Coruña Infantil – CLICK AQUI

Para acceder a la mejor web que te puede informar de los eventos y noticias para los mas peques solo tienes que hacer CLICK AQUI

Coruña Atrapa – CLICK AQUI

Para acceder a la mejor web que te puede informar de los mejores locales y sitios que visitar en Coruña haz CLICK AQUI

O Concello levará a 50 estudantes de ciclos medios a facer prácticas laborais en empresas de varios países de Europa durante tres meses

O Concello da Coruña convocará no mes de novembro as primeiras 30 prazas do programa Bolsas Europa FP­Proxecto Acoreuropa IV, que permitirá que 50 titulados de ciclos medios de FP poidan facer prácticas de tres meses de duración en empresas de Reino Unido, Irlanda, Italia, Austria, Portugal e Polonia. A …

OFERTA TODOCONSOLAS: 10% DE DESCUENTO EN PRODUCTOS HUEWEI DE SEGUNDA MANO

OFERTA TODOCONSOLAS: 10% DE DESCUENTO EN PRODUCTOS HUEWEI DE SEGUNDA MANO

Recent Articles:

O Concello aborda as obras que dotarán a praza de Recife dunha nova zona deportiva e unha área de xogos “que dará servizo a unha parte da cidade especialmente densa”

enero 25, 2018 coruna No Comments

O alcalde da Coruña, Xulio Ferreiro, e o concelleiro de Rexeneración Urbana e Dereito á Vivenda, Xiao Varela, visitaron as obras que o Concello está a desenvolver na praza de Recife e que culminarán coa posta en marcha dunha nova área de xogos, a máis grande que o executivo municipal acometerá neste mandato, e que dará servizo “á área da cidade con maior densidade de poboación”. Cun orzamento de 438.959 euros, esta obra tamén suporá a mellora da zona deportiva da praza, así como a instalación dunha estrutura de aparcabicis, que se ubicará no espazo que até o de agora ocupaba a actual zona infantil. O prazo para a execución dos traballos é de seis meses. O edil Varela destacou, que, se ben esta intervención será “especialmente visible e proveitosa para toda a zona do ensanche, non é a primeira que o goberno acomete na praza de San Pablo”. En concreto, entre xuño e setembro do ano 2016 xa se levou a cabo, por un importe cercano aos 90.000 euros, a renovación das beirarrúas comprendidas entre os número 9 e 15 de Maxistrado Manuel Artime e a praza. Posteriormente, entre abril e xuño do pasado ano, abordouse unha segunda fase de actuacións, consistente na renovación do pavimento dos sendeiros peonís na praza, así como das escaleiras. A obra, que neste caso supuxo un investimento de máis de 130.000 euros, tamén comprendeu melloras no espazo público, como a restauración dos bancos e o cambio do bordo das zonas axardinadas. En paralelo, desenvolvéuse tamén un proxecto de mellora e ampliación das zonas verdes do entorno.

… Leer más

O goberno local levará a Pleno unha redución do 12,7% nas tarifas da Escola Municipal de Música para o vindeiro curso “no empeño por facilitar o seu uso por parte da cidadanía”

enero 24, 2018 Uncategorised No Comments

O goberno local levará a Pleno unha reducción do 12,7% nas tarifas da Escola Municipal de Música para o próximo curso, no que a intención do executivo municipal é que tampouco se fagan disticións á hora de aboar as tarifas en función do lugar de residencia do alumnado. O executivo prevé aprobar na próxima Xunta de Goberno unha modificación da ordenanza fiscal no 16 que regula as taxas de prestación de servizos nos museos e outras instalacións culturais do Concello “no empeño por facilitar o seu uso por parte da cidadanía”, e tendo en conta que a cuestión da residencia “non é un criterio xuridicamente asumible para establecer importes diferentes”. Con esta modificación da ordenanza regularase tamén a tarxeta turística Coruña Card, co fin de mellorar o seu uso. Á vez, a reunión do grupo de goberno tamén dará luz verde á modificación da ordenanza fiscal no 44, que regula os prezos públicos ligados ao uso de instalacións de titularidade municipal vinculadas ao IMCE. Non obstante, tal e como recorda a titular de Facenda, Eugenia Vieito, “para poder aplicarse, estas modificacións deben ser ratificadas polo Pleno municipal”. A intención do executivo é que estas variacións nas ordenanzas, unha vez aprobadas pola Xunta de Goberno Local este venres, pasen pola Comisión de Facenda, e sexan referendadas pola Cámara municipal na sesión que terá lugar o vindeiro 5 de febreiro. “Esperamos que non haxa problemas para sacar adiante estas modificacións xa que o que plantexamos son medidas que facilitan e democratizan o uso das instalacións públicas e que, ademais, teñen unha marcada perspectiva metropolitana, tendo en conta que, hoxe en día, a cidade da Coruña xa non acaba na Ponte Pasaxe”, incidiu. “A modificación da ordenanza fiscal no 16, que facilita o acceso da poboación á Escola Municipal de Música, foi negociada co grupo municipal socialista, e facilita o obxectivo de levar a cabo, de novo, unha serie de modificacións nas ordenanzas baseadas en principios de democratización do uso das instalacións públicas”, dixo Vieito. … Leer más

