Coruña Infantil – CLICK AQUI

Para acceder a la mejor web que te puede informar de los eventos y noticias para los mas peques solo tienes que hacer CLICK AQUI

Coruña Atrapa – CLICK AQUI

Para acceder a la mejor web que te puede informar de los mejores locales y sitios que visitar en Coruña haz CLICK AQUI

O Concello levará a 50 estudantes de ciclos medios a facer prácticas laborais en empresas de varios países de Europa durante tres meses

O Concello da Coruña convocará no mes de novembro as primeiras 30 prazas do programa Bolsas Europa FP­Proxecto Acoreuropa IV, que permitirá que 50 titulados de ciclos medios de FP poidan facer prácticas de tres meses de duración en empresas de Reino Unido, Irlanda, Italia, Austria, Portugal e Polonia. A …

OFERTA TODOCONSOLAS: 3X2 EN JUEGOS PS4 (SEGUNDA MANO)

OFERTA TODOCONSOLAS: 3X2 EN JUEGOS PS4 (SEGUNDA MANO)

Recent Articles:

O Concello recupera “zonas degradadas do espazo público a través da arte” co programa Ruarte, no que ilustradores e ilustradoras locais pintarán murais en sete puntos da cidade

octubre 20, 2018 coruna Comentarios desactivados en O Concello recupera “zonas degradadas do espazo público a través da arte” co programa Ruarte, no que ilustradores e ilustradoras locais pintarán murais en sete puntos da cidade

A concelleira de Medio Ambiente, María García, deu a coñecer a iniciativa Ruarte, un programa que incide no coidado do espazo público a través de actuacións nas que a arte “non só é un medio de expresión senón tamén un xeito de mellora e recuperación das áreas degradadas do espazo público, no que se vexa a arte como xeito de poñer en valor a cidade”. A través deste programa, ilustradores e ilustradoras renovarán o aspecto de sete espazos da cidade, que se converten así nunha maneira de amosar o traballo das e dos artistas, na súa maior parte locais, como apuntou a edil, en especial o realizado polas mulleres ilustradoras.

Esta intervención de espazos urbanos a través da realización dos murais comezará en sete puntos, pero ten vocación de continuidade, como apuntou García, que estivo acompañada polo artista Vicente Salvador Aneiros e o xestor cultural Fabrizio Rosano, por parte da entidade Sen Ánimo de Nome. O proxecto, que ten un orzamento duns 60.000 euros, comeza o 25 de outubro coa intervención sobre o depósito de auga de Monte Alto e o restos dos murais se irán facendo de maneira progresivo.

Salvador Aneiros será o encargado de transformar dous dos sete espazos, que son os aseos da praza da Cubela e as instalacións do parque de Eirís, nos que se fará un realzamento do espazo a través da pintura no primeiro punto e unha plasmación de especies autóctonas para buscar a integración co medio no segundo, como explicou o ilustrador. A recuperación da entrada do parque de San Diego e do viaduto da avenida do Exército é unha petición da asociación de veciños, indicou a edil, na que plasmará a súa obra, un mural con motivos do mar, Iria Fafián. Na rúa Caballeros fronte á estación de autobuses terá un espazo Xulia Pisón, no muro da finca dos Mariño terá un espazo Leo López e Secone e Paula Fraile no viaduto da rúa Costa Rica. Por último, a entidade Sen ánimo de nome, que apostou por “converter as rúas en museos con mensaxe”, disporá do muro do depósito de auga de Monte Alto, no que o colectivo KASOMISO pintará unha imaxe do río Eume, como explicou Rosano. Esta última actividade está incluída no programa co que a entidade participou na liña de subvencións Cultura de Barrio da Concellería de Culturas, Deporte e Coñecemento. A responsable municipal lembrou tamén que está previsto que se realicen dous murais máis, dentro da acción do departamento de Igualade e Diversidade, por parte do Fondo Galego de Cooperación e que estará situados na rúa pose e na rúa Falperra.

O parque de Santa Margarita acolle o domingo 21 o proxecto ‘Arte é parque’, que promove o coñecemento da natureza a través das artes e que forma parte de ‘Cultura de Barrio’

octubre 20, 2018 coruna Comentarios desactivados en O parque de Santa Margarita acolle o domingo 21 o proxecto ‘Arte é parque’, que promove o coñecemento da natureza a través das artes e que forma parte de ‘Cultura de Barrio’

​​A Concellería de Culturas, Deporte e Coñecemento presenta dúas novas iniciativas que se desenvolven no marco nas convocatorias de concorrencia competitiva ​Cultura de Barrio e ​Grupo Xerminal, p​ ostas en marcha co obxectivo de favorecer a promoción e visibilidade do tecido cultural e creativo coruñés, e que terán lugar nos vindeiros días en distintas localizacións da cidade.

A primeira delas, ​Arte é parque, é unha proposta creada pola Asociación Cultural Tres por Cuatro e que ten como finalidade favorecer o respecto ao medio natural a través da realización de distintas actividades artísticas vinculadas á natureza. Desde o pasado 22 de setembro, Arte é parque realizou xuntanzas nos barrios de Rosales, Eirís, Novo Mesoiro ou Durmideiras, xunto á Torre de Hércules, nas que participaron o músico Rober Pier, a educadora infantil Charo López, ademais de distintas animadoras sociocultuais e membros da entidade cultural. Nestes encontros realizáronse obradoiros musicais ademais de murais colectivos. De cara ao vindeiro domingo 21, a partires das 17.00 horas, celebrarase unha grande actividade final no parque de Santa Margarita –que, no caso de choiva, será no centro cívico–, e que contará coa Tribo do Ritmo, conformada por Mercedes Urbiola e Ooruk Shambo. Nesta sesión, tal e como apuntan desde a Asociación Tres por Cuatro, “a veciñanza conectará dun xeito distinto coa terra, ao coñecer máis sobre os elementos e a súa presenza a través da danza, da música e da arte”.

