coruna 22/11/2020

O concello abriu o novo aparcadoiro público en Casablanca

by Victor Lamela

A alcaldesa, Inés Rey, anunciou que xa está aberto o aparcadoiro público de Casablanca. O concello, dixo, finalizou esta semana as obras para habilitar na parcela municipal situada no barrio dos Castros un aparcadoiro que dispón de aproximadamente 120 novas prazas de estacionamento. Os traballos consistiron en explanar e valar a parcela, así como en dotala de iluminación.

A alcaldesa sinalou que con esta actuación se dotará a zona dunha bolsa de aparcamento exterior ao barrio que servirá como estacionamento disuasorio e para que a veciñanza poida aparcar pola noite, algo que xa viña realizando nesta zona na rúa de acceso ao novo aparcadoiro, pero que agora se fará con medidas de seguridade. Unha actuación, lembrou a alcaldesa, que responde a unha petición da Asociación de veciños Oza-Gaiteira-Os Castros e que aumentará a capacidade de estacionamento no barrio e mellorará a mobilidade da zona ao apostar polo transporte público.

Neste senso, a alcaldesa apuntou que desde a Concellería de Mobilidade se está estudando a posibilidade de achegar a parada de bus situada na rotonda de Casablanca a unha localización máis próxima ao aparcadoiro para que, deste xeito, as veciñas e os veciños poidan utilizar o bus urbano para se trasladaren ao centro da cidade e así evitaren tantos desprazamentos en coche particular.

A %d blogueros les gusta esto: