Coruña Infantil – CLICK AQUI

Para acceder a la mejor web que te puede informar de los eventos y noticias para los mas peques solo tienes que hacer CLICK AQUI

Coruña Atrapa – CLICK AQUI

Para acceder a la mejor web que te puede informar de los mejores locales y sitios que visitar en Coruña haz CLICK AQUI

O Concello levará a 50 estudantes de ciclos medios a facer prácticas laborais en empresas de varios países de Europa durante tres meses

O Concello da Coruña convocará no mes de novembro as primeiras 30 prazas do programa Bolsas Europa FP­Proxecto Acoreuropa IV, que permitirá que 50 titulados de ciclos medios de FP poidan facer prácticas de tres meses de duración en empresas de Reino Unido, Irlanda, Italia, Austria, Portugal e Polonia. A …

OFERTA TODOCONSOLAS: 3X2 EN JUEGOS PS4 (SEGUNDA MANO)

OFERTA TODOCONSOLAS: 3X2 EN JUEGOS PS4 (SEGUNDA MANO)

Recent Articles:

Igualdade abre o prazo de inscrición da nova programación da Tarde Xove, “que se recupera para favorecer a educación sexual e afectiva da mocidade da Coruña”

octubre 7, 2018 coruna Comentarios desactivados en Igualdade abre o prazo de inscrición da nova programación da Tarde Xove, “que se recupera para favorecer a educación sexual e afectiva da mocidade da Coruña”

A Concellería de Igualdade e Diversidade abre o prazo de inscrición para participar nos obradoiros gratuítos do programa educativo Tarde Xove, unha iniciativa dirixida á mocidade e que ten como obxectivo favorecer a vivencia dunha sexualidade positiva e responsable. Tal e como explica a edil Rocío Fraga, o goberno local recupera esta programación, “que retirou a Xunta hai anos”, para traballar, en común coa xente moza, diferentes cuestións vinculadas á sexualidade, afectividade e anticoncepción, “coa idea de poder ofrecer unha educación sexual e afectiva de calidade e o máis próxima posible a un colectivo que demanda habitualmente este tipo de espazos”. “No momento da retirada da atención á xente moza no COF, o número de asistencias caeu do 25% ao 16%. Nos últimos tres anos estamos a recuperar e incrementando o número de consultas entre a poboación nova grazas ás actividades que estamos dirixindo a esta franxa de idade, pero queremos consolidar esta atención con Tarde Xoven”, asevera a concelleira.

Os obradoiros sobre saúde sexual e afectiva desenvolveranse durante todo o curso escolar a partires do 17 de outubro. As propostas están dirixidas a mozas e mozos a partires dos 14 anos e contan con dúas modalidades co obxectivo de ofrecer tanto unha formación xeral como outra máis específica sobre cuestións concretas. “Para o Concello é moi importante poder ofrecer atención próxima e en espazos de seguridade ou confianza á poboación xuvenil, xa que é, especialmente, o colectivo que máis demanda este tipo de propostas. Estes obradoiros tradúcense en ferramentas que permiten que a mocidade poida escoller cunha importante base informativa, así como reflexionar sobre os modelos sexuais”, apunta Fraga. O obradoiro completo, de 6 horas de duración, impártese os mércores –de 17.00 a 20.00 horas–, en dúas sesións de 3 horas de duración, durante dúas semanas consecutivas. En total, nesta primeira quenda formativa, que se celebrará entre os meses de outubro e decembro, o COF dará a posibilidade de participar até en cinco edicións. Nesta acción formativa abórdanse cuestións como a diversidade sexual e identidades de xénero, o pracer e o desexo, a erótica e o percorrido sensorial, o recoñecemento e a expresión das emocións, ou relación entre sexo e sexualidade, ademais de ofertar a posibilidade de plantexar distintas dúbidas nun consultorio sexolóxico.

… Leer más

A xunta de goberno local acorda impulsar o desenvolvemento de ‘Housing First’, “un programa innovador que facilitará o acceso á vivenda das persoas en situación de rúa”

octubre 7, 2018 coruna Comentarios desactivados en A xunta de goberno local acorda impulsar o desenvolvemento de ‘Housing First’, “un programa innovador que facilitará o acceso á vivenda das persoas en situación de rúa”

A xunta de goberno local do Concello da Coruña deu o seu visto e prace a impulsar a implementación e execución dun programa baseado no modelo Housing First.​ A proposta, que se realiza a través dun convenio de colaboración coa Asociación Provivienda, contará cun investimento de 67.000 euros e permitirá poñer unha serie de inmobles da cidade, con carácter permanente e incondicional, á disposición de persoas que se atopan en situación de rúa no termo municipal. “​Housing First é unha proposta innovadora, xa que rompe o modelo tradicional de ascenso en escaleira dos servizos sociais ao pasar, directamente, a recoñecer dereitos fundamentais da cidadanía como é o acceso á vivenda”, explica a concelleira de Xustiza Social e Coidados, Silvia Cameán.

