Coruña Infantil – CLICK AQUI

Para acceder a la mejor web que te puede informar de los eventos y noticias para los mas peques solo tienes que hacer CLICK AQUI

Coruña Atrapa – CLICK AQUI

Para acceder a la mejor web que te puede informar de los mejores locales y sitios que visitar en Coruña haz CLICK AQUI

O Concello levará a 50 estudantes de ciclos medios a facer prácticas laborais en empresas de varios países de Europa durante tres meses

O Concello da Coruña convocará no mes de novembro as primeiras 30 prazas do programa Bolsas Europa FP­Proxecto Acoreuropa IV, que permitirá que 50 titulados de ciclos medios de FP poidan facer prácticas de tres meses de duración en empresas de Reino Unido, Irlanda, Italia, Austria, Portugal e Polonia. A …

OFERTA TODOCONSOLAS: 10% DE DESCUENTO EN PRODUCTOS HUEWEI DE SEGUNDA MANO

OFERTA TODOCONSOLAS: 10% DE DESCUENTO EN PRODUCTOS HUEWEI DE SEGUNDA MANO

Recent Articles:

O Concello organiza o sábado un dispositivo especial de seguridade e tráfico para o desfile de Entroido, que partirá da avenida da Habana

febrero 9, 2018 coruna No Comments

O Concello ten xa preparado o dispositivo de cara ao desfile de Entroido, previsto para este sábado día 10, con saída na avenida da Habana e peche na praza de María Pita, e que modificará lixeiramente o seu percorrido para garantir a seguridade e reducir ao mínimo posible as afeccións de tráfico. As carrozas e comparsas, que percorrerán un traxecto de 1,9 quilómetros, sairán ás 17.30 horas de avenida da Habana, pasarán pola rúa Rubine, a praza de Pontevedra, San Andrés e Santa Catalina até desembocar no Cantón Pequeno. Dende alí continuarán polo Cantón Grande e a avenida da Mariña para finalizar na praza de María Pita, como se acordou hoxe na reunión de Seguridade Cidadá que ultima o dispositivo. Con estas modificacións, o Concello garante que os autobuses de transporte metropolitano non teñan que modificar o seu itinerario oficial, xa que poderán acceder ata a praza de Pontevedra, que manterá un carril aberto ata Juana de Vega. Así mesmo, porase en marcha un dispositivo de seguridade e asistencia, que estará dispoñible ao longo do percorrido, e que contará con efectivos da Policía Local, bombeiros, protección civil e sanitarios.

O percorrido do desfile conlevará alteracións no transporte público urbano e o peche ao tráfico das rúas polas que circulen carrozas e comparsas, mais iranse reabrindo segundo avance a comitiva e o público vaia abandoando a calzada. O acceso á avenida da Habana estará cortado entre as 14.30 e as 18.30 horas para facilitar o comezo do desfile e estará prohibido estacionar vehículos desde pola mañá, ás 08.00 horas, até as 18.30 horas na rúa, así como na zona de estacionamento situada diante da piscina municipal de Riazor. A Policía Local recomenda non utilizar o coche a partir de las 17.00 horas, pero en caso de que sexa necesario, indica que os desprazamentos no centro da cidade deberán facerse polo Paseo Marítimo e utilizando os túneles de María Pita e o Parrote. Para dirixirse cara a Monte Alto dende a avenida de Fisterra ou á rúa Federico Tapia será preciso seguir a ruta pola rúa Fonseca para, a continuación, seguir polo túnel de Juana de Vega e saír por Regidor Somoza.

Zonas acotadas e pulseiras identificativas

Seguindo a liña do Concello iniciada na Cabalgata de Reis de favorecer que toda a veciñanza poida desfrutar dos actos nos espazos públicos, instalaranse catro puntos acoutados ao longo do percorrido para as persoas con problemas de mobilidade. Estarán situados na praza de Pontevedra, no Cantón Grande á altura da Fundación Pedro Barrié de la Maza, diante da Subdelegación do Goberno na avenida da Mariña e na praza de María Pita. Outras das iniciativas municipais que se consolida no desfile de carrozas e comparsas é a das pulseiras identificativas para os e as menores de idade, nas que as súas persoas a cargo poden indicar nome e teléfono de contacto en caso de perda. P ódense recoller de forma gratuíta nunha vintena de localizacións como a Oficina de Turismo de María Pita, o quiosco da praza de Ourense, o Centro Municipal de Información Xuvenil, o Espazo de Iniciativas Xuvenís, o Centro de Información a Mulleres (CIM) e no Centro de Orientación Familiar (COF), así como en 14 centros cívicos dos barrios da cidade.

