Coruña Infantil – CLICK AQUI

Para acceder a la mejor web que te puede informar de los eventos y noticias para los mas peques solo tienes que hacer CLICK AQUI

Coruña Atrapa – CLICK AQUI

Para acceder a la mejor web que te puede informar de los mejores locales y sitios que visitar en Coruña haz CLICK AQUI

O Concello levará a 50 estudantes de ciclos medios a facer prácticas laborais en empresas de varios países de Europa durante tres meses

O Concello da Coruña convocará no mes de novembro as primeiras 30 prazas do programa Bolsas Europa FP­Proxecto Acoreuropa IV, que permitirá que 50 titulados de ciclos medios de FP poidan facer prácticas de tres meses de duración en empresas de Reino Unido, Irlanda, Italia, Austria, Portugal e Polonia. A …

¡OFERTA TODOCONSOLAS! Esta semana TodoConsolas realiza un descuento de 35€ en modelos de segunda mano de iPhone 6s/7/8 y modelos plus

¡OFERTA TODOCONSOLAS! Esta semana TodoConsolas realiza un descuento de 35€ en modelos de segunda mano de iPhone 6s/7/8 y modelos plus

Recent Articles:

Este martes 12 de setembro, a Fundación Luis Seoane presentou oficialmente o proxecto Inseparables, unha proposta experimental que conecta a creación contemporánea coa comunidade educativa

septiembre 13, 2017 Uncategorised No Comments

A Fundación Luis Seoane presentou este martes o proxecto Inseparables, coproducido pola Universidade da Coruña e pola propia Fundación, unha proposta que, partindo dunha perspectiva artística e audiovisual, indagará acerca das relacións que establecen os nenos e nenas de entre 3 e 6 anos de idade cos seus obxectos e xoguetes preferidos.

O acto de presentación abriuse coa intervención da directora da Fundación Luis Seoane, Silvia Longueira, quen destacou “a importancia da implicación da comunidade educativa dentro desta iniciativa, que se caracteriza pola súa capacidade para eliminar barreiras entre centros como a Fundación e a sociedade, facendo que o acceso desta última a determinadas manifestacións artísticas sexa máis doado”.

Pola súa parte, o director do proxecto, José María Mesías, tras agradecer á Fundación Luis Seoane e á Concellería de Culturas a súa implicación no proxecto, explicou que o propósito de Inseparables era “o estudo das características estéticas deses obxectos que fan que os nenos prefiran uns fronte a outros, averiguar cales son as propiedades que os fan atractivos para eles, os vínculos que se establecen con eses xoguetes, artefactos, etc.” Para isto, Inseparables contará coa participación dunha serie de artistas, como Belén Montero e Juan Lesta (Esferobite), a arquitecto Tiffany López, a performer Cristina Montero, o dj Jas Processor e o fotógrafo Guillermo Calviño, que traballarán na Fundación a carón de 15 docentes nunha serie de laboratorios artísticos nos que definirán os puntos principais da metodoloxía que posteriormente, ao longo do mes de outubro, trasladarán aos 300 alumnos dos centros escolares implicados na actividade. Según Mesías, “este proceso non está aínda definido, construiráse a través do intercambio, do traballo en común de mestras e artistas na Fundación, que estes últimos desenvolverán posteriormente en formato de residencias durante o mes de outubro nos centros escolares, durante as que elaborarán unha peza audiovisual. Logo, no mes de decembro, de novo na Fundación, rematará o proxecto coa celebración dunha sesión de Live Cinema, que é unha expresión artística contemporánea que mestura performance con proxeccións audiovisuais e música en directo creada específicamente para este evento. ”

O concelleiro de Culturas do Concello da Coruña, José Manuel Sande, pechou o acto destacando “os elementos enriquecedores da proposta, que van alén do recinto da propia Fundación, como a vinculación de arte e pedagoxía, o que fai que se poida establecer un paralelismo coa figura poliédrica de Luis Seoane, un creador que traballaba en moitos campos diferentes, e que permite á Fundación explorar outras vías de estudo, nun proceso de constante expansión”.

A primeira sesión de Inseparables dará comezo este mércores 13 de setembro na Fundación Luis Seoane.

O Pleno municipal dá luz verde de forma definitiva ao modificativo que posibilita a inclusión no Orzamento de 3,6 millóns de euros procedentes dos dividendos de Emalcsa

septiembre 12, 2017 coruna No Comments

O Pleno ordinario aprobou de forma definitiva un modificativo de crédito polo que se lle dá destino definitivo aos 3,6 millóns de euros procedentes dos dividendos de Emalcsa, a empresa municipal de augas, do ano 2016. Este cambio de destino foi aprobado de forma inicial en sesión plenaria o pasado xullo, froito dunha negociación entre o goberno local e o PSOE e en cumprimento dos compromisos acadados co grupo municipal do BNG no período de conversas anteriores á aprobación dos orzamentos municipais. Esta tarde foi aprobado cos votos a favor do grupo de goberno e o PSOE, a abstención do Bloque e o único voto en contra do PP. A concelleira de Facenda, Eugenia Vieito, destacou que “a aprobación definitiva deste modificativo, por desgraza, se viu atrasada no tempo debido a que o PP decidiu presentar alegacións, unha vez máis. Neste caso, unha copia exacta das emendas que xa presentara á aprobación inicial deste modificativo e que xa lle fora rexeitada polo Pleno. Insistir así só pode explicarse se pola súa banda existe un interese deliberado de obstaculizar non só a accióndogoberno,senónaaprobacióndunmodificativofroitodanegociacióneoacordo”.

