Coruña Infantil – CLICK AQUI

Para acceder a la mejor web que te puede informar de los eventos y noticias para los mas peques solo tienes que hacer CLICK AQUI

Coruña Atrapa – CLICK AQUI

Para acceder a la mejor web que te puede informar de los mejores locales y sitios que visitar en Coruña haz CLICK AQUI

O Concello levará a 50 estudantes de ciclos medios a facer prácticas laborais en empresas de varios países de Europa durante tres meses

O Concello da Coruña convocará no mes de novembro as primeiras 30 prazas do programa Bolsas Europa FP­Proxecto Acoreuropa IV, que permitirá que 50 titulados de ciclos medios de FP poidan facer prácticas de tres meses de duración en empresas de Reino Unido, Irlanda, Italia, Austria, Portugal e Polonia. A …

OFERTA TODOCONSOLAS: POWER BANK XIAOMI POR SOLO 9€

OFERTA TODOCONSOLAS: POWER BANK XIAOMI POR SOLO 9€

Recent Articles:

A Deputación da Coruña estuda a súa accesibilidade co fin de aproveitar os recursos e eliminar barreiras arquitectónicas

septiembre 18, 2018 coruna Comentarios desactivados en A Deputación da Coruña estuda a súa accesibilidade co fin de aproveitar os recursos e eliminar barreiras arquitectónicas

O programa DiCoruña Accesible da área de Servizos Sociais e Igualdade da Deputación da Coruña, avanza con distintas accións, entre as que se atopa unha xornada técnica e unha iniciativa para coñecer, de primeira man, as barreiras arquitectónicas que aínda poidan perdurar nas súas instalacións co fin de eliminalas. Persoal funcionario da institución visitou as instalacións en cadeira de rodas para coñecer os mecanismos para eliminar as barreiras.

Combina Social, encargada de desenvolver o programa DiCoruña Accesible, desenvolveu na sede da Deputación unha xornada técnica enfocada á análise da accesibilidade no urbanismo co obxectivo de deixar á vista que” para que as cousas se fagan ben hai que saber non só o que di a normativa, senón tamén como se utiliza”. … Leer más

O Concello acomete a renovación do firme nos Rosales, “unha actuación integral que se completa con intervencións de mellora nos pasos de peóns e na sinalización horizontal”

septiembre 18, 2018 coruna Comentarios desactivados en O Concello acomete a renovación do firme nos Rosales, “unha actuación integral que se completa con intervencións de mellora nos pasos de peóns e na sinalización horizontal”

O Concello iniciou nesta xornada as obras de renovación do firme no polígono dos Rosales, que contan cun orzamento de máis de 776.000 euros e que, segundo a previsión, rematarán antes de que finalice o ano. O titular de Rexeneración Urbana, Xiao Varela, manifestou a súa satisfacción polo inicio dunha actuación “que ten carácter integral e de gran impacto no espazo público”. A obra non se limita unicamente á renovación do pavimento e asfaltado, senón que tamén se centra na mellora dos pasos de peóns e a sinalización horizontal, o que se traduce nunha mellora considerable da accesibilidade e a seguridade no barrio. Os traballos forman parte do paquete de medidas comprendidas nos investimentos financeiramente sostibles aprobados a finais do ano pasado en Pleno con cargo ao remanente líquido de tesourería de 2016.

A actuación nos Rosales consiste na renovación dos firmes de calzada nas rúas Manuel Azaña, Castelao e Simón Bolívar, así como a calzada correspondente á beira dos números pares de Emilio González López (e as sete zonas de estacionamento que conectan con Bolívar). Só a renovación destes ámbitos suma case 50.000 metros cadrados de calzada.

Esta intervención compleméntase, ademais, co repintado de toda a sinalización horizontal (paradas de autobús, límites de estacionamento, liñas de calzada, pasos de peóns) dos citados espazos, ademais de na rúa Alcalde Suárez Ferrín, e na zona impar de Emilio González López. Esta obra renovará a práctica totalidade dos cruces dos pasos de peóns do barrio.

En canto aos tempos de execución, as obras, que comezaron este luns, inícianse coa actuación nas calzadas transversais entre as rúas Simón Bolívar e Emilio González López. Tras isto pasarase á calzada correspondente aos número pares en Emilio González López, para continuar coas actuacións en dirección a Manuel Azaña.

A Deputación da Coruña trasládalle ao director xeral da Memoria Histórica a urxencia de recuperar o Pazo de Meirás

septiembre 18, 2018 Uncategorised Comentarios desactivados en A Deputación da Coruña trasládalle ao director xeral da Memoria Histórica a urxencia de recuperar o Pazo de Meirás

A vicepresidenta da Deputación da Coruña, Goretti Sanmartín Rei, mantivo un primeiro contacto co director xeral da Memoria Histórica do goberno central, Fernando Martínez López, para transmitirlle os acordos da Xunta pola Devolución do Pazo de Meirás e a necesidade de recuperar o inmóbel para o patrimonio público. O director xeral, Fernando Martínez López comprometeuse a estudar o informe e a incluír o pazo de Meirás na axenda do departamento. Goretti Sanmartín propuxo dedicar a edificación á sede do Museo da Memoria Histórica.