O Concello afonda na mellora do espazo público da Agra do Orzán coa reurbanización de Liaño Flores, “que renovará a zona, ampliará o arborado e a fará máis accesible”

febrero 8, 2018 coruna No Comments

O alcalde da Coruña, Xulio Ferreiro, e o concelleiro de Rexeneración Urbana, Xiao Varela, visitaron  distintas zonas da Agra do Orzán, de cara a revisar as obras xa realizadas e as que se atopan próximas a súa finalización no barrio, así como comentar coa veciñanza as vindeiras actuacións, entre as que destaca a reurbanización da rúa Alcalde Liaño Flores, proxecto que xa está redactado e aprobado, pendente de licitación, e que consiste na renovación da pavimentación, tanto da rúa como da calzada. Segundo explicou o concelleiro Varela, esta actuación “non só comporta a renovación de superficies e mobiliario urbano”, senón que, “máis alá diso, e mediante un reaxuste de medidas, a intención do goberno local é transformar esta rúa nun pequeno bulevar arborado con bancos, nunha zona especialmente densa”. Cun orzamento máximo de 339.000 euros e un prazo de execución de tres meses, entre os axustes previstos, destaca a ampliación da beirarrúa no treito que comprende equipamentos e centros escolares (Escola Infantil Municipal e Instituto Agra do Orzán). “Esta intervención está proxectada en consonancia ao traballo que estamos a desenvolver dende o Concello para que as contornas dos centros escolares conten con espazos amplos de espera e socialización para a comunidade educativa”, comentou. A obra tamén prevé que a presenza vexetal na rúa aumente de forma notable, “algo que nos permitirá levar espazos verdes ao interior da Agra, zona especialmente densa que contrasta neste aspecto cos espazos abertos da zona do Ágora”. Ademais das árbores xa existentes, plantaranse 12 novos exemplares.

Debido ao cambio de posición dos bordos das beirarrúas, está previsto que se constrúan novos sumidoiros. As accións na rede de pluviais tamén incluirán a recollida das correspondentes baixantes que transcorren polas fachadas, “algo que será especialmente beneficioso, tendo en conta que existen inmobles que aínda están sen conectar á rede municipal e que vertían directamente sobre a beirarrúa”. Por último, e do mesmo modo que o resto de actuacións municipais en espazo urbano que comporte unha reurbanización, aproveitarase para executar canalizacións municipais de telecomunicacións e alumeado. … Leer más

O alcalde trasladará mañá á Consellería de Sanidade as tres propostas que ofrece o goberno local para a ubicación da nova área de saúde no centro da cidade

febrero 8, 2018 coruna No Comments

O Concello da Coruña presentará hoxe nunha xuntanza coa Consellería de Sanidade tres posibles ubicacións para a construción do novo centro de saúde que dará servicio ao entorno do centro da cidade. Ademais das xa coñecidas polo Servizo Galego de Saúde, no equipamento contiguo ao mercado de Santa Lucía e no Paseo das Pontes, a representación municipal, encabezada polo alcalde, Xulio Ferreiro, ofrecerá unha nova opción, na rúa da Falperra. Trátase dunha parcela regular duns 600 metros cadrados, a menos de 200 metros lineais do actual centro de saúde da rúa Federico Tapia e no mesmo barrio que o mercado de Santa Lucía, polo tanto, “moi próxima á area na que o Sergas considera que hai máis densidade de poboación que precisa dun novo equipamento sanitario”, indica o alcalde. O Concello xa facilitou esta semana á Xunta o informe de cualificación urbanística da parcela para o seu estudo. “Acudir a unha reunión con tres propostas distintas de ubicación dá mostra, non só da vontade de diálogo deste goberno local co resto de administracións, senón tamén do noso compromiso para que esta zona, especialmente densa da cidade, conte coa cobertura sanitaria que precisa, e iso, sen deixar de lado o noso compromiso co mercado de Santa Lucía, non só entendido como zona de venta de produtos frescos, senón como espazo de revitalización do barrio”, apuntou, á vez que puxo en valor “o traballo realizado polos distintos servizos municipais e polos departamentos de Rexeneración Urbana e Emprego e Economía Social para chegar a unha reunión non só con unha, senón con tres opcións distintas para dar resposta ás demandas da cidadanía”.

O goberno local destaca desta nova posibilidade de ubicación, situada no bordo do barrio da Falperra, as súas posibilidades de integración ambiental grazas a unha parte traseira orientada ao sur e que conta cun espazo axardinado. A accesibilidade á hipotética ubicación do centro de saúde nesta rúa é directa -ao mesmo nivel- na metade alta do barrio, mentres que a conexión coas zonas máis baixas vén garantida polo servizo de escaleiras mecánicas da rúa Maestro Clavé. Este percorrido conecta ademais coas principais paradas de transporte urbano na contorna. O alcalde considera que esta opción de ubicación “é a que cumpre de maneira máis satisfactoria o obxectivo de dotar á veciñanza de Santa Lucía e a Falperra dun novo centro de saúde” e así o transmitirá na xuntanza fixada para mañá co titular da Consellería de Sanidade, Jesús Vázquez Almuíña, e que se celebrará nos edificios administrativos de San Caetano, en Compostela.