A modificación dos créditos orzamentarios que se deriva deste incremento no volume de ingresos afecta, entre outros, aos capítulos 6 e 4 do Orzamento, variando o anexo de investimentos e o de subvencións nominativas. Dentro dos 27 suplementos de crédito que se aplicarán en base a este incremento de créditos salienta a partida destinada por valor de 1 millón de euros que terá como destino o Instituto Municipal Coruña Espectáculos (IMCE) e a Concellería de Culturas de cara a asegurar ter cuberto por completo o gasto que se prevé acometer até final de ano no que atinxe tanto a festexos como ao conxunto das actividades culturais e de promoción da actividade cultural e artística local. Ao fío, tamén destacan os 115.000 euros incluídos nos suplementos que servirán para abordar o financiamento de actividades culturais destinadas ao público infantil durante a etapa non lectiva e para realizar accións tanto nas casas-museo da cidade, como no Castelo de Santo Antón. O servizo de bibliotecas da cidade tamén verá incrementada a súa dotación en máis de 26.000 euros por medio deste modificativo para levar a cabo distintas actuacións.

Por outro lado, 254.000 euros incrementarán a aplicación destinada a “transferencias correntes a familias e institucións sen ánimo de lucro”, e o montante reservado para o Plan de Dinamización do Comercio Local tamén contará cunha adición de case 250.000 euros, mentres que outros tantos servirán para acometer a reforma do centro asociativo García Sabell. A partida destinada ás obras de reposición en centros educativos públicos, pola súa banda e coa aprobación deste modificativo, medrará en máis de 345.000 euros, cos que se poderá facer fronte a demandas históricas das institucións públicas con colexios da cidade, como é o caso do peche do patio do CEIP Anxo da Garda así como actuacións de reparación no CEIP Labaca. … Leer más

O Pleno aproba unha moción conxunta do grupo de goberno, o PSOE e o BNG que lle esixe á Xunta a paralización do proxecto da planta de residuos industriais de Santa Icía

septiembre 12, 2017 coruna No Comments

No Pleno do Concello da Coruña celebrado foi aprobada unha moción conxunta dos grupos da Marea Atlántica, o PSOE e o BNG para esixirlle á Xunta de Galicia a paralización da planta de residuos industriais proxectada no lugar de Santa Icía, en Arteixo. Foi aprobada cos votos a favor dos tres grupos que impulsaron a proposta, e a abstención do Partido Popular, que presentou unha emenda que non foi adiante. Así, a moción rexeita que se instale unha planta de almacenamento e valorización de residuos industriais e urbanos no lugar de Teixoeira – Santa Icía, en Arteixo, a menos dun quilómetro de Novo Mesoiro, Feáns e a Urbanización Breogán, “por non ter en conta ningún tipo de medida respectuosa co medio ambiente”, ademais de “omitir as repercusións que terá a súa posta en marcha nas condiciónsdevidadaveciñanzadaspoboaciónsmáispróximas”.

A iniciativa conxunta lembra, ademais, que tanto o Plan de Xestión de Residuos Industriais de Galicia 2016-2022 como o Programa de Xestión de Residuos da Construción e Demolición de Galicia 2013-2016 sinalan que é innecesaria unha nova instalación deste tipo, e que o proxecto xa recibiu o rexeitamento por parte de diversas entidades veciñais e ambientais, “o que pon en cuestión tanto a necesidade desta planta como da súa adecuación aos canons ambientais pertinentes”.

Por outro lado, tamén foi rexeitada, cos votos en contra do grupo de goberno, PSOE e BNG unha moción presentada pola agrupación municipal do Partido Popular na que acusaba ao executivo municipal de estar a realizar “prácticas de amiguismo”. A este respecto, o concelleiro de Emprego e Economía Social, Alberto Lema, defendeu “a transparencia, limpeza e exemplaridade dos procesos de contratación e concorrencia competitiva” que leva a cabo o grupo de goberno. “Non somos como vostedes”, dixo, en alusión aos procesos xudiciais relacionados con supostos casos de corrupción do Partido Popular.

Foron aprobadas tamén dúas mocións, presentadas polo BNG e polo grupo de goberno da Marea Atlántica, que reclaman a recuperación do Pazo de Meirás como espazo de titularidade e uso públicos, así como o cumprimento da Lei de Memoria Histórica, polo que debe ser o Concello de Sada e non a Fundación Francisco Franco a que xestione as visitas a este Ben de Interese Cultural (BIC). Ademais, a proposta recolle a adhesión do Concello da Coruña aos acordos adoptados pola corporación sadense o pasado 12 de agosto, así como apoiar, dentro das súas competencias, “todas as iniciativas que se desenvolvan para garantir o cumprimento do acordado”. Ambas as dúas mocións tiveron os votos favorables do grupo de goberno, o BNG e o PSOE, e a abstención do PP.

