Coruña Infantil – CLICK AQUI

Para acceder a la mejor web que te puede informar de los eventos y noticias para los mas peques solo tienes que hacer CLICK AQUI

Coruña Atrapa – CLICK AQUI

Para acceder a la mejor web que te puede informar de los mejores locales y sitios que visitar en Coruña haz CLICK AQUI

O Concello levará a 50 estudantes de ciclos medios a facer prácticas laborais en empresas de varios países de Europa durante tres meses

O Concello da Coruña convocará no mes de novembro as primeiras 30 prazas do programa Bolsas Europa FP­Proxecto Acoreuropa IV, que permitirá que 50 titulados de ciclos medios de FP poidan facer prácticas de tres meses de duración en empresas de Reino Unido, Irlanda, Italia, Austria, Portugal e Polonia. A …

OFERTA TODOCONSOLAS: 10% EN MÓVILES DE SEGUNDA MANO

OFERTA TODOCONSOLAS: 10% EN MÓVILES DE SEGUNDA MANO

Recent Articles:

O centro cívico de Eirís acolle este sábado, 2 de decembro, un encontro ‘Dillo ti’ do alcalde e o resto do goberno municipal coa veciñanza

diciembre 1, 2017 coruna No Comments

O vindeiro sábado, 2 de decembro, regresa a serie de xuntanzas abertas entre o goberno municipal e a veciñanza. O alcalde da Coruña, Xulio Ferreiro, así como o resto de concelleiras e concelleiros do executivo local asistirá, a un novo encontro Dillo ti, a canle de participación cidadá posta en marcha o pasado ano polo Concello co obxectivo de xerar un espazo de encontro que facilite que a cidadanía traslade, de xeito directo e sen intermediación, as súas demandas e vontades ao Goberno municipal. A cita, que se celebra habitualmentedexeitomensual,tenlugarencadaocasiónnunbarriodistintodacidade.

Así, tras visitar Os Castros, Palavea, Monte Alto, Os Mallos, Agra do Orzán, Novo Mesoiro, Monelos, Cidade Vella, Os Rosales, O Castrillón, Sagrada Familia, Peixería, A Silva, Feáns, Adormideras e Labañou, o programa municipal achegarase este sábado ao barrio de Eirís. Como vén sendo habitual, o encontro contará cun servizo de tradución á linguaxe de signos, así como un espazo de conciliación con obradoiros infantís, que permitirá ás persoas con nenas ou nenos ao cargo asistir á cita, e que tamén está aberto á veciñanza en xeral. Deste xeito, todas e todos os menores da cidade que teñan interese en asistir a este taller, poderán facelo ata completar o número de prazas dispoñibles. Para participar neste espazo non será necesario inscribirse, senón unicamente acudir ao equipamento municipal de Eirís no horario de celebración do Dillo ti –de 12.00 a 13.30 horas–.

Toda a información sobre esta serie de xuntanzas posta en marcha polo executivo local está dispoñible na páxina web municipal www.coruna.gal/conversascoalcalde

O Concello acomete melloras de accesibilidade e seguridade peonil na Canteira de Eirís, “ao duplicar, practicamente, a anchura existente nas beirarrúas da avenida de Monelos”

noviembre 30, 2017 coruna No Comments

O alcalde da Coruña, Xulio Ferreiro, visitou as obras que o Concello vén de iniciar na Canteira de Eirís, e que, cun orzamento de preto de 100.000 euros, favorecerán de forma notable a accesibilidade na zona comprendida entre os números 201 e 215 da avenida de Monelos. O aspecto máis notable da intervención, tal e como destaca o concelleiro de Rexeneración Urbana e Dereito á Vivenda, Xiao Varela, que acompañou ao rexedor na visita, será a ampliación do ancho da beirarrúa, “practicamente duplicando a anchura existente”, ao longo de 145 metros, nun treito que discorre polo costado das seis mazás que compoñen o barrio da Canteira de Eirís. A mellora que traerá o aumento da capacidade desta beirarrúa non só está xustificada pola considerable cantidade de habitantes nas mazás da Canteira, senón pola alta densidade deste tramo do barrio ou o feito de que a avenida de Monelos constitúa o principal percorrido de conexión peonil desta zona co resto da cidade. “Este conxunto de mazás é tamén a principal conexión da avenida e de toda a área do Parque Ofimático, coa parte alta do Parque de Eirís e Lamadosa”, sinalou o edil.

