nas que se poden aplicar sistemas de control e xestión integral e automatizada estruturadas en torno a cinco eixes: mobilidade, auga, ambiente, enerxía e seguridade. “Búscase implementar sete tipos de proxectos, segundo as necesidades dos edificios, que van permitir recabar moita información sobre o seu funcionamento e uso que, unha vez envorcada na plataforma ​smart d​ a cidade, servirán para optimizar os recursos”, indica Varela. Neste sentido, o edil salienta que a posta en marcha do proxecto permitiría “aumentar a eficiencia enerxética dos edificios e conseguir un aforro significativo do consumo, na liña da estratexia contra o cambio climático que segue o goberno local; facilitar unha coordinación intermodal entre os nodos de comunicacións como son o aeroporto, porto, estación de autobuses e a de tren, e aplicar un sistema de alerta temperá de incidencias”.

… Leer más

O goberno local incorpora o CEIP Raquel Camacho ao programa ‘Aberto ao barrio’, que na súa primeira semana nos novos centros contou con máis de 515 participantes

julio 27, 2018 coruna Comentarios desactivados en O goberno local incorpora o CEIP Raquel Camacho ao programa ‘Aberto ao barrio’, que na súa primeira semana nos novos centros contou con máis de 515 participantes

O programa municipal ​Aberto ao barrio​, que supón a apertura dos patios dos centros educativos á veciñanza durante os meses de xullo e agosto, suma unha nova incorporación. Así, o CEIP Raquel Camacho, situado na Agra do Orzán, abre desde esta semana as súas instalacións exteriores á cidadanía todas as tardes, entre as 18.00 e as 21.00 horas, tal e como están a facer, desde o pasado 14 de xullo, o Manuel Murguía, Alborada, Sanjurjo de Carricarte ou o Juan Fernández Latorre.

A concelleira de Xustiza Social e Coidados, Silvia Cameán, valorou positivamente esta mañá a incorporación do centro, “ao sumar así un novo espazo integrador no barrio da Agra”. “​Aberto ao barrio n​ on só supón unha medida de lecer que favorece a conciliación familiar, xa que as nenas e nenos que asisten ás actividades que se ofrecen contan cun equipo dinamizador, senón que aposta realmente polas instalacións dos centros educativos como espazos de encontro e aprendizaxe colectivo”, apuntou.

A responsable municipal destacou tamén a a boa acollida entre a cidadanía da implantación da medida, que cualificou como “exitosa”. Nos primeiros días da posta en marcha do programa durante o período estival, entre o sábado 14 e o domingo 22, un total de 519 persoas –tanto nenas e nenos, como mozas e mozos– fixeron uso das instalacións exteriores dos centros educativos, situados nos barrios de Monte Alto, Feáns, Castrillón e Elviña, ou participaron nas actividades propostas polo equipo dinamizador presente nos patios, que inclúen propostas como xogos populares e tradicionais, danzas do mundo ou competicións deportivas.

… Leer más

A Concellería de Medio Ambiente abre o venres no parque de Bens a maior área canina da cidade, integrada na paisaxe e cunha zona para realizar exercicios

julio 26, 2018 coruna Comentarios desactivados en A Concellería de Medio Ambiente abre o venres no parque de Bens a maior área canina da cidade, integrada na paisaxe e cunha zona para realizar exercicios

A Concellería de Medio Ambiente porá a disposición da cidadanía o próximo venres unha nova área de esparexemento para cans, situada no parque de Bens, eque,cunha superficie dunha hectárea, “converterase na máis extensa das que existen na cidade”, como indica a edil María García. “A área de Bens é a terceira que se abre este ano, despois da de Eirís, que está en funcionamento dende finais de xuño, e o espazo de convivencia, regulado por horarios, situado no parque de Adolfo Suárez e que está dispoñible dende comezos de ano”, resume a concelleira. Unhas áreas caninas que, como salienta García, “inauguran un novo modelo para os espazos de esparexemento, no que se priman a amplitude, os valados integrados na paisaxe, a vexetación e os servizos, tanto para os animais como para as persoas que os coidan”.

A área canina de Bens, que mantén o aspecto natural do parque ao respectar os camiños e a orografía do mesmo, está pechada cun pequeno muro de pedra e arbustos ao redor, como toxos e xestas ornamentais que teñen diferentes tipos de floración. No seu interior as persoas responsables dos cans e os animais contarán con diferentes opcións para pasear ou xogar cos cans, como é unha zona de estanque ou un espazo de ​agility ​para a realización de diferentes exercicios. O espazo, que ten cinco accesos diferentes, conta con tomas de auga para que poidan beber os animais, zonas cubertas para os días de choiva e mobiliario urbano como papeleiras e bancos dentro dun ambiente natural con arborado e herba. “Este espazo, no que os cans poderán  estar sen correa, permite fomentar a convivencia dentro do propio parque para os diferentes usos, para os que hai un reparto por zonas, o que permite tamén coidar a importante riqueza natural de Bens, no que habitan e aniñan diferentes especies de paxaros, e hai distintas zonas de arborado, matogueira e pradería”, apunta a concelleira. O espazo, tal e como lembra a concelleira, definiuse nun proceso participativo de renovación do parque de Bens e vén “aumentar as opcións de convivencia nunha cidade con gran densidade urbanística e que non ten moitos parques de grandes dimensións e cuxas áreas caninas, ata o momento, eran pequenas, enreixadas e áridas”.

A Deputación da Coruña investirá 425.594 euros na mellora da estrada DP 1708 ao seu paso por Culleredo, Carral e Cambre

julio 25, 2018 coruna Comentarios desactivados en A Deputación da Coruña investirá 425.594 euros na mellora da estrada DP 1708 ao seu paso por Culleredo, Carral e Cambre

A Deputación da Coruña someterá a aprobación do pleno ordinario do vindeiro venres, 27 de xullo, diversas obras de mellora na  rede provincial de estradas por un importe global de preto de 2,2 millóns de euros.

Entre estas obras, destaca un proxecto de 425.594,68 euros que financiará os traballos de pavimentación dun amplo tramo de 5,5 quilómetros da estrada intermunicipal DP 1708 ao seu paso polos núcleos de Castelo (Culleredo), Tabeaio (Carral) e a parroquia de Andeiro (Cambre).

As obras incluirán a roza dos marxes do vial, o fresado e reparación das zonas máis deterioradas e a extensión dunha capa de mestura bituminosa en quente de 5 cm. de espesor ao longo de todo o tramo, incluso nas zonas que actualmente contan só con tratamento asfáltico, e a reposición da sinalización horizontal e vertical, o que contribuirá a mellorar a adherencia dos vehículos e a seguridade do tráfico.

As obras enmárcanse na campaña que o departamento de Vías e Obras da institución provincial está a realizar para renovar a pavimentación daqueles viais secundarios de carácter intermunicipal que contan cun elevado tránsito de vehículos e que precisan a renovación do firme para mellorar as súas condicións de seguridade. … Leer más

ENCUESTA SEMANAL

¿Te gusta la nueva web?

Cargando ... Cargando ...