Coruña Infantil – CLICK AQUI

Para acceder a la mejor web que te puede informar de los eventos y noticias para los mas peques solo tienes que hacer CLICK AQUI

Coruña Atrapa – CLICK AQUI

Para acceder a la mejor web que te puede informar de los mejores locales y sitios que visitar en Coruña haz CLICK AQUI

O Concello levará a 50 estudantes de ciclos medios a facer prácticas laborais en empresas de varios países de Europa durante tres meses

O Concello da Coruña convocará no mes de novembro as primeiras 30 prazas do programa Bolsas Europa FP­Proxecto Acoreuropa IV, que permitirá que 50 titulados de ciclos medios de FP poidan facer prácticas de tres meses de duración en empresas de Reino Unido, Irlanda, Italia, Austria, Portugal e Polonia. A …

¡OFERTA TODOCONSOLAS! Esta semana TodoConsolas realiza un descuento de 35€ en modelos de segunda mano de iPhone 6s/7/8 y modelos plus

¡OFERTA TODOCONSOLAS! Esta semana TodoConsolas realiza un descuento de 35€ en modelos de segunda mano de iPhone 6s/7/8 y modelos plus

Recent Articles:

O Concello adxudica as obras de acondicionamento que permitirán abrir o antigo cárcere da Torre ao uso socio-comunitario e cultural

octubre 8, 2017 coruna No Comments

O Concello vén de adxudicar as obras de acondicionamento no antigo cárcere da Torre que permitirán abrir distintas dependencias do edificio a proxectos de dinamización cultural e socio-comunitaria. O contrato, que ten un custo de 184.659 euros, prevé unhas obras de 56 días de duración, que servirán para acondicionar unha serie de espazos para poder acoller estes novos usos, tal e como avanzou este sábado o concelleiro de Rexeneración Urbana, Xiao Varela, durante unha entrevista en Radio Coruña Cadena Ser. Os traballos principais consisten no saneamento e impermeabilización da cuberta de todo o edificio, para evitar o seu deterioro debido ás filtracións de auga, e actuacións en certas estancias na zona máis próxima ao Paseo Marítimo, para habilitar distintos espazos, como a entrada do inmoble, un patio interior ou algunhas salas, “posibilitando usos usos e funcións o máis flexibles e variadas, buscando que sexan polivalentes”, indicou o responsable municipal. A intervención alcanzará tamén a instalación eléctrica, os percorridos contraincendios e incluirá a retirada de elementos comocascotes.

Deste xeito, e como sinala Varela, o inicio dos traballos nas próximas semanas permitirá ter as obras rematadas a finais de ano para poder dar cabida ás actividades socio-comunitarias e culturais recollidas no convenio asinado co SIEP –a Sociedade de Infraestruturas e Equipamentos Penitenciarios SA, dependente do Ministerio do Interior– para a cesión do inmoble ao Concello durante dous anos prorrogables. O contido deriva do proxecto elixido a través dun proceso de concorrencia pública para a cesión de usos destes espazos, para dinamización de actividades sen fins lucrativos e de carácter artístico, educativo, sociocultural e lúdico.

Durante a entrevista radiofónica deste sábado, o concelleiro de Rexeneración referiuse tamén ao proxecto da Intermodal, “un dos exemplos máis claros, pero non o único, da falta de compromiso coa Xunta coa cidade da Coruña, no que é, ademais, un elemento absolutamente clave para o modelo de mobilidade deste goberno local”. Neste sentido, Varela referiuse ás deficiencias do proxecto desenvolvido pola Xunta, “que non resolvía cuestións técnicas de compatibilidade da terminal de buses coa estación de tren, tal e como o Concello lle fixo notar e constatou ADIF nun dos seus informes”. “Na consellería teñen desde agosto un informe municipal sen contestar. O que fixo o Concello nos últimos meses foi prestar axuda e acompañamento á Xunta para que o proxecto poida levarse a bo termo. Incorporaron algunhas das cuestións que lles propuxemos, e que axudaron a simplificar e abaratar o proxecto, pero agora o que plantean non resolve a intermodalidade, a interconexión da rede metropolitana de transporte coa rede urbana, e fan un proxecto de escasa calidade, con carencias nos acabados e que escatima na superficie da estación. Nós o que cremos é que a Intermodal ten que ter máis dignidade, o que queremos é un bo edificio”, advertiu.