O modelo Housing First, que se enmarca dentro das políticas de loita contra as desigualdades postas en marchas polo executivo coruñés, propón facilitar o acceso a unha vivenda unipersoal “como punto de partida para favorecer a recuperación da estabilidade vital e residencial das persoas sen fogar e, en consecuencia, da súa autonomía”, sinala a edil. En concreto, diríxese especialmente a persoas sen teito e que presenten outras situacións de vulnerabilidade, vinculadas á saúde física ou psíquica. A posta en marcha desta medida conta co apoio complementario dunha persoa profesional encargada de acompañar á usuaria no seu proceso de incorporación social, “outro dos puntos radicalmente innovadores desta proposta é que se basea no máximo respecto ás persoas, porque parte da idea de seguir, en todo momento, a liberdade de decisión da usuaria e respectar tanto as súas eleccións coma os seus tempos”, apunta Cameán. “Este xeito de entender o acompañamento está directamente vinculado co modelo de servizos sociais de proximidade que se está a implementar no Concello da Coruña, máis próximo e centrado nas persoas”, asevera a responsable municipal.

… Leer más

A oficina de consumo inicia unha nova tempada de formación na que participan máis de 7.000 escolares e que está dirixida tamén a entidades e colectivos sociais

octubre 7, 2018 coruna Comentarios desactivados en A oficina de consumo inicia unha nova tempada de formación na que participan máis de 7.000 escolares e que está dirixida tamén a entidades e colectivos sociais

​O servizo de Consumo do Concello inicia unha nova edición do programa formativo ​A Coruña e o Consumo​, no que participan máis de 7.000 alumnos e alumnas de máis de 40 centros educativos. A Oficina Municipal de Información ao Consumidor (OMIC) comeza así a tempada de actividades educativas, que ademais de estar dirixidas a público adulto e escolar, contempla accións deseñadas para colectivos e entidades sociais.

A OMIC oferta, a través do programa Coruña Educa, obradoiros enfocados ao consumo para os centros educativos da cidade e dos que xa confirmaron a súa participación 41 deles –dende Educación Infantil, Primaria, ESO, Bacharelato e ciclos formativos–. Nestes talleres impartirase formación a 7.741 alumnos e alumnas nun total das 327 actividades que están programadas polo momento. Isto supón un aumento da asistencia respecto das pasadas edicións. Todas as actividades están coordinadas co persoal docente dos centros e son levadas a cabo e dinamizadas por educadoras e educadores especialistas en consumo aportados pola OMIC.

Ademais das actividades para escolares, a oficina de consumo tamén oferta un amplo programa de actividades para adultos, tanto para realizar en colectivos, entidades ou centros cívicos, como as que se celebran con carácter mensual na propia OMIC e que teñen unha participación media de 25 persoas por obradoiro. Esta programación complétase ao logo do ano con outras actividades puntuais como a escola de verán, os campamentos, as campañas específicas ou a publicación de novos folletos e manuais.

LA CÁTEDRA DE TRAUMATOLOGÍA DEL DEPORTE DE HM HOSPITALES Y LA UNIVERSIDADE DA CORUÑA INICIA EL CURSO CON UNA LECCIÓN SOBRE TRABAJO EN EQUIPO

octubre 7, 2018 coruna Comentarios desactivados en LA CÁTEDRA DE TRAUMATOLOGÍA DEL DEPORTE DE HM HOSPITALES Y LA UNIVERSIDADE DA CORUÑA INICIA EL CURSO CON UNA LECCIÓN SOBRE TRABAJO EN EQUIPO

Mónica Solana-Tramunt, fisioterapeuta y profesora de Ciencias del Deporte de la Universidad Ramón Llull, ha impartido la lección inaugural de la Cátedra de Traumatología del Deporte de HM Hospitales y la Universidade da Coruña (UDC). El acto celebrado en el salón de actos de la Fundación ONCE ha estado enmarcado en el Día das Universidades Saudables y ha servido para abrir el curso 2018-2019. El título de la ponencia ha sido ‘Trabajo en equipo en el deporte de rendimiento: roles y competencias profesionales para el éxito deportivo’.

La Cátedra de Traumatología del Deporte nació en el año 2015 en virtud de un acuerdo suscrito entre HM Hospitales y la UDC con el objetivo de formar en A Coruña un centro de referencia en el ámbito de la Traumatología del deporte, no solo para Galicia, sino para todo el noroeste peninsular. Al frente de la misma están el profesor Dr. Luis Cudeiro, como director, y el profesor Dr. Rafael Arriaza, como coordinador ejecutivo. … Leer más

Alumnos da Escola de Práctica Xurídica da USC realizarán prácticas nos concellos da provincia co apoio da Deputación da Coruña

octubre 6, 2018 Uncategorised Comentarios desactivados en Alumnos da Escola de Práctica Xurídica da USC realizarán prácticas nos concellos da provincia co apoio da Deputación da Coruña

O presidente da Deputación da Coruña, Valentín González Formoso, o reitor da Universidade de Santiago de Compostela, Antonio López Díaz, e o decano do Colexio de Avogados de Santiago, Francisco Rabuñal Mosquera, asinaron esta mañá, na sede da institución provincial, un convenio de colaboración para   o  financiamento das prácticas dos alumnos da Escola  de Práctica Xurídica da USC nos departamentos de urbanismo dos concellos da provincia.

O obxecto do protocolo suscrito é proporcionar as necesarias prácticas xurídicas aos licenciados en graduados en Dereito e alumnos da  Escola, que serán encargados da realización de estudos, informes, escritos e xestión de expedientes, o que lles  proporcionará un coñecemento directo, mediante    supostos concretos e reais, do traballo diario que se realiza   nos departamentos de urbanismo dos concellos. … Leer más