Coruña Infantil – CLICK AQUI

Para acceder a la mejor web que te puede informar de los eventos y noticias para los mas peques solo tienes que hacer CLICK AQUI

Coruña Atrapa – CLICK AQUI

Para acceder a la mejor web que te puede informar de los mejores locales y sitios que visitar en Coruña haz CLICK AQUI

O Concello levará a 50 estudantes de ciclos medios a facer prácticas laborais en empresas de varios países de Europa durante tres meses

O Concello da Coruña convocará no mes de novembro as primeiras 30 prazas do programa Bolsas Europa FP­Proxecto Acoreuropa IV, que permitirá que 50 titulados de ciclos medios de FP poidan facer prácticas de tres meses de duración en empresas de Reino Unido, Irlanda, Italia, Austria, Portugal e Polonia. A …

OFERTA TODOCONSOLAS: PLAN RENOVE GALAXY S8/S8+

OFERTA TODOCONSOLAS: PLAN RENOVE GALAXY S8/S8+

Recent Articles:

O Goberno local avanza na posta en marcha do Concello Sectorial da Saúde, cuxas bases analizará hoxe coas entidades de carácter sanitario da cidade

Junio 1, 2017 coruna No Comments

A Concellería de Xustiza Social e Coidados vén de elaborar o borrador do regulamento que permitirá poñer en marcha o Consello Sectorial de Saúde do Concello da Coruña, o organismo colexiado de participación cidadá de carácter consultivo que ten como obxectivo crear un espazo para o asesoramento, a información, o debate e o estudo de programas e actividades en materia de saúde orientadas á mellora permanente da calidade de vida da cidadanía. A edil Silvia Cameán convocou para esta tarde a diversas entidades cidadás relacionadas co ámbito sanitario, coa finalidade de “comezar a traballar, de forma conxunta, cos axentes sociais especializados do municipio e recibir as súas achegas ao proxecto”, que nace dunha proposta da plataforma SOS Sanidade Pública que o executivo coruñés presentou, a través dunha moción, no Pleno da Corporación o pasado mes de marzo. “Este Goberno entende como fundamental tanto a participación da sociedade civil na construción das políticas municipais como contar coa voz e a opinión daquelas entidades que, pola súa traxectoria e incidencia no día a día, poden facer propostas sobre as necesidades que terá este órgano consultivo, da que formarán parte”, explica a concelleira.

A proposta na que se traballará nesta sesión, e que o Goberno local trasladou a semana pasada ás entidades socio-sanitarias, afonda no regulamento deste órgano consultivo, do que poderán formar parte tanto de entidades cidadás como de colectivos de especial relevancia social vinculadas á saúde. O proxecto do executivo coruñés define o Consello como un espazo ao que facer chegar propostas sobre as políticas municipais que teñan incidencia na saúde, e que poida orientar sobre criterios e recomendacións que sirvan para contribuír a definir as liñas ou directrices xerais en materia da súa competencia.

Entre os seus obxectivos sitúanse a elaboración dun diagnóstico de saúde do municipio, así como a asignación de prioridades na atención dos problemas de saúde que se deriven; e atender á situación das estruturas físicas, dotacións materiais e cadro de persoal dos servizo relacionados co ámbito sanitario para propoñer a administración competente cantas medidas se estimen oportunas para o seu funcionamento idóneo. O órgano servirá tamén para analizar os problemas ambientais que poidan repercutir na saúde da veciñanza, promover o desenvolvemento dos dereitos e deberes das persoas usuarias dos servizos sanitarios e velar por unha sanidade de calidade para toda a cidadanía, prestando especial atención aos sectores con dificultades e necesidades socio-sanitarias urxentes.

Tras esta xuntanza, o Goberno local continuará cunha serie de contactos con outras partes implicadas na construción do Consello, “ata acadar un amplo acordo entre todas as entidades que formarán parte deste organismo”. “Na Coruña queremos avanzar cara á Xustiza Social, e para isto, queremos contar con todas as mans”, afirmou a edil.

Os novos contratos de mantemento de parques e xardíns, que comezan a funcionar en xuño, ampliarán o seu ámbito de execución “e incidirán na recuperación da natureza urbana en todos os barrios”

Junio 1, 2017 coruna No Comments

Os novos contratos de mantemento e conservación de parques e xardíns da cidade comezarán a funcionar na cidade de xeito inmediato, segundo explicou este mércores en rolda de prensa a concelleira de Medio Ambiente, María García, quen destacou que os servizos ampliarán o seu ámbito de execución, “axustándose á realidade actual da cidade” e actuando en zonas que até o de agora non estaban cubertas polo actual contrato, como o Parque de Bens, o entorno da Torre de Hércules ou o Parque Natural dos Rosales, ademais doutras pequenas parcelas por toda a cidade. Tamén se contemplarán rozas noutros enclaves como o Parque de Eirís (na zona das castiñeiras), o entorno do Castro de Elviña, Novo Mesoiro ou Lázaro Cárdenas, entre outras, dando resposta a históricas reivindicacións cidadás. “Este Goberno aposta por un novo modelo de cidade, unha Coruña Próxima que coida das relacións de proximidade da veciñanza co seu entorno no seu día a día, polo que cobra especial relevancia o goce dos parques e xardíns, e polo tanto os traballos de mantemento e calidade das zonas verdes”, comentou García, quen explicou que desde o inicio de xuño entrará en vigor o novo contrato de mantemento dos xardíns históricos, mentres que contra a segunda quincena de xuño o fará o que atinxe ao resto de zonas verdes do municipio. A concelleira salientou, ademais, que este contrato “permitirá aplicar as políticas polas que aposta o Goberno local, como a posta en valor do espazo público e a recuperación da natureza urbana nos barrios, dando maior calidade de vida á cidadanía”.