Preguntado pola próxima reunión do alcalde, Xulio Ferreiro, co presidente de Puertos del Estado, para abordar o futuro do bordo litoral da cidade, Varela puxo en valor a proposta do goberno municipal, “que pasa por que os terreos sexan de titularidade, xestión e uso publicos”. “Queremos que os espazos portuarios da cidade poidan dar cabida a zonas verdes para o uso da veciñanza, coa posible construción dun equipamento significativo, e, para San Diego, propoñemos que o peirao poida converterse nun distrito do mar, un distrito produtivo que axude a conformar nun pulmón económico para a cidade, e aquí a implicación do tecido empresarial, tanto da cidade como da área metropolitana, será moi importante”, salientou. A este respecto, o concelleiro rexeitou unha vez máis a vía da privatización dos terreos portuarios da cidade para afrontar a débeda da Autoridade Portuaria pola construción do porto de punta Langosteira, e apelou ao compromiso, tanto Puertos del Estado, como da Xunta, a Deputación e a Autoridade Portuaria, “para atopar unha solución que satisfaga á cidade, que non pode ser quen pague a hipoteca do Porto Exterior”. “Entendemos que posibilidade dunha quita sobre esa débeda é factible e o compromiso co tren a Langosteira tamén é imprescindible, para que a Autoridade Portuaria sexa máis produtiva e poida manter a súa débeda de maneira autónoma… Mecanismos para evitar que sexa a cidade quen pague hai, pero agora o necesario é o compromiso das distintas administracións”, considerou.

O Concello establecerá un dispositivo especial de tráfico este domingo no Paseo Marítimo pola carreira Coruña10

octubre 7, 2017 coruna No Comments

A XI Carreira Popular Coruña10 celebrarase este domingo, 8 de outubro, na enseada do Orzán. Na decana das carreiras populares promovidas polo Concello participarán máis de 4.400 persoas de todas as idades. Destas, 3.289 serán atletas da categoría absoluta, que tomarán a saída ás 10.00 horas, e percorrerán o Paseo Marítimo, desde o Millennium ata a Torre de Hércules ata alcanzar a meta, que de novo estará situada fronte ao Pazo dos Deportes de Riazor. Co gallo da realización desta proba, a Concellería de Mobilidade Sostible despregará un dispositivo especial de tráfico este domingo, desde as 06.30 horas da mañá, que velará pola seguridade das e dos deportistas, e permitirá que a cidadanía poida empregar tanto otransporte público urbano como os seus vehículos nos seus desprazamentos.

Os primeiros cortes produciranse ás 06.30 desde o Playa Club (no sentido avenida da Habana) até a parte superior da praza de Portugal. A continuación, desde as 08.30 horas, producirase o corte da avenida de Bos Aires, desde Calvo Sotelo e até a glorieta das Esclavas. A partir das 09.30 horas non estará permitida a circulación na avenida Manuel Murguía, desde Almirante Lángara até s glorieta das Esclavas, nin no Paseo de Ronda –desde Esclavas até a rúa Almirante Eulate–. O corte total nestas rúas –avenida da Habana, Paseo de Ronda e Manuel Murguía– producirase ás 09.45 horas e, a partir destes momento, estenderase aos dous sentidos de circulación entre a glorieta de Gerardo Porto –Millenium– e da Torre. Unha vez pasen as e os atletas pola saída, contra as 10.30 horas, abrirase o tráfico na avenida da Habana e Paseo de Ronda, e no conxunto do circuíto restablecerase a circulación ao paso de todas e todos os deportistas, contra ás 12.00 horas aproximadamente. … Leer más

O alcalde pon en valor a determinación do Concello “para lograr que o planeamento das Percebeiras sexa máis respectuoso co bordo litoral e acorde a un urbanismo razoable”

octubre 7, 2017 coruna No Comments

O alcalde da Coruña, Xulio Ferreiro, informou este venres do traballo que o Concello está a desenvolver coa comisión xestora do polígono das Percebeiras para acordar que o planeamento nese sector sexa “máis respectuoso co bordo litoral e acorde cun urbanismo non agresivo, cun volume edificatorio máis razoable e en liña co urbanismo de hoxe en día”. Como fixo notar durante a súa comparecencia posterior á Xunta de goberno local celebrada este venres en sesión ordinaria, o proxecto contemplaba ata tres torres de 16 pisos, “que xa no seu momento, a Consellería de Medio Ambiente estimou que debía adecuarse aos requirimentos do PXOM –que estipula un máximo de 8 alturas, agás casos excepcionais– e nesa liña van as conversas que se están a levar a cabo cos propietarios do solo para acordar un planeamento adaptado aos tempos actuais”. Ao fío, o rexedor deu conta da declaración de caducidade, validada hoxe pola Xunta de goberno local, do procedemento polo que se tramitaba o plan especial de Labañou, iniciado pola comisión xestora das Percebeiras. A razón formal desta decisión foi, segundo indicou, o vencemento dos prazos sen que a promotora teña presentado a documentación solicitada polo Concello para a continuación da tramitación, pese a terse dado unha prórroga para que puidese cumprimentala. Por outra banda, o rexedor deu conta do informe de licenzas e demais títulos habilitantes que de forma periódica traslada á Xunta de goberno local o concelleiro de Rexeneración Urbana, Xiao Varela, desde a entrada en vigor, en abril, da delegación da resolución das solicitudes de licenza cuxo orzamento de execución material sexa inferior a 1,2 millóns de euros. Como informou, entre o 20 de setembro e o 3 de outubro foron un total de 185 expedientes xestionados, dos que 34 son licenzas urbanísticas, 86, comunicación previas ao inicio de obras e 65 comunicacións previas ao inicio de actividades ou de apertura de establecementos.

