Coruña Infantil – CLICK AQUI

Para acceder a la mejor web que te puede informar de los eventos y noticias para los mas peques solo tienes que hacer CLICK AQUI

Coruña Atrapa – CLICK AQUI

Para acceder a la mejor web que te puede informar de los mejores locales y sitios que visitar en Coruña haz CLICK AQUI

O Concello levará a 50 estudantes de ciclos medios a facer prácticas laborais en empresas de varios países de Europa durante tres meses

O Concello da Coruña convocará no mes de novembro as primeiras 30 prazas do programa Bolsas Europa FP­Proxecto Acoreuropa IV, que permitirá que 50 titulados de ciclos medios de FP poidan facer prácticas de tres meses de duración en empresas de Reino Unido, Irlanda, Italia, Austria, Portugal e Polonia. A …

OFERTA TODOCONSOLAS: 10% EN MÓVILES DE SEGUNDA MANO

OFERTA TODOCONSOLAS: 10% EN MÓVILES DE SEGUNDA MANO

Recent Articles:

A praza de María Pita acollerá este domingo un acto aberto á veciñanza para celebrar, con actividades lúdicas, o Día Internacional da Diversidade Funcional e Sensorial

noviembre 29, 2017 coruna No Comments

A concelleira de Igualdade e Diversidade, Rocío Fraga, participou na presentación do acto promovido polas entidades do tecido social local e da área metropolitana que terá lugar o vindeiro domingo, 3 de decembro, con gallo do Día Internacional da Diversidade Funcional e Sensorial. A iniciativa, nomeada Baixo o mesmo paraugas. Galicia pola diversidade, terá lugar ás 12.00 horas na praza de María Pita e que contará coa participación do alcalde da Coruña, Xulio Ferreiro. O acto permitirá visibilizar, dun xeito lúdico, o traballo conxunto levado a cabo por 28 entidades sociais “baixo unha ‘paraguada’ da diversidade”, segundo expresou Fraga. “Desde o Concello queremos apoiar e arroupar unha acción tan simbólica posta en marcha pola cidadanía non só coa presenza institución, senón tamén a través da combinación da mesma con actividades”, sinalou a edil, quen lembrou que este ano o acto se enmarca tamén na programación do FESTI=, Festival de Artes pola Inclusión Cultural, promovido polo Concello da Coruña e a Fundación Emalcsa, e que dá a coñecer, neste último trimestre do ano, as actividades que formaron parte da primeira edición da convocatoria Cultura Accesible e Inclusiva. Así, despois da acción conxunta, haberá ás 12.30 horas un concerto “sorpresa, polo tipo de presentación”, segundo indicou Fraga, de Guadi Galego e, de seguido, contra ás 13.00 horas, terá lugar a actuación de María Fumaça, o proxecto da cantante Uxía en relación coas diversidades.

A responsable municipal estivo acompañada na presentación por Eulogio López, presidente de ASPACE Coruña, quen destacou que o acto das 12.00 horas “permitirá á veciñanza meterse baixo o paraugas e ver a diversidade desde unha mesma óptica”. Na iniciativa participarán, de xeito activo, membros de Acem, Adaceco, Afaco, Aind, Apem, Artefíos, Asociación Pascual Veiga, Aspaber, Aspace Coruña, Aspadex, Aspadisol, Aspanaes, Aspaym, Asperga, Aspesor, Aspronaga, Dismacor, Down Coruña, Feafes, Fegerec, Fundación Adcor, Grumico, Onde, Pai Menni, Parkinson Coruña, Predif, Red de Fibromialxia e a Unidade de Parapléxicos da Coruña. “A proposta é do mundo da discapacidade e da sociedade civil organizada arredor destas persoas e as súas familias. O acto quere destacar a forza do movemento e tecido asociativo, pois dentro das diferencias, somos capaces de unirnos en torno á diversidade, e temos un valor engadido: creamos emprego, damos servizo ás persoas vulnerables, compartimos coñecemento e somos capaces de poñernos dacordo en cuestións fundamentais”, expresou López.