O goberno local habilita os paneis de mensaxes variables de información ao tráfico “para ofrecer, en tempo real, datos do estado da circulación na cidade”

enero 24, 2018 coruna No Comments

O concelleiro de Mobilidade Sostible, Daniel Díaz Grandío, deu a coñecer nunha rolda de prensa o novo proxecto de mellora do goberno local para a xestión do tráfico na cidade. A través da posta en marcha dun programa de control da circulación e a instalación de novos dispositivos de medición en diferentes vías da cidade, desde esta mañá os paneis de mensaxe variable de información ao tráfico que se atopan instalados no termo municipal incorporarán datos, en tempo real, do estado de circulación e achegarán propostas dos diferentes itinerarios que se poden seguir até outros puntos da localidade e os tempos de percorrido estimados para os mesmos. “O goberno local está a traballar, desde o primeiro día, na mellora da tecnoloxía de xestión e control do tráfico. Hoxe presentamos os resultados dun arduo traballo de mellora, realizado polos servizos municipais de Mobilidade e da Policía Local, de dous proxectos indepententes, e que a veciñanza poderá advertir deste esta mesma xornada”, sinalou o edil.

Tal e como expuxo Díaz Grandío, ao longo do pasado exercicio o goberno local instalou, en distintos puntos das principais estruturas viarias do termo municipal, 23 dispositivos de tecnoloxía bluetooth que, a diferencia dos antigos sistemas de control do tráfico como as espiras, “e que van enterradas no pavimento e contean vehículos grazas ós elementos metálicos destos”, identifican aos vehículos que dispoñen deste sistema e permiten establecer tendencias do estado da mobilidade rodada da cidade. “Ademais de contar vehículos, esta nova rede de dispositivos lectores, de fácil instalación, predice e identifica os tempos e os percorridos de cada un dos vehículos”. Deste xeito, achega nova información sobre rutas escollidas ou tempos de percorrido en tempo real aos xestores de tráfico, “o que permite trazar ou achegar os mellores itinerarios a seguir por parte das e dos condutores”. … Leer más

A Coruña celebrará en abril o Foro Cidadán Tecendo Litoral para abordar de forma participada os futuros usos dos peiraos, “a maior oportunidade e a cuestión urbanística máis relevante das próximas décadas”

enero 23, 2018 coruna No Comments

O alcalde, Xulio Ferreiro, presentou Tecendo Litoral. Investigación e diálogo sobre o futuro da Coruña e os seus peiraos , unha iniciativa que impulsa o goberno local, a través das concellerías de Participación e Innovación Democrática e Rexeneración Urbana e Dereito á Vivenda, dirixida a definir solucións para a xestión e os usos do espazo que quedará liberado nos peiraos urbanos cando as empresas se trasladen ao Porto Exterior de Punta Langosteira. O proceso, que comezou a fase de investigación o pasado mes de novembro continuará, segundo avanzou o rexedor, os próximos 27 e 28 de abril, co Foro Cidadán Tecendo Litoral, un espazo de reflexión aberto á cidadanía que servirá para presentar o resultado dos traballos de estudo e investigación realizados na primeira fase, con propostas de usos para os terreos portuarios, que se debaterán por parte das persoas participantes. “A liberación dos terreos do porto é unha oportunidade enorme para a cidade. É seguramente a discusión urbanística máis importante, pero tamén no económico, social e de dereito á cidade, que imos a ter nas próximas décadas”, indicou Ferreiro. Como apuntou, as actuais instalacións comerciais portuarias ocupan máis de 430.000 metros cadrados, polo que supoñen unha “enorme oportunidade” para renovar este espazo portuario urbano e construír unha Coruña que integre a relación da cidade co mar e o porto.

