Coruña Infantil – CLICK AQUI

Para acceder a la mejor web que te puede informar de los eventos y noticias para los mas peques solo tienes que hacer CLICK AQUI

Coruña Atrapa – CLICK AQUI

Para acceder a la mejor web que te puede informar de los mejores locales y sitios que visitar en Coruña haz CLICK AQUI

O Concello levará a 50 estudantes de ciclos medios a facer prácticas laborais en empresas de varios países de Europa durante tres meses

O Concello da Coruña convocará no mes de novembro as primeiras 30 prazas do programa Bolsas Europa FP­Proxecto Acoreuropa IV, que permitirá que 50 titulados de ciclos medios de FP poidan facer prácticas de tres meses de duración en empresas de Reino Unido, Irlanda, Italia, Austria, Portugal e Polonia. A …

OFERTA TODOCONSOLAS: 3X2 EN JUEGOS WII Y WII U

OFERTA TODOCONSOLAS: 3X2 EN JUEGOS WII Y WII U

Recent Articles:

O Concello recupera unha área degradada de 83.000 metros en Feáns para a creación do Bosque de Breogán, un grande espazo verde periurbano que potenciará a naturalización da cidade

agosto 18, 2018 coruna Comentarios desactivados en O Concello recupera unha área degradada de 83.000 metros en Feáns para a creación do Bosque de Breogán, un grande espazo verde periurbano que potenciará a naturalización da cidade

A concelleira de Medio Ambiente, María García, avanzou o segundo dos espazos verdes que se proxectan na cidade dentro do programa municipal Bosques da Coruña, que estará situado en Feáns e se chamará Bosque de Breogán. Como explicou García, o Concello vai recuperar e rexenerar unha zona verde degradada, de 83.000 metros cadrados, mediante a plantación de especies autóctonas de árbores e de sotobosque, unha actuación que se completará coa creación dunha rede de sendeiros e de mobiliario para o lecer e o descanso. O futuro bosque estará situado en terreos municipais ao sur do cemiterio de Feáns, entre o equipamento e a Urbanización Breogán. “Trátase dunha área castigada pola construción de infraestruturas e tamén porque amplas zonas foron lugar de depósito de entullos. É unha paisaxe ferida pero que por sorte está cicatrizando”, afirmou García, quen explicou que, con este proxecto, se busca “potenciar o cinto verde periurbano e a naturalización da cidade, unha política prioritaria do Goberno local para a conservación e mantemento da natureza urbana e a súa biodiversidade”. O Bosque de Breogán, que está en fase de anteproxecto, seguirá o mesmo proceso de consulta cidadá ao que se someteu o primeiro dos Bosques da Coruña, o das Cinco Illas, no barrio dos Rosales.

García recalcou que o Concello aposta nas súas políticas ambientais, como exemplifica o proxecto Bosques da Coruña, por solucións baseadas na natureza, “que aportan unha maior calidade de vida e están destinadas a uso público, a un lecer saudable”. Este tipo de solucións, apuntou, “son tamén unha estratexia de loita contra o cambio climático, tanto de mitigación porque expandimos o bosque para combater o CO​2 como de adaptación porque preparamos lugares de sombra ante episodios de calor”. Nesta liña, García recalcou que este tipo de proxectos comportan un fomento de biodiversidade na cidade e de oportunidades de contacto coa natureza, unha mellora da paisaxe e forman parte da estratexia de prevención dos incendios forestais, “xa que substitúen masas de vexetación facilmente combustible por outras que aportan humidade ao sistema e que son máis resistentes ás lapas”. … Leer más

O Concello referenda a súa aposta polo deporte sobre patíns coa colaboración no torneo internacional de Roller Derby, que se celebra na cidade do 31 de agosto ao 2 de setembro

agosto 17, 2018 coruna Comentarios desactivados en O Concello referenda a súa aposta polo deporte sobre patíns coa colaboración no torneo internacional de Roller Derby, que se celebra na cidade do 31 de agosto ao 2 de setembro

O equipo coruñés de Roller Derby As Brigantias exercerá de anfitrión nun dos ​playoffs d​ o Torneo Central deste deporte, que reúne aos mellores conxuntos de todo o mundo, e que se celebrarán na Coruña entre os días 31 de agosto e 2 de setembro. Esta competición, que organiza a Asociación Feminina de Derby de Pista Plana (WFTDA), ten lugar fóra dos Estados Unidos por segunda vez. O concelleiro de Culturas, Deporte e Coñecemento, José Manuel Sande, salientou que a cidade se converte unha vez máis este ano en sede dun campionato internacional “vinculado a un deporte de patín, que teñen enorme predicamento e difusión na cidade”. Neste sentido, lembrou que A Coruña acolleu xa este ano o Campionato de España de patinaxe, o europeo absoluto de hockey sobre patíns e o torneo de seleccións autonómicas desta última disciplina.

Sande sinalou que o Roller Derby, un deporte feminino e de contacto que ten a súa orixe nos Estados Unidos, se converteu “nunha práctica popularizada nos últimos anos pola acción do club das Brigantias”, que impulsou a celebración deste torneo na cidade. “Esta eliminatoria ten significación internacional, con proxección para a cidade, e para o Concello é importante apoialo dende o punto de vista da loxística, técnico e tamén da difusión”, indicou. Os partidos disputaranse no Pazo de Deportes de Riazor, espazo cedido polo Concello. Na presentación do torneo participaron tamén dúas membros da directiva das Brigantias, Isabel Piñar e Rosa Rilo, que destacaron que acudiran á cidade 12 dos mellores equipos da WFTDA procedentes de América, Latinoamérica e Europa. Ao fío, Piñar indicou que agardan que esta eliminatoria atraia entre 3.000 e 4.000 espectadores e espectadoras de todo o mundo, ademais de 500 persoas entre xogadoras, persoal de arbitraxe e voluntarias e voluntarios para a súa organización.

… Leer más

O goberno local adxudica o proxecto de renovación e ampliación da iluminación en Matogrande, polo que o barrio pasará a contar con 188 puntos de alta eficiencia

agosto 16, 2018 coruna Comentarios desactivados en O goberno local adxudica o proxecto de renovación e ampliación da iluminación en Matogrande, polo que o barrio pasará a contar con 188 puntos de alta eficiencia

O goberno local vén de adxudicar as obras de renovación e ampliación da iluminación no barrio de Matogrande, proxecto que conta cun orzamento de máis de 210.000 euros e un prazo de execución marcado de tres meses dende o inicio das obras. Esta actuación, de grande impacto no uso confortable do espazo público, forma parte das negociadas e aprobadas o pasado ano polo executivo municipal dentro do paquete dos Investimentos Financeiramente Sostibles (IFS), que se realizan con cargo aos remanentes municipais. Unha vez se proceda á renovación dos puntos de luz existentes e a implantación doutros novos que teñan en conta os novos espazos públicos cos que conta o barrio, Matogrande contará con 188 puntos de luz. “O proxecto prevé a substitución, tanto dos soportes coma das luminarias que existen na actualidade (178) e a implantación de novas estruturas. Todas elas estarán dotadas de tecnoloxía LED de última xeración e alta eficiencia”, apunta o concelleiro de Rexeneración Urbana, Xiao Varela.

A obra mellorará os servizos cos que conta a cidadanía e suporá, ademais, unha redución da contaminación lumínica e un importante avance en canto a sostibilidade. “Non só conseguiremos unha maior homoxeneidade no reparto de luz, senón que ampliaremos considerablemente a vida útil das lámpadas grazas á tecnoloxía LED empregada e reduciremos a potencia consumida. Só por este último concepto, calculamos xa que a nova iluminación suporá un aforro anual de máis de 12.000 euros”, indicou o responsable municipal. “Con esta actuación damos resposta a unha necesidade da veciñanza. En Matogrande, a maioría das luminarias contan con máis de 20 anos de antigüidade, moitas delas cun baixo nivel de eficiencia. Ademais, co desenvolvemento do barrio xurdiron novos espazos públicos de relevancia que contan, neste momento, cunha iluminación deficiente”, salienta o concelleiro.

De feito, e como exemplo, Varela comenta que a obra adxudicada contempla a dotación de alumeado público a espazos de recente creación no barrio, moi empregados pola veciñanza, como é o caso do camiño peonil do extremo suroeste do barrio, entre a avenida de Alfonso Molina e a rúa Enrique Mariñas, así como dúas áreas de xogo infantil situadas, unha, nun extremo da nomeada senda e, a outra, ao carón do centro de saúde. “No caso destas actuacións, por ser novas, ademais de colocar o alumeado, haberá que levar a cabo as correspondentes obras de canalización, cimentación e restantes accións previas á colocación das columnas e luminarias”, explica o edil Varela.

O proxecto tamén inclúe unha sistematización dos centros de mando de iluminación, cuxa renovación permite reducilos de 5 a 2. “Ademais, dotarase aos mesmos dun sistema de telexestión que permitirá a monitorización, control e xestión centralizada das instalacións”, di o concelleiro. De xeito complementario, tamén se substituirán as tapas de formigón das arquetas existentes por outras de fundición.

O pasado mes de xullo, o Concello xa adxudicou as obras de modernización e mellora da eficiencia da iluminación pública dentro do perímetro delimitado polas rúas Simón Bolívar,, rolda de Outeiro, Manuel Murguía e a avenida de Labañou, neste caso cun orzamento de licitación de 1,1 millóns de euros. Con esta actuación cambiaranse 630 luminarias por outras LED máis eficientes nos barrios dos Rosales, Cidade Escolar, estadio de Riazor, San Roque de Fóra e Labañou.