O director xeral da Memoria Histórica do goberno central, Fernando Martínez López, tan xa na súa man os informes xurídicos e histórico elaborados por equipos dirixidos polos profesores Xabier Ferreira e Emilio Grandío por encargo da Deputación da Coruña a proposta da Xunta pro Devolución do Pazo de Meirás. A propia vicepresidenta da Deputación, explicou ao director xeral da Memoria Histórica, Fernando Martínez, o alcance dos dous documentos e a liña que abren a vía xurídica para conseguir que o Pazo de Meirás poda recuperarse para o patrimonio público, ao demostrarse a “simulación” dun contrato de compra para que o ben inmoble pasase a mans do ditador. … Leer más

O Concello abre o prazo de inscrición das Xornadas Gastronómicas do Bacallau, que se celebrarán do 1 ao 8 de novembro

septiembre 18, 2018 coruna Comentarios desactivados en O Concello abre o prazo de inscrición das Xornadas Gastronómicas do Bacallau, que se celebrarán do 1 ao 8 de novembro

O Consorcio de Turismo e Congresos vén de abrir o prazo de inscrición para participar nas Xornadas Gastronómicas do Bacallau, que terán lugar do 1 ao 8 de novembro na Coruña. A iniciativa, aberta a locais de hostalería da cidade, convócase no marco de actividades que o ente está a desenvolver co gallo do centenario da morte de Manuel María Puga y Parga, Picadillo, e ten como obxectivo render homenaxe á obra 3​6 maneras de guisar el bacalao.​ Na cita, que se engade ao calendario gastronómico coruñés, poderanse saborear propostas que elaborarán diferentes establecementos da cidade con menús a prezos especiais, así como participar nos percorridos guiados con showcooking e degustación incluídos.

Nas Xornadas do Bacallau poderán participar até un máximo de 20 establecementos de hostalaría da cidade que, tanto pola súa traxectoria profesional como pola proposta gastronómica, encaixen na temática. Os locais poderán elixir entre dúas modalidades de participación, sendo estas menú ou medio menú, presentando tanto iniciativas tradicionais como vangardistas. O prezo do menú, composto por un primeiro e un prato principal cuxo ingrediente principal sexa o bacallau, ademais dunha sobremesa e bebida; estará comprendido entre os 10 e os 30 euros. Pola súa banda, o prezo do medio menú, formado tamén por un prato composto polo mesmo produto como principal ingrediente, ademais dunha bebida, estará comprendido entre os 7 e os 15 euros.

Todos os establecementos interesados en formar parte das xornadas deberán enviar as súas solicitudes ao correo electrónico ​centenariopicadillo@gmail.com​. O prazo para achegar a información finalizará o 1 de outubro ás 14.00 horas.

O Concello activa a descentralización da atención social nos barrios, “un novo modelo de actuación máis próxima que resolverá máis rápido as necesidades da veciñanza”

septiembre 18, 2018 coruna Comentarios desactivados en O Concello activa a descentralización da atención social nos barrios, “un novo modelo de actuación máis próxima que resolverá máis rápido as necesidades da veciñanza”

O alcalde, Xulio Ferreiro, e a concelleira de Xustiza Social, Silvia Cameán, visitaron os centros cívicos de Labañou e dos Mallos, dous dos equipamentos municipais onde, dende hoxe, está en marcha a descentralización da atención social a través de equipos profesionais completos, xunto cos de San Diego, Elviña e Monte Alto. O rexedor recordou que, dentro da aposta decidida do goberno local por poñer a xustiza social no centro das políticas municipais, neste mandato o Concello implementou distintas medidas encamiñadas a mudar o modelo de atención social existente na cidade. “Hoxe, día no que entra en vigor o proceso de descentralización nos barrios dos equipos de atención social, damos un importante paso encamiñado a ofrecer unha atención máis áxil e máis próxima en todos os sentidos. Aproximamos os servizos sociais aos barrios e poñemos en marcha un novo modelo de atención máis cercano e, polo tanto, que poderá resolver máis rápido as problemáticas e as necesidades que se plantexen”, explicou. “Este proceso de descentralización completa moitos outros cambios introducidos estes anos, como o Servizo de Atención Inmediata (SAI), co que conseguimos reducir de forma notable as listas de espera no eido da atención social”, comentou.

A concelleira Silvia Cameán destacou todo o traballo realizado nas últimas semanas polo persoal dos servizos sociais “para ultimar tanto o traslado físico dos equipos de atención como a reorganización das persoas que fan uso destes servizos”. Tal e como explicou a responsable municipal, no proceso de descentralización fíxose tamén un labor de reasignación de traballadores e traballadoras sociais a partir da nova reorganización territorial, “na que se puxo especial coidado en respectar ás veciñas que preferiron manter a súa profesional de referencia, porque non era convinte expoñela a este cambio ou porque se considera que é relevante manter a relación profesional xa iniciada”. Ademais, tal e como salientou tanto o alcalde como a titular de Xustiza Social, “a concellería tamén activou un sistema de seguimento para avaliar calquera desaxuste ou incidencia que poida xurdir neste proceso de descentralización”.

… Leer más