“Tanto a Xunta de Galicia como o goberno do Estado deben dar o apoio institucional necesario a todas aquelas actuacións encamiñadas a recuperar o Pazo de Meirás para a titularidade e o uso públicos”, advirte a moción, que recorda que “a razón democrática esixe que as vítimas obteñan memoria, xustiza, respecto, recoñecemento e reparación, e esta non terá lugar mentres non se poña fin ao espolio que significou a adquisición do pazo por medio da ameaza, propiedade que seguen a detentar os descendentes directos do ditador”. Pola súa banda, o texto presentado polo Bloque Nacionalista Galego afonda tamén nestes argumentos, e engade a declaración simbólica de persoas non gratas da familia Franco no Concello da Coruña, nunha decisión análoga á que xa foi adoptada pola corporación municipal de Sada.

O Pleno municipal aprobou tamén por unanimidade unha moción do grupo socialista relativa a “fomentar o cumprimento da regulamentación municipal sobre a convivencia das mascotas en vía pública”. Nesta sesión ordinaria tamén saíron adiante dúas propostas do PP, apoiadas polo PSOE, en relación á creación dunha comisión técnica sobre a reforma e acondicionamento das pistas de atletismo do Campus de Elviña, así como á “convocatoria urxente” da comisión especial para a remunicipalización da rede de bibliotecas.

O Concello abre o prazo de inscrición para as novas actividades do programa Apego

septiembre 12, 2017 coruna No Comments

O goberno local referenda a súa aposta polo fomento da transmisión do galego coa posta en marcha este mes de setembro das novas actividades de Apego, o programa didáctico e lúdico dirixido a fomentar e mellorar a transmisión do galego como lingua inicial entre os nenos e nenas menores de 6 anos a través de información, recursos e actividades. Así, o Servizo de Normalización Lingüística programa tres iniciativas, cuxa inscrición podefacersedesdehoxeatravésdapáxinawww.coruna.gal/lingua.

A primeira delas, Ñam!, de Caramuxo Teatro, é un espectáculo creado a partir do mundo da cociña, para ver, escoitar, ulir, sentir e saborear con crianzas de 1 a 3 anos. O centro Ágora acollerá o 26 de setembro dous pases de media hora de duración cada un. Un será ás 17.00 horas, e o seguinte ás 18.30 horas. A seguinte proposta será A casa encantada de Alí , un obradoiro de Luís Prego e Fabaloba que terá lugar no Ágora o xoves 28 ás 18.30 horas, no que achegarán ás familias participantes recursos para cantar, contar e xogar con nenas e nenos de 1 a 3 anos. Por último, Pablo Díaz promete encher o auditorio do Fórum Metropolitano o vindeiro 29 de setembro a partir das 18.30 horas con boa música e moita diversión cos temas do seu traballo Tic Tac Toc . Estas tres actividades iranse completando con outras moitas de aquí a final de ano, que se presentarán nas vindeiras datas e que poderán consultarse na páxina web municipal http://www.coruna.gal/lingua/axenda.

O executivo coruñés adheriuse no mes de abril de 2016 ao Programa Apego, unha iniciativa impulsada pola Coordinadora de Traballadores/as de Normalización Lingüística e que se desenvolve, de xeito cooperativo, entre os servizos de normalización dos concellos que forman parte do mesmo co fin de fomentar e mellorar a transmisión do galego como lingua inicial, para achegarlles ás familias argumentos e facilitarlle ferramentas e redes que sosteñan e arroupen a crianza en galego.

As familias interesadas poden atopar máis información en http://www.apego.gal , onde poderán cubrir unha ficha de inscrición para concertaren unha cita co Servizo de Normalización do Concello da Coruña e recibiren un agasallo de benvida.

O goberno local iniciará nas próximas semanas unha rolda de contactos con todos os grupos municipais “de cara a que realicen as súas achegas para a elaboración do proxecto de orzamentos municipais para 2018”

septiembre 12, 2017 Uncategorised No Comments

O goberno local, como adiantou o alcalde da Coruña, Xulio Ferreiro, emprendeu xa antes do verán unha serie de contactos “de carácter informal” co grupo municipal socialista de cara á elaboración do proxecto de orzamentos municipais do ano 2018, sendo a intención do executivo municipal que os mesmos estean en vigor a inicio de ano. O grupo de goberno prevé, ao longo deste mes de setembro, seguir profundando neses contactos, “que xa se iniciaron de forma incipiente”, dándolles un carácter formal. Non obstante, a concelleira de Facenda, Eugenia Vieito, adiantou este luns que, “á marxe, o goberno local ten previsto abrir nas próximas semanas unha rolda de contactos con todos os grupos representados na Corporación municipal, de cara a que estes poidan facer as súas achegas e suxerencias de cara á elaboración dascontasmunicipaisparaopróximoexercicio”. … Leer más

ENCUESTA SEMANAL

¿Te gusta la nueva web?

Cargando ... Cargando ...