A Deputación da Coruña colaborará na difusión da obra teatral de Manuel María

agosto 15, 2018 coruna Comentarios desactivados en A Deputación da Coruña colaborará na difusión da obra teatral de Manuel María

A Deputación da Coruña e a Fundación Manuel María de Estudos Galegos formalizaron un protocolo de programación polo que ambas institucións acordaron colaborar conxuntamente na difusión e posta en valor do legado teatral do escritor chairego. O acordo establece a futura convocatoria do Certame Manuel María de Proxectos Teatrais.

A vicepresidenta e responsable da área de Cultura da Deputación da Coruña, Goretti Sanmartín, e a presidenta da Fundación Manuel María, Saleta Goi, rubricaron esta mañá un protocolo de colaboración que ten por obxecto afondar e divulgar a grande cantidade de obras teatrais que deixou escritas Manuel María

O documento asinado está maña na sede da institución provincial, establece a  creación do Certame Manuel María de Proxectos Teatrais.

Un concurso que, dirixido ás compañías profesionais do mundo do Teatro e dotado cun premio de 2.000 euros, premiará a mellor proposta escénica dalgunha das 36 pezas dramáticas que deixou escritas o autor homenaxeado co Día das Letras Galegas 2016

A vicepresidenta e responsable da área de Cultura da Deputación da Coruña, Goretti Sanmartín, destacou que este acordo “permitirá á sociedade coñecer a grande capacidade que atesouraba Manuel María como dramaturgo” pois, engadiu, a “súa xenialidade como poeta deixou nun segundo plano a súa extraordinaria capacidade como escritor de teatro”.

Mediante este protocolo, a institución provincial comprométese a promover unha programación teatral na que se incluirán até tres representacións da obra que resulte gañadora no Certame Manuel María de Proxectos Teatrais, contribuíndo deste xeito á difusión da obra.

O goberno local dá luz verde ao proxecto do Deportivo para a instalación de novo alumeado nas bancadas e no campo de Riazor, que complementa a renovación e mellora das cubertas que acomete o Concello

agosto 15, 2018 coruna Comentarios desactivados en O goberno local dá luz verde ao proxecto do Deportivo para a instalación de novo alumeado nas bancadas e no campo de Riazor, que complementa a renovación e mellora das cubertas que acomete o Concello

​A Xunta de goberno local de carácter extraordinario que se celebrará aprobará o proxecto do Deportivo da Coruña polo que a entidade deportiva abordará a instalación dun novo alumeado no campo e nas bancadas do estadio municipal de Riazor, espazo que o equipo usa de xeito gratuíto en base a un convenio coa administración local que se reforzou o ano pasado. Esta obra vén a complementar a intervención que neste momento está a desenvolver o Concello no estadio e que consiste na renovación e mellora das cubertas do recinto. “Coa aprobación deste proxecto, que chega aos 1,6 millóns de euros (IVE incluído), a cidadanía poderá gozar nuns meses dun estadio de Riazor moi renovado e no que se abordaron moitas das necesidades estruturais do recinto, que cada dúas semanas acolle a miles de veciños e veciñas desta cidade”, comentou o concelleiro de Culturas e Deporte, José Manuel Sande.

O acordo acadado en xuño do pasado ano entre Concello e Deportivo da Coruña, e que se plasmou nunha addenda no convenio existente (que databa do ano 2000), establecía unha serie de obrigas que reforzaría a colaboración entre ambas entidades en temas como o fomento do deporte base, a promoción da imaxe da cidade e a renovación de infraestruturas en Riazor. A administración local comprometeuse a, con cargo ao orzamento municipal, acometer as obras de renovación da cuberta do estadio, a fin de dotar a infraestrutura da calidade e a seguridade requiridas. Pola súa banda, o club acordou realizar no estadio obras complementarias ás abordadas polo goberno local para a mellora da imaxe do recinto. “Así, e logo de que o proxecto do Deportivo recibise o informe favorable do servizo de edificación, a Xunta de goberno local deste xoves autorizará ao club a execución das obras, que contarán coa supervisión municipal”, indicou Sande. “O proxecto autorizado será executado polo Deportivo, e o Concello non asumirá, neste caso, ningunha responsabilidade subsidiaria ante terceiros. Non obstante, a sociedade deportiva terá que acatar, en todo momento, as instrucións que deriven do traballo de inspección municipal que se levará a cabo”, indicou o titular de Deportes.

“É unha moi boa noticia para a cidadanía o feito de que, ademais das importantes obras de renovación das cubertas, vaiamos a ampliar e complementar a actuación cun proxecto de entidade, que contribuirá á mellora da promoción da cidade”, resumiu o responsable municipal.

ENCUESTA SEMANAL

¿Te gusta la nueva web?

Cargando ... Cargando ...