Coruña Infantil – CLICK AQUI

Para acceder a la mejor web que te puede informar de los eventos y noticias para los mas peques solo tienes que hacer CLICK AQUI

Coruña Atrapa – CLICK AQUI

Para acceder a la mejor web que te puede informar de los mejores locales y sitios que visitar en Coruña haz CLICK AQUI

O Concello levará a 50 estudantes de ciclos medios a facer prácticas laborais en empresas de varios países de Europa durante tres meses

O Concello da Coruña convocará no mes de novembro as primeiras 30 prazas do programa Bolsas Europa FP­Proxecto Acoreuropa IV, que permitirá que 50 titulados de ciclos medios de FP poidan facer prácticas de tres meses de duración en empresas de Reino Unido, Irlanda, Italia, Austria, Portugal e Polonia. A …

Oferta de la semana TodoConsolas: 3X2 en MANGA

Oferta de la semana TodoConsolas: 3X2 en MANGA

Recent Articles:

O Laboratorio Cidadán da Coruña regresa ás escaleiras de Adelaida Muro para rematar o mural comunitario

abril 20, 2018 coruna No Comments

​Os proxectos de innovación social do Laboratorio Cidadán que se desenvolveron ao longo do pasado exercicio teñen continuidade. Este sábado o Colectivo Oasis Monte Alto, unha comunidade informal de veciños e veciñas que se conformou no marco do proxecto Oasis, desenvolvido durante o último semestre de 2017 no marco do Co-Lab, organiza unha nova acción comunitaria nas escaleiras da rúa Adelaira Muro, co obxectivo de completar o mural iniciado na zona o pasado mes de novembro. A intervención, que comezará ás 10.00 horas do día 21, estenderase ao longo da fin de semana e rematará cun momento festivo contra o mediodía do domingo 22.

A concelleira de Participación e Innovación Democrática, Claudia Delso, valorou esta mañá moi positivamente a continuidade da proposta alén da súa vinculación coa administración municipal. “Resulta especialmente importante que os proxectos do Laboratorio Cidadán, que contaron desde un inicio co apoio orzamentario e institucional do Concello da Coruña, busquen a súa autonomía e a súa sostibilidade no tempo”, indicou a edil. “Un dos maiores logros do Co-Lab é activar comunidades de veciños e veciñas para que sexan elas mesmas as que deseñen e desenvolvan accións de mellora e transformación da súa contorna. Oasis Monte Alto, con esta nova etapa de intervención no espazo público, é o mellor exemplo de este obxectivo”, apuntou.

A cita desta fin de semana, aberta a toda a cidadanía, pretende acadar a boa acollida da acción de novembro, que tivo unha resposta masiva por parte da veciñanza de Monte Alto e que contou coa participación de persoas de todas as idades. De cara á intervención que terá lugar os días 21 e 22, está confirmada a asistencia de distintas entidades culturais e artísticas, así como diferentes comercios do barrio. Os recursos que se mobilizarán –como pintura, ferramentas, comida ou bebida– serán, unicamente, os donados polas persoas ou colectivos participantes.

O Concello e Hijos de Rivera asinan o contrato de compravenda dos terreos municipais subastados na Grela, que seguirán utilizándose ata final de temporada como campo de fútbol

abril 20, 2018 coruna No Comments

​O Concello da Coruña e a empresa Hijos de Rivera formalizaron a compraventa dun terreo situado na Grela e do que a compañía resultou adxudicataria en subasta pública, tal e como foi acordado en Xunta do Goberno local en decembro do pasado ano. O alcalde, Xulio Ferreiro, e o conselleiro delegado de Hijos de Rivera, Ignacio Rivera, asinaron esta mañá o contrato de compravenda do inmoble, propiedade do Concello da Coruña, polo importe estipulado na poxa que se acometeu durante o pasado ano, máis o IVE, 4.282.590,02 euros. O acordo inclúe que o Concello continúe a facer uso do campo de fútbol e as súas instalacións ata o 15 de xuño para poder manter sen incidencias o calendario deste deporte ata final de tempada.

O terreo subastado polo Concello dedicarase á consolidación e ampliación das instalacións de Hijos de Rivera na Grela, entre as que se incluirá un almacén automático. A actividade nesta nova edificación deberá estar en funcionamento como moito tres anos despois da notificación da adxudicación e manterse por un prazo mínimo de dez anos, seguindo se estipulou nos pregos da poxa efectuada pola administración local. Ademais, conlevará a contratación de 25 persoas nos centros de traballo da empresa dentro do termo municipal, tal e como estipulan as obrigas derivadas da adxudicación da parcela.

