Coruña Infantil – CLICK AQUI

Para acceder a la mejor web que te puede informar de los eventos y noticias para los mas peques solo tienes que hacer CLICK AQUI

Coruña Atrapa – CLICK AQUI

Para acceder a la mejor web que te puede informar de los mejores locales y sitios que visitar en Coruña haz CLICK AQUI

O Concello levará a 50 estudantes de ciclos medios a facer prácticas laborais en empresas de varios países de Europa durante tres meses

O Concello da Coruña convocará no mes de novembro as primeiras 30 prazas do programa Bolsas Europa FP­Proxecto Acoreuropa IV, que permitirá que 50 titulados de ciclos medios de FP poidan facer prácticas de tres meses de duración en empresas de Reino Unido, Irlanda, Italia, Austria, Portugal e Polonia. A …

OFERTA TODOCONSOLAS: 10% DE DESCUENTO EN PRODUCTOS HUEWEI DE SEGUNDA MANO

OFERTA TODOCONSOLAS: 10% DE DESCUENTO EN PRODUCTOS HUEWEI DE SEGUNDA MANO

Recent Articles:

O Concello edita a obra ‘Choqueiros. Breve crónica histórica do carnaval coruñés’, co obxectivo de recuperar e poñer en valor a singulariedade do noso entroido”

febrero 10, 2018 coruna No Comments

O concelleiro de Culturas, Deporte e Coñecemento, José Manuel Sande, presentou no Pazo de María Pita o libro Choqueiros. Breve crónica histórica do carnaval coruñés, unha publicación que ten como finalidade recuperar a tradición popular do entroido local. “Por segundo ano consecutivo, o Concello edita un libro en relación á historia destas festas, co obxectivo de afondar na necesaria exploración da memoria da nosa cidade”, sinalou Sande. Así, tras a publicación no 2017 do libro O apropósito coruñés, escrito por Antón de Santiago, o goberno local edita un novo texto, “que afonda nas singulariedades e as particulariedades do entroido coruñés, entendido como unha festa espontánea, popular e tradicional, da que se debe recoñecer e poñer en valor o seu pasado”, explicou o concelleiro. O titular da área de Culturas, que estivo acompañado polo autor, o historiador Xosé Alfeirán, explicou que o texto, que inclúe material gráfico da época procedente do Arquivo Municipal, fai unha revisión do Carnaval da Coruña que chega até o ano 1882, “o que abre o camiño a unha natural continuidade desta publicación”.

Alfeirán salientou a oportunidade que supón a publicación da obra “para rescatar do esquecemento, e dun xeito riguroso, as crónicas dunha tradición cultural e festiva como é o entroido coruñés”. O autor partiu tanto das experiencias “contadas polos seus e as súas protagonistas, en moitos casos xornalistas da época que, despois de participar nos desfiles e bailes, narraban os feitos na prensa e nos folletos que se editaban”, como dos expedientes municipais vencellados ás celebracións, “para facilitalas ou prohibilas”. Deste xeito, o historiador chega á conclusión que a festa, no municipio, “readáptase con cada nova xeración”. “Cada 25 ou 30 anos, froito dunha nova xeración e da evolución histórica e socio-económica da cidade, o Entroido presenta numerosos cambios, aínda que mantén compoñentes comúns que perviven até o día de hoxe”, explicou Alfeirán, como son os choqueiros, o lanzamento de obxectos, o baile de máscaras, o enterro da sardiña, a personaxe do Momo, e o “contrapunto”. “A medida que pasa o tempo, o Carnaval coruñés vai avanzando e socioloxicamente a súa estrutura social diversifícase, presentando así unha dualidade, como é o Entroido de choqueiros, pero tamén o de mascaritas , como vimos o pasado fin de semana no concurso de comparsas”, apuntou na comparecencia Alfeirán, que engadiu: “Cando coinciden eses elementos máis populares cos da institución, fóra das prohibicións ou limitacións, o Entroido na Coruña é apoteósico”.

