Coruña Infantil – CLICK AQUI

Para acceder a la mejor web que te puede informar de los eventos y noticias para los mas peques solo tienes que hacer CLICK AQUI

Coruña Atrapa – CLICK AQUI

Para acceder a la mejor web que te puede informar de los mejores locales y sitios que visitar en Coruña haz CLICK AQUI

O Concello levará a 50 estudantes de ciclos medios a facer prácticas laborais en empresas de varios países de Europa durante tres meses

O Concello da Coruña convocará no mes de novembro as primeiras 30 prazas do programa Bolsas Europa FP­Proxecto Acoreuropa IV, que permitirá que 50 titulados de ciclos medios de FP poidan facer prácticas de tres meses de duración en empresas de Reino Unido, Irlanda, Italia, Austria, Portugal e Polonia. A …

OFERTA TODOCONSOLAS: 3X2 EN JUEGOS PS4 (SEGUNDA MANO)

OFERTA TODOCONSOLAS: 3X2 EN JUEGOS PS4 (SEGUNDA MANO)

Recent Articles:

A Concellería de Mobilidade Sostible celebrará este domingo a Festa da Bicicleta, unha iniciativa lúdica e participativa para fomentar os desprazamentos neste medio de transporte

septiembre 28, 2018 Deportes Comentarios desactivados en A Concellería de Mobilidade Sostible celebrará este domingo a Festa da Bicicleta, unha iniciativa lúdica e participativa para fomentar os desprazamentos neste medio de transporte

A Coruña celebrará o vindeiro domingo 30 pola mañá a Festa da Bicicleta, unha iniciativa impulsada pola Concellería de Mobilidade Sostible e que porá o broche á programación municipal de actividades ​Combina e móvete​, posta en marcha polo Concello co gallo da Semana Europea da Mobilidade. O acto, aberto á veciñanza, consistirá nunha serie de roteiros que partirán ás 12.00 horas da mañá da Praza de María Pita, nos que se ofertarán dúas modalidades en función da lonxitude do percorrido “para adaptarse así aos diferentes niveis de uso deste medio de transporte”, tal e como explica o edil Daniel Díaz Grandío.

“Esta iniciativa lúdica segue a liña de traballo posta en marcha pola Concellería de fomentar o uso e o coñecemento modalidades de transporte alternativas ao vehículo privado para desprazarse no termo municipal”, sinala, ao lembrar que, durante a programación de Combina e móvete “puxéronse en marcha distintas propostas neste sentido”, como a Feira da Bicicleta, na que se organizaron talleres de ergonomía e autorreparación, ademais dunha Escola da Bici “para dar a coñecer entre toda a veciñanza este medio de transporte, así como indicar os primeiros pasos que se deben dar para o seu correcto uso”.

Así, a Festa da Bicicleta, organizada en colaboración con Decathlon A Coruña, contará cun percorrido curto que contará cun circuíto de 2,55 quilómetros e que transitará polos treitos, postos recentemente en funcionamento, do carril bici metropolitano que transcorren entre a Praza de María Pita e a Praza de Ourense, ademais das rúas Compostela e Padre Feijoo. “Debido ao carácter participativo e lúdico da proposta, establecerase un punto de reagrupamento na metade do percorrido, á altura do quilómetro 1,3, en Padre Feijoo, para chegar todas e todos xuntos de volta á María Pita”, explica Grandío. Este reagrupamento terá lugar contra as 12.15 horas, para saír do punto de encontro ás 12.25 horas.

… Leer más

O BNG pregunta por escrito se existe algún resultado da proposta de modificación do planeamento entre a Avenida de Lavedra e a Universidade de A Coruña e o núcleo de Elviña

septiembre 28, 2018 coruna Comentarios desactivados en O BNG pregunta por escrito se existe algún resultado da proposta de modificación do planeamento entre a Avenida de Lavedra e a Universidade de A Coruña e o núcleo de Elviña

O BNG vén de presentar unha batería de preguntas a respecto do anuncio realizado polo Goberno local a respecto polo que se comprometía a impulsar unha modificación puntual do Plan Xeral de Ordenación Municipal (PXOM) coa finalidade de excluír do ámbito a totalidade dos terreos situados entre a avenida de Alfonso Molina e a Universidade e o núcleo de Elviña, na marxe dereita da avenida.

“A aquela altura, o concelleiro de rexeneración urbana, Xiao Varela, en nota de prensa que se pode consultar na web municipal, sinalaba que estaban a punto de dar un paso importante e que este cambio do PXOM tiña como finalidade clara poder concluír a zona residencial do Ofimático, e, ao mesmo tempo, excluír e desafectar a parte do núcleo de San Vicente de Elviña afectada polo plan do Ofimático. Porén, non foi até o 7 de febreiro de 2018 que o concelleiro de Rexeneración Urbana asinou o decreto de inicio do expediente de modificación puntual do PXOM de 2013 vixente e do Plan Parcial que desenvolve o Sector S-10 “Parque Ofimático””, lembra na iniciativa a concelleira nacionalista Avia Veira. … Leer más

A tempada de praias na Coruña péchase con 608 incidencias, “que manteñen en niveis baixos as incidencias de gravidade”

septiembre 28, 2018 coruna Comentarios desactivados en A tempada de praias na Coruña péchase con 608 incidencias, “que manteñen en niveis baixos as incidencias de gravidade”

A concelleira de Igualdade e Diversidade, e responsable da área de Seguridade Cidadá, Rocío Fraga, vén de facer balance tras a finalización da tempada de areais urbanos, que se estendeu desde o 15 de xuño até o día de onte, 26 de setembro. Ao longo deste período, as praias de Oza, San Amaro, As Lapas, Riazor, Orzán e Matadoiro, todas elas distinguidas coa Bandeira Azul, contaron cun servizo de socorrismo conformado por 55 efectivos que atendeu un total de 608 incidencias.

