Coruña Infantil – CLICK AQUI

Para acceder a la mejor web que te puede informar de los eventos y noticias para los mas peques solo tienes que hacer CLICK AQUI

Coruña Atrapa – CLICK AQUI

Para acceder a la mejor web que te puede informar de los mejores locales y sitios que visitar en Coruña haz CLICK AQUI

O Concello levará a 50 estudantes de ciclos medios a facer prácticas laborais en empresas de varios países de Europa durante tres meses

O Concello da Coruña convocará no mes de novembro as primeiras 30 prazas do programa Bolsas Europa FP­Proxecto Acoreuropa IV, que permitirá que 50 titulados de ciclos medios de FP poidan facer prácticas de tres meses de duración en empresas de Reino Unido, Irlanda, Italia, Austria, Portugal e Polonia. A …

OFERTA TODOCONSOLAS: 3X2 EN JUEGOS PS4 (SEGUNDA MANO)

OFERTA TODOCONSOLAS: 3X2 EN JUEGOS PS4 (SEGUNDA MANO)

Recent Articles:

A Deputación destina 110.000 euros para apoiar ás agrupacións de Protección Civil da provincia

octubre 11, 2018 coruna Comentarios desactivados en A Deputación destina 110.000 euros para apoiar ás agrupacións de Protección Civil da provincia

A Deputación da Coruña apoia este ano a 18 agrupacións de Protección Civil dos concellos de menos de 20.000 habitantes da provincia.

En total, a institución provincial inviste 110.486 euros en dúas liñas de axudas co obxectivo de “fomentar a importante labor diaria e o gran servizo público que prestan, especialmente no ámbito rural os voluntarios destes servizos”, segundo destacou o presidente da Deputación, Valentín González Formoso. … Leer más

O Concello abre o prazo de solicitude para participar no programa de Antenas de Información Xuvenil para o curso 2018-2019

octubre 10, 2018 coruna Comentarios desactivados en O Concello abre o prazo de solicitude para participar no programa de Antenas de Información Xuvenil para o curso 2018-2019

O Concello pon en marcha para o curso 2018-2019 o programa de acción voluntaria Antenas de Información Xuvenil, q​ ue promove a creación dunha rede de difusión de contidos de interese para a mocidade entre os centros educativos da cidade. A iniciativa, que impulsa a Concellería de Participación e Innovación Democrática a través do departamento de Mocidade e que celebra a súa 28a edición, propón a constitución dun servizo informativo dependente do Centro Municipal de Información Xuvenil (CMIX), pero que xestiona o propio alumnado matriculado nas instalacións nas que se desenvolve o programa, que poden ser os centros educativos públicos –IES, CIFP, EOI, EASD Pablo Picasso, Conservatorio Profesional de Música– ou nos centros concertados con ESO e Bacharelato que se atopan no termo municipal.

As persoas de entre 15 e 30 anos que desexen participar no programa deberán difundir e manter actualizada a información que lles proporcionará e xestionará o CMIX. A cambio do seu labor como correspondentes, poderán contar con entradas para eventos organizados polo Concello, ademais de recibir gratuitamente os carnés vinculados á mocidade –Carné Xove ou alberguista, entre outros– así como formación específica en materia de información xuvenil.

O prazo de presentación de solicitudes estará aberto até o mércores 24 de outubro, ás 20.00 horas. Para máis información sobre o programa, pódese consultar a páxina web do propio CMIX,www.coruna.gal/cmix​, así como visitar o servizo, situado no Fórum Metropolitano, ou chamar ao teléfono 981.184.294

O Ágora acollerá o 26 de outubro a versión máis feminina do AgoraSón, coa participación de A Banda da Loba e Sonia Lebedynski

octubre 10, 2018 coruna Comentarios desactivados en O Ágora acollerá o 26 de outubro a versión máis feminina do AgoraSón, coa participación de A Banda da Loba e Sonia Lebedynski

As voces femininas de A Banda da Loba e Sonia Lebedynski serán protagonistas no AgoraSón 2018, que se celebrará o venres 26 de outubro no centro Ágora. A cita, organizada polo Servizo de Normalización Lingüística do Concello da Coruña coa colaboración das Bibliotecas Municipais, segue a liña doutros eventos promovidos polo consistorio, como o Festival Nororeste Estrella Galicia ou as propias Festas de María Pita, nos que o goberno local aposta pola visibilización e presenza de mulleres artistas.

O Agorasón é unha iniciativa gratuíta e aberta á veciñanza que procura promover a lectura en lingua galega, así como proporcionar alternativas de lecer na poboación adulta e promocionar a música na lingua do país. No concerto desta edición, que comezará ás 21.00 horas, participará unha das formacións máis novidosas e aclamadas do presente ano, como é A Banda da Loba, así como outra das voces máis recoñecidas da música galega das últimas décadas, Sonia Lebedynski.

Para poder asistir ao concerto a cidadanía só precisa recoller os convites que se atopan nos distintos centros da rede de bibliotecas municipais, e que se reparten, no horario habitual de apertura dos mesmos, pola retirada de libros en galego. Cada persoa poderá coller até un máximo de dúas invitacións para a cita.

A Concellería de Medio Ambiente presenta este xoves o proxecto do Bosque de Breogán cun roteiro aberto á cidadanía

octubre 10, 2018 coruna Comentarios desactivados en A Concellería de Medio Ambiente presenta este xoves o proxecto do Bosque de Breogán cun roteiro aberto á cidadanía

A Concellería de Medio Ambiente presenta este xoves o proxecto do Bosque de Breogán, un novo espazo verde que recuperará unha área degradada en Feáns, nun roteiro aberto á veciñanza, no que se poderá coñecer a zona e a súa situación, así como as liñas de actuación que o goberno local ten previsto para convertelo nun gran espazo verde periurbano que potencie a naturalización da cidade. O Bosque de Breogán é o segundo dos grandes parques que ten previsto acondicionar o Concello dentro do programa municipal Bosques da Coruña, e que se sumará ao proxecto do Bosque das Cinco Illas no barrio de Os Rosales.

O alcalde, Xulio Ferreiro, e a concelleira de Medio Ambiente, María García, acompañarán á veciñanza durante o roteiro durante o cal se poderá ver sobre o terreo as medidas previstas polo Goberno local para a recuperación e mellora do espazo, de 83.000 metros cadrados na súa zona central, entre as que se inclúen a plantación de especies autóctonas de árbores e de sotobosque, a creación dunha rede de sendeiros e a instalación de mobiliario para o lecer e o descanso. O paseo, que servirá para recoller as suxestións e impresións da cidadanía, está convocado para o vindeiro xoves día 11 ás 17 horas. A saída terá lugar do aparcadoiro do cemiterio de Feáns e será preciso levar calzado adecuado para terreos forestais.

O futuro Bosque de Breogán, que está en fase de anteproxecto, estará situado nos terreos do Concello entre o cemiterio de Feáns e a Urbanización Breogán. Esta zona, como indica a edil García, foi especialmente castigada pola construción de infraestruturas e tamén polo depósito de restos de obras, polo que o proxecto do Concello está dirixido á recuperación da zona, como maneira “de incrementar a naturalización da cidade, dotar ao municipio de máis zonas verdes e priorizar a conservación da natureza urbana e á biodiversidade”. A proposta do Concello para o espazo consiste en acondicionar catro áreas con diferentes características, tipoloxías de vexetación e usos, nas que predomine a natureza e nas que se limite a intervención para manter a súa condición de bosque. Ademais, crearase unha rede de sendeiros principais e outra secundaria, de máis de catro quilómetros, para facilitar o tránsito e se potenciarán os antigos camiños. ​A iniciativa ten un orzamento inicial estimado de 450.000 euros, que se sufragará maioritariamente con fondos DUSI. ​O proxecto EIDUSCoruña está financiado nun 80% polo Fondo Europeo de Desenvolvemento Rexional (FEDER) no marco do eixo de desenvolvemento urbano do Programa Operativo Plurirrexional de España (antes POCS).

A Deputación da Coruña apoia diversos proxectos da Real Academia Galega para o estudo e promoción do idioma

octubre 10, 2018 coruna Comentarios desactivados en A Deputación da Coruña apoia diversos proxectos da Real Academia Galega para o estudo e promoción do idioma

A Deputación da Coruña apoia diversos proxectos da Real Academia Galega encamiñados ao estudo e promoción do idioma. A vicepresidenta, Goretti Sanmartín Rei e o presidente da Academia, Víctor F. Freixanes, asinaron o acordo polo que  a Deputación da Coruña achega 50.000 € que se destinan, entre outras iniciativas, á celebración dos Cursos de lingua e cultura galegas Galego sen fronteiras, por cuxas aulas pasan cada verán ducias de estudantes procedentes de todo o mundo para mergullárense no idioma do país.

Ao aveiro deste convenio, a Deputación da Coruña apoia tamén a continuación do proxecto sobre prácticas lingüísticas na infancia en diferentes contextos de socialización, un traballo que está a desenvolver o Seminario de Sociolingüística da Real Academia Galega. O proxecto Primavera das Letras, que fornece o alumnado de infantil e primaria de contidos lúdicos e didácticos arredor da figura homenaxeada no Día das Letras Galegas, e diversas publicacións son outras das acción desenvolvidas pola Real Academia Galega que reciben financamiento da Deputación da Coruña. … Leer más