A presentación pública de Choqueiros. Breve crónica histórica do carnaval coruñés , terá lugar o vindeiro luns, 12 de febreiro, no Circo de Artesáns. O acto, cuxa entrada é libre, comezará ás 20.00 horas. O libro, que estará dispoñible na rede de bibliotecas e centros cívicos municipais, pódese descargar da páxina web municipal www.coruna.gal .

As liñas de transporte público urbano modificarán os seus itinerarios o sábado 10 e o martes 13 co gallo da celebración do Entroido

febrero 9, 2018 Trafico No Comments

A Concellería de Mobilidade Sostible establecerá mañá, sábado 10, un dispositivo especial de tráfico co gallo da celebración do Desfile do Entroido, así como dos concursos de carrozas e comparsas na modalidade de vestiario e coreografía. A comitiva sairá ás 17.30 horas de avenida da Habana con dirección cara a praza de María Pita, polo que transitarán pola Rubine, a praza de Pontevedra, San Andrés e Santa Catalina, Cantóns e a avenida da Mariña. O percorrido provocará o peche ao tráfico das rúas polas que circularán as carrozas e comparsas, que se reabrirán segundo avance a comitiva e o público vaia abandonando a calzada. En concreto, o acceso á avenida da Habana, vía da que sairá a comitiva, estará cortado entre as 14.30 e as 18.30 horas para facilitar o comezo do desfile. Nesta mesma avenida estará prohibido estacionar vehículos desde as 08.00 horas da mañá e até as 18.30 horas na rúa, así como na zona de estacionamento situada diante da piscina municipal de Riazor.

O transporte público verase afectado pola realización do desfile. Así, desde as 14.30 horas, momento no que se pechará o acceso da avenida da Habana, as liñas 3 e 3A circularán pola rúa Manuel Murguía, tanto á ida como á volta, empregando as paradas existentes nesta vía. A partires das 17.30 horas, momento no que comezará o desfile, as liñas 3 e 3A, en sentido cara a Adormideras, e até que se libere o treito comprendido entre a avenida da Habana e a praza de Pontevedra, circularán por Gregorio Hernández até a glorieta da ronda de Nelle con Vila de Negreira, baixando polo Paseo de Ronda cara a Calvo Sotelo, Alfredo Vicenti, praza de Pontevedra, Teresa Herrera, Praza de Ourense, Juana de Vega –polo túnel– e Paseo Marítimo. Desde aquí a liña 3A continuará polo seu itinerario habitual, mentres que a liña 3 continuará pola rúa Hospital, Campo da Leña, Veramar e Abente y Lago, lugar no que recuperará a súa ruta. No regreso desde Adormideras, a liña 3 circulará polo Paseo Marítimo, Salesianos, rúa Hospital, Campo da Leña, Metrosidero, Mestranza, túnel do Parrote, praza de Ourense e Juana de Vega –polo túnel–, incorporándose así en Juan Flórez ao percorrido acostumado. Pola súa banda, a liña 3 circulará por avenida de Navarra, rúa Torre, Campo da Leña, Baltasar Pardal, Metrosidero, Mestranza, túnel do Parrote, praza de Ourense e Juana de Vega –tamén polo túnel–, para reincorporarse a súa ruta en Juan Flórez.

… Leer más

Medio Ambiente asina un convenio de colaboración con catro entidades animalistas para controlar e mellorar as condicións sanitarias das colonias felinas da cidade