A máis común da tempada foron os cortes, que se deron até en 192 ocasións, así como queimaduras e abrasións solares, que sumaron 65 actuacións por parte do servizo de socorrismo. Tamén foron notorias as intervencións vinculadas a atención de traumatismos (45), picaduras de escarapote (40), rozaduras (33) ou mareos (30). Porén, o descenso máis notable en canto á tipoloxía de incidencias foron as feridas por obxectos punzantes, que pasaron de ser 111 no ano 2017, a só 19 na presente tempada. “Boa parte desta importante redución débese á prohibición municipal de baixar á praia, no San Xoán, elementos como palés, que até agora deixaban na area numerosos cravos e puntas. A Policía Local e os servizos de seguridade municipais fixeron na noite do 23 de xuño un labor fundamental de sensibilización e de vixilancia que, tres meses despois, se demostra efectivo”, sinalou Rocío Fraga, quen destacou que o goberno local “seguirá a manter esta liña de prevención e coidado, non só do medio ambiente, senón tamén da propia seguridade das usuarias e usuarios dos areais”.

… Leer más

O PEL da Deputación da Coruña crea 276 empregos nas pemes coruñesas e apoia a 120 emprendedores na mellora da súa competitividade

septiembre 28, 2018 coruna Comentarios desactivados en O PEL da Deputación da Coruña crea 276 empregos nas pemes coruñesas e apoia a 120 emprendedores na mellora da súa competitividade

A Deputación da Coruña impulsa este ano a creación de 276 empregos directos noutras tantas empresas da provincia da Coruña e apoia a 120 emprendedores na mellora da súa competitividade.

A CoruñaO presidente da Deputación da Coruña, Valentín González Formoso, ofrece unha rolda de prensa para facer balance das primeiras accións do Plan de Emprego da Deputación e presentar o I Premio á mellor iniciativa empresarial, promovido pola institución provincial09/11/2016Foto Moncho Fuentes

O BOP publica a listaxe das 184 pemes da provincia que recibirán axudas do Plan de Emprego Local (PEL-PEMES 2018) para a contratación de persoal. Unha cifra importante á que se suman as 92 empresas que xa accederon a estas axudas na convocatoria anterior e que acaban de renovar a subvención do PEL para seguir contando cos traballadores/as contratados durante un ano máis. … Leer más

O goberno local pon en marcha unha nova campaña para fomentar a reciclaxe de vidro que aspira a chegar ao conxunto dos establecementos de hostalería da cidade

septiembre 28, 2018 coruna Comentarios desactivados en O goberno local pon en marcha unha nova campaña para fomentar a reciclaxe de vidro que aspira a chegar ao conxunto dos establecementos de hostalería da cidade

A Concellería de Medio Ambiente iniciará a semana que vén unha nova campaña informativa e de sensibilización para fomentar a separación en orixe e reciclaxe entre os establecementos de hostalería da cidade. Trátase, tal e como apuntou a edil María García, da quinta campaña vinculada á concienciación e recollida de vidro que se realiza coa hostalería local, “un sector estratéxico que o goberno local apoia de cara á promoción da cidade, a nivel económico ou turístico, e que é un dos grandes produtores de residuos polas características da súa propia actividade”. Segundo os datos do Concello, estímase que o 52% dos envases de vidro que se recuperan na cidade veñen derivados do seu uso no sector hostaleiro. “O seu papel non é só importante pola repercusión que poida ter para a economía local a recuperación do material, senón tamén polo propio coidado do espazo público. O apoio e implicación da cidadanía, e en concreto destes grandes produtores, é fundamental neste tipo de tarefas”, apuntou a responsable municipal.

Nesta quinta campaña, que se desenvolve en colaboración con Ecovidrio, o Concello ampliará o radio de acción habitual deste tipo de iniciativas, que se sitúa na zona centro da cidade debido a súa alta concentración hostaleira, para chegar ao conxunto dos establecementos da Coruña. Así, segundo avanzou García, entre os meses de outubro e decembro deste ano, o persoal de Ecovidro visitará, por primeira vez, todos os principais locais de hostalería da cidade, uns 800 aproximadamente, “para incidir na importancia da separación en orixe e reciclaxe do produto de cara e acadar o obxectivo compartido da xestión eficiente dos residuos na cidade”. “O vidro é un produto fácil de recuperar e pódese reutilizar indefinidamente. É importante coidar esta separación, ademais, xa que é un material que causa grandes problemas na planta de tratamento de residuos de Nostián”, explicou.

… Leer más