Este servizo, cun contrato anual de 5,4 millóns de euros, leva aparellado ademais para o que resta de 2017 un investimento de máis de 1,7 millóns, “non sendo o dobre porque o contrato se inicia a metade de ano”, destacou a edil. O novo contrato de mantemento de parques e xardíns non só amplía o seu ámbito de execución senón que recolle unha serie de importantes novidades baseadas na “recuperación da natureza urbana” entendida coma naturalización e mellora da calidade de vida dos barrios. Entre estas novidades figura a aposta pola expansión de arborado, cunha previsión da plantación de 1.500 exemplares entre árbores e grandes arbustos en dous anos. Ademais tamén se abordará un proceso de renovación do mobiliario e os equipamentos relacionados cos espazos verdes da cidade, así como a implantación das novas hortas urbanas resultantes do proceso participativo levado a cabo o pasado ano.

Con respecto á mellora do estado dos parques para maior disfrute da cidadanía con accións que van dende a reparación, á ampliación e mellora do mobiliario, unha das primeiras actuacións terá que ver “cun labor de detección durante catro meses das incidencias que poidan existir nos equipamentos actuais”.

De xeito paralelo levaranse a cabo outras accións, entre as que destacan a continuación das obras do estanque de Eirís, a implantación de máquinas de vapor para substituír o uso do glifosato na retirada das herbas espontáneas e a ampliación e mellora das áreas caninas ou das instalacións de rego. Tamén se levarán a cabo estudos de transición ao manexo ecolóxico dos parques así como aplicará un importante investimento, cercano aos 80.000 euros, para o acondicionamento da zona da Rosaleda, “sen prexuízo, por suposto, de que esta cantidade se vaia incrementando nas seguintes anualidades”.

“Abrimos unha etapa que nos dá pé a continuar adiante coas nosas políticas de recuperación da natureza urbana tan importante nesta cidade e que foi comida pola expansión do cemento”, resumiu a concelleira. Neste sentido, o contrato está suxeito a un proceso de control de calidade, con indicadores e ferramentas informáticas que servirán para facer un control e seguimento dos obxectivos de traballo, así como un inventario das actuacións en arborado, obras de mellora de equipamentos, etc.

O Concello mantén aberta ata o venres a convocatoria para participar no programa de Vacacións e Turismo Social para Maiores 2017/2018

Mayo 31, 2017 coruna No Comments

A Concellería de Xustiza Social e Coidados mantén ata o vindeiro venres, 2 de xuño, aberta a convocatoria para optar ás prazas gratuítas do programa Vacacións e Turismo Social para Maiores 2017/2018, para viaxar dentro das quendas programadas polo Imserso. O programa, no que o Concello oferta este ano 145 prazas de carácter gratuíto, vai dirixido a persoas pensionistas empadroadas na Coruña con capacidade económica anual inferior aos 11.928,22 euros (1,6 veces o IPREM do ano 2016), que estas teñan autonomía suficiente para realizar as actividades básicas, sen alterar a convivencia durante a viaxe. O prazo para formalizar a solicitude de praza estará aberto ata o venres, entre as 09.00 e as 13.30 horas, na Oficina Municipal de Dependencia, Maiores e Discapacidade (OMAD), sita na rúa Doutor Henrique Hervada, 4. Os impresos a presentar poderán recollerse nesta oficina ou na rede de centros cívicos municipais, aos que se deberá axuntar a documentación requirida. Nela inclúese, ademais da solicitude debidamente asinada, unha fotocopia do DNI, o xustificante mensual actualizado da pensión ou, se é o caso, certificado negativo de pensións de todas as persoas solicitantes e autorización asinada a favor do Concello da Coruña para consultar datos tributarios do 2016 ou ben fotocopia da declaración da renda.

As e os beneficiarios poderán participar co seu ou a súa cónxuxe ou parella de feito e poderán incluír na súa solicitude fillos ou fillas afectadas dalgunha diversidade (de grao mínimo dun 45%), que deberán estar acompañados dos seus proxenitores e compartir habitación.

As listas provisionais de persoas admitidas poderanse consultar desde setembro na propia OMAD, nos centros cívicos, no servizo telefónico 010 e na web www.servizossociais.coruna.es (sen que a inclusión das mesmas supoña un recoñecemento por parte dos servizos municipais de que todas as persoas reúnen os requisitos esixidos polo Imserso para acceder ás prazas). A partir de decembro deste ano, os e as admitidas recibirán no seu domicilio unha carta informativa onde se indicará o destino e a quenda da viaxe. Ademais, as persoas que se atopen na lista de espera e que finalmente resulten admitidas, serán avisadas telefonicamente.