febrero 9, 2018 coruna No Comments

A concelleira de Medio Ambiente, María García, asinou  no Pazo de María Pita, un convenio con representantes das entidades animalistas Gatuchinhos, CoruñaGatuna, Micos e Nós e Gatocán, de cara a continuar co proceso de xestión das colonias felinas posto en marcha, por primeira vez na cidade e neste mandato municipal, no Barrio das Flores. Mediante este acordo, Concello e voluntarios e voluntarias destas asociacións sen ánimo de lucro colaborarán de cara a continuar xestionando as colonias felinas do Barrio das Flores, así como o control doutras en Oza, Cidade Escolar, Os Rosais-Visma e Monte Alto. “Estes convenios están abertos a estabelecer canles de colaboración para conseguir que as colonias felinas que existen na cidade estean nas mellores condicións sanitarias e que, á vez, garantamos unha mellor salubridade pública nas zonas onde se atopan estes animais”, comentou a concelleira de Medio Ambiente, María García, que destacou que esta liña de actuación é posible “grazas ao traballo e ao compromiso que amosan as entidades animalistas, que están medrando en número na cidade nos últimos tempos”. Ao respecto, a edil indicou que este convenio medrará nun futuro coa incorporación de novas entidades colaboradoras, “coas que se poderá ampliar o traballo noutras zonas da cidade”.

Para garantir a salubridade das zonas con colonias felinas até o de agora incontroladas, o convenio asinado este xoves establece unha serie de encomendas tanto ao Concello como ás entidades animalistas que derivará no saneamento e esterilización dos gatos das colonias, así como a distribución controlada da súa alimentación. García explicou que o goberno local correrá cos gastos que comporta a esterilización dos animais, así como dará gaiolas de captura e recuperación ás entidades encargadas de actuar nas colonias, ademais de útiles para a limpeza diaria das casetas e os comedeiros que instalará e sinalizará debidamente, delimitando as zonas habilitadas para alimentar aos gatos. “Non só se sufragarán os gastos derivados dos tratamentos cirúrxicos, senón que se proporcionarán pastillas e pipetas para a desparasitación dos animais e se restrinxirá a súa alimentación fóra das zonas delimitadas”, expuxo. O convenio tamén servirá para que o Concello teña coñecemento das persoas designadas por cada asociación colaboradora para levar a cabo este traballo.

Pola súa banda, as entidades colaboradoras organizarán a actividade das persoas voluntarias, co obxectivo “de evitar a sobrealimentación, así como a xeración de residuos”. Manterán limpos os espazos nos que depositarán a comida para as colonias e realizarán a captura dos exemplares que, posteriormente, serán esterilizados e desparasitados.

“A firma destes catro convenios de colaboración é un fito importante, que dá continuidade ás políticas de benestar animal que estamos a levar a cabo, que buscan o obxectivo do sacrificio cero”, dixo a concelleira García, que agradeceu “o traballo dos grupos animalistas” e chamou á cidadanía a “colaborar no obxectivo de conseguir ter unhas colonias felinas controladas”. “A mellor forma de colaborar é facelo dende un punto de vista responsable. Sabemos que hai veciños e veciñas que, con toda a vontade do mundo, alimentan aos gatos, mais o que fan en moitas ocasións, é xerar focos de suciedade que derivan en situacións insalubres. Estes novos convenios dan moita máis autonomía ás asociacións de animais, que era algo que nos solicitaban, polo que pedimos á veciñanza a súa implicación”, explicou.

A Concellería de Emprego convocará axudas para entidades que organicen actividades de dinamización do comercio de barrio

febrero 9, 2018 coruna No Comments

O Goberno local aprobará mañá, venres, na sesión ordinaria da Xunta de goberno local, as bases para a concesión de subvencións por 126.500 euros a entidades privadas sen ánimo de lucro que desenvolvan proxectos de mellora, modernización e dinamización do comercio do barrio da cidade. Estas axudas seguen a liña marcada pola Consellería de Emprego e Economía Social, que implementou nos últimos anos unha serie de medidas para mellorar a competitividade e visibilidade do pequeno comercio, como o programa Tendas a exame, os mercadiños urbanos, promocións como a de Samaín ou Nadal ou a iniciativa O noso comercio si que vale, cuxa primeira fase está en marcha ata o 21 de febreiro.