O proceso Tecendo litoral arrincou no mes de novembro de 2017 cunha análise en profundidade, a través dun estudo técnico, da documentación legal e urbanística existente así como de exemplos doutras cidades do mundo (Barcelona, Bilbao, Valencia, Saint Nazaire, Hamburgo, Xénova, Rotterdam ou Marsella) que acometeron trasformacións portuarias de xeito participativo, innovador e sostible. Esta primeira fase completouse cun traballo de campo cos axentes implicados da cidade e a súa área metropolitana, a través de grupos de discusión e entrevistas con axentes institucionais, económicos, entidades sociais, medioambientais e aquelas cunha estreita relación co mar. “Neste estudo tamén se van poñer enriba da mesa as propostas de definicións de usos do Concello”, sinalou Ferreiro. Esta vontade de diálogo continuará na segunda fase do proceso, a celebración do Foro Cidadán Tecendo Litoral que terá lugar en Palexco. Este encontro servirá, segundo indicou Ferreiro, para recoller o sentir da cidadanía e tamén para presentar os resultados da primeira fase do proceso. Tamén se escoitará a perfís expertos en transformación portuaria do eido estatal e internacional e especialistas sobre as experiencias dos portos de Barcelona, Bilbao e Saint Nazaire, así como os principais axentes implicados no desenvolvemento da nova fachada marítima da cidade. Neste sentido, o alcalde recalcou a importancia de integrar e colaborar con outras administracións no proxecto e lembrou que o Concello trasladou en outubro a Puertos del Estado e á Autoridade Portuaria da Coruña unha proposta de protocolo para canalizar esta colaboración e comezar a traballar nun consorcio interadministrativo, da que aínda non obtivo contestación. “Pedíusenos un mes para dar unha resposta e dende outubro ate agora pasaron xa catro”, apuntou o alcalde, que adiantou que esta semana reiterará a necesidade “de ter unha resposta por parte de Puertos del Estado”.

A terceira fase do proceso Tecendo Litoral levarase a cabo no próximo mes de maio. Será entonces cando se presentará un resumo do traballo levado a cabo que recolla a análise, a diagnose e as conclusións das dúas fases anteriores. Este documento incluirá as principais conclusións e recomendacións de usos para a fachada marítima coruñesa tiradas do proceso Tecendo Litoral e será “a base da estratexia a medio e longo prazo” do Concello.

O alcalde presentou tamén este luns a páxina web municipal ( www.coruna.gal/tecendo-litoral/gl ) da iniciativa, na que se pon a disposición da veciñanza o traballo desenvolvido ata o momento e o que se realizará nos próximos meses. Nela tamén se pode atopar a documentación lexislativa, urbanística e política de referencia empregada no proceso de investigación e que permite entender a relación da Coruña cos peiraos e o conxunto do bordo litoral.

O Concello dá luz verde á implantación da segunda fase do plan de accesibilidade do transporte interurbano

enero 23, 2018 coruna No Comments

O goberno local deu luz verde á implantación da segunda fase do Plan de Accesibilidade do Transporte Interurbano, o que posibilitará a entrada de autobuses ao centro urbano a través dos corredores das avenidas de Arteixo e Fisterra. O concelleiro de Mobilidade Sostible, Daniel Díaz Grandío, avanzou que o Concello da Coruña “ten todos os seus deberes feitos, técnica e operativamente, para que o proxecto de penetración aprobado pola Xunta poida levarse a cabo” e sinalou que o prazo de inicio debe fixalo a propia administración autonómica. “Por parte do goberno local, podería ser a semana que vén”, indicou.

O edil mantivo esta mañá unha xuntanza técnica con responsables da Dirección Xeral de Mobilidade da Consellería de Infraestruturas, no marco da comisión bilateral de seguimento da implantación do plan que, tal e como destaca Díaz Grandío, “ten entre os seus cometidos vixiar a boa execución da iniciativa”, e cuxa convocatoria “foi dilatada por parte da Xunta”. “A Comisión de Seguimento é o marco de traballo que permite a ambas as dúas administracións adoptar ou propoñer modificacións que corrixan as posibles eivas que poidan presentar as diferentes fases de implantación do Plan de Accesibilidade do Transporte Interurbano durante a súa posta en marcha”, lembrou o responsable municipal, que puxo en valor o papel do ente “na boa execución da primeira fase do plan de acceso”, así como a planificación e o traballo desenvolvido tanto pola Policía Local e o persoal da concellería, “para que a penetración urbana non presentara incidentes”.

Nesta segunda fase, o proxecto prevé o acceso até o centro da cidade dos autobuses que se incorporen a través do corredor oeste –polas avenidas de Arteixo e Fisterra–. As nove liñas recollidas dentro do proxecto de penetración, e que se traducirán, segundo apunta Díaz Grandío, en 25 expedicións ao día, son as que proceden de municipios como Arteixo, Carballo, Corme, Fisterra, Malpica ou Vimianzo, entre outras localidades. Neste sentido, o concelleiro salienta “as posibilidades que abre para a cidade a entrada das veciñas e veciños da área metropolitana e da Costa da Morte no centro urbano”.

ENCUESTA SEMANAL

¿Te gusta la nueva web?

Cargando ... Cargando ...