… Leer más

O Concello presenta ‘Grupo Xerminal’, a quinta liña de axudas municipais destinada ao tecido cultural local, “unha convocatoria que alimentará a efervescencia creativa da cidade”

abril 20, 2018 coruna No Comments

O concelleiro de Culturas, Deporte e Coñecemento, José Manuel Sande, presentou a nova liña de subvencións en réxime de concorrencia competitiva que ten, como finalidade, apoiar ao tecido local vinculado no eido das artes escénicas, da música, do libro, do audiovisual ou outro tipo de manifestacións artísticas. O ​Plan de Apoio á Creatividade Grupo Xerminal, que así se denomina a proposta, “apela ao xerme, ao nacemento dun movemento ou dunha obra artística, así como á obra de Zola, pero rende especialmente homenaxe ao centro de estudos coruñés Germinal, que desenvolveu a súa actividade no primero terzo do século XX e que estivo vinculado á cultura obreira, ao movemento libertario e á historia política e cultural da cidade”, apuntou o responsable municipal.

Grupo Xerminal, ​cuxo prazo de presentación de propostas estará aberto desde o 20 de abril e até o 14 de maio, pretende “sublimar as distintas manifestacións artísticas e culturais existentes na cidade, así como seguir as pisadas do que foi, desde o principio, a liña de traballo da Concellería, como o apoio á creación local e o entendemento da versatilidade do feito artístico”, dixo Sande. “A nova convocatoria avanza nesta idea, a de ofrecer unha ferramenta, en clave de autoxestión, que permita alimentar a constante pulsión creativa da Coruña”, expresou o edil.

… Leer más

A Deputación da Coruña e a Confederación de Empresarios impulsan un programa de cursos de formación

abril 20, 2018 coruna No Comments

A Deputación da Coruña e a Confederación de Empresarios da Coruña levarán a cabo un programa de formación do que se beneficiarán preto de 150 persoas na provincia da Coruña e que suporá un investimento de 30.600 €, dos que o 80% (24.480€) serán achegados pola institución provincial.

O programa, articulado a través dun convenio que vén de ser aprobado na comisión de Promoción Económica e Emprego e que se someterá á ratificación do pleno do vindeiro 27 de abril, inclúe a realización de 8 cursos que se realizarán nas sedes das delegacións coruñesa e compostelana da CEC e en diversos concellos da provincia, que se determinarán en función das solicitudes persoas interesadas en participar neste programa.

Os cursos, destinados tanto a desempregados como a persoal en activo da provincia da Coruña, desenvolveranse ata o mes de outubro de 2018, inclúen un total de 215 horas de formación en cuestións como ferramentas de comunicación (40 horas), habilidades para a xestión e resolución de problemas (50 horas), introdución á contabilidade (15 horas), Web 2.0 e redes sociais no entorno de traballo (20 horas), Excel avanzado (15 horas), novo regulamento de protección de datos (5 horas), técnicas de venda (35 horas) e habilidades para o traballo en equipo (35 horas). … Leer más

Trinta concellos soltarán libros en actos simultáneos no programa “Libros para semos libres” da Deputación da Coruña

abril 20, 2018 Uncategorised No Comments

A Deputación da Coruña xunto cos trinta concellos seleccionados para participar na segunda edición do programa “Libros para sermos libres”, que promove desde a área de Cultura, xa teñen todo preparado para realizar unha solta de libros simultánea arredor do Día Internacional do Libro o vindeiro 23 de abril. Os libros agasallaranse en actos públicos dentro do programa do Día Internacional do Libro.

Os concellos de A Capela, A Laracha, Abegondo, As Pontes, Boimorto, Boiro, Brión, Cabana de Bergantiños, Carnota, Cee, Cerdido, Irixoa, Lousame, Miño, Moeche, Muxía, Narón, Neda, Oleiros, Oroso, Ortigueira, Rianxo, Rois, Teo, Toques, Touro, Trazo, Val do Dubra, Valdoviño e Zas, distribuirán entre os días 21 e 26 de abril, 6000 libros entre as persoas que se acheguen aos emprazamentos definidos por cadanseu municipio.

Cunha cifra asignada de 200 exemplares por Concello, as prazas, os centros socioculturais, as casas da Cultura e as Bibliotecas Municipais converteranse en puntos de distribución de Cultura, desta volta de balde, co ánimo de festexar o Día Internacional do Libro. … Leer más

ENCUESTA SEMANAL

¿Te gusta la nueva web?

Cargando ... Cargando ...