Nesta ocasión, as destinatarias das subvencións para este 2018 son asociacións de comercio –que poderán recibir até un máximo de 8.000 euros por entidade– e as federacións de comercio –para as que o orzamento límite establécese en 20.000 euros para cada unha– e serán concedidas a través dun proceso de concorrencia competitiva polo que as entidades deberán presentar unha memoria do proxecto ou proxectos a realizar. “Este sistema é moito máis igualitario, xa que valora os proxectos en si mesmos e evita que as subvencións se dean unicamente atendendo a criterios nominativos”, indica o concelleiro responsable de Economía Social, Alberto Lema. Os requisitos que se teñen en conta á hora de conceder as subvencións son, entre outros, o uso da lingua galega no desenvolvemento das accións de dinamización, o compromiso ambiental das actividades propostas e que estas sexan de carácter inclusivo, o número de comercios asociados á entidade solicitante ou a paridade na súa xunta directiva.

As bases estipulan que as axudas poden cubrir o 100% do proxecto ou actividade, que deberá levarse a cabo no presente ano. Só estarán excluídas da convocatoria as entidades que xa asinasen un convenio nominativo coa Concellaría de Emprego e Economía Social e que figure no anexo de transferencias do orzamento municipal do 2018. As axudas poden destinarse a gastos correntes, indirectos e de funcionamento da entidade necesarios para o desenvolvemento da actividade, sempre que a entidade acredite co correspondende xustificante que o desembolso está directamente relacionado coa actividade. Poderanse solicitar axudas para un máximo de tres proxectos nunha única solicitude.

Medio Ambiente pon en marcha a consulta pública previa á licitación do contrato de recollida de residuos, “un proceso pioneiro que aposta pola transparencia para un servizo trascendental para a cidadanía”

febrero 9, 2018 coruna No Comments

A Concellería de Medio Ambiente, dirixida por María García, iniciará o próximo mércores, 14 de febreiro, o proceso de consulta pública previo á licitación do contrato de recollida de residuos e contenerización para a cidade, que se iniciará nos vindeiros meses. A responsable municipal deu conta este xoves en rolda de prensa deste proceso pioneiro, xa que é a primeira vez que se realiza na Coruña un procedemento deste tipo previo a unha licitación, e que dará a posibilidade aos principais axentes relacionados coa xestión dos residuos “a participar e opinar sobre o desenvolvemento dun servizo básico para a cidade antes de que se abra o proceso de licitación, que xa é definitivo”. “Despois de 50 anos en funcionamento do anterior contrato, o prego de recollida de residuos sométese a licitación e é a primeira vez neste concello que esa licitación se abre a consulta, e das primeiras que se fai en Galicia e no Estado español para unha contratación desta contía”, sinalou a responsable municipal, que recordou que este servizo é “un dos máis transcendentais dun concello, tanto polo que afecta á cidadanía como pola importante contía do contrato e tamén polas repercusións ambientais enormes que ten, xa que o sistema de recollida do lixo é o primeiro paso do modelo de residuos dunha cidade e o primeiro paso que vai definir a nosa capacidade de redución de residuos e reciclaxe”. “Este prego de recollida de lixo e contenerización exemplifica o que sons as políticas deste goberno de coidado do espazo público, de proximidade e tamén o noso compromiso como cidade co medio ambiente, cos traballadores e traballadoras e cos axentes sociais aos que implicamos neste proceso de consulta, coa transparencia e a participación”, salientou.

A concelleira adiantou durante a comparecencia as novidades do novo contrato, entre as que destacan as melloras de prestación do servizo para a cidadanía. “Con este novo contrato conseguiremos un servizo máis próximo e máis cómodo, que derivará nunha maior limpeza e coidado do espazo público e que terá un plan específico para as zonas de alta concentración hostaleira, ademais de todos os días en Nadal e época de verán”, explicou a edil, que salientou que “tamén se terá en conta á veciñanza con diversidade funcional, cun 25% de contedores adaptados”, e tamén implicará unha redución das emisións de ruído. … Leer más

ENCUESTA SEMANAL

¿Te gusta la nueva web?

Cargando ... Cargando ...