Actividades do FESTI=

O FESTI= está a levar a diferentes espazos da cidade, desde o pasado 2 de novembro, un amplo abano de disciplinas artísticas abertas, participativas, inclusivas, libres de barreiras e aptas para todos os públicos. Ata o momento tiveron lugar un Ciclo de Lírica Inclusiva da Asociación de Amigos da Ópera da Coruña, unha exposición da Sociedade Filatélica, e a Cerebro–Artes–Acción de Experimentadanza, da asociación Diversos; pero dúas das iniciativas do programa abrirán mañá a semana grande do FESTI= .

Así, a Asociación para o Desenvolvemento da Cultura Musical na Infancia para Colectivos Desfavorecidos e en Risco de Exclusión Cultural, Demusicade, organiza mañá mércores, día 29, unha mesa redonda sobre as músicas participativas e inclusivas na Fundación María José Jove. Neste encontro participarán o músico e presidente de Demusicade, Rogelio Groba; a psicóloga Reyes Bernal, a terapeuta no Centro de Atención de Día de Aspanaes; María Jesús Vila; e a padroa da Fundación Abrente, Eva Maceiras. O debate, aberto ao público, comezará ás 18.30 horas. Tamén mesmo mércores iníciase unha actividade proposta por La Quinta del Arte. O equipo do centro artístico organiza un obradoiro formativo que terá lugar o mércores no Salón de Actos do Centro Cívico Os Rosales, e o xoves 30 e o venres 1 de decembro no Centro Ágora. As persoas participantes ensaiarán unha montaxe que se presentará o domingo 3, na xornada central do Festival, ás 18.00 horas no Centro Ágora.

O groso da programación terá lugar, pois, este domingo, 3 de decembro, coincidindo co Día Internacional da Diversidade Funcional e Sensorial. Despois do acto protagonizado polas entidades sociais vinculadas ás diversidades da cidade e da área metropolitana, a actividade do FESTI= trasladarase ao mediodía, a partires das 14.00 horas, ao centro Ágora, no que se celebrarán numerosos concertos, actuacións e proxeccións, ademais dun xantar conxunto. A última parada do festival terá lugar o 14 de decembro, cando La Quinta del Arte estree a montaxe La gran boda . Será no Teatro Rosalía de Castro ás 18.30 horas. A programación completa da iniciativa pódese consultar na páxina web municipal w ww.coruna.gal/igualdade/festigual .

O alcalde solicita unha xuntanza urxente co conselleiro de Sanidade para que defina a súa postura sobre a localización dun novo centro de saúde en Santa Lucía

noviembre 28, 2017 coruna No Comments

O alcalde da Coruña, Xulio Ferreiro, remitiu este luns unha carta ao conselleiro de Sanidade da Xunta de Galicia, Xesús Vázquez Almuiña, na que lle solicita unha xuntanza de carácter urxente para intentar que a Xunta implante un novo centro de saúde no edificio contiguo ao mercado de Santa Lucía, que será reformado e rehabilitado polo Concello dentro dun proxecto no que a administración local ten previsto investir máis de 4 millóns de euros. O alcalde tamén remitiu o anteproxecto de reforma do citado espazo.

O Concello da Coruña ten un anteproxecto para a renovación e modernización do mercado de Santa Lucía que contempla a posibilidade de que o equipamento conte, ademais, cun centro de saúde ubicado no edificio contiguo. Non obstante, debe ser a propia Xunta de Galicia, por ter as competencias sobre o Sergas, a que decida se quere implantar o equipamento neste espazo, tal e como demanda a veciñanza. Ferreiro salientou, de novo, a necesidade de que o goberno autonómico “dea unha resposta canto antes”. “O planteamento que facemos é viable tecnicamente, e permite desenvolver usos diferenciados e contiguos aos do mercado. Por iso, necesitamos que a Xunta se decida”, comentou o primeiro edil.

“A renovación do mercado só depende de nós, o centro de saúde non. Para que o barrio teña un centro de saúde é necesario que a Xunta de Galicia, que non inclúe ningunha partida ao respecto nos seus orzamentos de 2018, dea un paso adiante e rectifique. O Concello da Coruña ten un anteproxecto preparado que non pode esperar máis. Temos que pasar á seguinte fase de tramitación con urxencia, para que a reforma do mercado non se atrase máis. Por iso, tal e como fixemos de forma pública o venres, hoxe volvemos, de forma oficial, a solicitar á Consellería de Sanidade unha resposta no prazo dun mes”, apuntou, á vez que recordou que “se a Xunta decide privar ao barrio dun equipamento sanitario tan demandando, o Concello asumirá a responsabilidade de darlle unha alternativa á veciñanza e dotar a ese espazo doutros servizos necesarios e demandados pola cidadanía”.

