Coruña Infantil – CLICK AQUI

Para acceder a la mejor web que te puede informar de los eventos y noticias para los mas peques solo tienes que hacer CLICK AQUI

Coruña Atrapa – CLICK AQUI

Para acceder a la mejor web que te puede informar de los mejores locales y sitios que visitar en Coruña haz CLICK AQUI

O Concello levará a 50 estudantes de ciclos medios a facer prácticas laborais en empresas de varios países de Europa durante tres meses

O Concello da Coruña convocará no mes de novembro as primeiras 30 prazas do programa Bolsas Europa FP­Proxecto Acoreuropa IV, que permitirá que 50 titulados de ciclos medios de FP poidan facer prácticas de tres meses de duración en empresas de Reino Unido, Irlanda, Italia, Austria, Portugal e Polonia. A …

OFERTA DE LA SEMANA TODOCONSOLAS: 3X2 EN MANGA

OFERTA DE LA SEMANA TODOCONSOLAS: 3X2 EN MANGA

Recent Articles:

O goberno local acomete a renovación de máis de 1.500 metros do pavemento da praza de Tabacos e da súa contorna “para garantir a durabilidade do chan nunha zona que asume un tránsito especialmente denso”

abril 30, 2018 coruna No Comments

O Concello da Coruña iniciou esta semana os traballos de renovación e mellora do pavimento na contornada da Fábrica de Tabacos e, de xeito especial, na rúa Avogacía , debido ao deficiente estado no que se atopaba. O responsable municipal da área de Rexeneración Urbana e Dereito á Vivenda, Xiao Varela, sinala que a medida responde a unha demanda “moi solicitada pola veciñanza do barrio, que vía agravado o estado do pavimento e das súas plaquetas nunha zona de tránsito especialmente denso”. A urbanización do antigo recinto da fábrica abriu unha comunicicación directa entre Parque Europa e a Costa da Palloza, a través das rúas Pastor Díaz e Avogacía, que canaliza a maior parte dos traxectos peonís que atravesan o ámbito da fábrica. Segundo explicou o concelleiro de Rexeneración Urbana e Dereito á Vivenda, Xiao Varela, os traballos –que teñen unha duración prevista de dous meses, “sempre e cando as condicións climatolóxicas así o permitan– suporán a renovación de “preto do 80% do pavimento de cerámica existente nun dos laterais da praza”.

Melloras de accesibilidade e seguridade

A acelerada degradación do pavimento, que terminou resultando inseguro e pouco accesible para os peóns, débese á baixa aptitude da solución existente para as condicións de tránsito que hoxe se dan nesa rúa. Por dito motivo, e tamén coa finalidade de asegurar unha mellora na accesibilidade,o goberno local, que investirá máis de 60.000 euros na operación, está a executar a renovación do pavimento cun formigón impreso que reproduce o aspecto do anterior despece. Unha solución adoptada co obxectivo, tal e como apunta Varela, “de garantir a durabilidade do chan e que este non desentone coa urbanización existente”. En total, o Concello da Coruña substituirá máis de 1.500 metros cadrados de pavimento deficiente entre as rúas Avogacía, Primavera e na propia praza de Tabacos. Debido ás esixencias técnicas da nova solución empregada e para tamén reducir as molestias que as obras podan ocasionar, a renovación estase a executar por cadrantes, comezando coa reparación das pezas de granito perimetrais e acometendo nunha única fase a substitución da totalidade do pavimento de cada cadrante.

A Deputación da Coruña descubre os espazos ocultos do Teatro Colón a través da figura de María Casares

abril 29, 2018 Teatro Colon No Comments

Ao longo do mes de maio, a área de Cultura da Deputación da Coruña promoverá o programa de “Descubre o Colón con María Casares” pola que as persoas visitantes poderán coñecer os espazos ocultos do edificio por medio da figura da gran María Casares, interpretada polas actrices Diana Sieira e Carmen Peñalver.

Coñecer un teatro á italiana por dentro, nos espazos que non visita o público que asiste aos espectáculos, é unha oportunidade única que ofrece o novo programa “Descubre o Colón con María Casares”, unha proposta da área de Cultura da Deputación da Coruña que bota a andar o 1 de maio e se prolonga até o 29 con visitas abertas ao público ademais de outras para centros de ensino. … Leer más

O Goberno local convocará o primeiro concurso de traslados no Concello nunha década

abril 29, 2018 coruna No Comments

​A concelleira de Facenda e Administración, Eugenia Vieito, participou na Mesa Xeral de Negociación coas persoas delegadas das organizacións sindicais con representación no Concello, “unha xuntanza na que se aprobaron as bases permanentes para a realización dos concursos de traslado do persoal funcionario nos próximos anos e que se empregarán na convocatoria do primeiro concurso de traslados posto en marcha no Concello desde fai unha década”, como avanzou a edil. Ademais, a mesa acordou por unanimidade a recuperación da semana de días libres por antigüidade, así como a previsión da obrigatoriedade de cursos en materia de igualdade e de prevención de riscos no plan de formación do Concello, para garantir que todo o persoal reciba formación básica neses eidos.

A concelleira de Facenda explicou que “as novas bases para os concursos de traslados, que foron negociadas cos sindicatos, contan con visión de futuro, de maneira que teñan un longo percorrido e poidan empregarse nos próximos anos”. A Mesa aceptou a proposta, despois de examinar ás últimas alegacións formuladas polos sindicatos, co voto favorable de CSIF, UXT e CC OO e o voto en contra da CIG. Vieito avanzou ás representacións sindicais que as bases serán aprobadas en breve pola Xunta de Goberno local para ser utilizadas xa na convocatoria dun concurso de traslados dirixido a persoal funcionario pertencente aos grupos AP e C2.

Entre os asuntos tratados na Mesa Xeral de Negociación, a edil destacou a aprobación por unanimidade da recuperación da semana de antigüidade que fora suspendida no anterior mandato con motivo da aplicación do decreto de medidas para garantir a estabilidade orzamentaria e de fomento da competitividade. “Avánzase deste xeito na recuperación dos dereitos laborais do persoal municipal que no seu día foron suspendidos ou minorados, como consecuencia das políticas de austeridade aprobadas polo Goberno do Estado”, apuntou Vieito, que explicou que este restablecemento “é posible agora grazas á cancelación do Plan de Axuste do Concello levada a cabo no pasado ano, ao cumprimento de todos os criterios de estabilidade orzamentaria e límites de endebedamento na liquidación do exercicio 2017”. Así, o persoal do Concello que cumprira os sete anos de servizo durante o período de suspensión deste dereito poderá agora dispoñer dunha semana de vacacións entre os exercicios 2018 e 2019, sempre de xeito compatible coas necesidades do servizo. Para a entrada en vigor desta recuperación, é preciso que se aprobe en Xunta de Goberno local e se redacte a correspondente instrución por parte da Concellería de Facenda e Administración. Tamén foi acordado por unanimidade que os cursos de formación de nivel básico de prevención de riscos laborais e en materia de igualdade incluídos no Plan de Formación do persoal teñan carácter obrigatorio​.

… Leer más

A Deputación da Coruña levas a oferta turística dos concellos á Feira Ibérica de Turismo

abril 28, 2018 coruna No Comments

Incrementar a visibilidade e posicionar os recursos naturais, culturais, gastronómicos, litorais e a artesanía dos concellos, son os obxectivos cos que acode a área de Turismo da Deputación da Coruña á V edición da Feira Ibérica de Turismo (FIT), que entre os días 28 de abril e 1 de maio, se desenvolverá na cidade portuguesa da Guarda.A oferta turística de Mugardos, Malpica, Padrón, Ponteceso, Carballo, Laxe, Oroso, Vimianzo, Muxía e o xeodestino Arousa Norte mostrarase na feira de referencia do sector en Portugal.

A Deputación da Coruña deseñou para este certame un intenso programa de actividades en que a degustación dos produtos de calidade de cada municipio xunto coa promoción dos seus recursos turísticos conforman a grande aposta da institución para activar as sinerxías entre Galiza e Portugal. … Leer más

O alcalde reivindica a necesidade dunha solución global e concertada que conte coa cidadanía para o bordo litoral, xa que “A Coruña debe decidir o seu futuro, porque non é a servilleta de ninguén”

abril 28, 2018 coruna No Comments

O alcalde, Xulio Ferreiro, reivindicou no Foro Cidadán ​Tecendo Litoral un espazo de participación e escoita activa no que se trata de definir, da man da cidadanía, o futuro e os posibles usos dos peiraos interiores da cidade que se vaian desafectando, a necesidade de que a veciñanza participe de forma activa e sexa tida en conta no deseño da futura fachada atlántica da cidade, xa que “A Coruña non é a servilleta de ninguén” . Na xornada inaugural dun foro aberto a toda a veciñanza e que terá a súa continuación durante este sábado, Ferreiro insistiu no feito de que “as cidades non se poden construír a porta pechada, entre gravatas, pasándolle logo a factura a varias xeracións de cidadáns e cidadás inocentes, coma se fosen simples espectadores”. “As cidades son creacións colectivas. A Coruña quere e debe decidir o futuro da Coruña e, se de min depende, así será”, dixo. O foro contou na súa inauguración coa asistencia, á marxe dos e das relatoras e outras persoas asistentes, dunhas 200 persoas, rexistrándose perto de 250 inscricións.

O proceso de definición participada, coa cidadanía, dos usos e oportunidades dos terreos do bordo litoral comezou xa hai meses, cando se iniciou o proceso ​Tecendo Litoral​. Durante a primeira fase do mesmo levouse a cabo unha investigación sobre as posibilidades deste espazo. Segundo explicou o rexedor nunha mesa na que se compartiron as primeiras conclusións, “o estudo constata algo que xa sabiamos, que hai un sentido común novo nesta cidade, unha vontade cidadá emerxente que xa non colle no traxe deseñado para os terreos portuarios hai década e media, nos convenios asinados en 2004”. Así, recordou que ese “sentido común” foi o que sacou a máis de 4.000 persoas á rúa hai agora un ano, en defensa do común e da titularidade pública dos peiraos interiores. … Leer más

ENCUESTA SEMANAL

¿Te gusta la nueva web?

Cargando ... Cargando ...