O Concello advirte tamén de que a duplicidade de solicitudes no Concello e no programa do Imserso suporá a validación da solicitude municipal. Deste xeito, as persoas que se inscriban na convocatoria municipal non recibirán en setembro a carta informativa do Imserso, ao xa ter cursado a súa solicitude.

O Goberno local finaliza as obras de renovación e acondicionamento da beirarrúa de Juan Flórez no CEIP Labaca, “unha medida que mellora as condicións do acceso ao centro e a seguridade da comunidade escolar”

Mayo 31, 2017 coruna No Comments

A Concellería de Rexeneración Urbana e Dereito á Vivenda vén de finalizar as obras de renovación e acondicionamento da beirarrúa de Juan Flórez próxima á saída do CEIP Labaca, que supoñen a ampliación do espazo peonil e a creación dunha nova estancia de encontro que mellora as condicións de acceso ao centro, así como da seguridade no cruzamento máis próximo ao colexio. “A nova beirarrúa de Juan Flórez mellorará e ampliará a seguridade do alumnado na súa entrada e saída ao centro, ademais de gañar de novo espazo público para a cidadanía, coa creación dunha estancia máis confortable”, expón o concelleiro Xiao Varela, quen destaca que os traballos de renovación inclúen a instalación de bancos, “o que dá pé a un novo lugar de encontro que facilite a socialización das nenas e dos nenos, á vez que garante unha separación de seguridade entre a calzada e a saída do centro”, así como doutros elementos de mobiliario urbano, entre os que se atopan un aparcadoiro de bicicletas e unha papeleira.

O edil sinala que a medida, que responde a unha petición da ANPA do CEIP, forma parte da liña de actuacións que se están a acometer na contorna doutros centros escolares da cidade, “coa finalidade de mellorar a seguridade peonil diante dos equipamentos”, como no IES Monte das Moas, e que tamén se proxecta na rúa Victoria Fernández España, fronte ás escaleiras de do IES Menéndez Pidal. “A Asociación de Nais e Pais estivo informada en todo momento do deseño e desenvolvemento do proceso; unha vez aprobado o proxecto, desde o Concello valoramos que sería positivo que participase in situ, nas tarefas de disposición do mobiliario”, asevera Varela.

O pasado venres, durante a sinalización da localización dos bancos na beirarrúa, o equipo técnico municipal estiveron acompañados por membros da ANPA do centro, “que deron o seu visto bo á posición”, explica o edil. “Unha vez que a varanda resolve a separación de protección entre as nenas e os nenos coa calzada, os bancos non se situarán estritamente aliñados coa porta do CEIP para optimizar o máis posible este espazo tan necesario”, expón.

O concelleiro de Economía Social destaca a convocatoria de subvencións destinadas a proxectos de dinamización do comercio “que por primeira vez abren vías para dar igualdade de oportunidades aos e ás solicitantes”

Mayo 31, 2017 coruna No Comments

O concelleiro de Emprego, Alberto Lema, reuniuse con representantes de distintas asociacións comerciais da cidade, aos e ás que deu conta das liñas xerais da nova convocatoria de subvencións destinada a entidades que desenvolven proxectos de dinamización do comercio de barrio. O edil destacou que a principal novidade este ano radica en que as axudas serán concedidas por medio dun proceso de concorrencia competitiva, tendo que presentar cada entidade solicitante unha memoria do ou dos proxectos a realizar. “É a primeira vez que se leva a cabo un proceso semellante para a dotación destas subvencións no Concello, que sempre se concederon en base a criterios puramente nominativos”, salientou o responsable municipal, que insistiu en que “o sistema de concorrencia competitiva é o máis recomendado para este tipo de procesos, tendo en conta que son moito máis igualitarios e evitan que as axudas se dean unicamente atendendo a criterios nominativo e non ao contido dos proxectos”, explicou Lema, quen destacou que o Concello reservou para estas subvencións un total de 126.500 euros. As entidades solicitantes poderán pedir financiamento para actividades que teñan como obxectivo “a modernización e dinamización do comercio de barrio” e que se desenvolvan ao longo de todo 2017.

As contías máximas das subvencións para cada actividade ou proxecto son de 5.000 euros para as asociacións de comercio e de 20.000 para as federacións de comerciantes. A nova convocatoria incrementa en 1.000 a contía máxima por proxecto que poden recibir as asociacións, algo que, segundo Lema, “tamén é moi positivo e beneficioso”. As subvencións serán compatibles ademais con outras convocatorias de axudas por parte de entidades públicas e privadas e entre os requisitos para obter a condición de entidade beneficiaria tamén se atopa a de empregar o uso da lingua galega no desenvolvemento das accións de dinamización. … Leer más

ENCUESTA SEMANAL

¿Te gusta la nueva web?

Cargando ... Cargando ...