coruna 21/03/2020

EUROSTARS ATLANTICO CORUÑA se acoge a un supuesto ERTE “que deja a los trabajadores fuera de las ayudas por el COVID-19”

by Victor Lamela

Informa CCOO en su web:

  • Galena Hotels “Eurostars Atlántico da Coruña” promoveu un ERTE antes do período de Estado de Alarma o pasado 14 de marzo.
  • Desde a representación de CCOO solicitáronse varias medidas para paliar os efectos deste ERTE, entre elas:
    • O cambio a ERTE de Forza Maior, para que o persoal puidese acollerse ás medidas do RD 8-2020, que beneficia coas súas condicións e de forma substancial ás persoas afectadas por un ERTE con motivo do COVID-19.
    • Un complemento salarial para que a empresa abonase a diferenza entre o que se cobra como prestación do desemprego e a nómina de cada traballador.

A empresa negouse a aceptar ningunha destas medidas e decidiu seguir adiante cun ERTE que non só non recolle ningunha das melloras aprobadas polo goberno para o persoal, senón que ademais renuncia á subvención que podería recibir no pago de cotizacións dos traballadores e traballadoras do hotel.

É incomprensible esta actitude, cando ademais e de forma especialmente gravosa, impide o cobro de prestacións por parte de calquera traballador do hotel que non teña cotización suficiente e que quedaba amparado para poder facelo polo Real Decreto do Goberno.

Desde CCOO cremos que Galena Hotels “Eurostars Atlántico da Coruña”, aínda está a tempo de rectificar esta medida, pechar o ERTE actual e promover un novo en base ás causas de forza maior con motivo do COVID-19 e se non o fai, é porque entre as súas prioridades desde logo non parece que estea preocuparse polo seu persoaL e a situación en que quedan comparativamente coas doutras empresas que ante esta situación tan grave, optaron por esta medida que mellora substancialmente as condicións que sufrirán por culpa do COVID-19.

A %d blogueros les gusta esto: