Coruña Infantil – CLICK AQUI

Para acceder a la mejor web que te puede informar de los eventos y noticias para los mas peques solo tienes que hacer CLICK AQUI

Coruña Atrapa – CLICK AQUI

Para acceder a la mejor web que te puede informar de los mejores locales y sitios que visitar en Coruña haz CLICK AQUI

O Concello levará a 50 estudantes de ciclos medios a facer prácticas laborais en empresas de varios países de Europa durante tres meses

O Concello da Coruña convocará no mes de novembro as primeiras 30 prazas do programa Bolsas Europa FP­Proxecto Acoreuropa IV, que permitirá que 50 titulados de ciclos medios de FP poidan facer prácticas de tres meses de duración en empresas de Reino Unido, Irlanda, Italia, Austria, Portugal e Polonia. A …

Oferta de la semana TodoConsolas: 3X2 en MANGA

Oferta de la semana TodoConsolas: 3X2 en MANGA

Recent Articles:

A Concellería de Emprego oferta talleres gratuítos de manexo de redes sociais destinados a persoas emprendedoras

abril 9, 2018 Uncategorised No Comments

​A Concellería de Emprego, dirixida por Alberto Lema, ten en marcha distintos talleres formativos destinados á promoción de persoas emprendedoras, empresas e todos aqueles veciños e veciñas interesadas na materia. Entre elas, destacan, con inicio este mes de abril, as clases para dominio de redes sociais, actividades que terán lugar no centro municipal de emprego de Os Rosais e que teñen por obxectivo que os e as usuarias “aprendan a manexar e dominar os principais recursos en liña para potenciar a súa visibilidade comercial, en aras de mellorar os seus resultados”. Estes talleres tamén pretenden achegar coñecementos sobre como crear presenza web e como controlar as ferramentas axeitada para o traballo habitual en liña.

Con carácter gratuíto, é necesario inscribirse con antelación para a realización dos citado talleres, ou ben na web do Concello ​https://www.coruna.gal/papagaio/es/formacion o chamando ao teléfono 981184399.

O taller de redes sociais de carácter avanzado celebrarase entre os días 9 e 12 de abril en horario de mañá no centro municipal de emprego do Rosais, mentres que o básico se desenvolverá entre os días 16 e 20 no mesmo espazo e tamén en horario de mañá.

O Concello adxudica por catro anos o servizo de teleasistencia municipal cun contrato “que fomenta a calidade no emprego e a inserción laboral de colectivos vulnerables”

abril 8, 2018 Ayuntamiento No Comments

​A Xunta do Goberno local aprobou a adxudicación do servizo de teleasistencia municipal a Cruz Vermella, que o xestionará por catro anos cunha posibilidade de prórroga por dous máis. A concelleira de Xustiza Social e Coidados, Silvia Cameán, destaca que as cláusulas do contrato “fomentan a calidade no emprego e a inserción no mercado laboral de persoas con dificultades particulares”. Neste sentido, a edil apunta que a entidade “aplicará o convenio colectivo estatal de servicios de atención ás persoas dependentes e dedicará un 10% das prazas de nova contratación” a persoas en situación de exclusión social ou en grave risco de estalo, desempregadas e teñan dificultades para integrarse no mercado laboral ou que pertenzan a colectivos con diversidade física, psíquica ou sensorial, persoas paradas de longa duración e maiores de 45 anos, mozos e mozas de entre 18 e 30 anos que proveñan de institucións de protección de menores, mulleres vítimas de violencia machista ou persoas que reciban a Risga ou a Renta Social Municipal. O programa, que conta cun investimento anual de 265.000 euros, prestará servizo a unhas 1.200 persoas usuarias.

O servizo de teleasistencia municipal atende as 24 horas durante todos os días do ano emerxencias que poidan ter as persoas usuarias, que só precisan pulsar un botón para entrar en contacto cunha central de chamadas na que son atendidas por personal especializado. Instálase nos domicilios un terminal telefónico cun radio-enlace que ao ser activado conecta automaticamente, o que permite que non só dar unha resposta rápida e mobilizar os recursos necesarios en calquera momento do día ou da noite, se non tamén manter ás persoas no seu medio habitual e servir como sistema de acompañamento personalizado, a través de chamadas periódicas á persoa usuaria, especialmente cando a súa situación se asocian factores de inseguridade, soidade e illamento. O servizo está orientado para atender a persoas con patoloxías ou limitacións, como os graos de dependencia recoñecidos ou diversidade funcional, que se atopen en situacións de especial fraxilidade ou vulnerabilidade, con preferencia para aquelas que vivan soas, pasen a maior parte do día soas ou convivan con familiares de similares características.

Un programa amplo e variado protagonizará o último trimestre do Teatro Colón con xestión da Deputación da Coruña

abril 8, 2018 Teatro Colon No Comments

A vicepresidenta e responsable da área de Cultura da Deputación da Coruña, Goretti Sanmartín, e o coordinador, Xosé Aldea, presentaron en rolda de prensa a programación do Teatro Colón no último trimestre de programación propia. Ademais da destacada presenza do cine, o humor, a danza, a música e as representacións teatrais, o programa inclúe a posibilidade de coñecer o teatro por dentro a través de visitas guiadas nun programa único nos centros teatrais galegos.

Un programa de espectáculos “amplo, variado e destinado para todos os públicos pechará a xestión do Teatro Colón por parte da Deputación da Coruña, antes de que o vindeiro 2 de xullo pasará a mans do Concello da Coruña. … Leer más

O Concello acorda con Unión Fenosa Distribución a entrega das infraestruturas eléctricas executadas no Ofimático que permitirán dar subministración ao barrio

abril 8, 2018 Uncategorised No Comments

​A Concellería de Rexeneración Urbana e Dereito á Vivenda trasladará o vindeiro luns a unha Xunta de Goberno Local extraordinaria dous convenios entre o Concello e Unión Fenosa Distribución relativos ao soterramento das liñas aéreas de media e baixa tensión existentes no Parque Ofimático. Os documentos rexen a entrega, por parte do Concello, das infraestruturas realizadas dentro das obras de urbanización do Ofimático á distribuidora eléctrica e a cesión do uso do dominio público polo que discorren as instalacións eléctricas, un trámite necesario para dar subministración ao barrio. “É un paso importante, porque supón o paso previo para que Fenosa poida solicitar á Consellería de Industria a alta na subministración”, salienta o concelleiro de Rexeneración Urbana e Dereito á Vivenda, Xiao Varela, quen indica que as negociacións coa compañía prolongáronse durante as últimas semanas e lograron pecharse nos últimos días. Tal e como expón o responsable municipal, a próxima sinatura dos convenios, é “unha boa noticia e un paso máis” para que as vivendas xa executadas no Ofimático poidan ter electricidade, unha condición indispensable para a concesión das licenzas de primeira ocupación que permitirán aos veciños e veciñas entrar a vivir nas súas casas. Neste sentido, Varela sinala que a próxima sinatura xa lles foi comunicada aos e ás representantes dos e das cooperativistas nas últimas horas.

Segundo se establece no texto dos acordos, Fenosa será a encargada da conservación, mantemento, reparación e mellora e da explotación das instalacións que fosen precisas “para o correcto subministro de enerxía eléctrica”, toda vez que o Concello xa executou as infraestruturas necesarias, “as cales cumpren as condicións para o seu correcto funcionamento”. As obras de soterramento, segundo fai notar o responsable municipal, xa están executadas, de xeito que o que resta agora é retirar as torretas que sostiñan o tendido aéreo. En canto ás obras de urbanización que realiza o Concello neste sector, o edil de Rexeneración Urbana salienta que xa se atopan moi avanzadas, a falta da retirada das tres estruturas eléctricas –unha actuación que corresponde a Fenosa– e do pintado da sinalización horizontal, uns traballos que o Concello realizará en canto as condicións climatolóxicas o permitan. Posteriormente, os servizos municipais poderán urbanizar as zonas onde hoxe se asentan as torretas.

… Leer más

O Concello abre a convocatoria de ‘Cultura de Barrio’, que busca “dar apoio ás entidades e colectivos da cidade e contribuír á descentralización das actividades”

abril 8, 2018 Conciertos No Comments

​O concelleiro de Culturas, Deporte e Coñecemento, José Manuel Sande, presentou no Pazo de María Pita a convocatoria de subvencións culturais Cultura de Barrio​, un programa municipal que se creou o pasado ano co obxectivo de “dar apoio ás entidades e colectivos da cidade e contribuír así á descentralización da programación cultural e aumentar a capacidade para operar en accións de carácter sociocomunitario”. A convocatoria de axudas, que este ano pasan a ter carácter de subvención, que se publica hoxe no Boletín Oficial da Provincia e que está aberta ata o 7 de maio, destina 100.000 euros en total, aínda que a cuantía máxima á que poderá optar cada proxecto ascende a 8.000 euros.

O edil apuntou que a esta convocatoria pódense presentar colectivos e entidades constituídos como tal pero tamén permite que outras con recoñecida traxectoria e non rexistradas formalmente poidan optar ás subvencións se cumpren o requisito de ter realizado un proxecto cultural anual no termo municipal nos últimos dous anos. Unha comisión especializada será a encargada de valorar os proxectos, que deberán ser abertos ao público xeral, gratuítos e que se trate de accións culturais que apoien o desenvolvemento comunitario dos diferentes barrios na cidade. O comité experto valorará tamén outras cuestións relevantes, como que a iniciativa inclúa un plan de comunicación ou a realización de proxectos conxuntos con outras entidades, xa que “está probado que a interacción entre entidades enriquece moito os traballos”. Neste sentido, Sande referiuse aos 17 proxectos que foron aprobados o pasado ano dentro do programa Cultura de Barrio, dos que dixo “tiveron resultados moi afortunados, con riqueza e variedade de proxectos”. Así, lembrou que os colectivos propuxeron inicitivas que ían desde o ámbito científico, de recuperación da memoria histórica ou artísticos nas súas diversas facetas, que “propoñía actividades ou vías que non existían” dentro da programación cultural da cidade. O prazo de resolución estimado é de dous meses.

ENCUESTA SEMANAL

¿Te gusta la nueva web?

Cargando ... Cargando ...