Do mesmo xeito, Ferreiro referiuse á adxudicación do contrato da nova fase das obras de renovación e rehabilitación de firmes da Rolda de Outeiro, que teñen un importe de 386.613 euros e un prazo de execución de cinco meses, e que supoñen a mellora do tramo comprendido entre a avenida do Ferrocarril e a rúa da Merced, 940 metros desta vía, nos dous sentidos de circulación. Como apuntou, estes traballos sumaranse aos de renovación doutro tramo desta vía, entre a avenida de Fisterra até a de Arteixo, adxudicados o pasado mes de setembro, unhas obras que supoñen, en conxunto, un investimento de 626.247 euros, “unha actuación importante que servirá para deixar esta rúa en condicións, mellorando tanto a vía como a sinalización, pasos peonís e outros servizos”.

Noutro orde de asuntos, o alcalde tamén informou da tramitación anticipada do programa de Talón Restaurante, validada pola Xunta de goberno local desta mañá, para que as persoas perceptoras destas axudas poidan contar cos seus cheques no mes de xaneiro e non vexan a súa prestación alterada polos tempos administrativos. Como recordou, a Concellería de Xustiza Social e Coidados destina 600.000 euros para este programa, que vai dirixido a favorecer a autonomía e envellecemento activo das persoas maiores da cidade, así como o fomento da súa interrelación coa contorna, á vez que garantir unha alimentación equilibrada.

Conde de Fenosa

Por outra banda, e preguntado polos medios na súa comparecencia, o alcalde confirmou que o Concello ten presentado diante do Tribunal Superior de Xustiza de Galicia un incidente de nulidade do auto de setembro de 2016 polo que o alto tribunal galego rexeitaba o incidente de inexecución á sentenza de 2001, que ordena a demolición do edificio Conde de Fenosa, para pedirlle á sala do contencioso administrativo que entre a valorar a proposta de legalización, mediante demolición parcial, do edificio. “O que fixemos é pedir á sala que se pronuncie sobre a proposta de demolición parcial que fixo o Concello da Coruña é axeitada ou non para o cumprimento da sentenza, porque no seu momento non entrou a valorar o fondo do asunto, e tampouco o Supremo, porque nós cremos que a nosa proposta, que contempla unha demolición parcial para axustar o inmoble ao planeamento, si é a forma de cumprir a sentenza”, explicou.

O Concello proxecta no edificio do Remanso “un equipamento flexible e con espazos polivalentes, que poida responder á demanda cidadá de infraestruturas sociais abertas a toda a veciñanza”

octubre 6, 2017 coruna No Comments

O concelleiro de Rexeneración Urbana e Dereito á Vivenda, Xiao Varela, e a titular de Participación e Innovación Democrática, Claudia Delso, presentaron o proxecto para o edificio do Remanso, na praza de José Toubes, unha infraestrutura que, como indicou a concelleira, “trata de responder ás demandas detectadas, tanto no barrio como en toda a cidade, sobre a necesidade de infraestruturas sociais abertas a toda a veciñanza, que funcionen do xeito sinxelo e áxil, neste caso, nun espazo singular que se presta á relación coa súa contorna, nun enclave central da cidade”. “Propoñemos un espazo flexible, con espazos polivalentes, que interpela ao conxunto da veciñanza da cidade, un espazo que non será de ninguén en concreto, senón que será de toda a cidadanía”, salientou Delso, quen indicou que o novo equipamento poderá ser usado, tanto por persoas individuais como por colectivos informais eentidades sen ánimo de lucro, edarcabidatantoá actividades puntuais, como de tipo regular.