Así, os treitos da beirarrúa pasarán de ter unha anchura media de 1,80 metros –con zonas nas que se reduce até os 1,40 metros– a unha anchura media de 3,60 metros, e que aumentará ata máis de 5 metros nos cruces, quedando o punto máis estreito en 1,90 metros. “Estamos a falar dunha obra de calado para o barrio nunha zona de moito tránsito peonil, na que nalgúns treitos a vía impedía o paso á vez de dúas persoas en direccións enfrontadas”, aseverou o titular de Rexeneración Urbana, quen lembra que o ámbito da intervención conta con seis pasos peonís. “A Canteira verá mellorada a súa accesibilidade e seguridade, ao reducir a lonxitude do paso polo ancheamento das beirarrúas nos cruzamentos”, engadiu o responsable municipal.

A ampliación da beirarrúa tamén suporá un cambio na fisionomía do barrio, ao producir unha notable mellora na parada existente do transporte público urbano, que será desprazada, lixeiramente, até a altura do portal número 207 da avenida de Monelos. “O novo ancho permitirá a instalación dunha marquesiña, demandada pola veciñanza e que mellorará as condicións de espera nun punto exposto ás inclemencias meteorolóxicas”, explicou, pola súa banda, o concelleiro de Mobilidade Sostible, Daniel Díaz Grandío, quen lembra que as actuacións foron acordadas e tratadas coas asociacións veciñais e de comercio de proximidade no barrio.

A Concellería de Emprego abre un novo proceso para adxudicar 23 postos baleiros nos mercados municipais no que se primarán os proxectos que favorezan a inserción laboral

noviembre 30, 2017 coruna No Comments

A Concellería de Emprego e Economía Social, dirixida por Alberto Lema, impulsará un novo proceso para adxudicar a explotación de 23 postos baleiros nos mercados municipais da cidade. O procedemento que se habilitará, e que recibirá este venres o visto e prace da Xunta de goberno local, está aberto a toda a cidadanía, se ben, primará a aqueles proxectos que favorezan a inserción laboral de colectivos con dificultades, ás pemes e as asociacións e empresas de economía social, así como a praceiros e praceiras que xa conten con postos lindantes aos ofertados. O responsable municipal salientou que se trata “do segundo procedemento deste tipo que leva a cabo o goberno local neste mandato” e que “entronca coas ambiciosas medidas de dinamización das prazas de abastos municipais que estamos a levar a caboencolaboracióncopropiosector”.

En concreto, e logo de que en maio de 2016, o departamento de Emprego e Economía Social sacase a concurso 48 postos, o goberno municipal ten previsto impulsar un proceso semellante, mediante concorrencia pública, para que as persoas que así o desexen poidan optar a explotar durante 15 anos, prorrogables por 10 máis, 23 postos nos mercados (9 no Eusebio da Guarda/Praza de Lugo, 6 en San Agustín, 5 en Ramón Cabanillas, 2 en Elviña e un Palavea). “Unha vez que a Xunta de goberno local aprobe este proceso, procederemos a facer públicas as bases do concurso no propio perfil do contratante da web municipal, e abriremos un período para que as persoas que así o desexen presenten os seus proxectos”, comentou o concelleiro Lema. “En menos de dous anos levamos xa dous concursos abertos coa fin de revitalizar os mercados coruñeses e dar novas oportunidades de emprendemento. Por contra, antes da chegada do actual executivo municipal, o último concurso deste tipo foi no ano 94”, comentou, á vez que explicou que entre os 23 postos que se ofertan “existen algúns que non foron adxudicados na anterior convocatoria, ademais doutros novos que non saíron a concurso”.

“Estamos ante unha nova mostra do compromiso deste goberno co impulso dos mercados municipais”, dixo Lema, quen recordou o proxecto recentemente presentado para a modernización e posta a punto de Santa Lucía, cun investimento de máis de 4 millóns de euros, ademais do proxecto para renovar o mercado e a praza de Monte Alto, e as actuacións que se están a desenvolver na contorna do mercado de San Agustín para favorecer a súa accesibilidade.