… Leer más

José Manuel Sande presenta a décima edición do medio maratón Coruña21, “que afondará na aposta por perpetuar a imaxe dunha cidade emblematicamente deportiva”

febrero 8, 2018 coruna No Comments

As rúas da Coruña acollerán, o vindeiro 18 de febreiro, a décima edición do medio maratón Coruña21, a primeira das grandes probas de atletismo promovidas polo Concello da tempada. O edil de Culturas, Deporte e Coñecemento, José Manuel Sande, presentou esta mañá as novidades da carreira, considerada pola Real Federación Española de Atletismo (RFEA) “como unha das quince mellores probas da distancia”. “Coruña21 é a confirmación da aposta por unha distancia que gaña adeptos, e que tamén é a antesala, xunto á carreira nocturna da Torre de Hércules do circuíto Coruña Corre, da gran proba do ano, o Maratón Atlántica, que se celebrará o vindeiro 15 de abril”, sinalou Sande.

“Este medio maratón, ao igual que Coruña42, son citas que reforzan a vertente deportiva e saudable dunha cidade eminentemente aberta ao deporte, que sabe combinar as probas populares co nivel profesional, e no que o atletismo sempre está situado na primeira liña”, explicou o concelleiro, quen sinalou que estas carreiras “son tamén un dos activos turísticos do municipio”. “Probas como a C10, C21 ou C42, ou mesmo o Gran Premio de Marcha dos Cantóns, favorecen o fluxo de visitantes a unha cidade emblematicamente deportiva”, aseverou. Ademais, o Concello apostará, un ano máis, pola inclusión e integración deportiva a través de Coruña21 coa bonificación do 50% na inscrición ao colectivo de persoas desempregadas, maiores de 65 anos ou posuidoras do Carné Xove, e coa apertura da participación á deportistas con diversidade funcional que conten con handbike ou cadeiras de rodas homologadas por IPC Athletics, “unha iniciativa que concorda, precisamente, con esa vertente saudable da actividade deportiva e a idea dunha cidade de proximidade, que corre con toda a cidadanía”, afirmou o concelleiro. … Leer más

O concelleiro de Culturas presenta a tempada escénica do Fórum Metropolitano, que incidirá no papel da muller como protagonista

febrero 7, 2018 coruna No Comments

A Concellería de Culturas, Deporte e Coñecemento presentou a tempada de primavera do ciclo Sen Numerar, a aposta polo teatro de proximidade dentro da programación municipal de artes escénicas, e que conta, como é habitual, con oferta en horario lectivo para estudantes de secundaria e bacharelato dos centros educativos da cidade. Nesta ocasión, o ciclo que se desenvolve no Fórum Metropolitano contará con diversos espectáculos que terán, tal e como sinalou José Manuel Sande, “a mulleres significativas como protagonistas”, dando así cumprimento ao compromiso subscrito polo goberno local o ano pasado co programa Tempadas de Igualdade, polo que o Concello ten en conta, na súa programación escénica, a perspectiva de xénero, ademais de acadar os obxectivos recollidos na Lei Orgánica para a Igualdade. Así, Sen Numerar, que comezará o vindeiro 24 de febreiro, achegará á cidadanía a vida de mulleres como Emilia Pardo Bazán, “autora suficientemente consolidada e recoñecida entre a veciñanza”, Frida Kahlo ou María Casares, “unha das figuras máis relevantes da interpretación europea”, segundo apuntou Sande, nunha presentación na que tamén se avanzou a programación do ciclo Ilusiooóhn!, a serie de espectáculos nados da fusión de distintas disciplinas artísticas e que acollerá desde o 3 de marzo, como é habitual, o Centro Ágora.

Sen Numerar comezará coa representación de Política Sentimental. Un encontro necesario entre María Casares e Albert Camus , que pon de manifesto a relación mantida a nivel persoal e profesional entre ambos, a raíz da publicación da correspondencia entre a intérprete e o autor, dúas das personalidades máis relevantes do panorama cultural francés nos anos 40. A obra, interpretada por Sabela Hermida e Germán Torres, representarase o vindeiro día 24, ás 21.00 horas –como é habitual na programación deste ciclo– no Fórum Metropolitano. … Leer más

ENCUESTA SEMANAL

¿Te gusta la nueva web?

Cargando ... Cargando ...