Por outro lado, o mandatario local recordou tamén que xa no mes de agosto do pasado ano, o concello coruñés ofreceu á Xunta de Galicia outra ubicación municipal alternativa para o centro de saúde, neste caso no Paseo das Pontes.

O edil José Manuel Sande presenta a nova programación de ‘Coruña Gráfica’, que ofrece desde o xoves “unha chea de actividades para todos os públicos arredor do humor gráfico”

noviembre 28, 2017 coruna No Comments

A Concellería de Culturas, Deporte e Coñecemento presentou Desde Coruña con humor, a nova programación impulsada pola área que dirixe José Manuel Sande en relación a Coruña Gráfica, a guía profesional de ilustración, animación, banda deseñada e humor gráfico da Coruña. Tal e como sinalou o edil, este “aluvión de actividades que teremos contra o final de ano, e que vén acompañado dunha actualización e ampliación da guía, chega nun momento bastante axeitado, tanto pola efervescencia de autoras e autores que ten a cidade, como polo momento de restrición que se vive en relación ás liberdades”. “Precisamente hoxe presentamos un monográfico dedicado a un dos piares deste proxecto, como é o humor gráfico, ao que se dedicarán unha exposición, xornadas e parladoiros, así como obradoiros dirixidos ao público infantil”, explicou Sande, quen lembrou o “fondo compromiso do goberno local co sector”. “Vémolo en Coruña Gráfica, pero tamén no impulso a Viñetas desde o Atlántico, na aposta polo cartel de autor nas festas da cidade, como entroido ou María Pita, ou a través da especialización da sala de exposicións Salvador de Madariaga”, dixo o edil, quen estivo acompañado pola vicepresidenta da Deputación da Coruña, Goretti Sanmartín, e o coordinador do proxecto, o debuxante Manel Cráneo.

A guía profesional Coruña Gráfica naceu en xaneiro de 2016 en formato papel e dixital co obxectivo de dar a coñecer a obra das e dos artistas locais vinculados coa animación, ilustración, banda deseñada e humor gráfico. Entre as principais novidades que se presentaron hoxe, e que contan co apoio da Deputación provincial, sitúase a ampliación do formato dixital do documento, que pasa a contar con 92 artistas –das e dos 69 iniciais– locais ou con vinculación coa cidade e, de cara a súa internacionalización, a nova edición inclúe unha versión traducida ao inglés. “O obxectivo segue a ser converter esta plataforma nun escaparate para dar a coñecer das e dos artistas dunha cidade que é, realmente, moi rica neste sector”, explicou Manel Cráneo. “Aínda que moitas e moitos contan cunha longa traxectoria, para outras persoas é máis complicado realizar o labor de promoción alén do ámbito local ou galego. Agora, ademais de contar coa versión bilingüe galego-castelán da guía, coa que procuramos o ano pasado chegar a todo o mercado estatal, temos unha web e unha versión en inglés coa que procuraremos dar a coñecer as creadoras e os creadores da Coruña por países como Inglaterra, Francia, Italia ou Estados Unidos, que contan cun potente mercado neste sector”, sinalou o debuxante, quen tamén deu a coñecer a nova páxina web da iniciativa, www.corunagrafica.com , na que se poden consultar desde hoxe as fichas das creadoras e dos creadores, ademais de novidades do sector, feitos históricos ou unha guía de clientes, “para poñer por escrito as boas prácticas nas relacións profesionais que se poidan establecer entre entidade interesada e artista”, afirmou Cráneo. … Leer más