A proposta recolle unha superficie construída de 383 m2 e 283 m2 de superficie útil, para o que se prevé un orzamento de 350.000 euros. Como adiantou o responsable de Rexeneración Urbana, o proxecto técnico está a piques de rematarse, unha vez que o Concello tramitou, en paralelo, os necesarios cambios de planeamento para axustalo á normativa urbanística e poder executalo –algo que, como recordou Varela, non ocorría co proxecto da corporación precedente –, e a previsión é que a obra poida comezar a mediados do ano que vén. O edificio distribúese en dous andares, que compoñen dúas salas de forma regular duns 80 metros2 cada unha, con entradas independentes desde o exterior e vestíbulos de 20 m2 máis adosados cada unha delas, que poden funcionar como ampliación da mesma, ademais de cunha estancia de servizo, para acopio de mobiliario e outros servizos. Ambas contan con baños, accesos mediante ascensor e escaleiras e, como subliñou Varela, están deseñadas para ser “o máis polivalente posible, de xeito que poidan funcionar de maneira independente ao mesmo tempo”. Para iso, contan tamén con illamento acústico, que permite a actividade simultánea. Como apuntou durante a presentación a concelleira de Participación, outra das características interiores é que o chan de ambas estancias será de linóleo, “unha singularidade respecto a outros equipamentos municipais, que permite actividades físicas, vinculadas ao corpo, ou de ensaio de compañías ou artistas, entre outras”.

En canto ao exterior, Varela destacou o feito de que o equipamento se atopa na zona de afección do Camiño de Santiago, “o que require que o edificio teña o menor impacto visual posible sobre a praza e deba manter a relación entre o parque e a praza, como así se recolle na proposta”. A este respecto, o proxecto elimina a cuberta actual a dúas augas, “un elemento que nos parece discordante”, e mantén a pérgola de formigón existente na zona da praza, que se sanea e se dota, nunha zona, dunha cuberta de vidro. Tamén se reconfigura e acondiciona a parada de buses, e se fai accesible este espazo baixo a pérgola, mediante a substitución das escaleiras da parte máis próxima á fonte de Catro Camiños por ramplas. “Parecíanos moi importante a característica deste enclave, que, pola súa localización, funciona como un nodo de transporte e tamén cidadán, e o impacto que pode ter, incluso a nivel metropolitano”, incidiu Varela, quen aludiu tamén a que o proxecto trata de respectar a infraestrutura existente, para axustar os custos “moi inferiores ao do proxecto da anterior corporación, que superaban o millón de euros, e mantendo unha funcionalidade semellante, o que nos permite un reparto do investimento noutros puntos da cidade, facéndoo máis equitativo”.

O concelleiro de Rexeneración Urbana quixo destacar, ademais, a relación do edificio co parque exterior, que se potencia ao retirar o cemento que rodea a infraestrutura, de xeito que a zona verde chega ata a entrada mesma da sala superior, que ademais é acristalada, mentres que a estancia do soto é máis pechada, para poder albergar actividades como proxeccións.

Mobilidade Sostible adxudica o mantemento e nova implantación da sinalización de tráfico dentro da cidade

octubre 6, 2017 coruna No Comments

A Xunta de Goberno Local dará o visto e prace este venres á adxudicación do contrato que permitirá implantar na cidade unha nova sinalización de tráfico tanto horizontal como vertical, así como elementos de balizamento. Este servizo tamén contempla a conservación, mantemento e reposición dos sinais xa existentes. O contrato, cun prezo máximo de licitación de 349.973 euros, ten unha vixencia de catro anos, prorrogables a outros dous. O concelleiro de Mobilidade Sostible, Daniel Díaz Grandío, destacou que “é a primeira vez que o Concello da Coruña vai contar cun servizo que abarcará, de forma conxunta, todos os elementos desinalización”.

“O que conseguimos desta forma é axilizar moito o proceso de colocación de novos elementos de sinalización e de balizamento, algo fundamental neste momento, no que estamos a repensar de forma global as liñas de transporte público tanto urbanas como metropolitanas e cando estamos a dar pasos moi importantes para, dentro de pouco, poder ver a materialización dos nosos avances na implantación de novas formas de mobilidade”, explicou. “Esta integración de contratos servirá para abordar de xeito moito máis sinxelo todas as actuacións de ampliación do carril bici que non requiran de obra de infraestrutura”, engadiu.

A sinalización horizontal comprende as marcas viarias sobre o pavimento ou outros elementos da calzada. O contrato inclúe a obriga de levar a cabo, se así se estima pertinente, a nova implantación ou adaptación das actuais marcas viarias, de forma que se contribúa a mellorar as condicións de circulación e seguridade viaria, así como eliminar ou modificar as marcas desgastadas ou inadecuadas.

Como sinalización vertical e balizamento se entenden tanto os sinais metálicos verticais –xa sexan fixos ou móbiles–, de advertencia, perigo, regulamentación ou información, así como elementos de balización, delimitación, defensa ou guía (captaforos, redutores de velocidade, bolardos, biondas ou deliñadores) que sirvan para advertir de posibles incidencias no tráfico. Baixo esta denominación tamén se inclúen elementos de sinalización interiormente iluminados con tecnoloxía LED, así como sistemas de alimentación enerxética, se ben quedan excluídos elementos verticais como semáforos, paneis informativos variables e outro tipo de sinalización luminosa.

ENCUESTA SEMANAL

¿Te gusta la nueva web?

Cargando ... Cargando ...