… Leer más

Ana Miranda trasládalle a Comisión Europea a súa preocupación pola perda de centos de postos de traballo en Alcoa

octubre 20, 2018 coruna Comentarios desactivados en Ana Miranda trasládalle a Comisión Europea a súa preocupación pola perda de centos de postos de traballo en Alcoa

A eurodeputada do BNG, Ana Miranda, traslada á Comisión Europea mediante unha pregunta escrita a preocupante situación da multinacional Alcoa, que vén de anunciar o peche das súas plantas en A Coruña y Avilés, o que supón a perda de 369 postos de traballo directos en Galiza, alegando perdas económicas pese a ter recibido nos últimos catro anos máis de 500 millóns de euros de fondos públicos.

“Neste caso atopámonos cun dobre paradoxo: o peche dunha empresa tras recibir unha gran cantidade de cartos públicos e o risco que supón para o industrial galego ter unhas facturas da luz das máis caras de Europa”, denunciou Ana Miranda. “E todo isto mentres os lobbys das grandes empresas eléctricas acadaron uns beneficios multimillonarios, 5.600 millóns o ano pasado”, engade. … Leer más

O alcalde recorda ao persoal de Alcoa que “ten a toda unha cidade detrás” e evidencia “a unidade que está a amosar o Pleno á hora de loitar contra o peche da planta”

octubre 19, 2018 coruna Comentarios desactivados en O alcalde recorda ao persoal de Alcoa que “ten a toda unha cidade detrás” e evidencia “a unidade que está a amosar o Pleno á hora de loitar contra o peche da planta”

A Corporación Municipal aprobou este venres en Pleno unha declaración institucional de apoio aos e ás traballadoras de Alcoa e de rexeitamento ao anuncio unilateral por parte da multinacional do peche das factorías da Coruña e de Avilés. Nunha sesión extraordinaria á que acudiron representantes do cadro de persoal da planta coruñesa, o alcalde, Xulio Ferreiro, quixo enviar unha mensaxe a todas as persoas que, de xeito directo ou indirecto, están afectadas polo anuncio de peche: “Non estades soas. Tendes a toda unha cidade detrás”. “A Corporación municipal estará aí en todo momento. Como alcalde, participarei en todos os foros aos que se me convoque e traballarei para poder armar esa necesaria fronte institucional para tratar de reverter esta situación”, dixo, á vez que recordou que espera estar en breve coa ministra de Industria, co alcaldesa de Avilés e cos presidente de ambas comunidades.

Tal e como se adiantou onte, a declaración institucional, aprobada por unanimidade e pactada na Xunta de portavoces, insta á Xunta de Galicia e ao goberno do Estado a conformar, xunto co Concello da Coruña, “unha fronte institucional común en defensa do emprego, do mantemento da actividade industrial de Alcoa e, en consecuencia, da retirada do ERE presentado pola empresa”, e manifesta o apoio da Corporación municipal “ás mobilizacións que convoquen os e as traballadoras da planta”, como a prevista para este sábado. A este respecto, o alcalde incidiu en que tanto o grupo de goberno como o resto de formacións con representación na cámara municipal estarán mañá na mobilización convocada que partirá ás 11.00 horas da praza da Palloza.

… Leer más

A corporación municipal aprobará hoxe, nun pleno extraordinario, unha declaración institucional en apoio ao cadro de persoal de Alcoa e contra o peche da factoría

octubre 19, 2018 coruna Comentarios desactivados en A corporación municipal aprobará hoxe, nun pleno extraordinario, unha declaración institucional en apoio ao cadro de persoal de Alcoa e contra o peche da factoría

A corporación municipal aprobará hoxe unha declaración institucional en apoio aos e ás traballadoras de Alcoa e contra o peche da factoría. Ás 11.30 horas comezará unha sesión plenaria de carácter extraordinario na que se debaterá, como punto único, unha moción cuxo contido foi acordado hoxe na Xunta de Portavoces, a proposta do alcalde, Xulio Ferreiro. Media hora antes, o rexedor recibirá no pazo de María Pita ao comité de empresa da factoría de aluminio, co que xa se puxo en contacto no día de onte, unha vez coñecido o anuncio do grupo empresarial, e cos que tamén puido conversar contra a noite cando, xunto con outros concelleiros do goberno local, se achegou até a fábrica da Grela.

Ferreiro reiterou a necesidade de que tanto administracións públicas como formacións políticas traballen en común de cara a evitar o peche dunha fábrica que xera case 400 empregos directos na cidade. Así, o texto da iniciativa insta á Xunta de Galicia e goberno do Estado a conformar, xunto co Concello da Coruña, “unha fronte institucional común en defensa do emprego, do mantemento da actividade industrial de Alcoa e, en consecuencia, da retirada do ERE presentado pola empresa”, así como manifesta o apoio da Corporación municipal “ás mobilizacións que convoquen os e as traballadoras da planta”, como a prevista para este sábado.

Os acordos contidos na declaración institucional que mañá recibirá o visto e prace do Pleno serán trasladados, posteriormente, a todos os grupos con representación tanto no Parlamento de Galicia, como na Deputación Provincial e nas Cortes Xerais do Estado.

Ademais de co comité de empresa, no día de onte, Ferreiro iniciou unha rolda de contactos que derivou en conversas tanto co director da propia fábrica de Alcoa, como coa alcaldesa de Avilés, Mariví Monteserín, o delegado do goberno en Galicia, Javier Losada, o conselleiro de Industria, Francisco Blanco, e a propia ministra de Industria, Reyes Maroto.