O Concello mantén aberto o prazo de inscrición para a VI Carreira Popular dos Rosales, que se celebrará o vindeiro domingo 3

noviembre 27, 2017 coruna No Comments

A Concellería de Culturas, Deporte e Coñecemento mantén aberto o prazo para participar na VI Carreira Popular dos Rosales, que se celebrará o vindeiro 3 de decembro. A proba, que terá situada a meta e a saída na rúa Manuel Azaña, conta cun circuíto, no caso da categoría absoluta, de 6.465 metros. As e os participantes percorrerán un trazado arredor do barrio, pasando pola rolda de Outeiro, avenida Fernando Suárez, O Portiño, a estrada dos Fortes e a rúa Alfonso Rodríguez Castelao, na que encararán os últimos metros antes de regresar a Manuel Azaña. Todas as persoas que desexen participar nesta carreira poderán formalizar a súa inscrición até o ás 23.59 horas do mércores 29 de novembro tanto a través da web www.coruna.gal/carreiraspopulares como de forma presencial na oficina de Viaxes El Corte InglésenavenidadeRubine,no3-5,de09.30a14.00horasede16.30a20.00horas.

Para as persoas que non estean inscritas no Circuíto de Coruña Corre, a súa cota de inscrición será de 2€ –agás para as e os menores de idade, que é gratuíta– mentres que, para as persoas desempregadas, maiores de 65 anos ou usuarias do Carné Xove, será de 1€. Os dorsais poderán recollerse no polideportivo do barrio o sábado 2 de decembro, de 11.00 a 20.30 horas, así como o domingo 3 até unha hora antes do inicio de cada carreira, que comezarán ás 10.30 horas. Ademais, no recinto municipal estará situado o servizo de duchas e gardarroupa o día da proba, cuxa entrega de premios será ás 13.15 horas.

Por outra banda, o goberno local lembra que se mantén aberto tamén o prazo de inscrición para participar no Circuíto de Carreiras Populares –ao que pertence a proba dos Rosales–, e que se poderá formalizar até a terceira proba da tempada, que terá lugar o 14 de xaneiro no barrio de Matogrande, posto que para poder puntuar no programa, é necesario participar en 5 das 7 probas da serie. Os prezos deste tempada son os mesmos respecto aos dous últimos anos, sendo a cota de 10€ para o público xeral de máis de 18 anos, gratuíta para as e os menores de idade, e de 7€ para o colectivo con bonificación –persoas desempregadas, maiores de 65 anos ou usuarias do Carné Xove–.

Toda a información sobre as categorías, sistema de clasificación e premios está dispoñible no regulamento do circuíto municipal Coruña Corre, que se pode consultar na páxina web www.coruna.gal/carreiraspopulares

O centro Ágora acolle desde hoxe a exposición de fotografía colectiva ‘Un migrante na rúa’

noviembre 27, 2017 Exposición No Comments

O centro Ágora acollerá desde hoxe a mostra itinerante de fotografía colectiva Un migrante na rúa , unha proposta que se define como “unha homenaxe á interculturalidade, á pluralidade e á diversidade”. O traballo, promovido pola entidade Square e o colectivo Migrantes, axunta o traballo de 25 artistas que, a través das súas imaxes, queren concienciar sobre a realidade da migración como fenómeno mundial “presente en todas as épocas da historia e en todas partes do noso planeta. Así, nesta exposición mostraranse 25 pezas de Alicia Martínez Núñez, Andrés Fernández, Antía García Sendono, Begoña Bah, Belén Canosa, Carlos Durán López, César Charlón, Chico Mirás, Elena Pérez-Ardá López, Gimena Berenguer, Irene López, José Alberto Pedrido, José Padrín, Kike G. Pérez, Lestonnac Ibáñez Vilas, Moncho Fuentes, Paco Gallego, Pepe Ventureira Maceiras, Santiago Ramas, Santiago Rodríguez, Uxía Saborido, Xabier Martínez, Xoana Grela, Xosé Luís Alonso e Yanina Tuirán. Cada fotografía está apadriñada por algunha entidade local do tecido social, cultural ou empresarial da Coruña.

A inauguración, na que estará presente a concelleira de Igualdade e Diversidade, Rocío Fraga, estará acompañada do espectáculo poético musical Rosalía e a diáspora, no que participará a Agrupación Musical Albéniz e a xornalista Lidia Bao. A exposición, que se poderá visitar de luns a venres entre as 08.00 e as 21.00 horas, e os sábados de 09.00 a 14.00 horas e de 16.00 a 21.00 horas, estará aberta ao público até o 27 de decembro deste ano.

ENCUESTA SEMANAL

¿Te gusta la nueva web?

Cargando ... Cargando ...