As praceiras e praceiros da cidade acenderán o vindeiro 5 de decembro o alumeado de Nadal nun acto que terá lugar na Mariña

noviembre 30, 2017 coruna No Comments

O alcalde da Coruña, Xulio Ferreiro, avanzou que será unha representación de praceiras e praceiros dos mercados da cidade a encargada de acender este ano o alumeado de Nadal, nun acto que se celebrará o vindeiro 5 de decembro, coincidindo co inicio da ponte, na Mariña, e no que estará presente o propio rexedor e os demais membros do equipo de goberno, xunto con representantes do resto da corporación municipal. O primeiro edil sinalou que a elección “continúa coa tradición destes últimos anos de implicar a colectivos representativos da cidade, como foron as xogadoras do Hockey Club Liceo o ano pasado ou as integrantes do equipo feminino do CRAT, e que neste caso mantense con outra actividade moi importante na Coruña”.

Do mesmo xeito, o rexedor confirmou as figuras que este ano se incorporan ao belén municipal, cuxa montaxe xa comezou no pazo de María Pita, e que se inaugurará o día 15. Serán Marcela e Elisa, “esas dúas mulleres coruñesas que a principios do século pasado contraeron voda relixiosa, a única voda católica da que se ten constancia entre dúas mulleres, e que son personaxes relevantes do imaxinario popular coruñés que aínda non estaban no belén”, sinalou, e vinculou esta novidade coa representación da obra teatral ‘Elisa y Marcela’, unha comedia musical dedicada á historia das dúas coruñesas, que terá un pase especial gratuíto este sábado (20.30 horas) no Teatro Colón a iniciativa do Concello. As entradas, de balde, poden retirarse na web de ataquilla.com ou na billeteira do propio Colón. … Leer más

O Concello elabora, en colaboración coa Escola de Turismo, un estudo que “sitúa o entorno natural, a gastronomía e a seguridade” como os principais reclamos para os e as visitantes

noviembre 29, 2017 coruna No Comments

O Consorcio de Turismo da Coruña, en colaboración coa Escola Universitaria de Turismo, presentou hoxe os resultados do primeiro estudo de demanda turística da cidade, un documento que, en palabras do alcalde, Xulio Ferreiro, “serve para definir as fortalezas e debilidades da promoción turística da nosa cidade, o que nos servirá para implementar medidas de cara a facer accesible a nosa oferta a todos os perfís de visitantes”. Nun acto na propia Escola de Turismo, ao que tamén acudiu o concelleiro de Emprego, Alberto Lema, e a xerente do Consorcio, Lanzada Calatayud, o rexedor salientou que “os resultados desta enquisa veñen a referendar o traballo que está a desenvolver o goberno local neste eido a partir do Plan Estratéxico de Turismo (PET), que recentemente acaba de aprobar”. O secretario académico da Escola de Turismo, Carlos Rodríguez Carro, foi o encargado de presentar as liñas xerais deste estudo, que se realizou a través dos resultados obtidos a partir de preto dun millar de enquisas a turistas e excursionistas que visitaron a cidade entre o 15 de xullo e o 16 de setembro.

O estudo tirou unha serie de datos como que tres de cada catro visitantes proceden do estado español, sendo Madrid, Catalunya e Andalucía os principais territorios de orixe (suman, de feito, o 40% das visitas recibidas). Os e as visitantes estranxeiras teñen, maioritariamente, un perfil ligado ás viaxes en cruceiro, sendo británicas na súa maioría. Por franxas de idade, o perfil tipo de turista coruñés, en base a esta enquisa, é de persoas de entre 40 e 65 anos, nun 60%, seguidos de turistas de arredor de 30 anos (un 20%), a gran maioría con estudos universitarios. Unha destacada porcentaxe viaxa por conta allea, sendo oito de cada dez os que o fan en parella ou coa familia.

… Leer más

ENCUESTA SEMANAL

¿Te gusta la nueva web?

Cargando ... Cargando ...